—類投稿

#NSS個人 [GUEST] 小弟今年F1升F2，我鍾意左一個女仔。（下稱A) 我覺得A好好人 份人又直 又唔會好虛偽 而且佢份人亦都好外向 而我就係一個普普通通既人 有小小肥 成績麻麻 全班2X名 但係我數學就讀得幾好 喺開學既時候 我可能係懶 好多功課都冇做 因此喺班裡面留低左一個壞印象 我後來為左拉近同學之間既關係 就開左個班group 順便加同學既電話 我地成班面都未見過既同學成日喺班group傾計傾到凌晨一兩點 直到開學之後幾日 我地去影班相 就一路行一路傾計 傾傾下覺得A份人好似幾好 個人又外向

#NSS愛情 [Pk ] 小妹兩個月之前喺網上面同左個男仔起埋左一齊,之前都識佢不過冇講過太多嘢,佢突然之間同我表白嗰陣時我有dry dry 地咁所以應承咗,拍拖唔夠一個月就鬧咗次交咁情侶鬧交都好正常(出過三次街），到咗第二個月佢突然之間有一日完全唔聽我電話完全唔理我msg,完全係消失咗咁樣,咁我咪安慰咗佢先囉,（問過原因但完全關事）照樣已讀不回,就係咁就過咗10日,我同佢講咗你以後都唔好再搵我,因為我已經直接當左分手,後尾仲比我見到你同第二個女仔喺埋一齊,不過唔緊要唔關我事,我知你有follow呢個page,如果你見到嘅話,我祝你有報應。

#NSS其他 [Guest] 我家姐唔見咗 (( ≧Д≦)( ≧Д≦)( ≧Д≦)( ≧Д≦)( ≧Д≦)( ≧Д≦)( ≧Д≦) 可唔可以還返俾我(ᗒᗩᗕ) ฅ ฅ

#NSS學校 [GUEST] 其實名氣對於學生係咪真係咁重要? 相信每一間學校嘅每一級, 都會有最出名嘅一班人, 而嗰一班人關注度亦都相當高, 做咩都會好多人留意. 我有一個好朋友, 兩三年嚟都對大家好好, 但係近呢幾個月, 佢越嚟越黐埋去最出名嗰班人, 成日借啲意一齊玩(佢同嗰班人嘅某幾個人好熟), 呢個都唔係問題, 個重點係, 佢對我越嚟越冷淡. 如果你問我有冇呷醋, 咁我當然有啦, 但係我而家個感覺主要係, 我為佢付出嘅時間同心機, 都被名氣打敗咗, 之前問佢如果嗰班人邀請佢一齊玩, 佢會唔會接受, 佢好肯定咁話唔會, 但係而家即使人哋冇邀請, 咪又係成日黐埋去.

#NSS個人 [GUEST] 想問下各位有情緒病而之後去咗睇醫生嘅朋友當初係點樣同自己父母講？ 我而家情況唔係太好但係我唔識開口 我之前講過比佢哋聽但係佢哋話我係痴線嘅，諗太多blablabla 所以麻煩各位提供下點樣嘅如嘅佢哋講我情緒有問題要去睇醫生？ 麻煩各位sorry for 1999 20210714

#NSS社會 [Guest] 長文慎入 唔好意思呀各位，本人係一位耶撚，而呢篇野係關於自己對於同性戀嘅睇法，所以大概會得罪好多人，不過始終有啲嘢想同大家表達下，要插就睇完先插啦。 首先，如果各位LGBT曾經遇過一啲歧視你哋嘅基督徒，或者聽過一啲過份嘅言論，咁我就藉呢個機會代佢哋講聲對唔住。雖然呢個唔可以成為包庇佢哋嘅藉口，但係人誰無過，部分人的確會因為自己係基督徒而自以為高人一等，唔記得自己都係一個普通人，口出狂言，所以希望大家唔好太執着於佢哋。 而係同性戀方面，對於本人黎講呢種行為係有罪嘅，睇到呢到請各位大大唔好嬲住，睇埋落去先，俾個機會我解釋下點解我唔係歧視緊LGBT(至少唔覺得有歧視)。用個例子黎講，當有人偷嘢嘅時候，你會話佢做錯嘢，但係你唔會話你歧視佢。同樣地，雖然我認為同性戀係有問題，但係除此以外我唔會對佢有其他偏見，大家都只係性向唔同嘅路人甲，而同性戀亦唔係所謂比較嚴重嘅罪。人與人之間本來就有唔同嘅價值觀，希望大家唔會因為我對同性戀有意見就話係我歧視緊人哋。如果大家只係因為意見不同而不相為謀嘅話，咁就其實唔駛再同其他人相處喇喎，大家都有唔同嘅意見。 至於點解我覺得同性戀係罪，咁就牽涉到利未記、創世記、所多瑪同埋啲咩有違上帝創造嗰啲聖經嘅立雜嘢，冇興趣喺到講經，所以容許我忽略呢part。而關於點解明明我哋可以唔理同性戀呢個議題，我哋仍然跑去插一腳落去。其一就係因為我覺得有問題啦，而其二，更加主要係因為同性戀嘅普及會影響更加多人，甚至基督徒自身嘅價值觀，羊群心理效應又好、更加大機會接收到對我黎講錯誤嘅價值觀又好，所以出於自私，我先至會出黎咁明目張膽咁反對，唔想影響咁多人。請原諒我嘅自私 最後係到同大家講幾句微見啦，大家都係人啫，唸法都一定有唔同，希望大家唔好一聽到基督徒呢三隻字就針對佢哋，基督徒亦唔好一開波就對同性戀有偏見，at least嘗試理性溝通下，消化下大家嘅唸法。一個人並唔可以用一個價值觀或者立場黎定義佢個人㗎嘛。 上述只屬個人意見，宜家想鬧就鬧啦

#NSS愛情 [Guest] 以下講嘅嘢唔係劇情，係真實發生嘅，會毀三觀，希望各位可以屌細力啲。 小妹今年16歲，有一個青梅竹馬嘅男朋友(下稱A)，同埋一個好frd嘅女同學(下稱B)。 是咁的，我哋三個都係同一間學校。因為我同B越來越熟，所以亦介紹咗A俾佢識。其實我同A好好感情，直到有次玩true or dare被逼同B kiss，我發現我對B嘅感情已經超越咗朋友。之後我就同咗B講，結果原來佢都係一樣，所以我哋就偷偷地喺埋一齊。 後來有一次上B屋企玩，意外見到一疊情書，仲要全部都係A寫俾佢。咁我梗係問淸楚B，佢話自己同A曾經係sp(喺我A拍緊拖期間)，喺我介紹前以經識，不過A突然間對佢有咗感情，佢唔想破壞我同A嘅感情，所以斷咗聯繫。B亦坦言自己對A都係有感情先會keep住啲情書，不過對我亦係完全真心。老實講，我聽緊嗰下一啲都唔嬲，甚至話係明白B嘅心情，因為雖然我同B一齊咗，但鍾意A呢件事冇變過。 所以我就約咗佢哋傾下計，冇諗過其實A都仲鍾意B，但冇諗過同我分開。A就有有一個提議，話不如我哋三個一齊拍拖。嗰陣我真係呆咗，傻下傻下就應承咗。好彩嘅係，我哋呢種「三人行」反而意外比以前更加開心，就好似同佢哋連最後一層隔膜都冇咗。 不過我最近真係有些少迷惘。首先就係呢段關係嘅奇異性。我從來未聽到身邊嘅朋友有類似經歷，社會上通常都係一對一，所以我都唔係好識定義。算唔算係開放式關係呢？但我絕對唔係來者不拒，認真我只可以係同佢哋兩個，我絕對接受唔有第三者介入我哋。其次就係未來。唔知係咪越來越接近出社會嘅時候，我有時都會諗其實其他人接唔接受到我哋呢種關係。甚至有時會諗到結婚，我絕對可以拖住佢哋兩個步入婚姻，少咗一個都唔得，但現實係唔可以咁做。我應該要點做？

#NSS個人 [GUEST]   p.s.以下內容可能令人覺得我係一個對女性抱有偏見嘅人，冇錯我係，對唔住。   本人女，我由小學到而家都中意同男玩多啲，唔係因為我想溝仔，淨係覺得咁會安心啲。   安心原因：我小一個陣同一個小三嘅男同學好friend，唔知係唔係因為我同佢太friend(應該唔會係)，所以每次小息都有班三年級女過嚟煩我，仲講埋啲好過分嘅野話我，仲會打我同踢我，我就忍受住比人欺凌嘅日子過咗半年，之後就冇再揾我(可能已經覺得無聊啦)。之後我就一直對女有偏見，正確嚟講係恐懼。  三年級嗰陣，我一直都嘗試同女仔friend啲，因為我唔想再比人欺凌，但係成日會諗起佢哋。之後有我唔想發生嘅事發生咗，就係開始有部分人搞小圈子(全女)嚟唱衰我。開頭我都唔知乜事，直到有個男fri同我講佢係某藍店聽到佢哋話我，開頭我都唔信。但係之後繼續有人同我講，連我阿婆都聽到。我唔知點算，但係我扮冇野，繼續同佢哋玩。   升左中一一陣，我已經同男嘅玩得好friend，女都有少少friends。 唔知係咪因為我嘅經歷令我對人嘅情緒變得敏感，我feel到有一個女好唔鐘意我，可能因為佢鐘嘅男成日揾我，我都唔想比人話，所以下意識遠離個男。但係個女都係唔死心，所以又開始搞小圈子。我今次真係唔知點，佢哋有八至九成都係同一間中學。我有嘗試同佢哋玩，但係好似有一道牆擋住我同佢哋溝通。   我知道我呢個post一出一定會畀人屌， 冇所謂我已經有心理準備，但係都希望有人可以教我點做。   sorry for 1999

#NSS學業 [Carmel ] 話說小弟最近有考慮過去加拿大讀書，因為我阿叔今年八月會移民去卡加利，咁我同我啊爸阿媽講，但係佢哋話今年年尾先同佢哋講，因為要等佢哋安定先，但係我就好驚Miss咗最佳timing。再加上，我父母應該唔會同我一齊去，咁我就先可以寄人籬下，又好矛盾。 小弟今年中三升中四 唔知乜嘢時候去最好？ 有冇乜嘢comment？

#NSS學校 [HJIO] 如果一個男仔細個: 朋友全是女仔 細個鐘意公主 小學話其他男仔可愛 佢係唔係gay😧 不過我最近發現有佢有改變: 朋友:男性 對女生怕羞 小D同人講野和笑 鐘意女團 常常發呆 他是否由 gay變返正常啦?😌😌 圖Link: 如果一個男仔細個: 朋友全是女仔 細個鐘意公主 小學話其他男仔可愛 佢係唔係gay😧 不過我最近發現有佢有改變: 朋友:男性 對女生怕羞 小D同人講野和笑