#NSS愛情 [guest] admin pls po ig thx! 小妹做咗一件好後悔嘅事，依家唔知點算。 我有個係課外活動識嘅小學師兄，小五果陣我已經開始鍾意佢，但係佢小學畢咗業就冇聯絡。直到上年我翻咗外國lockdown嘅時候，佢突然reply我story就開始成日傾計。去到就嚟Christmas嘅時候，佢突然同我表白話佢從小學個時候就開始鍾意我，鍾意咗幾年。之後我地就約咗出街，傾咗一陣計。一直都好好地，每日傾計，有時call下，但係佢一直冇表白。我係一個幾重視儀式感嘅人來嘅，我覺的未認真問過就未算男女朋友。佢應承咗會係new year俾我份驚喜，我就一直記住。但係果日，我set 嗮alarm想係第一個同佢講hny，佢過咗幾個鐘先復我，話佢要溫書所以果幾日唔得閒。我一開始都冇乜嘢，但係就覺得原來我對佢都唔係好重要。果排我情緒唔係好好，屋企人又突然間話可能會翻外國，佢又唔復我message，我就覺得我可能會打擾佢，將啲message unsend嗮。之後就因為怕會影響佢加埋唔想係依賴咗對方先異地戀，就打咗篇長文同佢say goodbye。 依家情緒好翻好多，屋企人又決定咗今年唔走，惗返之前就好掛住佢，好後悔果陣唔堅持多陣。依家唔知點算好。希望大家可以俾啲意見我! sor for 1999 11/7/2021
#NSS個人 [guest] 我發覺我同同學冇乜共同話題 小弟九月升f2，平時同同學喺學校同WhatsApp都幾多嘢傾，但係嗰啲只係一啲好無聊嘅話題，例如ship下人，傾邊個老師好人啲等等，我原本都以為自己融入到佢哋，但係最近我發覺自己根本同佢地冇共同話題，如果調位甚至唔同班嘅話，根本唔會再同佢地咁熟 我冇打機，冇追星，好少睇電視劇/綜藝節目，開電視都係睇新聞，當我班同學喺WhatsApp group嗰度講啲打機/mirror/電視節目 (佢哋呢排講緊大叔的愛) 嘅話題，我完全講唔到野，無論我send咩都好，都會俾佢哋當透明人，我當然知道佢哋唔係專登排斥我，只係專心傾緊個話題，但係我平時真係冇呢啲習慣，點傾呢？另外當我同同學喺WhatsApp group度傾緊啲無聊話題嘅時候，有人突然send個有關啱啱講過嗰啲主題嘅嘢，佢哋就會開始傾，然後唔理我 我為咗融入佢哋，我有試過download啲game，睇mirror/大叔的愛，但係我完全冇興趣，之後都冇再掂呢啲嘢啦 我知道每個人都有自己嘅興趣，佢哋有一樣嘅興趣，鍾意一齊傾偈係好正常嘅事，但係我都想有一個可以同我一齊傾偈嘅真心朋友，我依家過咗成年都搵唔到，我真係有啲驚到時畢業之後會冇人同我玩，點算好？ pls post ig thx all admins!!!
#NSS家庭 [GUEST] 我呀媽日日都針對我，偏心我呀哥都算。考試日日坐喺屋企溫書，張台又細又要同呀哥迫住坐，咁佢前幾日就提議去自修室。咁啱今日真係好多嘢做所以我就問佢去唔去自修室，我呀媽聽到就發晒癲話「你去邊使唔使同我講呀！唔L俾你去啊」🙄🙄。 次次日日溫書都話我hea唔做嘢，睇死我讀屎片，每次都要我即刻俾成績表佢睇，同班親戚唱衰我。咁我之前不嬲都成績一般，今次為咗唔好俾佢睇死努力咗好耐，搞到機都冇打好耐。考得唔錯一派成績表就同佢講，點知佢睇個樣知我幾開心，就借啲意唔睇，話「冇時間呀走開唔好阻L住我啦」呀屌你🙄，唔睇以後咪撚睇👍🏻。日日溫書都播啲恐怖音樂嘈L住我，又話照顧我好辛苦。我想講佢根本就冇盡呀媽嘅責任，淨係識得同返我講話唔想生我出黎，我可以點我都唔想你做我呀媽啦，我有得揀咩？日日做少少家務就發晒爛渣唔肯做，，一邊話我唔幫手，一邊又唔肯比我做，平時我想幫手入廚房洗野或者出嚟拖地都唔L俾掂佢啲野。考試忙緊就死過黎嘈住晒，學校買書同埋我自己手機都係我自己出錢買返黎，已經盡量唔求佢，自己一手一腳包辦。日日呀哥就攤L住喺張床睇手機，補習又唔認真，偏偏就俾佢繼續，我自己唔識想試下搵補習老師都唔比。我想講你咁鐘意個呀哥咪鐘意囉做乜L嘢要搞埋我，搵我做出氣袋？ Sor for 1999
#NSS學校 [［GUEST］我發現我鐘意咗一個我唔應該鐘意嘅女仔 我唔知係咪因為我追星追得太多 而嗰啲CP好甜 會令到我變咗les] 希望admin揀我啦🥺🙏🏻 是咁的，小妹係小六嘅(啱啱畢咗業，可能對於你哋嚟講好細個) 但我鐘意咗個女同學 我哋平時都有幾個女同學一齊玩 我哋都會玩得好埋、同好癲 係會攬住咁樣囉….. 但由於我係五年級下學期先同佢哋一齊玩 所以開頭唔係好接受到咁嘅身體接觸 但之後我唔知點解佢哋攬住我嘅時候好有feel (都係入番正題先) 有一日其中一個女仔玩玩下攬住我 有時都會無端端攬住我 咁我都冇乜嘢啦 (但佢唔係鐘意女仔，佢係鐘意男仔，佢鐘意一個班上嘅男仔，而嗰個男仔都鐘意佢，呢個係全班都知嘅事) 佢只係會當我哋係frd咁去玩 但講真 平時佢攬住我嘅時候 我都有輕輕咁攬住佢 令到我嗰心跳得好快 而嗰種感覺好想令我經歷多次
#NSS學業 [Guest] Hello,大家好呀！小妹F1嘅！ 其實好耐之前我哋間中學有比張紙我哋話F2已經諗住開多一科做選修，同埋我哋學校諗住F4嗰啲由有2科選修科轉三科選修科，所以想我哋適應下我自己嗰陣因為咁突然我都冇做太多嘅research,諗住都係F3,F4嘅事，我就揀咗English literature因為我本人本身係鐘意英文同文科，自己本身英文同d文科都算係拎得高分，諗住揀呢科唔會有咩事！ 點知過咗2,3日，我問d師姐，其他大過我幾年嘅人English literature 難唔難讀，個個都話好難！搞到我以家好擔心自己係咪揀錯科！唔知點算好。 想喺度問下有冇過來人可以分享下你哋自己嘅經驗🙏🏻Sorry for1999
#NSS家庭 [GUEST] 小弟首次投稿(15歲) 長 文 慎 入 某D原因，我一直都係同嫲嫲住。 我發現我嫲嫲越嚟越唔注重衛生。 1. 正常如果去完廁所，掂完食物、地下，就應該用梘液洗手。但係我嫲嫲嫌我用得太多梘液，鬧我，佢話我每次用嘅梘液份量太多(？) 大家睇下呢個post張圖，評下理: 我當時就係吱如圖中嘅份量(我唔肯定係唔係用“吱”字)，show俾我嫲嫲睇。大家覺得我用嘅份量多唔多？我嫲嫲竟然話太多！！我就好嬲同佢講:“你索性唔好用梘液啦！” 佢話:“我洗手一直唔用梘液wor” 佢呢句話，真係令我好震驚！ok,fine，佢唔用梘液洗手都算，但係都唔應該亂咁話我用得太多梘液lor。唔想乾淨嘅係佢自己。 2. 呢件事仲離譜！大家知道點解屋企會出現曱甴(指昆蟲)嗎？其中一個原因係食物，冇揾野冚(蓋)住。唔只一次啦，麵包(用膠袋裝住)要放隔夜嘅話，佢特登將裝住麵包嘅膠袋打開。我多次綁返實，但佢堅持打開膠袋，佢話係唔想D麵包變味喎(wo5)。我真係信你至奇🙂 D曱甴就係因為咁而嚟ga la。屋企入伙住先兩年啫，唔係劏房，環境唔差，但就已經出現曱甴，佢又當呢件事(曱甴)冇到，佢唔杜絕源頭，毫無衛生意識！😡 (恐怖事實，曾經出現過一隻大到你想像唔到嘅曱甴，好似係母曱甴) 之前屋企亦試過無數次因為有甜食而引螞蟻啦！ 佢食餅乾、麵包嘅時候，唔會用紙墊住ga，我同佢講食完野要清理零食碎，結果呢，佢冇做到lor(唔只一次🙄)(後來我負責清理)。哎呀，我細個嘅時候佢唔係話干 “做完野要有手尾”咩？(唔好話我唔敬老，佢先至就嚟70歲，仲好健全添，所以食完野，清理碎，應該唔太難) 最最最最離譜嘅係: 佢要我每日抹地喎(wo5)
#NSS愛情 [__/] 話說我前幾個月係網上面識左個男仔（有見過面嘅），嗰陣時可能我蠢啦，冇諗過有發展空間所以keep住係網上面識其他人，周圍同人吹水。 講下同佢點相處，係曖昧嘅。一開始嗰個幾兩個月，即係識佢嘅第一日開始每日都有call，基本上除咗佢返工之外所有時間都call緊咁濟，當然佢打機食飯都係call緊，佢會陪我打機陪我瞓覺。咁嘅相處其實真係幾sweet，唔知幾時開始我都feel到我對佢有好感，我都真係唔係幾清楚我到底係因為以前冇男仔試過咁樣對我咁定係我習慣咗佢嘅存在先至咁（利申小妹我冇乜戀愛經驗，同佢相反）。 但係耐左之後佢開始對小小嘢都好介意，的確好多時係我問題但係我feel到佢佔有慾好似越嚟越強咁。例如message耐左覆佢就成日都話我去咗搵異性（佢知我都算多異性frd)，可能因為佢之前嘅經歷？好介意任何我同其他異性嘅野，但係自從我知道自己對佢有好感之後我真係好專心同佢相處，冇再識過其他人。 之後好多時都同佢嘈，唔係幾句嗰種，而係打曬長文真係覺得到就嚟冇計傾嗰種，嘈開之後一個星期都有嘈兩三次。我有幾次話不如放棄啦唔好再辛苦大家但係佢又話唔好，我講出黎咁當然只係為鬥氣想佢話唔好。再之後有次真係嘈得好僵就斷咗聯絡咁，佢突然打俾我話好耐冇同我傾過計，但係我同佢傾下傾下嘢，就靜晒佢cut左線話算啦都冇計傾，大家就冇再搵過對方。 而斷咗聯絡之後嗰排我傻傻地咁得閒就一係睇佢ig一係睇返以前啲對話紀錄，特別夜晚嘅時候諗起佢每次都會喊，好驚冇左佢。有時見到佢凌晨仲上緊線真係好想搵佢但係又驚佢嫌我煩。我自問脾氣都幾硬頸諗住等佢搵返我啦，但一直等都係冇。就係咁同佢冇計傾左一排，到我真係忍唔住搵返佢但係發現佢對我已經冇咁在意，佢亦都講過佢唔會再好似以前咁擺咁多時間係我度，以前message秒回到依家甚至係已讀、唔會再主動搵我，覆嘅message都係得嗰幾粒字。 雖然過咗都有一段嘅時間，但我都仲係忍唔住成日偷偷地留意佢，我feel到自己應該真係鍾意左佢但係好似已經返唔到轉頭。我知佢有fol呢個page不過可能太忙都冇時間睇呢啲長文（yhf)⬅️佢。當然想佢睇到 ［如果你見到呢篇長文我真係希望可以返轉頭，我知我的確成日做錯野但係我真係會改過，希望可以變番好似以前咁🙇🏻♀️😢］ 拜托各位大大分析下係咪真係返唔到轉頭（雖然由始至終都冇確認過關係，都係話相處下），我真係未試過對一個人有咁嘅感覺，實在係放唔低佢唔知點算好，我應該點做，唔想冇咗佢。辛苦大家辛苦各位admin 🙇🏻♀️🥲 圖Link: https://ibb.co/s2X9gg8