#NSS個人 [GUEST] 是咁的 小妹f.2有個細妹，細我兩年。講下我背景先～小妹自認有公主病，成日都好軟弱(連蚊都驚)，好鍾意被照顧嗰種感覺，亦都好渴望愛(最近分咗手) 細妹又由到大都好顧及我嘅感受，又頂得順我嘅脾氣，基本上做任何嘢都會順住我意，簡單啲講係縱容緊我嘅公主病。一直以嚟我同佢嘅關係都好好，但佢嘅性格就有少少大男人主義，我眼中嘅佢成日都好man，佢又唔驚昆蟲(上次屋企有隻曱甴，我驚到喊，但細妹好快就搞掂咗，仲要特登搵嘢嚟安慰我) 基本上其實佢都中曬我嘅但偶條件，我亦好enjoy同佢相處嘅時間，真心好驚自己會鐘意佢……利申-我唔係les
#NSS個人 [Guest] 你地好，我唔係學生，但係最近發生左一件事，好想搵個平台發洩下，多謝admin同各位。 事源是咁的，約半個月前，我想話比個新客聽：升降機喺門口左邊。 一句好簡單嘅句子，喺我細小嘅腦袋運轉完之後，我對住個客： 「直升機喺門口左邊。」 直升機⋯ 升機⋯ 機⋯ 直升機——係你有錢坐過；冇錢電視見過嘅物體。 升降機——係你除非喺「我巴西㗎碌柒」之類嘅地域出世，如果唔係都應該用過嘅物體。 喺講出口嘅嗰一剎那，喺我感覺到我同事們都喺後面望住嘅嗰一剎那，我知道，我社會性死亡咗。 突然，我都未尷完，個客就開始笑，笑得比冇戴口罩打乞痴仲大聲。 然後，我忍唔住，就同佢兩個人一齊拍腿大笑。 半個辦公室嘅同事，安靜咁睇住成件事。 世界咁大，我以為只會見到呢個客一次⋯至奇，前幾日，我又見多佢一次，今次佢帶咗位朋友嚟。 又差唔多係送佢哋走嘅時候，我心入面不停提醒自己，唔好再丟架。 升降機，升降機，升降機，升降機。 「我帶你哋去直升機。」 嗰一刻，我呆咗，佢哋都呆咗。 然後，喺加上佢朋友嘅又一陣狂笑之後，我聽到佢哋咬耳仔：「都話㗎啦⋯」 ？？？？？？？係唔係我以小人之心度君子之腹？ 我覺得我為自己嘅人生帶來咗污點。 我眾多同事都係目擊者，佢哋好好人，唔會開我玩笑。 但係，每一次我有任何有關升降機嘅事，總會有人好認真咁嚟提我：「小心啲。」
#NSS家庭 [GUEST] 長文慎入🙇🏻♀️🙇🏻♀️🙇🏻♀️ 想問吓有冇人都同我一樣？🙃 小妹個阿媽係一個非常之容易燥底嘅人…少少事就大聲同我講嘢又黑曬面🙃 1.就好似平時咁，我同佢出街我跌咗嘢啫，就喺度黑面，仲要「嘖(類似咁)叫你拎少少嘢都跌」 2.喺屋企佢煮完食飯嘅時候佢會叫我同阿爸出嚟(我喺自己房睇電話，阿爸喺佢間房睇電話) 咁佢叫我出去咁我就拿拿聲出去喇，費事又比佢鬧🙄有時阿爸就聽唔到嘅，咁我坐咗喺食飯枱前面，之後阿媽裝飯個陣時仲未見到阿爸出嚟，佢又會黑曬面咁啤住我再講「你新嚟啊？明知食飯仲唔叫阿爸出嚟？」咁我就去叫佢出嚟，好喇！當阿爸出到嚟佢又再次啤住阿爸咁講「好心你開住房門啦明知自己有時又聽唔到」(語氣＆態度好差😃仲要經常性發生 3.我哋同阿嫲一齊住嘅，咁有時廚房冇位晾衫所以有啲晾喺廳近窗嘅位置，而我哋廳嘅冷氣要撳制嘅(插蘇隔離個粒) ，但係因為啲衫阻住咗所以要推開啲衫。咁我阿嫲有幾次開完冷氣又唔記得整返好啲衫，之後我阿媽返到嚟見到啲衫亂咗，又喺度黑面，有好幾次我仲聽到佢細細聲講「痴X線」(話緊阿嫲 4.有時我夜啲沖涼都比佢鬧😃食嘢食慢啲又要比佢鬧🙂有時佢話啲商場凍，叫我帶件外套，咁我就同佢講我唔凍，帶去都係得個拎字，當然呢樣都走唔甩🙃又要比佢鬧一餐🤧 有冇人嘅阿媽都係咁🙃過住呢啲生活真係好辛苦😌 sor for 1999 希望冇錯字🙇🏻♀️ Thx admin🙏🏻
#NSS個人 [bwwtc] 是咁的，我有一個同學俗稱A同佢玩到form two中間都發生過好多嘢佢唔係好人成日小學雞行為叫啲同學唔好同邊個邊個玩而且呢個A都係黑社會你唔順佢意放學有人接你然後有一日A無啦啦打俾我問我今日去唔去踩單車呀天氣好啊然後我就俾佢拉咗入坑了一開始我係踩緊一部小輪徑自認手車唔係好我踩得都唔係快過咗半年今年三月的時候我哋踩單車嘅途中遇到佢以前小學嘅師弟就咁樣佢拋棄咗我以前一個禮拜同我踩足五日然後逐漸減至四日三日最後唔搵跟住有一次我自己玩嘅時候遇到我哋同學然後就講A嘅缺點結果啲同學話晒比A聽仲將件事惡化然後A好嬲但係我無辜個喎就咁樣我差啲俾人打然後我換咗公路車結果佢叫啲同學唔好同我出車會死人我心諗*你老味啊其實佢自己都成日炒佢又成日話我慢屌你老味我都去到43kmh啦咁你自己玩左12年我淨係玩咗半年咋而且你極速都係得50咋嘛啲friend我點解決好