—類投稿

#NSS家庭 [[GUEST]] 事情是咁的，我細妹寫咗BL文，主角係我同我嘅frd，連床戲都有。(後續) 估唔到成件事仲可以有後續🤦‍♂️，其實過咗咁耐我先唔記得哂成篇嘢。唔好問我點解用咗咁耐時間去忘記成篇嘢，我都想知。 直到琴日我老母“意外”入嚟我哋間房搵嘢，佢搵到篇文之後直接大發雷霆鬧喊咗細妹，鬧埋我冇睇實細妹搞到佢學壞咗，嗰一刻我嘅記憶即刻返哂嚟。(其實唔撚明點解老母要鬧埋我，我根本就控制唔到細妹嘅嗜好。) 原來細妹唔但只寫我同我嘅frd，佢仲寫埋佢班上嘅同學……仲要寫咗好撚多篇床戲🤦‍♂️。 頂，而家記憶返哂嚟不但只，仲知埋細妹寫咗好多我同我嗰frd嘅床戲，我又返返去嗰段尷尬時期。 原本我有啲嬲，因為我覺得細妹寫咁多篇出嚟有啲唔尊重我，一次半次我可以接受，太多次我真係唔得。但係見到細妹比老母鬧完之後喊得好勁，我衰心軟，事後安慰返細妹轉頭，但係我內心再次崩潰咗。 請問各位有冇辦法可以令我迅速唔記得成件事，我而家見到細妹就有啲想打佢or鬧佢，但係我唔忍心。 (見到好多人想知我細妹寫咗啲乜，只可以送各位四個字：自行想像。劇情你哋覺得係點就點啦。) 本人表達能力好差，Sorry for 1999。

#NSS學校 [GUEST] 小妹今年升f3，想f4轉校，求俾意見😭 我而家讀嘅學校係band2C嘅，想轉間band2A嘅英中，嗰間讀書環境好過我而家嗰間N倍😵‍💫 不過間學校插班係要f2 f3嘅成績，但我f2頭三次試都考到一pat屎（差到試過90幾名🙂其餘就係60幾，全級有127人）反而期終考有40幾名，然後阿媽叫我讀好啲書，升f4轉去間好啲嘅中學，第時入大學都容易好多… 佢講完之後令我有轉校嘅諗法😹之後我都不停同自己講f3要認真讀，唔再hea😌但我唔知f3起碼要咩成績人哋先會收我😢 sor for1999

#NSS個人 [DGS] 記得以前我都係一個鐘意笑嘅女仔 到某段時間開始 開始唔記得咗點笑 全世界都變得好黑暗 每日都好絕望 每日都會喊 直到而家 扮笑叻左 識得隱藏自己嘅情緒 將自己開心樂觀嘅一面俾所有人睇 以前自己一個嘅時候都仲會喊 而家好似連喊都唔識咁 仲辛苦過之前 好想喊但係永遠有嘢阻住咗 唔知係乜嘢 連自己都唔知點解連喊都喊唔出 真係好辛苦好辛苦 對唔住浪費咗大家既時間去睇呢一篇野 我好想有解決方法 因為連喊都喊唔出仲辛苦過每日都喺度喊 希望睇完呢一篇野嘅大家可以俾啲意見 Sorfor1999 #蘋果世一

#NSS愛情 [Guest （唔喺香港讀書）] Hi 長文慎入 係咁嘅 小妹今年轉左讀男女校 有咗個男best friend 身邊啲人成日都問我地係咪拍緊拖 我冇拍過拖所以想大家睇吓佢似唔似鐘意我 首先我哋每日喺學校都會一齊 做咩都一齊 上堂又一齊坐 佢成日上堂都會搞搞陣玩我 佢會攞我啲嘢（例如文具）之後等我搶返 之後佢又要專登唔比我 等我好靠近佢嘅時候 佢就會望住我之後面同耳仔都紅晒 第二我之前就係ig post過啲無聊語錄 就係話想拍一場拖 介紹對方比屋企人朋友認識 第二日佢就介紹咗佢一個朋友比我識 同埋約咗我嚟緊嘅禮拜去佢屋企食飯（見家長）

#NSS愛情 [GUEST] 小弟今年F2升F3，話說我係F1頭果時識左個女仔 (都幾靚 ，身材都 ok，不過最重要係佢個人好好同成績都好好) 之後我就鐘意左佢 la(果時我係都佢一見鍾情) ，之後過咗幾個月就同佢表白，但係佢話佢唔識拒絕人，之後我都知道原來佢有男朋友。不過我地一直都保持朋友同樹窿既關係。 直到我地升上 F2，因為我性騷擾人，佢就block左我whatsapp同 IG。有時zoom周會先有機會同佢講到幾句。 有時佢經過我都會望多幾眼，但係都唔敢同佢講野，我覺得依家既關係好尷尬。 不過我知我好樣衰，又肥。佢點都唔會鐘意我，我好想 忘記佢，搵過第二個做目標，但係我唔得，我真係忘記唔到佢，我就連發夢都夢到佢。 再加上其他女仔我對佢地冇感覺。 各位兄台我應該點呢？

#NSS學業 [HKUGAC] 各位巴打絲打，小妹有個非常緊急嘅需求，小妹今年中三，嗰細佬讀中一，皇仁。佢小學嘅時候讀書都OK，只係唔太鍾意處理人際關係，佢基本上就活係自己嘅世界。但係佢真係幾聰明，仲係中大嘅資優生。 之但係佢上到皇仁之後真係冇辦法有心機讀書，啲老師太傳統（佢個數學老師已經好好）佢冇晒心機，兩次考試成績倒不如理想。依家要留級，狠請各位提供一啲你哋認為自由而且開放，而且老師好用心同要愛心嘅學校比我，我父母因為佢呢件事經常嘈，大家都唔知道邊間學校可以收留佢。唔該晒。 2021/7/5 sorry for 1999

#NSS個人 [Nope] 係咁嘅 我今年f2好快就f3..但我想講我同我最好嘅朋友絕咗交😔 其實我唔知我做錯咗乜嘢， 佢可以完全唔理我， 唯一諗到嘅就係有一日返學唔聽佢電話..但我有搵個人問佢，你都搵咗之後佢最好嘅朋友講，佢哋都話係因為冇聽佢電話，但我直覺覺得唔止咁簡單，但我想問都冇機會，絕交之前我哋起碼仲有喺WhatsApp講過嘢，嗰陣時我已經覺得成件事已經嚴重咗好多， 佢決定咗要同我絕交⋯⋯但亦都係我block佢先,，我知道一定會有人講我抵死，但其實我都唔忍心😔⋯⋯過咗幾分鐘之後我即刻解咗， 但已經嚟唔切… 就係喺呢個空間入面，我哋班有幾個人就即刻同佢做咗朋友..講真其實佢真係一個對朋友好好嘅一個人，但最起碼我真係想知道我到底做錯咗乜嘢，即使我哋冇辦法和好， 但我都想知道到底發生乜嘢事，加上其實下年我相信一定唔會同班，同埋其實我好驚佢會離開香港😭😭 你哋覺得我應該做啲乜嘢好😭😭我之前問過佢之後d朋友(同班同學..佢哋話佢唔會再同我和好。😔 我好掛住之前嘅日子。 我仲記得你話之後就算唔同班我哋都可以一齊放學同返學。 之前真係好開心。 我相信除咗你其實呢間學校冇乜人可以令到我更加開心。 但如果最後都係冇辦法和好。 我都會放手。 同時希望你過得好😢 多謝大家睇晒呢篇文。😔 希望你哋可以同我講我應該點做。😔

#NSS愛情 [元朗某一間中學] 麻煩Admin幫我send出去🤝 小妹今年F2 前幾排俾個男仔表白 但其實真心都冇乜對佢有feel 又冇乜留意佢 所以就拒絕咗 唔知係我做多咗定點啦 咁我就約咗佢喺mtr講 講完之後我就閃人 後尾跟住佢瘋狂搵我 雖然我同佢話做返普通同學 但我覺得佢好似get唔到我 我就係差唔多每日都收到佢嘅message 我覺得好煩就諗都唔諗block咗佢 諗返都覺得自己有少少bitch But whatever la 我到而家都唔係幾鍾意佢 主要嘅原因就係佢態度勁差 完全唔識講嘢 差唔多句句都可以🔥着我 真係好煩

#NSS個人 [GUEST] 想問下各位 大家覺得寫信/紙表白會唔會太老土

#NSS學校 [Guest] 我個朋友次次拍拖都講我個名 然後佢阿媽就當咗我帶壞佢，佢男朋友同佢出街 ，佢阿媽比錢然後入咗我數，我而家差佢阿媽七百幾蚊😓 就嚟家長日，我同佢嘅時間勁近 ，佢阿媽又似個啲會早到嘅，一定撞到正。佢阿媽睇過我啲相，好大機會認到我，點解我要執佢男朋友手尾😅明明冇做錯但係要避佢阿媽😅而家點算