—類投稿

#NSS學校 [Canossa College] 作為係呢間學校啱啱畢業既中學學生，其實奉勸大家稍為成績好d就千奇唔好讀依間學校，因為師資加學生質素真心只係虛有其表，一個詞語：唔掂。

#NSS其他 [Guest] 想問吓大家對於寫書面語有咩睇法？ 因為之前見有個人寫書面語俾人話好尷 但我自己本身都係寫開書面語 但我又唔係話用大陸啲拼音 我係用台灣注音打囉 加上我平時都有睇開台灣啲綜藝同埋都有親戚係台灣人 所以我大多用慣書面語 其實你哋真係唔使見到佢用書面語就話佢係大陸人 我明白呢度係香港你哋都會想我哋用返口語 但有陣時真係打注音會方便好多 同埋大家都睇得明書面語 我覺得又冇壞嘅 唔知大家點睇？ sor for 1999我好少打口語 如果有咩錯唔好diu我🙏

#NSS個人 [GUEST] 小妹今年f2, 想知有冇人同我一樣出街衫褲得好少? 我可以着出街的t-shirt得4件，褲都係得4條。因為我啊媽係幫我買衫嗰個，佢買嘅永遠都係t-shirt+牛仔褲，就算我陪佢買都一樣，我冇得揀其他，仲要買得好少，基本上今個夏天我係4件衫輪住着，有啲衫真係好核突，但我又冇乜衫，惟有焗住着出街。其實有時真係想試下唔同類型嘅衫，唔係永遠t-shirt+牛仔褲，但又唔知點講…… 可能你哋會話不如自己買，但我父母管得好嚴，就嚟f3但我都係唔可以自己出街，零用錢都冇🥲 Sor for 1999

#NSS學校 [Guest ] 純粹想問一句… 點解大家會想見到Dear Jane 出現喺一間武館入面…

#NSS學校 [GUEST] 我俾同學杯葛。 小弟今年Form 2，因為上年考得唔好，所以今年入唔到精英班。我有好多frd都入咗同一班(即差班)。 問題就嚟啦，咁我升咗Form 2之後就好俾心機讀書，今次考到全級頭四十，有啲科仲全班第一，之後我啲frd就唔抵得我，就一齊杯葛我。 請問我可以點？但係我又唔想為咗佢哋而考差啲… Sorry for 1999🙏🏻

#NSS個人 [HKTKPC] 有冇人到而家同我一模一樣連error 同mirror 係乜嘢呢都唔知? 真心啲歌都未聽過， 唯一知道嘅error應該係姜濤and 193 lor😂😂😂 搞到好尷尬 每次有人吹mirror and error 都唔知發生緊乜嘢事

#NSS個人 [賽官(已經畢左業)] 有啲想回應一下NSS210704C嘅同學仔。 其實我嘅遭遇同你都有啲差唔多，或者係話更加嚴重，但係去到而家（中學畢業）已經好咗好多。勸奉你一句，阿媽同家姐你都冇辦法改變嘅話，咁要改變嘅就係自己嘅諗法。 我除咗對上有一個家姐，對下仲有一個細佬。阿媽係一個好專制嘅人，永遠都會覺得自己啱。而且佢好睇重錢，因為佢好細個已經出去打工養公公婆婆。 佢係一個好傳統嘅家庭入面長大，因為佢係長女需要負責曬所有嘢，亦都係畀公公婆婆打大。所以佢亦都會喐手打我，佢係會講得出「仔女就係用嚟畀阿爸阿媽打」類似嘅說話，而我係打得最嚴重嗰個。 我當然唔會同意佢嘅教育方式，我亦都覺得佢嘅思維係比較扭曲，但係我可以理解，因為佢就係喺一個咁樣嘅環境下長大。 我家姐亦都係一個讀書好叻嘅人，而我細佬就因為係男仔同埋佢細個。所以我好多時候，我唔做家務佢會鬧我，但係未必會鬧佢哋。 好好彩地我冇情緒病或者精神病，但係正正因為佢嘅教育方式同埋我細個又係小學度被人欺凌，我都係要keep住見社工同埋心理成長嗰方面都唔係話好健康。 係初中嘅時候我都有好多好似你嘅諗法，我會好想可以試唔同嘅方法去令到我同佢嘅關係好啲或者避免佢鬧我嘅情況出現。 而去到高中我開始意識到上面嘅嘢，同埋明白到即使盡曬所有辦法都改變唔到佢哋嘅時候， 我就暫時放棄咗所有去改變我哋關係嘅方法。 因為我覺得更加重要嘅係令到自己變得更好。 當然你未試過好多方法去改善你哋關係都可以繼續試下。我覺得無傷大雅嘅事情你可以繼續順佢意，但係如果係認真嘅事你要堅持。如果唔係好重要嘅事情就盡量忍下，鬧交係要避免而唔係杜絕，因為你唔可以冇咗自己嘅原則。 如果你真係試曬所有嘅方法都唔得，你就要改變自己嘅諗法。試諗下呢個人生係你嘅，如果你不停咁浪費時間去執著於佢哋咁樣對你，你只會浪費緊你人生嘅時間，唔係浪費緊佢哋嘅時間。咁倒不如放啲時間令自己變得更加好，睇多幾本書、溫多陣書或者玩下手機放鬆下，都更加有用。當你開始覺得為自己嘅未來做多一樣嘢係更加重要嘅時候，可能係預備自己搬出去或者經濟獨立……你就唔會咁執著於關係唔好呢個問題。反而溝通上就會多咗份輕鬆 ，自己睇開咗就唔會覺得呢份關係係咁緊張，亦都唔會咁辛苦。呢個係我自己嘅諗法，希望明啦🤣 帶返個頭盔先，呢一個方法唔一定個個都啱用。但係無論如何令到自己更加好、改變未來呢一個諗法 對嗰個方面都有好處🤣🤣 好似有啲太認真但係真心想幫下你🤣

#NSS愛情 [Guest] 係咁的， 小妹鐘意左一個男仔，但佢好似有啲忽冷忽熱，我唔知佢對我嘅感覺係點。 佢有野第一時間會諗起我，就算我被人無視左都好，佢永遠都會問我，仲要係第一個。（ok當我諗太多 而且佢係知我鐘意佢，因為佢好受歡迎，所以好多女仔都鐘意佢，佢都無視佢地，但係就繼續同我傾計，同我玩，有一次仲要摸我個頭（講到好撚尷 我唔知佢對我既感覺係點，大家幫我評下（？唔該曬大家🙏🏻 感謝admin大大🙏🏻🙏🏻

#NSS學校 [guest] 想問吓各位平胸有冇錯？

#NSS愛情 [GUEST] 我好鍾意撚女朋友我係咪變態 小弟有個純情女朋友佢好怕羞，因而我無論幾時都想撚下佢，喺街摸下佢佢就面紅晒，仲會拉住我隻手細細聲講翻屋企先啦，心都郁埋。 有時又會特登激下佢想睇佢嬲爆爆嘅樣，最好笑係佢成日嬲到喊，氹吓又笑翻，真係好得意。 其實係所有女仔都係咁定係佢真係好可愛，成日搞到我想蝦佢，我係咪變態黎。