—類投稿

#NSS個人 [GUEST] *長文慎入 大家好，自我介紹返先，小妹今年中一(準備升中二),讀Band one學校(唔係想攀比啲咩純粹交代背景)。 好似係由form one下學期開始，喺無形之中我好似俾咗好多壓力自己，而我係不自知嘅。嗰陣時就係差唔多要考試，咁我都好似平時咁開始溫書啦，一開始都冇乜嘢，但係去到臨考嗰幾日我嘅情緒就開始有少少失控(試過散散吓步然後返到屋企之後爆喊，但係嗰陣時完全唔知點解，因為本身屋企人比嘅壓力都唔係好大）。咁當初我都好自然咁認為純粹係緊張所以先會有啲壓力姐。其實我自問我今次嘅考試都真係投放咗好多心力，正所謂一分耕耘一分收穫，但係今次考試失準咗少少，對自己都有啲失望。我以為考完個試就一天都光晒，咁之前爆喊嗰幾次都冇乜嘢啦。但係之後就要籌備我嘅小提琴考試，呢個就係惡夢嘅開始。 本身自己唔係真係好有音樂天份，但係學小提琴都學咗好多年，不過始終對自己冇乜信心，總之就成日都覺得我拉得好差(阿媽都有讚過我一兩句so idk)。回應返啱啱講嘅嘢，呢排就要準備考試。第一次練琴爆喊嘅時候係我練練下琴拉極都拉唔到句句子，跟住我就諗住冷靜下，坐低咗係地下度然後無啦啦開始爆喊，仲要係停唔到嗰隻。自從嗰一次之後我就一發不可收拾，由本身一個禮拜喊一兩次變到依家每日練琴就每日都喊。最恐怖嘅係，喊嘅時候會好嬲自己點解拉極都拉唔到，將啲琴書同埋其他立雜野抌晒落地下，再坐喺地下度慢慢等自己喊完冷靜，攞返起部琴繼續練。依家每日都要練琴，所以基本上每日都會喊（除咗學琴嘅時候）。有時坐喺度都會喊，會覺得自己真係好廢，明明乜嘢都冇做就喺度喊。喊嘅時候就會呢埋喺廁所度強迫自己唔好喊，真係覺得自己好玻璃心。有時仲會想自殘，不過基於我冇呢個膽量，所以都冇咁做過。 老實講我唔係太清楚自己發生啲咩事，而我亦唔知自己使唔使搵心理醫生傾兩句。究竟我發生啲咩事，真係同以前好唔一樣，有冇人可以話俾我聽😢 (身邊嘅朋友都覺得我係一個樂觀嘅人，連老師都係咁講…所以情緒崩潰呢樣嘢真係意料之外。加上以往成績都唔係話特別好，父母俾自己嘅壓力都唔大，所以「好大壓力」呢四個字好似唔會出現係我身上咁。當佢嚟到嘅時候都唔係好識應對 😞多謝你哋睇到呢度，祝你地生活愉快) Sor for 1999 求admin po ig🙏🏻

#NSS個人 [Guest] 小妹今年f.3，細個嗰陣勁唔鍾意音樂，主要老竇迫埋曬我去嗰啲樂器班，迫我練，搞到我好反感，，，但係而家身邊嘅人帶我認識音樂，享受佢，所以我而家都有學翻笛。 但由於我屋企其實一直都唔富裕（住公屋），當我話要學翻笛嗰時，我媽已經盲盲緊咁俾咗我6000/1年。可能已經算平，但係係我屋企已經算係一大筆錢，覺得阿媽咁辛苦咁養我俾我學樂器已經好幸運。 最近好想學鋼琴，因為覺得好好聽，身邊都好多人學。但係最普通嘅鋼琴到成20000，一堂都超級貴，我屋企一定承擔唔起。。本來想去琴室自學，但一個鐘到70蚊，我一星期零用250包埋早餐hhh其實根本冇錢學，加上我都過咗學琴最佳時期，覺得自己可能都學唔好，感覺超痛苦。所以我覺得可以試下同人補習，但係呢又唔知可唔可以… 真係想知道如果你哋唔夠錢洗會點賺… Sorry for 1999

#NSS社會 [Guest] 我想搵一個人: 20/7 (星期二) 喺 Festival Walk戲院出面嘅 coffee shop 大約 5:30個陣，你著Tommy polo tee幫人補緊chem, 我坐係你正對面，走嘅時候我太趕，似乎唔小心整到你or推跌咗你杯嘢飲?? 但淨係匆匆講左聲sorry…當時我實在太慌亂，所以我唔知仲有無令你有任何損失, I am so sorry!😭 如果你睇到呢個Post, 可以tg搵翻我@erehsidyov 🙇🏻‍♀️

#NSS個人 [好戇鳩嘅學校] 其實聽或者睇得多真係煩㗎 相信大家都好鍾意mirror 咁小妹今年f4, 個人對佢哋係無感甚至係有啲反感 ,我個人係對明星藝人呢啲嘢完全唔感興趣, 身邊啲同齡人都會討論 ,甚至乎我身邊都有啲非常之冇腦嘅粉絲, 唔止係同齡人會講， 甚至乎老師上堂都會講， 首先唔講老師將呢樣嘢搬上去課堂講係咪正確先， 你打開個電視開手機你都可以見到佢哋， 我明白支持香港本地藝人係一件好事 但係而家好似變咗唔鍾意佢哋係一件好奇怪嘅事一樣, 甚至乎有一次喺堂上面討論緊佢哋嗰陣時候 個老師過嚟問我你點樣睇，我只係表達咗話我對呢件事無咁或者係有少少反感之後 佢當咗我係異類， 之後再去進行一啲排斥或者啲語言攻擊。 其實每個人都有自己唔同嘅喜好， 點解我淨係話我對佢哋無感甚至有少少反感之後佢哋要用語言去攻擊我甚至排斥我呢， 係咪真係必需要個個人都鍾意佢哋? 純粹抱怨 唔好鬧我🙏 sorry

#NSS學業 [荒山野嶺的學校] Admin post plz 我科音樂因為音樂老師亂咁比分，搞到我唔合格，我係上堂時條咁答問題，結果我個平時分仲低過D上堂瞓覺，傾偈，唔帶書。條八婆上完堂仲好興同班主任投訴，有時都唔明間學校咁鍾意請埋D 小學雞老師，有時候仲自大到死，b1 學校咁又點啫，又唔最top 嗰幾間，淨係識話學生廢，唔通我同你講港島某名校收咗我ar🙄

#NSS個人 [GUEST] 大家好呀阻大家少少時間睇呢篇文 小妹我小學嘅時候係一個好樂觀嘅人好talkative亦都幾humorous 但係升咗上中學之後我好多嘢都變咗 我發覺我成日都喺人哋面前扮開心同假笑 成日講好多好無聊嘅嘢自己都覺得係廢話 但係如果人哋鍾意嘅話會成日講取悅人哋 我成日都去為咗嗰啲朋友同佢哋有話題 成日逼自己去睇佢哋鍾意嘅嘢 即使自己覺得冇興趣 成日為咗覆message唔溫書唔做功課 成績亦都比以前差咗好多 甚至會為咗朋友而同屋企人嗌交 我依家真係好後悔 自己點解會咁樣做 朋友話我嘅初衷比以前變咗好多 我亦都係一個好在意人哋感受嘅人 打機嘅時候我哋未齊人 跟住我就去咗睇動漫 嗰陣時通話緊 我就同朋友講話齊人就叫我 佢哋嗰陣時有話好跟住我睇得太入神 之後我發覺佢哋一早自己喺度打緊 於是我就較靜音聽佢哋講嘢

#NSS愛情 [[guest]] 話說 小弟出年年中就要移民去英國 喺我知道依件事之前就已經同女朋友告白咗，而家拍緊拖 想問下喺剩低嘅時間，可以一齊點創造啲難忘嘅回憶？ Sor for 1999

#NSS學業 [GUEST] 我而家form 5準備升form 6 原本讀3科electives 想問下如果drop一科淨係讀6科會有咩影響？

#NSS學業 [GUEST] 我以前真係冇諗過讀書真係咁重要。 我小學同中學都係全中,粵語教學，我以為全港都係咁。後尾到中三，聽同學講學校係band 3，先有banding概念(當時老師話係band 1尾,band 2頭，其實係band 2中)。 不過我覺得間間學校都係咁教架啦，有分別咩？所以當時冇乜感覺，亦都理解唔到d同學咁大壓力做乜，好似前世冇考過試咁。 直到最近我先發現原來香港大部分同級中學都5係全中，通常band 3先係全中文教學，又發現原來自己覺得好深嘅英文字，對小學生黎講係好簡單。我開始明白點解佢地咁焦慮…雖然唔係全英，但有英文語景總比沒有好，單係呢樣已經輸人九千條街。 而且有d好現實嘅人一聽到你校名，態度都好唔同。之前參加過表弟嘅中一家長講座，到提問環節個陣，有位家長問:「請問中學會唔會有校車接送？」點知個副校竟然話「只有有公主/王子病嘅小朋友先需要校車接送，佢地宜家係中學生應該要識得自己搭車番學。」串完個個家長個小朋友有病之後仲串埋個家長，鬧佢地係怪獸家長，仲叫其他家長唔好學佢地。 呢件事簡直刷新左我嘅認知，我都係第一次見到咁嘅情況，聽講被人串嘅家長個小朋友黎至好差嘅學校，佢向校長投訴，個校長一聽到校名即刻唔理佢。 之後聽表弟講，話考分班試嘅時候，個副校長同佢地講入唔到精英班嘅都係廢柴。 Btw因為表弟係一間唔錯嘅小學出黎，d老師對佢地十分之有禮貌。但同時我深切感受到自己嘅處境有幾惡劣，我開始羨慕佢有肯為佢前途著想嘅父母，我讀嘅幼稚園同小學都係因為近而讀，小四嘅時候開始，我就自己一個人處理所有野，包括升中。當時我唔知有派位呢樣野，但我想讀其他中學，但父母話派位好多野搞，好麻煩，所以係通告揀左直升。當時我冇乜所謂，但宜家覺得自己已經輸左，呢隻game已經玩唔落去。 尤其是成個家族得自己一個唔係讀band 1學校，得自己嘅父母完全唔關心子女嘅前途…..之前聚餐(疫情前)個個父母都話自己個仔/女入左咩咩名校，問我父母嘅時候，佢地仲笑笑口咁答人地，完全唔知人地響度攀比緊，人地聽完校名即刻唔理佢，佢仲響度撘傘r水吹，真係好肉酸。 有次我攞全級第一，我爸將獎狀po左上fb，d人竟然係恭喜另一個親戚嘅小朋友(佢讀band 1)，明明張獎狀有我名，仲叫我好好向佢學習…. 所以…大家努力d讀書，否則被人睇唔起嘅時候，你都反駁唔到人地。唔知大家有冇睇過三流人生，雖然唔會好似主角咁有大團圓結局，但會好似佢地咁俾人睇唔起。

#NSS學業 [GUEST] 麻煩admin po ig ！！！ 想問下各位有咩方法可以令英文變高分？ 小妹今年f3係band2中文學校，除左英文堂就唔會用英文。所以f1之後英文總分就冇及格過😢 reading係重災區。我地學校reading部分係兩篇閱讀＋小小grammar。閱讀如果好彩就及格到。但grammar就超級差。基本上只係啱3,4條。 listening以前f1,2及格過之後就冇及格過。part a都有試過及格。但part b就完全唔知點做，淨係識得抄資料 ，仲要抄到九唔搭八。。 writing雖然唔係好高分但係都可以及格。 知道自己基礎好差，想係呢個暑假提升自己嘅英文水平。宜家有逼住自己一日睇一套英文電影，寫低d字背。 想知道各位係點樣令英文高分？我唔想冇大學讀😞 麻煩大家比小小建議我🙏🙏🙏 sor for 1999