#NSS家庭 [[GUEST] ] 長文🙇🏻♀️…忍唔住想抒發一吓🤧 小妹今年F1，有一個P5嘅細佬。我真係好憎我屋企人……我總係覺得自己唔係我老豆老母親生，當正我係發拽嘅工具，好想離開呢個家庭，橫掂有冇我都當我係空氣。成日偏心我細路 (唔知係咪重男輕女啦)。有時有啲friend或者同學約我出去玩呀，行街，食個飯，睇吓電影咁，都唔比我去，淨係可以透過WhatsApp動態睇吓佢哋做左啲咩，好羨慕lor，我真係好想同我老豆老母講：大佬呀！我已經F1啦，我都有自己想做嘅嘢，唔係成日困喺屋企，比你兩個控制住，等比你哋鬧。 – 我老豆郁啲就喺到罰我、鬧我，完全唔會諗吓我嘅感受lor，根本就係冇自由，成日喺度用收手機嚟威脅我，最長試過比佢收左一個月。移民左去英國之後，因為時差嘅關係，同F1啲同學少左好多傾計嘅時間，加上我而家唔使返學住，所以喺屋企無聊到一個點，變相我就會多咗時間去打機，跟住我老豆又會把鬼火鬧我一餐。近排搬左屋，我老豆決定唔裝Wi-Fi，我想知道點解，但係又驚佢話我問長問短，最後都冇追問。第二日佢無啦啦喺到串我話佢寧願比多啲錢，全家用流動數據(除左我)，都唔裝。(真係好絕) – 我老母永遠都就晒我細佬，有次當面問佢點解咁做，佢話因為細佬細過我，要多啲照顧佢，而且佢已經錫多左我三年，而家要錫返細路wor……我心諗：Cls……點樣比較到(? 我永遠都大過我細路㗎啦Sls OnL79。自問自己嘅成績比細佬好，唔明點解細佬淨係合格就有自己想要嘅禮物，而我考滿分就得個空🌚⁉️每次生日細路唔係有新電話，就係遊戲機之類，我就乜都冇…… – 而我細路呢，天生係個演員咁，扮可憐，搏同情、嫁禍比我……當初以為同老豆老母講出真相就可以冇事，所謂坦白從寬，但係我錯啦……(天真的我(-｡-;))佢哋唔單止相信左細路講嘅「真相」，仲喺度串我：「好心你啦，做個好榜樣比你細路得唔得呀？你細佬都做得你阿哥啦(好hurt💔)，成日搞屎棍，如果你有一日安安靜靜，我都真係要多謝你啦！」講到呢度，我都真係忍唔住po 上嚟😢💦 – 其實，我喺同學面前係一個開朗、活潑、正面、乜嘢都睇得開嘅女仔嚟，但係喺屋企就成日自己一個喺間房度無聲喊。我而家每次聽到開門聲都嚇L死，做每樣嘢之前都要諗吓會唔會俾佢哋鬧，所以由細到大，我都好比心機讀書，希望將來有能力養到自己，離開呢個家庭。 – 感謝睇到嚟呢到嘅你💖🙏🏻 Sor for 1999🙇🏻♀️ Thanks admins✨
#NSS愛情 [GUEST] 小妹今年f2，機緣巧合之下識咗一個同班男仔（會用機緣巧合係因為我唔會主動同男仔講嘢），咁因為開學個陣坐得幾近所以就會講吓嘢咁啦。 後來見到佢同其他女仔傾計個陣個心好似隱隱作痛咁，我就知我鍾意咗佢喇。 但係問題嚟喇，我都知我要去主動溝佢，但係一直以來，我哋每次傾計都係佢主動搵我，我亦唔係一個擅長同人講嘢既人（即係宅女），佢又好少po story，我連開始嘅契機都冇，直接表白又唔實際（自問生得普普通通，亦都唔係有錢女，直接成功冇咩可能），雖然知嘅frd都不斷叫我大膽啲去表白，但我真係冇哩個膽。 所以想問下大家，點樣追會比較可行？又或者有咩方法可以開啟話題？我冇咩拍拖經驗，希望大家可以分享下。 sor for1999 admin pls po ig thx
#NSS學業 [GUEST] 長文sorry 中三 女，依家讀緊band 1a-b ，我自己係屬於好識讀書嗰啲人，基本上唔溫書都合格，所以每次溫書都hea溫，未到考試前一日都唔溫，有陣時到考試前半個鐘先溫書，唔溫書都有全級頭30。有陣時喺度諗，我係咪咁樣就滿足？明明有能力可以考得更好，但係就唔想溫書。見到其他同學都勁用心去溫書，即使結果出嚟唔好，但係佢哋都盡力去考，問心無愧。望到自己個成績，唔差，但係每次都覺得愧疚，好似對唔住屋企人、對唔住自己。我以前啲成績都唔好，全級80左右，但係起碼有盡力，我唔會後悔。但係而家成績變好咗，但係我一啲都唔開心，望住自己好似個笑話咁。 我唔係唔想盡力，但係真係冇動力，望住部手機就一日，我開始搵唔到讀書嘅方向，我唔知讀書黎為乜，講真喺香港讀書真係好辛苦，每日面對一堆嘅功課，日日捱夜就係為咗功課，壓力真係好大。我知道讀書對自己出路有好處，可以上大學，搵到一個唔錯嘅工作，之後嘅路都冇咁辛苦。望住一沓沓嘅書，我唔想揭開本書，我開始逃避問題，逃避一個作為學生應有嘅責任。 係期末試嗰陣時，搭車嗰陣時，心口都好痛好痛，好似唞唔到氣咁，好想喊，好想死。啲人成日話而家有得讀書已經好幸福，唔好扮到成個抑鬱咁，我明㗎。唔讀書係我自己嘅錯、自己嘅問題，我知道自己要改，我真係唔知點做好，其實我都有目標，但係可能係過於遙遠，我連掂都唔敢掂。 所以想問下大家有咩解決方法，令自己有動力去溫書？或者可以鬧醒我，我知道係自己嘅問題。 篇文有啲負面，敬請原諒。
#NSS家庭 [GUEST] 小弟今年廿歲，有個小學雞老母真係好辛苦。 事源今日小弟買咗頂帽上面寫住「屌「門字入面有個小果個屌字」你老母慨漁夫帽」，幾鍾意個設計又本地牌子，咁啱想買頂就戴住返屋企。 本身放工同老豆兩個食飯，重不停有講有笑咁話：「之前都唔知個屌字咁寫lol。」 屌返到屋企，我老母見到突然雙目猙獰，話：「噢!屌你老母!」 我咪笑笑口話：「係呀，本地潮牌sell本土文化。」 之後佢就知做乜鳩，好嬲咁問我：「咁係咪寫屌你老母？」 我就唔知佢做乜撚咁話：「er……係呀，咪屌你老母囉。」 佢就大叫出黎：「唔好再買!」 我就心諗我廿歲唔係12歲喎，又唔係鬧你有咩問題？？？乜撚野？？？真係問曬號 咁我就一臉wtf問：「其實你嬲咩？」 之後佢大聲到耳都聾咁叫出黎：「唔好買!過份!」 我就好無奈咁冇理佢，咁咪唔買，同一頂帽我又唔會買兩頂，之後我到而家都唔知佢嬲咩？？？