—類投稿

#NSS學校 [GUEST] 係我太敏感？ 由細都大，我都唔care我既身材，我冇乜curve, 亦都唔係好靚女，但係呢啲我都冇理過，我個人覺得，呢啲嘢天生就係咁，有咩必要介意咁多？即使我啲女仔friend有時講下笑，叫我做飛機場，「太平公主」,我都冇乜特別感覺。 但係呢排發生左一件事，令到我好唔舒服。 話說呢排我有學校活動要搞，所以就着左一條連身裙，條裙雖然有啲deep V, 但係其實有幾個女老師都覺冇問題，亦都好多人讚我着得好睇，所以我就冇乜點介意。唯獨是我搞完個活動之後，換返條校裙同我班friend 影相，有個識左幾年既男仔fd (下稱A) 望住我係到笑，話我係「太平紳士」(即係笑我冇胸)，然後佢隔離啲男仔fd都係都偷笑。我嗰下真係好尷尬，之後好勉強咁跟住笑，講「我以後都唔會着條裙出街」，然後A就話「咁咪啱囉」，同佢班fd 繼續笑。 我其實介懷左件事成日，明明我咁認真咁manage 緊個event，但係原來到最後人地留意既，就係我個胸？但係我平時都比女仔fd 笑慣，有時連我自己都會笑埋一份，點解今次我會咁唔舒服？定係我太過敏感？

#NSS個人 [黃與藍] 大家會點樣判斷一個人藍定黃？ 我本人睇viutv，係鏡粉，唔鐘意tvb，但係趕時間會寫少量簡體字，用iPhone，打字用速成，唔用抖音/小紅書，識嘅朋友有黃絲同藍絲，廣東歌普通話英文都聽，唔會因為一個人黃定藍而排擠其他人。自我定位係政治冷感 咁我係黃定藍？

#NSS個人 [guest] admin po ig pls D人成日話我adhd加時生應該要扣番分 想講呢句其實好唔尊重lor🙂 笑我冇問題，但呢啲on9問題唔該經下個腦先再問。 總之好似你唔舒服坐優先座然後有個阿婆行過嚟叫你死開嘅感覺。 冇問題洗加時咩，冇病洗坐低咩， 未痛過就話人弱不禁風，唔該唔好咁串嘴啦

#NSS個人 [GUEST ] 我要分享一下自己嘅邊緣人日常😮‍💨 學校方面，我嘅老師基本上都唔知我叫咩名，就算佢教左我成年，係我班主任都好，放左一個假後我同佢打招呼佢都唔記得咗我係邊個☹️ 派成績表or家長日，有15分鐘時間比班主任同家長講嘢嘅，我d同學佢哋同老師講嘢嘅時間都係超過15分鐘，仲會比人催，叫佢地快d，甚至有d講到喊，但到我就係2分鐘講晒，有進步繼續努力呀，冇乜大問題😐 同學方面，我試過最勁一次係，成班得兩三個同學識我 & 記得我叫咩名，次次派簿，我都係最尾先收到，因為佢哋唔知呢個名係邊個人，佢地就會周圍問人，最弊連周圍嘅人都唔識，我就只好自己行出去攞返or 佢大大聲叫我個名搵我係邊，勁尷😖 其實我知可能係我問題，本人較為內向，而且不太搶風頭，品行良好，不壞也不好，成績也不出眾，只係一個非常普通嘅人，有咁嘅結果我都諗到🥲 我要講嘅嘢講完la～ 希望你哋唔好笑我☺️

#NSS其他 [[band3]] Post ig thx~ f3 studen Hi 我唔知自己點好，所以就黎左投稿。 喺停課嗰排就開始發現自己覺得呢個世界好唔真實，望到、掂到，明明係現實嘅嘢就好似同夢入面個感覺一樣咁，就係好唔真實。 我以為可能係因為生活模式唔同左所以感覺上會有變化，我以為當生活變返正常嘅時候就唔會再有呢種感覺，但，我錯了。 雖然而家依然係要帶口罩，但係已經唔使再用zoom上堂，康樂設施都已經開返哂，我嘅生活模式都已經慢慢變返以前咁，但明明係同以前差唔多嘅模式，我都仲係覺得好奇怪，我唔係太表達到嗰種感覺，總之就好似自己一直喺夢入面咁。合埋眼之前睇到嘅嘢同之後再開擘大眼睇到嘅嘢又係唔同感覺，有時會有種”原來我做緊呢樣嘢”or”原來我喺度”嘅感覺，好辛苦好唔好受。 我而家讀緊間band3學校，都讀得好開心，但係其實我一直都好自卑自己讀band3學校，由於我有挽開運動，所以我嘅圈子入面嘅人基本上全部都係名校仔女，我有時會唔明佢哋噏乜。 小學嗰陣個社工話我知我有讀寫障礙，本來已經唔鍾意讀書嘅我喺知道之後更加唔讀，搞到而家要追番哂之前小學學嗰d嘢，英文數學都係。而家啱啱選完科我想自己再進步d但明明有努力，但d成績追黎追去都追唔上咁，我真係對自己好失望。 因為疫情所以康樂設施都閂咗好耐，冇得練習嘅我由本來喺我嗰team叫比較好d嘅，差唔多跌到落最低，明明大家都係一齊冇得練習，我嘅退步好似特別大，明明我係鍾意嗰項運動嘅但係就偏偏冇心機咁，其實唔只係運動方面，自從覺得好唔真實之後就成個人都係咁，做乜都係冇乜心機，就算係自己鍾意做嘅嘢都係，同埋就係覺得世界好假。 直到前幾日同屋企人又因為運動而嗌交，加加埋埋上面咁多嘢我又有想死嘅念頭，可能你會話我抗壓能力差，咁可能我真係，但第一次有咁嘅念頭都已經係喺升中派位嗰陣。 不過我係冇膽自殺嘅，我亦唔想自己咁快死，但係呢個想法就成日喺我個腦到出現，好煩。 仲有我有時會無端端好躁或者想喊，會想發洩，以前我唔會傷害自己，但最近會有戒手，我覺得一條一條傷痕好有趣，望住又有d興奮咁，同埋我唔係拎戒刀戒，我係拎指甲磨出嚟，我好似幾鍾意嗰種痛嘅感覺。有時我又好想比人睇到，但又唔想有人關心我，其實我成日都覺得自己好似扮可憐咁……而想喊嗰陣又好似控制唔到自己咁。 我究竟係咩心理？ 其實我究竟發生咩事？ 其實我係咪病左？ 我真係唔知點算好，我唔想搵fd傾，因為我覺得佢哋唔會明白我或者幫到我，我又唔會同屋企人講，因為我怕，咁所以我應該點好。 – 希望大家唔好屌我寫得點點點，我表達能力係真係有問題，我都知成篇野都上文不接下理咁但都希望大家可以理解到我想表達嘅嘢😬

#NSS家庭 [GUEST] 可能你哋會話我不孝，點解可以幾年都唔同自己啊媽講嘢，但係對住我啊媽真係好辛苦。 有一日我哋因為啲小事而嘈交，本來我都想同佢講返野，但係佢之後見到我好似點都唔順眼，做錯好少野就係咁鬧同埋覺得自己永遠係啱了，X你，X你個街，人渣，垃圾，你去死啦，食屎呢啲說話呢幾年嚟已經聽過無數次，由開頭好唔開心到而家已經麻木晒。我相信大家聽到呢啲說話都唔會開心，一開始都會同佢糟，但之後已經唔想同佢嘈，廢事又起到嗌交。 雖然一齊住，但係就好似熟悉的陌生人咁，河水不犯井水，但係每次我哋一講嘢，就一定係嗌緊交。有時甚至會唸點解我會有個咁嘅啊媽，但見到佢做嘢咁辛苦又唸翻細個對我咁好，又會覺得好愧疚，但之後又聽到佢係咁鬧，又變翻唔想理佢。呢個就好似一個惡性循環咁，喺我呢幾年之間不斷出現。 雖然我同我啊媽各自同我老豆關係都唔錯，但係都冇乜真係咁幫手調停。前幾日我老母同我老豆講話同佢講一個反胃嘅笑話，又唔起我面前講，又要靜雞雞講，傻嘅都知起到話緊我，話我起人哋面前扮哂乖，見到都令人反胃。我唔知點解今次真係忍唔住同咗佢嘈，但之後又被人用粗口鬧翻轉頭。 每次見到啲朋友同佢啊媽關係咁好都唔係好開心，但係我真係頂唔順我啊媽，除咗唔同佢嘈又唔知可以點做😢 Sorry篇文有啲長，多謝你哋睇完，小妹第一次投槁，如果要屌請輕手🤏🏻 Sorry for 1999🙇🏻‍♀️ 圖Link: https://ibb.co/XCG01p1

#NSS個人 [Guest] Admin plz po IG,Plz& Thanks! 其實大家有冇被陌生人加過IG? 係咁嘅,我開IG嗰陣時,我就set咗做private,但係唔知點解會有一個陌生人加我入IG group chat。我 即刻delate咗嗰個group同埋delate我嘅個人頭像。 因為我之前係Whats App都發生過有陌生人加過我,我都係用同樣嘅方法解決。 我真係覺得好恐怖! 我應該點算好,係唔係以後都冇得用自己嘅相做頭像? 多謝大家睇到哩度! Sorry for1999!

#NSS學校 [Guest] 有個老師聽年唔做 一開始真係唔覺得佢好好 但係佢一講佢唔做我就開始感覺到佢有幾好 返學同佢影左相 但係都係好唔捨得 依家我望著張相都會好想喊😭

#NSS家庭 [詩歌舞街名校] 小弟今年中三，一直同家人存在着爭吵嘅問題 成日都因為一啲好小嘅事而搞到反晒面 阿媽本身係家庭主婦，我有陣時都會孝順下諗住幫佢做家務，但係佢每次都話我唔好搞亂個市，唔好幫倒忙 咁我都算數啦，畢竟阿媽都辛苦，都係唔好嘈住佢 我入返我間房，正當我諗住開部電腦開google classroom check吓有冇功課要交嘅時候，阿媽就即刻開我道門，話我做咩打機，我即刻話冇，「喂阿媽啊你唔好成日冤枉人啦」，我show我個mon比佢睇，佢又死都話我打機⋯成日搞到家嘈屋閉 我真係唔知點算。 admin po ig plssss sor for 1999

#NSS個人 [[GUEST]] 是咁的，相信大家都知道最近某電視臺搞咗個summer camp(當然都可能有人唔知)小妹糾結緊究竟差唔參加好…我其實都好鍾意唱歌，但同時亦好驚身邊啲人點睇我。所以參加又驚啲frd唔like我☹(因為政見問題，可能會同我unfrd之類)，唔參加又好似錯失咗一個機會咁……我唔想同班friend關係破裂，又唔想錯過呢個機會😩大家話我應該點算？究竟參加定唔參加好？