—類投稿

#NSS學業 [GUEST] 麻煩admin po ig ！！！ 想問下各位有咩方法可以令英文變高分？ 小妹今年f3係band2中文學校，除左英文堂就唔會用英文。所以f1之後英文總分就冇及格過😢 reading係重災區。我地學校reading部分係兩篇閱讀＋小小grammar。閱讀如果好彩就及格到。但grammar就超級差。基本上只係啱3,4條。 listening以前f1,2及格過之後就冇及格過。part a都有試過及格。但part b就完全唔知點做，淨係識得抄資料 ，仲要抄到九唔搭八。。 writing雖然唔係好高分但係都可以及格。 知道自己基礎好差，想係呢個暑假提升自己嘅英文水平。宜家有逼住自己一日睇一套英文電影，寫低d字背。 想知道各位係點樣令英文高分？我唔想冇大學讀😞 麻煩大家比小小建議我🙏🙏🙏 sor for 1999

#NSS家庭 [Kan ] 我做人為咩？係為咗做機械人定係一個有用嘅人？小弟成績唔係太好，我自己話要留班，阿媽話打好個底上中四，屋企有細佬，自從2020完咗之後，我哋冇姐姐幫手，要自己做，唔係問題，但係屋企就有兩隻豬，成日叫我做野，阿爸有脾氣問題，最小嘅事搵我出氣，已經7個月啦，細佬過住衣來伸手，飯來張口嘅生活，基本上係王子，多得佢唔自律，害我冇電腦打，小弟係有溫書先玩，阿媽話佢返到屋企有一個鐘玩，已經一個星期無電腦玩，阿媽不停搬龍門，可以做咩，世上每件事都係對我不利

#NSS學業 [Guest] 小妹今年升中五 想搵英文補習社 希望可以幫補下paper 3 paper 1 有冇咩好推介？ 有冇人補過dseenglish?（港大法律個間）我之前係IG見到，補得好唔好？ 唔該po上IG 感激不盡🙏🏻

#NSS個人 [Guest] 小弟今年升form2 性慾好大 每日最少打兩次 請問我點樣先可以解決呢個問題

#NSS家庭 [Guest ] 我而家每一日大部份既時間都好唔開心好嬲，全部都係因為我阿媽。佢既脾氣差到冇人有，成日少少事就鬧我或者我細佬。佢好鍾意講粗口鬧我哋，但係唔比我哋講粗口。佢成日一癲就叫我跳樓，咁當然我係唔會跳㗎啦睬佢至奇。每次我溫書嗰陣佢都會係咁大叫鬧我細佬，雖然我唔知佢係咪特登，但係真係好影響我溫書。佢每日都係咁樣，雖然佢有時都對我哋好好，好溫柔，但係真係好影響我哋全家既心情，搞到我阿爸成日唉氣，我壓力好大，我甚至有一次嬲到拎起咗把鉸剪想插佢，好彩最後撳住咗自己。順帶一提我打緊呢篇野既時候佢都一直鬧緊我😅

#NSS家庭 [guest] 有冇人老豆係痴撚線 件事嘅起源就係咁樣囉 我出街咪用直發夾卷劉海 然後我用完咪熄咗佢 然後放返好佢 屌然後我老竇一出到嚟 打鳩我一巴 原地傻眼左 話我用完唔熄喎 我唔知佢係唔係唔識睇 但係反正個直發夾開住會有紅燈 我熄之前都有檢查係唔係真係熄左 佢堅持話我冇熄 然後攞個直髮夾辣我隻手 常識都知直髮夾唔會一下就變返常溫啦 真係speechless 純發洩sorry for1999

#NSS個人 [Guest] 呢個世界上會唔會有一種無痛自殺既方法。

#NSS其他 [Guest] 我同我個friend不嬲都唔係太鍾意Mirror，得閒又講吓Mirror啲人是非咁，但係自從大叔的愛好受歡迎，我個friend就去咗睇，我講佢哋是非佢又會幫住佢哋咁，之後仲用咗兩三日就煲完男排女將，仲猛咁推薦我去睇，咁我就講笑話佢鍾意Mirror，得閒或者吹緊水嗰陣時又講吓笑咁囉，就話佢愛上咗Mirror，雖然我知道佢應該都唔會鍾意，因為佢講過佢一定都唔會鍾意Mirror任何一個人。 咁我今日就無意中喺Instagram都見到原來佢follow咗某一位成員，我就ss咗然後同佢講吓笑話原來佢真係鍾意，點知佢今次真係堅係嬲，仲好似話要同我絕交。(佢應該唔知我喺度講緊笑，以為我係認真) 咁其實每個人意見都唔同，一定有啲嘢你鍾意而我唔鍾意，其實鍾意Mirror真係冇嘢喎，依家都好多人鍾意。 依家同佢講嘢淨係已讀不回或者睇都唔睇，應該可以點氹番佢，唔想一世都冇friend做。 我知道我個friend平時都鍾意睇呢啲post，如果你睇咗呢個post，你應該會知道入面嗰個”friend”係講緊你，就求吓你原諒我囉，最多我以後唔講話你鍾意Mirror囉(除非你叫我講嘅話我先講)。 Sorry for 1999 如果我唔小心得罪咗任何Mirror嘅fans，我喺度講聲唔好意思，因為我真係冇惡意😥

#NSS個人 [GUEST] Halo admins pls po ig🙏 是咁的 小妹今年年尾就13 係小六升中一嘅 我有一個幾friend嘅朋友 喺之前因為發現我哋追同一個團 所以先開始變熟 呢排我同佢都有約出嚟玩 但係有一個問題 就係我同佢身高差唔多 都係156 157左右 甚至佢比我高啲 但係佢43kg左右 而我就接近65kg 佢個樣算幾靚 學業方面又勁 差唔多年年都考全級第一 佢仲要參加好多課外活動

#NSS其他 [guest] 小弟今年13歲，覺得自己迷上咗一個男演員 我平時都會睇吓電視劇，上網睇吓劇咁，通常都只係娛樂下自己，冇乜留意啲演員，直到最近睇咗一套劇，覺得入邊個男主角好型，啲戲好好，跟住就上YouTube睇佢啲訪問，而家每逢見到佢有訪問/廣告，都會去睇，每次睇都會覺得好開心 我以前從來未試過有呢種感覺 (小弟未拍過拖，冇鍾意過女仔)，亦都成日理解唔到點解班入邊有啲同學會去追星，花好多錢買嗰啲明星嘅周邊/代言產品，咁我又未去到呢個地步，呢個男演員冇出周邊，佢有代言一啲產品但係我都冇買過，我只會喺YouTube睇佢啲訪問同埋不停睇佢拍嘅劇，花嘅時間又唔算好多，睇嚟我都算係比較理智嘅fans 我想問吓大家，以我嘅情況，會唔會影響到讀書/平時嘅課外活動？(小弟係排球同跳繩校隊)