#NSS個人 [CSS] 我成日俾人話有錢，就連同我同間學校嘅friend都咁樣講，都但係我只不過喺一個中產家庭長大。 入正題 小弟F2 14歲，住屯門青山公路某屋苑，小學讀政府資助學校，而家讀緊全港最貴直資中學一個月學費要8000幾， 由於喺將軍澳返學所以要坐校車。 我個年嘅畢業生無一個讀直資中學，所以個時以經係全级焦點。 我小學畢咗業兩年，D小學friend 到而家都話我有錢，但個事實係我有學費減免。 到而家中學，我D同學又話因為我返學放學都係坐校車所以我有錢。但係我坐校車唔係因為我有錢，而係因為我住得遠，真係有雖要坐校車。 我同屋企人去一D高級小小嘅商場例如（Times Square, Elements,K11 musea )行街睇戲食飯post 咗個story 之後又話我有錢，但係我哋係用coupons去shopping 。 之前有得去旅行個時我post 咗張機票相差，又話我有錢，但係其實我daddy Mami 都係喺國泰度做嘢，所以可以用免費機票。 到而家無得去旅行，轉左去staycation/pawcation 我post
#NSS學校 [YLMASS] Dear Jane 聖馬力諾之心風波 最近Dear Jane搞咗個學校宣傳活動，相信大家都有所聽聞，大家嘅關注點都系信義同高雷身上，而身為元朗商中一員，都想為自己學校發聲幾句。（趕時間請跳至最後一段） 事源幾日前，商中嘅post like數突然好誇張咁急升，甚至超過高雷排到第二。始料未及，每個商中同學仔都驚訝，見到同學嘅ig story好多都係度鬧買like嗰個人，我哋完全明白「買like」呢個行為系唔道德。 其實諗真少少，十幾萬個like，價值最少幾千蚊，又有邊個同學會奢侈到一擲千金？商中系政府資助學校，唔系啲乜嘢有錢仔學校，我好難想象身邊有咁壕無人性嘅同學。 再講，宜家網上亦有講法話系信義校長買like俾商中，諗住射個波走，解決危機，而的確，信義校長老婆系商中老師。但至於點解買到一半唔買，背後真相如何，我冇證據，唔敢斷言，唯有希望更多人知道呢個情況，再請各位自行定奪。 最後，我哋唔系啲乜嘢名校，最多係區內有幾分名氣，但都只不過小薯仔一個。今次無緣無故因為負面嘅消息「出名」，見到網上唔少人覺得我哋唔道德，出矛招，其實好委屈。我哋唔奢求得到演唱會機會，只希望學校聲譽唔會受此影響，望各位網民嘴下留情，祝安康。🙏
#NSS個人 [某炮台山中學] 友誼真係好化學，唔花心機維繫嘅話真係好容易會疏遠（長文慎入） 我有個老友由小學玩到而家中學畢業（下稱A)，我地一直都好好朋友，一齊去過旅行、返學、放學，做乜都一齊，我哋都係對方嘅最好朋友。 A冇乜缺點，最多都係唔係好熱情（？）我意思係次次做主動嗰個都係我，例如約出街、傾偈、送禮物等等。其實我對呢啲又冇乜所謂嘅，始終可能性格唔同。 可惜一到假期，佢都會唔知點解失蹤咗，小至星期六日，大至暑假、公眾假期等等，唔覆機、更加唔好講約出嚟玩。 我初中嘅時候會問A點解，A就話忙學業、電話冇電、電話唔見咗，屋企人唔俾等等，我初頭都會幫佢諗辦法（eg 送個尿袋俾佢、教佢點同屋企人講…）但係我慢慢先發現其實佢根本就唔係咁抽唔到身，（例如.班會有活動，佢又可以即刻出嚟玩，唔覆我但係IG 又可以po嘢一直上線等等）。所以我慢慢都明白，佢唔係唔可以陪我，而係唔想陪。 近年因為我哋分咗班，所以A開始同佢嗰班嘅幾位同學friend ，佢竟然變到好主動，主動咁約佢哋同佢哋傾偈。 有次我哋放學食嘢，A同佢嗰班同學夾埋四個人加埋我，撞正四人限聚，之後佢哋四個完全冇諗過我，一齊坐，而我自己就自己坐喺第二張枱……之後我同A講返，我因為呢件事好唔開心，之後佢就解釋：咁你同另外嗰三個唔friend吖嘛，我諗你哋都唔會想一齊坐㗎啦。 見佢同佢班朋友咁friend，而我就好似局外人咁，好傷心。但係我知道友情≠愛情，唔可以要求佢淨係同我一個玩/一定要成日陪我玩，亦都明白友情係冇得強求，所以我都唔好意思打擾佢哋。 奇怪嘅事就係，當我以為佢唔想同我玩，所以唔覆我嘅時候，佢又會無啦啦彈出嚟同我傾計，一傾就可以傾成五個鐘。（雖然呢啲事情次數唔多）咁即係代表佢仲想同我玩（？） 但係近排畢咗業，我同A冇得藉住返學嚟見面，我WhatsApp佢，佢都唔覆/hea回。所以我冇再煩住佢，佢亦一直冇搵過我。 我成日都好想打段文俾佢， 同佢講晒我啲心底話俾佢聽，但係我唔知應唔應該咁做好，因為我唔想比壓力佢，但係我真係覺得好可惜，佢就同佢啲同學越嚟越friend，同我就相反。唉～十幾年感情啊！ 如果睇到嘅你，自問冇理一個死黨好耐嘅話，快啲搵返佢啦！哪怕講得一兩句說話，對佢來講已經好心足啦！ 感謝admin幫手出post，同埋睇到呢度嘅你哋(｡･ω･｡)ﾉ 最後願各位都可以搵到你嘅一生摯友！
#NSS學校 [GUEST] Admin po ig plz 我係一個啱啱考完dse嘅f6，有啲嘢想問問讀緊u嘅哥哥姐姐們 喺成個中學生涯我都屬於比較摺，雖然唔係話完全冇參加課外活動，但係都只係得幾個，仲要唔係音樂同體育嗰啲好common嘅嘢，house嗰啲都冇咩join過。社交方面，本人性格又內向又唔知點樣同人開展一個話題傾計，有兩三個知心好友都唔算非常邊緣嘅人，但事實係咁多年有啲同學我覺得好好嘅都唔知點開始同佢哋做friend好，於是到宜家grad都有啲後悔冇早啲同嗰啲同學講多兩句。 就係因為咁，我唔想上到大學都係咁摺，唔係話要忙到飛起但都想參加多啲活動同識多啲朋友。如無意外我都應該入到香港嘅大學嘅，想問下咁多位讀緊或者讀過u嘅朋友，一個中學好摺又冇乜搞event嘅人上到u可唔可以handle到多啲課外活動？同埋點先可以好自然咁同人傾計然後做朋友？(其實有時同啲friend出去玩我都唔係好知講咩好) Sorry for 1999
#NSS個人 [GUEST] 長文，sor for 1999 小弟今年f4，眼見香港而家嘅未來，家人同都我傾緊外國留學嘅事，其實本身自己英文差，個人又唔係太敢嘗試，要放低香港所有嘢，我實在做唔到。但係我冇得揀，有得走就要走，無奈咁樣接受咗現實… 另外，唔知幾時開始感覺到其他人對我的期望越來越高，屋企人都話要諗定將來要做啲咩，做自己想做嘅嘢。但問題我連自己想做啲乜嘢，將來要讀咩都未清楚，留學嘅事加埋將來嘅前途搞到我好迷惘。 曾經小學嗰陣時識咗佢女仔，本來同佢都冇乜交往，但由小五開始，慢慢普通同學變咗做日日由朝到晚都message嘅朋友，嗰陣時開始暗戀佢，嗰陣時嘅我好想同佢表白，但冇呢個勇氣，唔想同佢淨係玩玩下，幾個月之後又分手嗰一種。可惜直到f2，我哋開始慢慢生疏，依家開始已經冇聯絡，呢幾年時間我都放唔低佢，我仲係好鍾意佢，無奈嘅係而家已經冇機會同佢講。 呢啲事都搞到我心情好沉重，壓力好大，來邊度只係想放低心情嘅「包袱」，希望大家可以俾啲建議去面對呢啲問題，Thx!