#NSS學業 [guest] admin po is pls 好憎人地同我講adhd加時仔要扣分🌚 小姐你冇adhd冇得加時就唔好咁搞我啦，次次考試都話我應該要扣分好煩，扣曬比你好冇？ 即係咁，你今日去同一個斷手斷腳嘅人講:「你憑咩有福利。」一個道理(我唔知個比喻用得啱唔啱) 你笑我冇所謂，因為我都笑自己缺陷 但去講到人地缺陷好似咩事都冇就唔好啦 唔該話加時仔要扣分之前諗下對方有咩難處啦，我冇問題都加時咁個個都加時啦 圖Link: https://www.google.com/search?q=roll+eyes+meme&safe=active&client=ms-android-samsung-ga-rev1&prmd=inv&sxsrf=ALeKk03VY7XoJjL9zHHvm4rtCP8d_6icYg:1625328772489&source=lnms&tbm=isch&sa=X&ved=2ahUKEwip6oHBpcfxAhVH05QKHZSxCRUQ_AUoAXoECAIQAQ&biw=360&bih=649#imgrc=qj7opbqVutFD3M
#NSS個人 [GUEST] 是咁的，小妹本身就比較唔識表達自己（同人講嘢會驚到口窒窒，個腦又會停止運作，搞到嘢都講唔清又講唔出自己嘅lum法），加上一直以來都好鍾意獨來獨往，所以身邊一直都冇乜朋友，咁小息嘅時候就自然唔多同人玩啦。但係近排呢，可能係睇中呢一點，我就畀啲老師捉咗去輔導，又要我參加溝通訓練班。 我而家真係勁驚，雖然我知道我呢種個性（自卑同孤僻）唔多討好，但係都希望各位可以畀啲溝通建議我，例如同人傾計應該點開場白，同埋傾計要注意啲乜嘢之類。 無論幾mean嘅comment都ok，我都會盡力去改善(. ❛ ᴗ ❛.) Thx Sor for 1999
#NSS個人 [GUEST] 是咁的，小妹本身就比較唔識表達自己（同人講嘢會驚到口窒窒，個腦又會停止運作，搞到嘢都講唔清又講唔出自己嘅lum法），加上一直以來都好鍾意獨來獨往，所以身邊一直都冇乜朋友，咁小息嘅時候就自然唔多同人玩啦。但係近排呢，可能係睇中呢一點，我就畀啲老師捉咗去輔導，又要我參加溝通訓練班。 我而家真係勁驚，雖然我知道我呢種個性（自卑同孤僻）唔多討好，但係都希望各位可以畀啲溝通建議我，例如同人傾計應該點開場白，同埋傾計要注意啲乜嘢之類。 無論幾mean嘅comment都ok，我都會盡力去改善(. ❛ ᴗ ❛.) Thx Sor for 1999
#NSS家庭 [GUEST] 好想請求一下意見🙏🏻🙏🏻唔該大家！ 我今年中五，有一個ADHD既細佬，同佢年齡都差幾大下，起碼有十年以上。因為臨近DSE，學校有好多野做，而學業、人際等壓力都幾大下，所以當細佬喺屋企煩住我既時候就會成日發佢脾氣，甚至佢一入我間房我就即刻趕佢出去。我都知我唔應該將自己嘅脾氣發洩系佢身上面，而且佢平時既行為都唔系佢可以控制既，但係我真係控制唔到自己把火。加之佢好鍾意打我，小小野逆佢意，甚至有試過純發洩就過嚟打我，而我基本上都唔會還手，系有時控制唔到先會打返佢（不過會換嚟佢更加大力既還擊同直接咆吼我）。而且阿媽系一個容易燥底既人，又成日唔理解ADHD既小朋友系好難專心到，所以成日罵細佬「不受控制」既行為，基本上日日家嘈屋閉，甚至阿媽因為太大壓力（佢自己嘅原生家庭同時發生左啲狀況）所以會同阿爸嘈，日日聽住佢地嘈真係令我越嚟越煩燥，亦唔知系因為咩原因，我近排一返屋企就成日都會手震。 我真係好想知道，我究竟要點同我細佬相處？又要點先可以幫手緩和家庭問題？大家有冇相關嘅建議？ 多謝你睇到呢度🙏🏻sor for 1999 第一次投稿請屌細力啲
#NSS其他 [GUEST] 麻煩哂各位Admin，以下正文： （全個人意見） 覆返#NSS210703U1 你提出嘅「亂倫點解唔得」呢個問題，其實係可以被討論嘅，但我哋必須先理解同分析亂倫嘅不同方面，可引致嘅後果，以及呢啲方面同後果嘅可接受程度。 係我嘅角度嚟睇，亂倫可以分成情感上同行為上。情感上嘅亂倫，簡略啲講，其實即係親屬之間所產生嘅戀愛情感。呢種情感同親情係唔同嘅嘢。親情係講緊親屬之間嘅互相信任同依靠，所帶比你嘅係安心、被接納、安全、可放心展現自我嘅感覺；而亂倫係以個人感受為主嘅一種對他人嘅依賴、依戀、愛慕同渴望，但係呢個情況之下嘅「他人」係你嘅親屬。呢樣嘢所帶比你嘅，除咗頭先提到嘅親情可帶比你嘅嘢之外，仲加上咗愛同埋慾望。 行為上嘅亂倫呢，一句講哂：與親屬發生性行為。點解呢度冇包括嗰啲咩「與親屬行街食飯睇戲擁抱錫錫送花」之類嘅嘢呢？因為如果你唔以亂倫嘅角度嚟睇呢啲行為，其實佢哋全部都可以係因親情而作出嘅舉動（錫錫就見人見智啦，但關係好嘅/親密嘅都會做嘅），但性行為就一定唔係，所以我先抽佢出嚟講。 本人認為，情感上嘅亂倫，係可以被接受嘅，但行為上嘅亂倫則萬萬不可。係我哋自小被教育「亂倫是錯誤的」呢個概念嘅環境之下，仍然可以產生呢種情感，就證明佢（用個代名詞可以更清楚解釋）對嗰個親人嘅愛係非常、十分、極之濃烈，濃烈到超出咗道德可接受嘅範圍。既然情感上嘅亂倫並冇寫係犯法（法律只講明係發生性行為先算違法），而佢又冇越軌的話，就放佢一馬啦。但係，當佢作出咗行為上嘅亂倫嘅話，咁就不可被接受，因為佢所引致嘅後果係非常之嚴重。 行為上嘅亂倫所帶嚟嘅後果大致可分為三個：刑事責任、懷孕同家人嘅負面觀感。首先，與親人發生性行為係法律上嚟講係犯法嘅，刑罰係可判處監禁14年（如果女方嘅係16以下，13以上，則可判處男方監禁20年）。違法唔只係坐監，冇自由失自由，傷心痛心眼淚流（sor）之外，仲會留案底，對雙方嘅整個人生都有好大嘅影響。第二，萬一真係懷孕，基本上嗰BB一定唔留得，呢件事唔只係原文所講嘅「落咗佢就可以」咁簡單，而係一個生命嘅犧牲，同埋父母雙方（即亂倫雙方）嘅陰影。試諗下，若果因呢件事而要落仔/令人哋要落仔嗰個係你，你嘅心會好過咩？就算個BB係未出世，佢都係一個因你哋嘅錯誤而無辜犧牲嘅生命，難道你餘生真係可以擺脫到呢個陰影咩？當個BB真係留得低（which is我呢一世人發夢，用屎忽諗嘢，甚至痴Q咗線都唔認為會發生嘅情況，但當真係發生咗先啦），如原post留言不斷被提到嘅，係生物上，近親繁殖會造成基因缺陷，對BB有極大嘅影響。如果生咗出嚟嘅BB係有肢體或/及精神上嘅缺陷，佢嘅人生一定會十分艱難，而呢個結果正正係由你哋嘅錯誤所造成，唔通你哋又可以承受到咁大嘅負擔咩？第三，就算佢哋真係十足十楊過小龍女咁擺脫世俗框架，非對方不愛，但其他人唔係咁諗㗎嘛。其他親戚係發生性行為之前仲可以話佢哋嘅相處係親密嘅表現啫，但一米已成炊就百分百肯定係亂倫。呢個後果唔只會對屋企人造成心理上嘅極大打擊（亂倫喎，大過臭氧層個窿都不為過），仲會令佢哋係家族之中冇立身之地（試問有邊個可以接受到自己屋企人亂倫呀）。係呢啲後果之下，行為上嘅亂倫係萬萬不能嘅。 相信打咗咁多，大家都明白我對亂倫嘅睇法啦。咁就…開新topic（睇多一陣！唔會阻好耐㗎咋！各位大佬俾啲面我！） 原文就將亂倫同LGBTQ+相提並論啦，咁係我角度嚟睇呢…點得㗎？！LGBTQ+之所以會受人哋一面倒支持，係因為現代社會對LGBTQ+嘅觀感絕大部分都係歧視同反感，而佢本身係冇錯嘅；而投有關LGBTQ+稿嘅人，可以係咁多負面觀感之下企出嚟講呢件事，值得所有人鼓勵，先會受到一面倒支持。但係，亂倫係完全截然不同嘅嘢，呢件事係道德上、社會上、法律上，都係一件錯事（不過我就認為…睇返上面），係對社會大眾嘅一個禁忌。所以，佢哋兩個嘅本質根本就唔同，原文又點能夠將佢哋擺埋一齊講呢？所以，係投稿之前，睇一次篇文，諗下係咪真係講得通，先㩒submit掣啦，無謂嘥Admin們同咁多人嘅時間，係咪？ 完（真係完） 麻煩哂咁多位Admin🙇 多謝各位大佬俾面小弟，願意睇到最後🙇 初次投稿，如有1999，敬請見諒🙇
#NSS學校 [[GUEST] 我鐘意咗一個唔應該鐘意嘅女仔，我唔知我係咪追星嗑得cp太多，所以會搞到我變咗咁…] 我鐘意咗一個唔應該鐘意嘅女仔，我唔知我係咪追星嗑得cp太多，所以會搞到我變咗咁… 事情係咁嘅，小妹係小六嘅(啱啱畢咗業，可能對於你哋嚟講仲係好細個) 先唔好估我係邊個。 我係學校係一個算安靜嘅人，平時我係學校有幾個女仔一齊玩，我係佢哋心目中都係個好安靜嘅人，佢哋平時都會玩得好癲，佢哋有時仲會攬住一齊咁樣，由於我係比較內向，身體接觸嘅程度只可以係手，但係我成日追星嗑嗰啲cp都好甜， 搞到我覺得les係冇問題，咁有一日，幾個女仔裏面嘅其中一個，(下稱為A) 咁我哋幾個女仔玩得好癲(包括我，我之後都變到玩到好癲) 玩到好癲嘅時候，A佢突然間攬住我，咁我都冇乜嘢啦，咁其實我都有輕輕咁攬住佢，但我覺得嗰種感覺好特別，會搞到我個心跳得好快，我估我應該係鐘意咗A，嗰種感覺令到我好想經歷多次，咁我都有揾啲機會同A close啲，我已經係對男仔冇乜感覺，只係對女仔有感覺，但我唔敢同A講我鐘意佢，我驚我哋之後連frd都冇得做，但我好想係我哋升中之前同佢講我鐘意佢，咁我應該要點做？ 好多謝你哋睇到呢度🙏🏻 我都諗咗好耐投唔投稿好 第一次投稿，文筆唔係咁流暢😓 Sorry for 1999🙇🏻♀️
#NSS個人 [guest] 小弟今年中二，香港依家真係好恐怖，好想去英國讀書。 英國嗰邊就有個幾close嘅親戚，一直有keep住聯絡，所以住宿問題就唔使擔心。 但我就淨係得20萬左右，係之前屋企人留比我嘅，話明咗係比我讀書用，所以一直都冇亂咁洗，而父母d錢就一定唔會夠我比學費，最多一個月3000零用錢咁。（依家一個月1000） 20萬最多都淨係夠比一年嘅學費，所以我有諗過去投資，但又好驚啲錢就咁冇咗；亦有諗過半工讀，但又好驚自己應付唔到，冇時間溫書，荒廢學業。 所以我究竟應該點，去唔去好，定係點？ thx admin sor for 199999 屌細力啲