—類投稿

#NSS文化 [GUEST] 睇左之前一個講基督教聖經係邪教既投稿，亦見到下面好多對基督教&宗教既質疑，所以想在我有限既知識內解釋一下。 （本人係基督徒，但係閱歷經驗都唔係好足，有咩錯and問題請輕手d鬧） 首先，宗教不過係政府愚民、教會商人用黎賺錢既工具。黎點其實唔可以話錯，因為的確有人會借宗教基督教做唔好既事。但係希望大家搞清楚，黎個係人既問題，並唔係宗教本身既錯。人為左自己利益以宗教信仰作為自己既遮羞布，係錯係唔應該服從的，但係宗教本身既神、信仰本質是好的。 此外，聖經上講既野根本係邪教&自相矛盾。首先我見到評論區話上帝叫我地獻祭但係又指不可殺生。澄清一下，聖經冇講過不可殺生既規條，同時獻祭都於新約開始後結束。 而言論邪教黎樣嘢，則係因為聖經既每一句意思都唔只係表面上既意思，所以我地會有解經。前幾日中既投稿大家可以睇番再前面既經文，舉出既例子有部分係斷章取義的。經文需知道當時既背景同埋前文後理先係最後佢要傳達既意思。（大家冇耐心既話可以直接睇解經，會清楚&貼合現代情況好多。）例如十誡中講左不可殺人，意思不單止叫我地唔可以殺人，更有不可仇恨人既意思。（我閱歷完全不足，所以提出既例子都好少）希望大家真係明白經文既意思再探討，在現在為止我接受基督教信息中，暫時都係沒有類似邪教既東西。而投稿中其中一個例子，話聖經支持奴隸法既，係因為當時社會的確有奴隸黎樣嘢，亦係存在金錢買賣的。當時保羅說出咁既話係因為有個奴隸背叛左自己既主人（詳細後來我都唔知）所以先有咁既一句野。 我講既野可能都係不能夠說服人，但係希望多少係我見到既誤會中可以解釋到一二。感謝你睇到黎度。 Sor for 1999

#NSS愛情 [GUEST] 係咁嘅 我2年前鍾意一個男仔.佢異性緣好好，成日同女仔玩，我知道佢唔鍾意我，但係我真係超級鍾意佢，有試過同佢表白，雖然佢冇好直接拒絕，我都feel到佢唔鍾意我，我有試過間接問佢鍾意嘅類型，佢都係只係send咗個emoji，真係好想追到佢，有冇人我而家我追到佢？

#NSS個人 [Guest] 😭有冇人屋企人都係一樣好守舊 我係一個好鍾意動漫嘅人，有時都會買啲動漫野，唔算係成日，可能幾個月先會買一次兩次左右，而且買嘅金額都唔係好貴，$100或以下。 咁我阿媽就係一個好守舊嘅人，佢覺得動漫即係冇用嘅嘢，佢會叫呢啲做卡通片， 佢話咩唔好成日都睇咁多， 我間唔中買啲動漫嘢， 佢有會唔鍾意， 仲話呢啲係冇謂嘢😭 呢個係我嘅興趣嚟㗎嘛，佢仲會話我買呢啲嘢返嚟都係得個睇字，都冇用途😭 真係好唔鍾意佢貶低我啲興趣 🫤 – 佢一開始唔俾我買Figure 後來就唔俾我買動漫野 😭 睇來我同動漫有緣無份啦🥺😢

#NSS個人 [Guest] 小弟差一年關係唔錯嘅細佬鍾意咗我前度(佢唔知道係我前度嚟）上兩星期佢同我講佢識咗個女仔，同我講靚女又大波，一比我睇相 竟然係我前女。 我前女係一個長期都搵sp鍾意多p嘅人，嗰陣佢同我坦白想搵多條仔一齊扑，比佢求下求下接受咗，點知有一日去佢屋企一打開門見到佢比兩條仔屌緊，我諗住即刻走啦點知又有兩條大隻仔衝出嚟唔比我走，係都要我睇住。先知佢鍾意呢味…完事後即分 同細佬關平唔錯第日唔知點開口… Sor for1999

#NSS其他 [Skhsbs] 是咁的 小妹我唔小心殺死咗一隻曱甴… 啱啱去廁所屙尿見到佢我趁佢瞓緊覺，即刻運用我呢個降龍十八掌，本身諗住拍暈佢，再整啲食物畀佢食下。 但係由於我上個禮拜啱啱攞到粒腎者之石，一唔小心就太大力打死咗佢喇..我本身諗住同佢做cpr但諗到我可能又會打死佢就放棄咗 我阿媽好開心, 但我完全笑唔出.. 甚至有啲傷心！ 哦！我的曱甴，你明白我有多麼的愛你嗎？ 我每天都會故意落下一些飯給你吃.. 但你都不報恩，還死了！不是說曱甴是打不死的嗎？都是騙人的！！！！我生氣了！ 所以我依家要去食呀哥嘅雪條，薯片冷靜一下:3

#NSS個人 [guest] 小弟今年f3，我對處理朋友關係有啲問題。明明我已經計劃好晒應該點樣去同朋友溝通，但係實踐嘅時候總係會出錯，搞到我同佢哋嘅關係永遠都同我期望中嘅親密程度有出入。我想問下我到底可以點做，先可以令所有嘢都喺我預期之中發展？ sor for 1999

#NSS個人 [GUEST] 我係一個有精神病嘅中五生。抑鬱症，焦慮症，人格分裂，等等。留過班，而家嘅成績係全級墊底。我一直都有個問題，就係好常比較，接受唔到自己。最近我真係忍唔住，日諗夜諗，我好想大家比下意見我。 我自己覺得自己樣貌身材好差。身邊好多人都話其實我唔錯，但我都係成日同其他人比較。成日覺得自己唔夠瘦，個胸唔夠大，腿唔夠長。個樣又唔好睇，次次照鏡都會好自卑。雖然我呢幾個月體重急降，由57KG變到46KG。但我覺得體重唔係全部，要個身型靚先得。係條街見到靚女，會覺得唔開心。我知道我男朋友鍾意睇H漫，又係巨乳控，我又成日同班H漫女主角比較。最近我真係越來越怕，越來越不安。 我成績差，就算我好努力想去學，想去追，都好似無用。比如一題簡單嘅數學MC題目，我都要搞九個字先做到，仲係只係明左一半。睇住同班同學個個成績唔錯，我覺得自己好廢。雖然學校老師同社工成日話「盡左力就得啦，結果唔重要，起碼你有努力嘗試啊」但如努力左都得唔到結果，望下其他人，日日玩，日日出街，都可以攞到唔錯嘅成績。我日日做功課，日日溫書，嘗試追返進度，點解我都係唔得？我又再次同人比較。 我屋企係單親家庭，唔算有錢。我有個細佬，但我阿媽已經幾年無工開，呢幾年完全無收入。因為咁樣，我前排開始去打工，想自己賺自己嘅洗費，但係都係無咩幫助。最近因為屋租太貴，要搵其他地方搬。雖然我唔係我阿媽，但係見到香港嘅樓價，我都覺得阿媽好大壓力。我成日都諗，點解世界唔可以公平少少呢？我再一次同其他食得飽住得安穩嘅人比較。 可能你地會覺得，個個人都唔同，有比較係正常。其實我知，我知有比較係正常。但係我嘅呢種思想已經影響到我生活。我而家做咩都好怕，驚自己做咩都比唔上人地。怕有一日，男朋友會因為我唔夠好離我而去。怕下一年，我DSE考唔好，搞到我唔可以去我想去嘅地方留學。仲有更多，但我都係唔講啦。 大家都試過朝早係度笑，夜晚係度喊嘅感覺。收收埋埋，唔想俾人知，唔想身邊嘅人擔心。所以我先係度投稿，希望你地可以比少少建議我，點先可以令我接受到自己？因為最近我真係好辛苦。幾年前我有自殘同濫藥嘅經歷，本來已經戒左，但呢兩日真係痛苦到忍唔住，再次依賴鎮靜劑，再次界手傷害自己。 如果有人同我經歷緊差唔多嘅野，我希望你地都可以加油。我希望我地可以係呢個Post嘅留言區搵到幫助。 多謝大家睇到呢度。 多謝每一個係下面Comment比意見我嘅人。 多謝Admin幫我Post出去。

#NSS個人 [GUEST] 有個問題想請教各位靚女 到底你哋係點樣做到夏天披髮出街㗎？？？🥵 小妹最近開始嘗試化妝出街（之前化得太核突唔夠膽帶妝出街 某日出街前終於化咗個好鬼滿意嘅妝 仲順便梳咗個平時唔會整嘅髮型 諗住出去順便影張靚相 點知行咗出去冇幾耐就成頭汗 個頭炒咗之餘個妝都炒埋 堅尷尬 但當時喺街都仲係見到一堆靚女好似唔會熱咁 頭髮又冇散冇亂 汗都冇滴咁真心佩服 撇除體質問題 有冇啲咩tips拯救易出汗人士 真係好想知你哋點做到😭

#NSS個人 [GUEST] 是咁的 小弟同Ex分咗手有一段時間，其實小弟一直都放唔低 小弟同咗一個鐘意同追咗好多年女仔一齊咗 我曾經發誓佢係我第一個亦係最後一個 亦有諗過好多末來 拍拖嗰段時間又開心亦有唔開心 渡過一個有一個難關 (啲難關正常情侶係完全體驗唔到) 當然我會用開心嘅回億去掩蓋同佢唔開心嘅回憶 所以甚少會有超級down嘅時候 無論嘈交之後定點 之後都會去搵返佢嘗試解決返個問題 但係最終都係分咗手 最可笑嘅係我將佢同我分手嗰陣時講嘅嘢信以為真 話之後我哋各自忙完之後可能可以一齊返 你之後我都唔會搵下一個 我帶住呢個「謊言」渡過一日又一日，一週又一週，一月又一月～ (我知我係傻閪，唔好插住先) 其實我同佢分咗手之後都有少少時候會留意吓佢既生活順唔順利 有樣嘢好奇怪嘅係每次我無啦啦情緒極低落，佢IG都有post一啲放負嘅story(我係唔知道嘅，冇follow佢ig，有人同我講返/我問人，我知我犯賤又唔好屌住🤣)，好似有感知能力咁 但係我一有「另外一種感覺」嘅時候問返朋友，都會有一啲驚人嘅發現 就係一點又一點嘅「蛛絲馬跡」指向佢有新男朋友 (唔知點解個人就係又好似女人嘅第六感咁🤣)

#NSS愛情 [Guest] （純抱怨，唔PC, sor for 1999） === 唉， 暗戀人真係好痛苦，每一秒都好掛住佢。 我好想時時刻刻都見到佢， 好想照顧佢、守護佢，做佢背後嘅男人。 我連發夢都係佢啊陰功 … 但又好驚佢厭我煩、打擾佢…. 唉，點解我要鐘意個老師，又唔可以同佢表白…. 我真係自己攞嚟衰，明明我又唔睇MILF. 我真係要同我細佬、大腦開個三級會議 睇下佢哋幾時忍唔住開個大革命， 將我對佢嘅愛放上斷頭台。 愛情嘅endorphin真係分分鐘勁過毒品， 我懷疑我個腦都壞埋。 上帝啊，耶穌啊，打救我啦。 又表唔到白，想唔記得佢、唔鐘意佢，但自己又已經係佢嘅形狀。 遲啲返大陸真係問查良鏞之魂要本葵花寶典練， 真係好痛苦。