—類投稿

#NSS社會 [guest] 香港人可唔可以守維返香港 作為00後，見到10後日日都係普通話，簡體字，抖音 真係唔知有咩可以講（其實大家唔好覺得00後細😰最大既00年已經22歲，09年都已經13歲。90年代既人既野 我地都聽過食過見過） 其實慢慢大家都講緊大陸用語只係你地唔知 1.手機❌電話✅ 2.富二代❌二世祖✅ 3.素質❌質素✅ 4.視頻❌影片，video✅ 實在太多，未能盡錄 仲有好多香港獨有既語言，好多好多大家都已經唔識。廣東話同繁體字係由古代沿用至今，但係依家用廣東話或者繁體既地方已經唔多，大家應該努力咁去守護返佢地

#NSS學校 [WYCHK] 我今年係個form2學生，讀男校，就有個現象想同大家分享下。 我本人嘅性取向係正常嘅，都係鐘意女仔，係呢兩年入面見到嘅仔多不勝數，因為全校都係仔la，簡中有幾個我真心覺得係幾靚仔，無任何不正當或者歪曲嘅思想，我個班入面都有個係幾靚仔嘅，我唔知呢種感覺係靠咩去斷定。 咁我自認為我唔會轉軚，但係個個同學比人一種奇怪嘅感覺，或者可能因為佢斯文？我想問下各位男仔有無咁嘅事發生係身邊 ⊙_⊙

#NSS學業 [GUEST] 依家F1覺得自己好廢成績好差 小妹細個起就唔係啲咩讀書人 之前成績都麻麻(全級7X人我排大概40咁) 小學係讀一間好普通中文學校 舊年就好好彩入左一間band1英文中學 咁一開始梗係好開心啦 不過自己都知自己事 到後尾自己就完全跟唔上 特別係我小學就已經超憎數學 呢次考試自己個排名都好低 我都唔知自己會唔會留班 如果有叔叔阿姨/哥哥姐姐都係類似我咁 可摸以同我分享下要點樣做~

#NSS個人 [guest] 唔知大家有冇容貌焦慮？ 成日都好冇自信，好驚人覺得自己唔靚，望住塊鏡都會喺度諗點解自己咁樣衰。 我日日都會因為呢個問題搞到自己好唔開心。有時難得有返啲自信嗰陣，一聽到人話「你咁樣衰」，唔理係咪講笑都好，都會好唔開心。 Sorry for 1999 唔該admin

#NSS愛情 [Guest] Sor for 1999 有咩講得唔好嘅希望各位手下留情🙏🏻Thx admin 是咁的 小妹之前係暑假(大概8月)join activity鍾意咗個男仔 我哋都係f5 自問自己樣唔算差 佢水瓶座, 幾靚仔 而我啲frd都知道我鍾意個男仔 我之後都好想搵佢傾偈但驚佢嫌我煩 之後有幾次搵到機會同佢傾到陣偈 但次次都淨係一句起兩句止 其實之前有諗過要放棄但係又放唔低… 我同佢已經差唔多半年冇任何interaction,呢排難得有機會同佢講返幾句 佢一開始都同我有傾有講,幾熱情 佢都成日like我IG story 但過咗幾日又變到忽冷忽熱咁 聽啲frd講水瓶座都成日忽冷忽熱好難追

#NSS個人 [Guest] 大家好！小妹今年14歲，最近好鍾意睇日本某球類運動嘅比賽 (講出嚟實比人認到)，於是就睇咗好多埸波，不過評述同埋球員賽後訪問都冇字幕翻譯，我好想聽得明，於是想學日文。 我想學日文嘅原因的確係比較幼稚，不過我知自己會有恆心一直學，而且多一個興趣都幾好，我唔打算喺dse考日文，始終學校本身已經要求讀3科electives (M1/M2另計)，我只係諗住當興趣咁學。我喺圖書館開返之後會去借本日文初階嚟睇，而家都有睇片學日文，想問自學日文嘅大家有冇啲學日文嘅tips？唔該晒！ Sorry for 1999 唔該admin 🙂

#NSS學校 [GUEST] 希望admin post 唔該🙏🏻 Hi，我想講講我間小學嘅副校謝某某，佢有啲行為我同我啲frd都唔係幾鐘意。 首先，我同我兩個frd(a，b)小五嗰陣都玩一款遊戲，b就成日課金送嘢俾我同a，我同a冇揸住支槍迫佢送嘅，係b自願嘅。但有一日放學呢位副校突然喺好多同學面前罵我同a又唔講原因，最後先知原來b係偷偷用佢屋企人嘅信用卡課金，佢家長就投訴我地。我之後同我屋企人講成件事嘅真相，然後我地一齊去學校同老師講番，但老師都冇理，最終我賠左300蚊俾b，屋企人叫我唔好再追究。 仲有，呢位副校本身只係一位訓導老師，但佢一直擦校長鞋博升職，最終逼走兩位副校。而且曾經網上傳過佢係藍絲，一直都以藍絲嘅角度教我地。 第三，佢小六教我地常識，有一次我嘅常識考試卷唔見左同佢講，但佢竟然話唔係好重要，叫我算。然而我上常識堂嗰陣佢投影，我清清楚楚見到我份卷喺佢啲文件夾入面，我就諗住落堂同佢講番。點知做緊小組活動嗰陣，佢行過黎俾番我，同我講：「都叫你小心啲保管你啲嘢啦，原來喺同學嗰度。」 Sor for 1999

#NSS家庭 [Guest ] 大家好，小妹第一次投稿。大家多多包容🙇‍♀️ 我阿嫲十幾年前嚟在屋企湊我，都搬左入嚟住。 由幾年前開始，我阿爸好唔鍾意我阿嫲，因為我阿嫲成日做啲好乞人憎嘅嘢，例如：睇唔起人，成晚霸住個電視，1-2件杉都開洗衣機 等等。咁我阿爸有同佢傾過，但係佢依然唔理我阿爸。然後我阿爸開始唔鍾意佢。另外，佢成日話呢間屋唔係佢，佢無需出一分一毫。所以就算佢整爛啲野，佢都唔會買返，佢整爛過電視機，電熱水壺等，全部自己整爛咗之後，唔出聲，等我地發現。仲有佢成日嫌三嫌四，嫌我阿媽煮飯難食，嫌我地唔俾貴嘢佢食，嫌我哋屋企有啲傢俬舊。由於佢嫌三嫌四同埋冇衛生意識，咁我阿爸就唔鍾意佢，會黑面，有時會同阿媽嘈。搞到屋企變晒，其實只要佢搬走，我屋企就會回復正常。有暗示過俾佢聽，但係佢都係賴死唔走。所以想問下各位有咩好方法🙏🏻 Sorry for 1999🙏🏻

#NSS文化 [HLC] 睇到有人系投稿講到《聖經》字句嘅問題，覺得都幾有趣下，同大家分享下哩方面嘅原因。 （提前Sor for 1999） 首先，當我哋尋根問底地去搵宗教因咩而嚟，就會發現其實宗教係由於人類的力量無法阻止爭執產生，因此需要一個比人類更高次元的調停者出現，而神作為的絕對權力者就出面扮演該角色。 聽落去係咪好奇怪，但係當我哋仔細捻下人類係自然狀態下嘅天然排外性導致的不互信，從而需要一種價值觀將「惡」綁定於「罪」，「善」綁定於「樂」，藉著相互遵守此價值觀規範，去保證產生共通的信賴基礎，宗教便因此而來。 [1]所以《聖經》有如今看來無法理解的句子，有如「《以弗所書6：5》你們作僕人的，要懼怕戰兢，用誠實的心聽從你們肉身的主人，好像聽從基督一般」考慮到當時時代局限性，哩句作為指導性句子出現系《聖經》於當時嚟講唔係唔合理嘅。 其二，在現代社會中，法律和宗教並沒有甚麼關連，這是政教分離的其中一個基石。 但在中世紀的社會中，法律是實現聖潔的過程中不可或缺的。 舉一個實例：《聖經利未記第十八章》中提到各種近親不能交合的律例，中世紀的法律即因此不容許近親結婚。 [2] 而教會及世俗政權的綁定更加深了此層關係，自西羅馬帝國滅亡後，各種依據《聖經》編輯的教會法於歐洲開枝散葉，成為《萬民法》的一部分。 所以當我哋今次回望《聖經》內容時，不時會發覺聖經字眼似法律多過似傳教都唔奇，畢竟曾經的法系是以《聖經》為標準編輯。 最後，寫咗一大堆野，都係想講宗教並不是至善的代表，「正人用邪法，邪法亦是正；邪人用正法，正法亦是邪」，當宗教作為一種高於凡間萬物的規例，便沒有絕對的「好」與「壞」，既然匝加利亞選擇以教會為丕平附以政權合法性，胡斯亦能以選擇聖經否定教宗一切權威，閔采爾更能選擇通過否認教廷的權威及《聖經》的絕對權威以改革宗教。 一切的宗教只係為人為意志而服務，而宗教作為法律（即那些聖經字句）束縛你我的思想，成為一條鎖鏈的時代就讓他永遠止步在中世紀罷。 再次Sor for 1999 參考資料 [1]宇山卓榮著 週芷到譯《神的經濟學信仰 經濟發展背後看不見的手》第一章 [2]雷競業著《追尋基督王國：中世紀教會政治，學術與靈命的演變》第三章

#NSS個人 [想鬧嗰啲成日出支持LGBT post嘅人] 其實認真講句，人哋根本就唔care你支唔支持，你真係支持嘅話你咪係個心入邊支持囉，唔使爭住出post搞到全世界都知道你係聖人囉… 我鄭重警誡一下嗰啲諗住出LGBT post嘅人，我見到一個我喺個評論區度鬧一個