—類投稿

#NSS個人 [Guest] 想同所有女仔講要小心啲男仔同 戴眼識人 小妹文筆唔係好好 我想講述一個令我有超級大陰影既事 從而同所以人講要提升警覺 我一年前係學校識咗個新男仔，先頭覺得幾好人，但後來佢係某一日同我講到性既話題。 ：我唔知點解有時見到你會有種好特殊既感覺。跟住佢突然係我面前伸手隔住條褲摸自己下體，我當時好驚訝但覺得佢係唔覺意所以無理更多。後來佢不停問一啲關於性既問題，我盡量解答下啦但好尷尬。當時我已經發育咗一段時間，都算成熟，覺得好唔自在。 有一次project同組而放學約咗上我屋企做，開頭好地地，跟住佢行暈我成間屋然後入我間房，突然叫我入去。我入到去，跟住佢企係我後面，突然佢好大力咁推我上床，壓住我走唔到，然後好暴力咁撕開我間衫再解開我個bra，我嘗試用手遮住但被佢壓住我對手然後係咁強吻，當時我不停大叫：唔好！我唔要！當時係我人生入面最無助既時候，完全反抗唔到，無人聽到，只有佢強姦我。到佢做晒所以嘢同摸完我成身就落床，我立即用被冚住自己全身，當時我係幾乎全裸。佢一路著翻衫一路話：好舒服呀！爽唔爽呀？呢個係我哋既秘密，唔准講出去，跟住就走咗。我係張床度喊，一陣間就打電話同我屋企人講咗。 之後佢直接被踢出校，更告埋佢受到處罰，我去咗接受心理治療，算走出咗陰影，而且無生命係我個肚度。大家唔使擔心我 雖然我算走出咗陰影，但都係無法完全忘記。 我想係呢度同大家講要戴眼識人，任何想同你講性既人就要遠離佢哋，有幾遠得幾遠，小心保護自己。 求admin post

#NSS個人 [Guest] 我身為一個中二既學生 雖然年紀算細 但我想講一啲我認為需要有人挺身而出去講既嘢 小弟文筆唔係好好請體諒 呢排見到好多post都係講一啲有關性同色既話題，甚至其中一啲post既樓主係受害者。 我開始發覺到自己身邊有啲異性朋友都有類似既經歷，所以想投稿講下。 我有一啲異性朋友同我講過一啲經歷 佢哋收到男方既一張下體照片，受到摸大腿既性騷擾。上網甚至見到有女仔話自己受強姦。 係我腦袋裡面覺得所以既舉動都係因部份男仔搭入青春期開始產生性好奇。對異性同有關性既嘢產生興趣係非常正常，睇A片係非常正常，打飛機係非常正常，好奇係非常正常。相信好多男仔都有呢啲行為。 我承認我自己都有好奇，有睇A片，有打飛機，有性慾。開頭都覺得自己係唔正常，甚至認為有性上癮既特徵，但後來嘗試控制下都有效。 有男仔會覺得自己唔正常，其實係非常正常，可能你自己身邊一啲朋友都有同樣習慣只不過你唔知。但希望大家控制好啲性慾同好奇，唔好騷擾到女性，自己管理個次數唔好影響到日常生活，自然就無問題。 我個人認為會有變態存就應該係佢哋係青春期既時候過分好奇而完全汙染咗個腦袋，變成成人後完全解唔開，改就應該太遲，變成變態。 （如果有錯或者有自己意見希望留言，我只係14歲可能錯Sorry） 如果你發現自己係過分好奇同類似上癮之類，就應該嘗試控制下同提醒下自己啦！管理下個次數，控制性慾，轉移視線。遲啲變成年一定有機會！依家依然係年輕應該唔遲改。 社會裡面既變態就難講，但希望依家既年青人會控制啦！希望減少無辜既女性受害者。 今日開始一齊控制下啦 （如果你覺得我係9up咁好對唔住） 求admin post

#NSS學業 [Guest] 是年f3，雖然聽落去係個唔係太現實、好唔知嘅諗法，但我越黎越想做醫生 ;_; 淨係知道醫生成績要好好，讀醫大概每日都要溫好耐書，好似要講青春最好嘅時間留比啲書咁，想知道做醫生/醫學生嘅心得🙏🏻 同埋香港醫生嘅前景？ 分享下讀書嗰陣嘅日常？希望有人可以用簡單嘅方式分享一下ヽ(；▽；)ノ 感謝admin 感謝所有睇到呢度嘅人 感謝回覆嘅人!!!!!

#NSS家庭 [guest] 我阿媽成日話自己抑鬱 話說呢幾日出自我阿媽把口嘅我聽得最多嘅一句係「唉 我抑鬱啊」 其實我每次聽到都覺得好困擾好煩 佢而家日日都黑口黑面 我講親啲咩做親啲咩都比佢鬧 就連溫書 佢都插到位嚟鬧我🙂 但係個問題係 佢出到去同friend食飯shopping又嘻嘻哈哈咁 但係一返到屋企又黑口黑面 係咁搵人鬧 咁呢啲係咪所謂嘅門口狗而唔係抑鬱🫠 就喺啱啱 我做緊功課 而我做功課通常都會聽吓歌 同埋我有插耳機 絕對冇騷擾到佢 但係佢突然之間撞門入嚟鬧我唔專心 仲收我耳機 話一個月後先比返我🙂我覺得好委屈 聽下歌都唔比真係唔知佢個腦用咩構造… 以前我阿媽好開朗

#NSS其他 [Guest] 而家啲學生唔好成日以為自己係悲劇男女主角得唔得，唔係得你一個係咁。其實你真係無乜影響力，個世界唔會停。唔好發夢啦🤭

#NSS個人 [沒有] 標題：身為男仔但係唔鍾意短頭髮 你哋好，我係一位16歲嘅男仔 ，可能因為細個冇咗父親嘅陪伴，導致到我嘅性格越來越偏向女性化，因此我會去選擇留長頭髮，化妆，或者行為舉止會偏向女仔，個人性取向係比較鍾意男仔w，唔係跨性別🥲，就係因為呢啲原因，都知道我俾人欺凌，先講頭髮問題，個人係比較好抗拒短頭髮🥲加上大家都知道香港嘅中學係需要劉海到眉 呢啲啦，可能先講正常返學，我剪頭髮俾學校係強迫都剪得好短，因為學校又有啲經過唔愉快嘅事情，所以短頭髮我會有一種好不安嘅感覺，唔夠膽同社工講，另外化妆，呢一方面係我主要想表達自己嘅方式，但係可惜喺現時嘅香港，好多人都會覺得男仔化妝好似人妖，俾人鬧到七彩，所以就特別驚，例如帶Colour con 俾人話隻眼好樣衰，因此特別驚，想做返自己但係比外界太多質疑，另外加上我係男同性戀，曾經試過比學校同學喺廁所打，所以都唔會特別想比身邊嘅人知道，當時候係以前嘅學校基本上係人見人打過街老鼠咁樣，所以真係好恐，可能我嘅審美或者鍾意嘅嘢唔正常w因為我本人唔係話跨性別，我只係唔鍾意太過男性嘅舉止，淨係想做返真實嘅自己，我亦都有可能係心理上嘅問題w，我亦都明白返學校應該要做返個學生樣，唔好影響社會，但係我想問吓男仔唔似男仔，或者男仔留長髮有啲雌雄不分嘅感覺會唔會真係好人妖🥲如果真係會好影響到香港嘅社會我會去美國讀書🥲我好唔該晒大家睇到呢度亦都阻到你哋嘅時間（thx admin

#NSS學校 [CFSS] 個強奸犯宜家竟然乜都唔認，仲走去向學校投訴我哋屈佢 早排我哋學校有個post (#NSS220324B 同 #NSS220320A ) 就鬧有個同學強奸人。過咗幾日，條友終於係IG作出回應。不過佢竟然乜都唔認，仲喺度話我哋屈佢，然後仲扮晒自己係聖母咁，只要你同佢道歉，就唔會向學校投訴（不過我唔信）。 我真係想講，你做過啲乜你最清楚。仲有，係你喺度對號入座，之前啲人只係喺comment估係邊個，然後你就自己喺度對號入座，咁樣分明身有屎啦，有野怕比人知啦。 我真係想希望校方能夠嚴正調查事件，唔好幫個強奸犯。呀，你雖然delete哂啲IG story，不過我諗IG係有留底證據架。

#NSS愛情 [GUEST] 其實我係鐘意翻我表哥定係從來冇放低過佢🥲 小妹今年F3，之前鐘意過我表哥。唔知大家仲記唔記得大概1-2年前有一篇投稿係講細個同表哥成日一齊玩，但係因為同表哥年紀相差好多，之後冇再一齊玩就變到好唔熟，個陣又因為表哥錫左我塊面一啖而鐘意左佢，投稿個個就係我。（我搵唔翻篇野Sorry😓） 早幾日有家庭聚會，我表哥都黎左。我見到佢已經冇心動既感覺。但係好奇怪，個日夜晚我本身係間房度，我一行出房門就見到佢坐係張按摩椅度瞓着咗，睡姿好似個小朋友咁樣好得意，佢仲要本身係幾靚仔，個樣有少少似韓國男團TXT既Taehyun，個鼻好高、嘴唇薄薄地、對眼都幾大。望到佢個下我真係失了神，連本身想出去做咩都唔記得左😥 我翻入房之後就心諗：仆街，今晚肯定又成個腦都係佢個樣，掛住佢掛到瞓唔著。（之前已經試過三次）第二日都會係咁，成個腦都係我表哥，同一句說話「佢真係好靚仔」。但係第三日打後就會開始間唔中先掛住佢。 其實我係咪冇放低過佢，因為我每次見完佢都會有上面個段既情況，但係一排之後完全唔會諗起佢。到到下次聽到有家庭聚會，又會諗起佢，跟住又會好掛念佢、好期待見到佢、好期待佢會唔會同我講野，但未至於瞓唔著。久而久之就形成左一個循環。 所以想大家幫下我，其實我係放低左我表哥又鐘意翻佢，定係我從來冇放低過佢🥲 同埋都想知大家係點樣放到一個人，我真係試左好耐都唔得🤧 Sor for 1999 Thx admin🥺❤️

#NSS個人 [GUEST ] 話說我高中 小學到宜家都讀女校 所以本身都好少識到異性。呢兩年加埋covid 補習學嘢都冇晒更加冇接觸異性。想問大家其實點樣識人，增加異性緣？(唔係純粹IG dm 嗰啲)

#NSS學校 [Guest ] 追星追到咁係咪真係有啲問題😅 我一直覺得追星只要唔好追得太過分都冇乜嘢因為我本身自己都追星，而且我都覺得無論你係邊個年齡層追星其實都冇乜事嘅，但係如果係咁樣嘅追星其實會唔會有啲過分？ 呢個老師係我哋班嘅班主任啦都係全級嘅某一課老師，我哋基本上個個都知呢位女老師係會追星嘅。咁一直以來啦都冇乜問題嘅，佢都冇強迫我哋去認識，亦都冇喺我哋面前講過啦，咁其實完全係風平浪靜，直到上一年我哋班嘅班會同學突然之間喺wts發出一啲要求同學仔為男歌手投票嘅訊息，當時嗰刻我同我啲friend呀係完全唔知發生乜嘢事，仲以為係邊個同學失手Send咗出嚟，但係後尾佢都出嚟叫我哋投票仲話this is an order。仲話我哋班要一齊齊上齊落，我唔明白點解要用佢自己嘅職權去要求佢啲同學仔為佢自己鍾意嘅男歌手投票… 投票好快結束，大家都以為投票單嘢告一段落，點知就係今日佢又再次send出一啲投票嘅訊息要求我哋投票並且send出呢個男歌手嘅應援字條，而且今次唔單止send喺我哋嘅班grp仲send俾其他佢任教嘅科目grp咁樣做真係唔會有啲過分？個group本身係攞嚟講一啲班務又或者有關學業上嘅嘢，但係佢竟然攞嚟宣傳佢鍾意嘅男明星？真係有啲搞笑😅 本身可能我對呢個男歌手冇乜feel，呢鑊嘢之後一嚟我直接識佢二嚟我直接討厭。