20/07/2021 05:14
#NSS個人 [GUEST] 小妹而家中一升中二 ，唔知咩衫先啱我。 第一次投稿，唔該diu得細力啲。 之前考完試同同學出街，見到佢哋著嗰啲短衫 ，短裙 ，露曬啲線條出嚟， 我就一件普通t恤、鬆身褲，感覺好唔夾， 但係又覺得佢哋著得好inappropriate，因為我覺得我哋仲好細，唔應該著得咁暴露。 但係平日著住啲咁嘅衫，企埋喺佢哋側邊又覺得自己好跟唔上潮流。 小 會媽覺得咁樣太暴露, 所以我成日自己偷偷哋去買衫。 各位有咩意見 ，我淨係想知究竟一個12歲嘅女仔應該著啲咩衫。應唔應該著嗰啲貼身、短衫 、短裙同boot。 第一次投稿，sry for 1999:) And thanks admin.
#NSS愛情 [guest] 大家好，篇投稿唔長如果可以既話求求大家可以比少少意見我，小妹喺感情上好迷惘，但冇乜朋友可以講 我有迴避型人格障礙。我同我男朋友都係初戀，佢同我表白之前，我一直都係當佢好朋友，佢條件非常好有唔少人鐘意，我係絕對配唔上，純粹欣賞佢。一個月前佢話想同我一齊，我當時覺得可笑，叫佢諗清楚，佢有好多更好既選擇，但佢非常堅定，於是就抱住試下既心態答應咗佢，因為我覺得佢了解我更多既話一定會離開我，如果唔係就當自己中頭獎啦 一齊之後，佢對我非常好，好關心我，幾乎每一刻都要知道我做緊乜，但正正因為呢一點，令我好大壓力，我需要大量既私人空間，佢同我相反，佢每一次搵我我都好想逃避，我努力改變自己配合佢，但我做唔到，我好少主動去搵佢，令佢覺得我唔需要佢。我開始意識到當初答應佢呢個決定係有幾自私，佢對我既愛係認真，佢為我付出好多，但我卻連佢唯一想要既嘢都比唔到佢，我覺得好對佢唔住。 我唔知可以點做，好似無論點我都會傷害到佢。我可能呢世都唔會再遇到一個咁既人，但可惜我唔配喺佢身邊
#NSS家庭 [GUEST] 沒有媽媽的孩子真係慘 小妹今年13歲，係一間基督教學校。媽媽成日偏心姊姊，我一直以來都覺得媽媽對我很嚴格。爸爸成日飲酒，在地盤上班，每天回來就是發脾氣，發酒瘋，把杯子砸在地上。 在我12歲的時候，學校身體檢查需要拿出生證明和出生紀錄。我在櫃檯裡面發現只有我姊姊的出生證明，沒有我的，我就覺得我好似不是親生女兒。之後我問一些街坊，我媽媽在08年有沒有大肚肚。她們都說在08年時候媽媽沒大肚肚，所以就知道我不是親生了。爸爸是我親生的。 媽媽經常對我呼呼喝喝，姊姊有點心吃，我沒有。她平時有好多漂亮衣服，我只有一些舊衣服。我平時生病想去看醫生，而且還罵我。過年也是沒有一些新衣服穿。爸爸又不幫我，覺得我好煩。 最近姊姊老是戴了個男朋友回家，她說：家裡原本就小，你不如去外面吃？ 在冬至，年三十晚，過年，我都自己一個在M記吃飯。 好寂寞好孤單。 我生日和姊姊特別近，媽媽經常把我生日和她的生日一起慶祝，實際上就是她生日，沒有我的生日。 我老是在想，為什麼別人女兒有媽媽，我沒有。為什麼同學都可以向媽媽撒嬌，買玩具，而我沒有。我到底前世做錯了什麼？我為什麼要受這種罪？點解人啲咁幸福，我咁慘。 我和我班主任講過，佢仲話：你不聽話，你媽媽當然不愛你啦，你聽話一些啦！ 無人幫我
#NSS學校 [GUEST] 係我太敏感？ 由細都大，我都唔care我既身材，我冇乜curve, 亦都唔係好靚女，但係呢啲我都冇理過，我個人覺得，呢啲嘢天生就係咁，有咩必要介意咁多？即使我啲女仔friend有時講下笑，叫我做飛機場，「太平公主」,我都冇乜特別感覺。 但係呢排發生左一件事，令到我好唔舒服。 話說呢排我有學校活動要搞，所以就着左一條連身裙，條裙雖然有啲deep V, 但係其實有幾個女老師都覺冇問題，亦都好多人讚我着得好睇，所以我就冇乜點介意。唯獨是我搞完個活動之後，換返條校裙同我班friend 影相，有個識左幾年既男仔fd (下稱A) 望住我係到笑，話我係「太平紳士」(即係笑我冇胸)，然後佢隔離啲男仔fd都係都偷笑。我嗰下真係好尷尬，之後好勉強咁跟住笑，講「我以後都唔會着條裙出街」，然後A就話「咁咪啱囉」，同佢班fd 繼續笑。 我其實介懷左件事成日，明明我咁認真咁manage 緊個event，但係原來到最後人地留意既，就係我個胸？但係我平時都比女仔fd 笑慣，有時連我自己都會笑埋一份，點解今次我會咁唔舒服？定係我太過敏感？