#NSS家庭 [GUEST] 唔知大家有冇個老豆好似咁？ 系咁的，咁我老豆就好似同其他人嘅老豆好唔同。就例如我老豆會教我講粗口，平時同我傾計個陣都會一路爆粗（佢尤其中意問候我老母(´-﹏-`；)）；同埋我老豆極其中意惡作劇！！成日趁我癱系梳化玩電話個陣特登行來我面前放屁（對住面放啊啊啊啊QAQ）；仲有就係佢真係！好！中意！趁我訓覺個陣！！！攞走！我攬住嘅公仔！！！！！搞到我睡眠質量直線下降！！！！！（因為我有個習慣就係一定要攬住公仔訓覺，如果唔係會訓唔好TAT）雖然呢啲野真係好小事，我忍下都算數，就當呢啲系日常嘅親子活動咁過。但系我真係有一樣野頂佢唔順，就係 佢每日！都要問我！幾時會再有天竺鼠車車睇！！ 咁大家都知今年年頭天竺鼠車車呢套番就開播啦，我某次睇緊嘅時候就唔小心引起左我老豆嘅注意，於是自此之後每逢天竺鼠車車一更新我就會同老豆一齊睇。但系後尾天竺鼠車車播完之後就冇啦，而我老豆都系keep住每日問我一次“以後係咪真係冇天竺鼠車車睇啦？”。呢個時候我肯定系答冇嗮架！但我老豆好似唔記得我講過咁每日都keep住問我一次(´；ω；｀)我究竟要點先可以stop呢個死循環啊QVQ（呢個情況持續左有兩個月啦嗚嗚嗚嗚 多謝admin出po( ；∀；)
#NSS愛情 [GUEST] 是咁的，嗰日我女朋友飲醉咗我帶咗佢返屋企，乜都冇發生過，啲frd反而笑我廢。 話說嗰日女朋友同佢成班姊妹聚會，聚會完咗佢啲姊妹就call我去接佢。去到之後扶咗佢上的士就帶咗佢返屋企，雖然佢飲醉酒又真係幾得意，呆下呆下坐喺度，但係我真係乜都冇做㗎。咁我就叫佢去沖涼，沖完涼佢就瞓咗。咁雖然佢係我女朋友，但係我又覺得唔可以乘虛而入㗎嘛，於是我就乖乖地走返出去瞓沙發。 第日就有兄弟約食飯，問晒發生咗啲咩。（佢啲姊妹同我啲兄弟都係frd）就話琴晚神助攻，想知搞掂未。我聽完先知原來佢哋琴晚特登隊林我女朋友，然後再打電話俾我叫我去接佢。 咁於是我就同佢哋話乜都冇發生，佢哋又覺得我扮晒嘢。一開始講極都唔信，後來先知真係冇發生啲乜，佢哋又喺度話我廢，係咪唔得。咁我真係覺得喺女朋友飲醉嘅情況下唔好咁好啊嘛。定係其實係男人就會抵擋唔住誘惑？唔通真係我有問題？
#NSS愛情 [Guest] 我鍾意咗個老師 小妹而家升f4 就喺揀科呢年 我發現自己鍾意咗其中一個教我嘅男老師 佢f1已經有教過我 但係嗰陣對佢都冇咩feel 今年f3佢又教我 到second term開始覺得佢雖然已經20尾 同我相差12年 但成日都好cute 好似小朋友咁😵💫同埋其實佢諗野好成熟 喺揀科方面我成日都去問佢意見 有時會傾下其他野 雖然我會覺得好似阻到佢咁 但佢都話覺得冇野 幫到我就好🥴我知我同佢唔會有可能 不過如果下年唔揀佢嗰科 就好難再見到佢 所以就算佢教嗰科我冇特別大嘅興趣 連能力都只係喺中上 我最後都係揀咗佢嗰科 擺咗喺first
#NSS其他 [Guest] Admin please post ig thx 關於亂倫個post，我思考左好耐.. 小妹今年17，女朋友16，因為我地阿爸阿媽好熟，一路都一齊玩，算係青梅竹馬。 講番點解關亂倫事，我外公同佢阿爸係兄弟，我外公係大哥，佢阿爸係最細嗰個。 按輩份，佢算係我表姑姐（idk la），我同佢又係唔係亂倫？ 按之前大家好似覺得亂倫最大影響係bb（唔係嘅話sorry），les又生唔到。 但係我覺得道德上好對唔住雙方家長，一開始同我阿爸講，佢都有啲反對，其中一個原因係我同女朋友有血緣關係。 雖然宜家我阿爸都支持我哋，但係我自己明白點解阿爸會反對，我唔知我哋係唔係亂倫，我自己都有啲亂。 想問下各位巴打絲打，你哋點覺得？ Sorry for 1999🙇♀️🙇♀️🙇♀️
#NSS家庭 [[GUEST]] 我未見過人咁厚面皮。 – 講返少少背景先,呢個所謂嘅”舅母”已經係我舅父嘅ex,而我舅父宜家都已經有女朋友 – 呢個”舅母”係由我幼稚園k2,k3左右已經同咗我舅父一齊但係佢地喺我六年班嘅時候就分左手啦 (大概2020啱啱開始左右 咁咁啱嗰陣時又撞正咗疫情,佢返唔到上去大陸就喺我婆婆屋企住左一排,住咗幾個月佢先上翻去。 – 咁我都以為成件事會完啦但係點知好戲在後頭。暑假嘅時候佢又返咗嚟住話呢邊搵工容易啲喎,有一日佢話太熱想過去我舅父間有冷氣嘅房度訓,我婆婆唔同意就唔知點解同佢鬧咗交。”舅母”唔服氣就一野拉咗門口塊簾落嚟之後就入咗去間房度訓 – 到第二朝咩都冇講過就出門口翻工,咁時關我婆婆都年紀大啦唔可以擒上擒落變相佢要等我放學翻嚟先可以幫佢掛翻個廉上去,咁我以為佢同咗我婆婆道咗歉 點知佢返咗大陸都過咗幾個月先至喺個微信度講唔好意思…算 唔同佢計(但係因為呢件事我從此對佢改觀 – 前幾日我婆婆話佢暑假要翻嚟住,我心諗:大佬,你同我舅父都分咗手好耐啦 都已經算係一個外人,仲要翻嚟白食白住？？(佢有用嗰啲嘢全部都無俾錢 包括水電煤最基本)真係一個人到底有幾厚臉皮先可以再翻嚟白食白住？ – Sorry for小長文&1999 求admin post&thx