#NSS個人 [GUEST] admin 唔該 post ig 🙏🏻 話說viutv出緊套新劇，我想同大家分享一下。👀 講之前，要先利申我中文唔係太掂 (作文好耐冇攞合格嗰種)，所以要先 sor for 1999。 好，然後就講落去。 套劇叫《大叔的愛》，而我想分享一下我對套劇嘅一啲諗法。 首先，我一直對港產片冇興趣，可能係因為屋企人一直以嚟睇tvb，而tvb嘅所有節目啊劇啊電影啊嘅質素都好似只有向下跌嘅趨勢。演員嚟嚟去去都係嗰幾個，演技又……一般。總言之就唔好睇，所以歐美、韓、中、日劇/片都睇，就係少睇港片。 我阿爸提起《大叔的愛》嘅時候我真係聽都冇聽，只係半留神，一邊睇手機一邊睄下電視 (所以到而家第一集嘅頭半部分其實都未睇過哈哈)。當知道係bl之後當然即刻要查，結果發現劇集仲出緊，然後因為香港冇出過lgbt+劇，我就諗哇如果佢哋真係嘴我會崩潰 (佢哋指田牧，嗰個阿叔就……最好唔好俾我見到佢同田田咁樣做🌚)。然後佢哋就嘴咗，然後我就崩潰(係好嘅崩潰)。 雖然話初吻親吻乜吻物吻我都睇到悶，但係我每次諗起第三、四集嘅劇情就超級超級開心。本身鍾意睇bl係一件事，但係呢個係香港第一部bl劇，而且有表白！會錫 (睇慣咗陳情令嗰啲就唔會期望咁多)！我真心覺得呢套劇開咗一道門。雖然唔知lgbt+劇幾耐之後先會再喺香港出一套，但係我覺得《大叔的愛》有啲似綠燈，同香港講「ok！出bl劇係可以嘅！而且會受歡迎！」我真係好敬慕好佩服《大叔的愛》嘅製作團隊+演員。 返到我得知《大叔的愛》嘅存在嘅幾日前，我咁啱喺度諗緊如果香港有一日出lgbt+片就好，而係真係開放，冇需要經過審查制度嗰種；但係都唔知我死之前有冇機會睇到，香港能唔能夠發展到呢個地步；因為始終呢度仲係有無數會歧視/唔接受有唔同性取向嘅人，而製作一部電影/劇集需要好多好多人，係好多好多接納lgbt+而且悉指揮、拍攝、演戲等等嘅人聚集埋一齊去完成。點知，答案係會！重要係幾日之後咁快！ 重點就係，我好想分享我嘅興奮同感動，因為我身邊嘅人似乎都好似唔係好明我點解覺得呢套劇係咁大嘅一件事。 喺香港呢個連同性婚姻都仲係犯法嘅地方，同陌生人相處都會因爲怕俾人批評會先假設對方係一個歧視者，以免講漏嘴嘅地方，我竟然有機會喺度見證住一個珍貴嘅、勇敢嘅、歷史性嘅突破，我覺得非常非常感恩。 圖Link:
#NSS愛情 [吳養需中學] Admin po ig plz thankq 小弟喺一個幾樣衰嘅失敗中學生，喺呢個俾外貌協會管制嘅世界，我呢啲咁嘅人真係融合唔到呢個社會。 小弟皮膚好差，大概f1嘅時候冇好好保養，暗瘡爆曬出嚟。而家先開始搶救吓，都救到大半，不過就係因為暗瘡呢個大部份人有嘅嘢，因為我有太多而成日俾人話好樣衰，一定冇女朋友。 自問小弟冇曬暗瘡，其實個樣都唔算差…上年有次出show自化妝遮曬啲暗瘡，都俾fd話其實我咁嘅樣唔算太差… 就係咁，我下定決心要搞吓啲暗瘡，而家就清左好多得返啲印，做到咁仲喺話我樣衰。 其實樣衰呢樣嘢我都習慣比人話，不過呢就係情感方面……唉……乜而家啲人唔係睇feeling睇性格咩……每次我都係鐘意人嘅性格，佢哋就選擇唔理你……唉做真實嘅自己唔好咩，搞到好似我唔去韓國整返次容都唔得咁。 輕鬆咁放負到呢到。其實我都信緣份到就有嘅。孤獨就並不可怕嘅，可怕嘅係獨自一個人相信呢句話。樂觀啲嚟講見到自己嘅fd出pool得自己未出，見到佢好開心咁同佢嘅另一半相處，自己都開心啦～
#NSS家庭 [Guest] 我忍夠佢。 其實我本身唔鐘意睇TVB啲節目。 但係我表妹真係好撚煩，日日係度播住《聲夢傳奇》嘅《造夢時學會飛行》(聽得太多次連歌名都記住🙃) 一日無限loop，仲要播得好撚9大聲，唔戴耳機，不時仲要跟住歌，真係好難聽。 我勸佢或者叫佢戴耳機，佢的確會唔再播歌，但係過多無幾耐又嚟播返。 我本身同佢講咗n次我無興趣，但係佢好似當我無講過。佢成日係我側邊喺咁拍我膊頭，叫我睇佢聲夢男神女神有幾靚仔靚女，或者叫我睇佢地啲互動。 屌，我明明打緊機，成日係我側邊喺咁吱吱渣渣嘈到死，再加埋啲無限重複loop嘅歌，我都好撚燥底。有次我忍唔到，出聲屌爆佢，佢黑我面係屋企人面前扮委屈。 我平時玩音遊同埋聽歌都有帶耳機㗎啦，佢自己想聲歌咪戴返耳機囉，仲要怪我話佢。 Sorry for 1999.
#NSS個人 [用殘體字變了潮流？？？] 早陣子我以為學校流行Kpop，但是我可能理解錯了，現在流行追大陸名星。在Instagram 見到60%大陸粉40%Kpop粉。80%殘體字20%繁體字10%英文，連身邊一起追星的也找過其他人去追大陸明星，“她”也叫我身邊Kpop粉去用殘體字，她説繁體字很難寫wor… 究竟是我已經太out，定係學校已被大陸化？**用殘體字9成是藍絲 sor for 1999
#NSS其他 [YWGS] 今日 (7月2日) 真係最尷尬最面紅既一日 校裙叉位爆開左 今日朝早，換好校裙（長衫）番學 出左門先畀其他學校同學提醒長衫個叉位爆開左，而且爆開得好嚴重 仲要聽到其他學校男學生（當中有幾位知邊間唔開名）笑！ 最過份幾個男仔指過嚟 細聲講 大聲笑！ 我真係未試過咁尷尬咁心急，我又無帶冷衫遮唔到， 仲要時不時一陣陣風，一路上好怕男學生既目光 好好彩係東頭邨附近遇到友校好好既女同學， 借到扣針扣起爆開的叉位， 雖然不論番學放學同係補習社仍然有好多注目禮， 但無扣針今日我都唔知點捱得過，唔知要忍受多少無禮的目光 感謝借扣針給我的你，感謝無扣針但安慰我的每一位， 希望有機會可以親手還扣針給你們，同時再說一聲多謝! 你們的幫助令我在最尷尬最面紅既一日，感受到香港仍然有情! 雖然只是一面之緣，但希望有機會可以和你們做朋友~ 做好姐妹~ @ballet_mimi [希望可以搵番借扣針的你]