—類投稿

#NSS愛情 [Guest] 女，發現自己每次拍拖之前好鍾意嗰個男仔， 但得到之後就開始冇咁鍾意，甚至佢講嗰啲「我好愛你呀」會感到冇感甚至討厭。 應該係話我每次都會有預感佢差唔多要表白，然後就特登講啲嘢令佢表白，等佢表完白之後我就會覺得完成咗個任務咁樣。係我唔夠鍾意佢啊定係點樣？我覺得自己咁樣好衰…

#NSS社會 [GUEST] 最近有關LGBT嘅投稿越來越多，而我對呢d人亦越來越反感。 點解唔可以有「唔支持但尊重」？ #NSS220413A 樓主用雪糕同蛋糕做比喻，例如我鍾意食蛋糕，你唔鍾意，你可以叫我唔食，大家一起食雪糕，係冇問題㗎！因為你唔鍾意食蛋糕而反對我食，ok㗎，唔會因為我食蛋糕而唔理我。但樓主第二句所講嘅「因為你唔鍾意食蛋糕所以你唔可以食嘢」，係呀唔合理，但呢一句說話已經係構成左唔尊重甚至歧視，同「唔支持但尊重」無可比性。 仲有，樓主講咁多都係想要尊重啫，咁「唔支持但尊重」嘅人又係咪要尊重呢？如果世界多d尊重同包容，先會進步㗎嘛。 引用某個post嘅留言，「如果唔支持就代表唔尊重嘅話，咁你同小粉紅有咩分別。成日話唔支持LGBT嘅人落後，而家連唔支持都覺得有錯嘅你，又好先進咩？」 sor for 1999🙏

#NSS家庭 [guest] 是咁的，小弟今年16歲，遇到一個令我好困擾嘅問題 我阿媽喺我細個嘅時候已經過咗身，一直都係阿爸獨力養大我。前年過咗嚟加拿大，依家阿爸有份穩定嘅工，亦都幸運地喺公司識咗一個情投意合嘅女人，上年年尾再婚。個女人自己都有一個仔，於是我哋四個係一齊住緊嘅。 個仔，即係我阿哥啦，佢今年year2，不過大學唔遠，所以照住屋企。不過佢好似係gay，我覺得。 佢上年啱啱開始嘅時候都冇嘢嘅，但唔知係咪呢幾個月玩得熟得濟，佢由今年年頭開始慢慢同我多咗好多身體接觸。 佢一開始淨係撘下搏頭咁，冇咩嘢啦。但係慢慢撘搏頭之餘仲會向下摸手臂同背脊，仲會摸下我條腰，拍下patpat，攬下，又會喺教我功課嘅時候搞我隻手，之類。 太over啦，就算外國人係open啲，但係我好清楚不至於咁樣。我慢慢開始驚咗同佢獨處一室，特別係佢教功課嘅時候，淨係我哋喺間房真係會少不安，鬼知佢幾時會又摸我。 我阿爸阿媽佢哋就乜都唔知，佢哋覺得我哋好frd，仲成日叫阿哥幫多啲我溫書，真係死挭。而且其實阿爸放低咗件傷心事，開始依家咁幸福嘅生活，我都好替佢開心，唔想因為我一時衝動講咗件事出嚟，又破壞咗原本嘅和諧。 所以想問下我可以點私底下同阿哥好好哋傾下？ sor for 1999 外國stay耐左中文會變差

#NSS家庭 [？？？？] 有一日嘅晚上無啦啦我屋企人比我聽一段錄音，點知嗰段錄音係我send俾朋友係背後講屋企人壞話嘅錄音，跟住我就即刻問我舅父點解會有，原來係我阿媽攞咗我嘅ig帳戶，再send曬畀我舅父睇 然後好快我舅父都畀比全家人聽，然後全家都好失望點，解我可以咁忍心係佢地背後講佢哋嘅壞話 好快我都同我舅父婆婆道歉，話以後唔再講你地壞話 舅父:「我哋已經唔係屋企人，你冇對我哋唔住，係我地錯，你永遠都係啱。」 婆婆:「原來我一直養緊一個二五仔，你後唔好再同我哋講嘢。」 我知我係背後講佢地壞話係唔啱，但係有時我壓力真係好大，真係好想發洩下。 大家可唔可以教我點樣可以救返呢一段親情，我真係唔想失去屋企人😢🙏🏻

#NSS社會 [NCRSS] 本人從來都冇諗過會有失落既一日原來隨著文明社會既褪變，我地係唔會有一直有同一樣福利，好多人話對的時間對的人但我總遇到不對的人，昔日的競爭和情懷都能未變嗎？我真的有在前進地走而並非遺下在後？

#NSS社會 [guest] hi 小妹f2，大家都知道仲有差唔多一個月嘅時間，就復課啦(ftf) 我係冇打針嘅人，而政府最近又公布咗啲政策，喺度間接歧視啲冇打針嘅人，咁我都覺得好自卑，返到學校又會受着好多嘅限制。 咁我唔打針嘅原因，係我驚痛 (我係好sensitive 嘅人)，就算同啲密切接觸者有近距離接觸，我都唔會被人傳染，或者咁講，我由細到大都冇試過有任何病，我未試過發燒、咳嗽，我未試過身體有啲咩不適，我一路都好健康。 所以我覺得呢支針係唔需要。 而家未打針嘅，冇得入商場之類嘅地方，咁我買餸就喺街邊買啦，咁街邊啲人梗係好多，又冇定時消毒，啲店員又唔戴好口罩，我覺得喺呢度被感染機會仲大。 相反，喺商場，有高級自動消毒機械人，空氣流通，空間較大，啲人戴好口罩，衛生好過街邊嗰啲。(雖然而家派咗消費券，多咗好多人…) 咁本身我喺學校都叫算係「成績幾好、社交同溝通能力唔錯」嗰類人，但係返到學校嘅話，又冇得上某啲subject (PE, music…)，又要坐喺窗邊，又冇得離開課室，有冇得參加課外活動嗰啲。 而打咗針嘅人，就好似唔會得病咁，打咗針 就有多啲自由。 跟住政府又話，返學前要做快測，咁我呢個sensitive嘅人當然唔想/唔會做，就算返到學都等於無返，咁不如留喺屋企zoom，有機會上埋PE, music… 第二，快測一次都要幾十蚊，我當佢$10，我屋企有4個小朋友計埋我，咁我呢個普通家庭係負擔得起嘅，但係我絕對唔會洗啲錢係啲垃圾度。 如果真係要嘅話，一個月又要比多$1000去買快測包，我真係好嬲⋯⋯ 求下屈行政長官係個真係有心做嘅人，唔好搞到好似林鄭咁失敗。 大家黑色情人節快樂 14.4.2022 admin please

#NSS個人 [GUEST] 我平時只係有有少少潔癖，但係最近嚴重咗好多。我成日覺得周圍好污糟，掂到少少嘢就要去洗手，平時洗手同埋去完廁所洗手都洗成十幾分鐘，最誇張試過洗半個鐘。平時全日喺屋企，都洗成60、70次，有時可能更多，亦都因為咁而比屋企人鬧同詐型（因為成日霸住個廁所）。我都唔想㗎，但係我真係控制唔到我自己，我都知自己好過分，我都想停，我都洗到好攰，好想喊，但係我唔洗唔安樂。我以為我可以說服到自己唔再洗咁多手，但係我做唔到。我知道呢件只係一件小事，但係佢真係困擾咗我好耐，有冇辦法可以解決？ 最後多謝大家聽我無病呻吟:)

#NSS家庭 [Guest] 我認,我無運氣,無天賦,無才華,但有個認同自己廢嘅老豆。 小妹中一,係港島東某名校生,但係好可惜,我自幼就患上多種疾病,我有心律不正,抑鬱,大小肌肉(手腳)比平常人能力低,仲有因事患上嘅餘光恐懼症等等(已經好得七七八八),至於係咩事,唔係重點。 就係咁,身邊人會話我係厄運王,連表妹都笑我不如佢地。老豆就係個堅持贏在起跑線嘅人,自細已經迫我學鋼琴,畫畫,珠心算等,佢務求我琴棋書畫樣樣掂。 咁細個邊知道咩叫壓力,只係成日喊,但當老豆一聲「唔好喊」,我就知道要啞忍。 話我無天賦才華,無錯,由三歲學到依家十二歲,差唔多十年,鋼琴?二級幾,先啱啱買本三級考試書。畫畫?畫得唔錯,但填色衰咗,考試次次C。珠心算?小學數學都九十幾分,但去到中學七字頭,發現心算無用,就停咗,最後只係換到一個字「廢」。 阿媽唔會出聲,唔會講任何意見,所以同佢講無用。我自認無運行,小學中學都靠扣門,但老豆認為成績好係基本,其他方面都要十項全能。我曾經同佢講話想學唱歌或者beatbox,因為覺得我唯一有能力學嘅就係呢啲,加上自己好鍾意,佢就話呢啲YT都有得學啦,係有心嘅就上去睇片學,朗誦次次攞獎…我想講兩者除咗感情外,有咩關係呢? 佢甚至會迫我做劇烈運動,唔做係會體罰,其實我曾經試過心臟負荷唔到而喺學校暈咗,校方都有建議我停上體育。但老豆就係唔肯,搞到我唔止炒咗呢科,仲要拎F,真係好瘀。我明明有足夠原因停科,但係都係要照上。 我唔知點算好,唔想好似無自己選擇權咁,一係被言語搞到失落,一係體罰…可能我只係十二歲,但係真心想求意見。 Sorry for 1999 and hope admin will post thanks☺️

#NSS個人 [GUEST ] 一個尷尬既問題 大家有冇方法可以冇咁禿同埋生多d頭髮 本人係女仔亦只係十幾歲，但係已經好少頭髮and頭頂禿，每次影相都因為咁好樣衰🥲加上本來我天生頭髮就好幼，頭髮稀薄到比我阿爸話少過佢。 我試過食多d雞蛋，不時按摩，但係都好似冇用，大家有冇好既方法 （最大問題係我鍾意夜訓，而家已經改緊但係不時都會好夜 Sor for1999

#NSS個人 [GUEST 宅到咁 有冇人想要㗎] 小妹今年f1，做好多嘢已經懶懶行，份人又宅，唔係淨係匿喺屋企，係個肥宅，油到爆嗰種. 以前鍾意運動(唔勁)，呢排體育館封曬，唔想出街(好麻煩)，又唔想嘟安心，所以乖乖地留喺屋企做宅女. 但係呢排發現自己真係肥撚咗好多，又樣衰咗. 開始諗下自己有咩好，發現自己又冇性格，有冇外表，又冇內涵. 見到同年嘅，又靚，成績又好，性格又好，勁多人出咗pool，再望返自己，真係慘不忍睹. 我=樣衰過八兩金(我知係cctvb..但係我淨係諗到呢個人), 肥過多啦a夢, 又矮到爆炸(about 155,43?)(唔好睇我好似唔係好重，其實真係肥) 我唔係冇努力過，我日日喺屋企做運動同跳繩，用app睇下點樣做運動可以高啲瘦啲，早啲瞓,笑多啲，自己睇落去自信啲…….但係通通都冇卵用，呢幾個星期1mm都冇高過，1cm都冇廋過仲要肥咗… :)我已經忍口差唔多兩個月冇食過垃雜嘢, 糖水，從此我又開始頹返落去…請問有冇人都係咁?sor for1999