#NSS其他 [GUEST] 最近有位著名巴膠鐵膠羅哲琛係新聞度唱「屯馬開通真的很興奮」，令到我地班鐵路迷受歧視。 今日就係屯馬通車之後第一日返學，返到課室之後，就比同學笑。例如：「你識唔識羅生」、「快啲唱歌啦」、「有冇上新聞呀」、「行開啦低能鐵路迷」、「鐵路迷係有問題」等等。上堂嗰陣啲老師仲笑笑口咁串我，例如「叫XXX去表演啦，佢唱得咁好」。總之成日係咁比人笑。 我真係好想講，羅哲琛不是鐵路迷，佢係鐵膠。希望大家知道，鐵路迷係正正常常，唔會發癲，更加唔會去衝閘同上電視。做出以上行為嘅係鐵膠，甚至係痴線佬，佢哋不代表其他鐵路迷。 希望大家明白同分出鐵路迷同鐵膠，唔好一見鐘意鐵路就去歧視佢地。 另外好多人問羅哲琛幾時發表過演說，佢係喺2020年尾話佢去做巴士迷，片段Link如下： 圖Link: https://ibb.co/9HswbJR
#NSS學業 [GUEST] 我好灰。 收到數學卷，一睇，炒咗，我嗰下幾乎崩潰。我擺咗咁多時間落去，都係炒，之後個日已經完全冇心情理其他科，反正都唔係考得好。跟住中文通識都炒埋，自己知通識一定會肥，亦都知中文唔會攞得高，只係冇深過咁差。其實派咗數學嗰日番到屋企已經爆喊，知自己實留班，但係唔知點面對，想像唔到攞成績表通知留班嗰陣我會點。好多人都話留班係俾個機會你，打好啲嗰底，咁我都知，但係我接受唔到要重新認識一班新嘅人，親戚會點指指點點，更何況我已經中五。呢幾日過得都好灰，做咩都完全冇心機，諗住睇下片笑下，笑嗰刻即刻諗起留班，我仲係度嘻嘻哈哈。雖然我又未至於去到會想死，但係成個人真係好頹廢，唔知點算好。有冇人有留班嘅經歷可以分享下？ Sorry for 1999
#NSS其他 [GUEST] 請問近排個google係咪有事？因為我個goole近排bug bug哋。開到，但係會不停顯示google已停止運作，然後到到最後就會不斷google總是停止，搞到我好唔方便，無論有冇開google都好佢都會不停彈停止運作出嚟，最後我停用咗個google。我喺ig上面見到有人話google近排好似唔多掂？但係我用另外兩部手機係用到google，請問係咪我依部機太廢or有其他人都有相同情況🙏🏻？有冇解決方法嗰啲🙏🏻🙏🏻？因為冇咗google真係有啲麻煩。 admin pls po ig thx thx thx🙏🏻🙏🏻 sorry for 19999
#NSS愛情 [Guest ] 我哋兩個曖昧 & 拍拖加加埋埋都差唔多兩年啦。但始終都係分咗手。原來一眨眼就已經分咗手大半年。我喺呢大半年期間患上咗抑鬱症。每一日都好掛住你，係咁喊係咁傷害自己，一直進出醫院，我爭啲以為自己得返個靈魂喺人間。好記得你有一日突然嚟搵我話做返朋友想我開心啲。嗰下我以為自己重見光明。以為慢慢傾番計改返我所有缺點同埋你唔鍾意嘅嘢就可以復合。傾偈呢一個月入面你對我好好，好似以前咁。但唔知點解突然有一日你講咗句其實我已經唔愛你我哋唔會復合，你話你承受唔到一個抑鬱症患者。由嗰日開始就冇再聯絡過。你消失得無影無蹤。我情緒再次陷入谷底。我一直都唔想信你已經唔愛我，因為由好多小事都睇得出你仲在乎我，我覺得你係有自己嘅苦衷同原因所以先咁決絕。我已經改咗好多，呢段時間我一直有反省自己，我哋可唔可以從頭嚟過。佢仲有個半月就要離開香港去外國留學，我唔想有遺憾，我到底應該點做….. Sorry for 1999
#NSS個人 [GUEST] 我之前已經曾經失去左友情 小妹近排同我幾位好朋友出街 之後我望到其中一個朋友既手機 發現佢哋私自起左一個群組 冇加到我 唔知個名叫**三人組(我睇唔清楚) 之後仲有一張偷拍佢ge相 我望到嗰下 佢即刻望住我 我扮睇唔到 我呢排已經同佢地冇咩話題 我覺得自己越嚟越唔啱玩 我好少睇動漫 佢哋就成日睇 我到而家都唔知自己究竟做錯D咩 但係我地一向有兩個月左右出一次街 如果唔係因為我最好既朋友係group 我都唔會理 我琴日試探佢話有一個男仔frd都係佢D Frd私自起左一個群組 唔加佢 然後我問佢使唔使絕交 佢話最絕都可以咁做
#NSS個人 [GUEST] 希望可以po ig thx admin✨ 大家好，小妹今年f3，一直有啲瑣碎嘅煩惱（or心事whatever），希望大家可以幫到我🙏 講返啲背景先：小妹係f1學期初嘅時候，完全冇溫過書，所以成績差到阿媽追住黎打，後來請咗個補習老師，成績好咗好多，但係後來佢就冇再做，再加上疫情，我f2至f3學期初成績又變返原來咁樣，再比阿媽鬧完之後，我ut同final都放低咗遊戲，努力溫書，我發現我真係幾鍾意呢種感覺。 問題黎啦，我今日考完試，考數學，數學不嬲都係我較為擅長嘅科目，但係今朝返學嘅時候我真係太緊張，我返學校要搭一個鐘車+小巴，本身已經好熱而小巴又好焗，唔知點解心口好難頂，加上我真係太緊張（其他科目都唔會咁），我唔知點樣形容呢種feel，好似個心就嚟跳出黎，好驚考衰咗，所以我坐小巴嘅時候完全係坐立不安，嗰種感覺真係好難頂。 另外就係，我考完試之後完全冇開心嘅感覺，我好記得小學嘅時候考完試嗰陣真係好開心，上到中學就慢慢冇感覺，反而更加驚咗，驚成績表派出嚟不如理想，揀唔到想要嘅科。同埋我之後仲有鋼琴考試，所以就算過咗學校考試，我反而要用多啲時間練琴。其實我唔係幾鍾意學琴，之前同阿媽反映過，但係佢話學琴對未來有幫助所以拒絕咗，所以考試之後更加開心唔起黎，反而好似考完試壓力仲大左，我真係好撚憎呢種感覺。 最後最後，由考ut嘅時候開始，我每一個小測都會努力溫書，而我中學唯一嘅fd係嗰種臨急抱佛腳嘅類型，佢經常喺考試或小測之前一晚問我嘢，但係為左更加好嘅成績，我經常敷衍佢，當佢一直問嘅時候，我會顯得好唔耐煩，甚至有時候語氣好似變成鬧緊佢咁，我feel到佢好似同我開始冇咁friend，依家已經考完試，我忽然意識到我好似冇咗個fd，我好後悔，唔知點算好。 多謝睇到呢度嘅各位❤️一直唔知同邊個講好，依家打咗段字出嚟感覺好咗好多😭
#NSS學業 [Band 2中] 求救急 想睇吓有冇人有經驗 我係中四曾經留過級而家中五 但今次最尾嗰次考試考得好差 全部科最多得30幾分 明明我溫書背書操卷樣樣都有做 但係都係咁低分 ，好想喊，好無力 好驚又會再一次留班 但我真係唔想再留 中五第一次考試嗰陣我平均分有48分，全班第三 但今次直插谷底可以話冇一科合格，好驚又會留班 想聽吓各位意見，如果我幫遵理讀埋個中六佢，大家覺得點，又或者大家有冇啲咩好提議有冇咩正常（官校）中學會收中六嘅插班生 因為其實小妹家境貧窮，遵理學費都好貴 – 求求大家俾啲意見，仲有幾日就會出成績表初稿，我已經就快一個星期冇瞓過覺，完全瞓唔到精神壓力好大好想好想快啲完結一切。