#NSS個人 [GUEST] 有無人同我一樣，因為呢個疫情同考dse好耐無出街，個身體好似搞到壞壞地。 講下我自己先，我本身係個鍾意做運動嘅人，有肌肉腹肌，好耐無病過，因為考dse成日留係屋企溫書，同因為疫情幾個月無出街。 問題例如 1.前幾日返學校拎嘢，搭車果陣淨係企係度都腳震，出門返黎唔夠一個鐘已經有少少頭暈 2.因為溫書長期姿勢不良，脡直條腰會啪啪聲，條頸周圍啲肌肉又勁酸，成日周身痛 3.唔知係唔係因為熬夜，成身係咁爆毒瘡，仲要好大粒（2cm 直徑），因為無時間都無去睇醫生，正常應該醫院排膿 4.有陣時胃痛但係半個鐘之後又好返 5.間唔中偏頭痛，有陣時左有陣時右邊 6.經常失眠 有啲又唔似係壓力大，自問壓力都唔係好大 我係唔係有啲咩絕症？ 定係都多人都會但係我比較嚴重？
#NSS愛情 [Bstc] 真係好糾結，想問下大家意見，早幾個月同個男仔好曖昧，爭少少一齊，突然我哋斷咗聯繫，佢冇再主動搵我我都冇搵返佢，之前俾人hurt過，我以為佢玩我，所以我都冇搵佢，過咗幾個禮拜我喺story有意莫意暗示咗呢樣嘢，大約話，算啦斷咗就算我要放棄你啦嗰啲，佢第二日即刻同我解釋返原來佢係因為想我都主動啲搵下佢，所以先想試吓唔搵我，等我主動少少，點知我又真係冇搵佢 ，佢話覺得我哋嘅關係變得好尷尬，所以唔知點樣同我講返，但可能因為我嘅story令佢有啲驚，所以即刻同我講返，佢有講到佢有鍾意我，當然我都即刻同佢講番我嘅諗法，我亦都有問佢可唔可以返去以前咁，佢拒絕咗我，之後我哋就冇再講嘢，過咗幾日之後，有一日我朝頭早仲睇到佢Story，突然下晝就睇唔到，佢hide咗我story，我即刻去問friend，佢po咗首關於咩錯過，想重來一次遇見你呀，而家淨係可以暗中鍾意你嘅歌，呢堆係首歌嘅大約歌詞咁啦。 我糾結咗好耐，我唔知佢咩意思，點解佢要hide我，po啲同我哋經歷咁似嘅歌，但我挽回佢又唔應承我，搞到我都唔知佢究竟仲有冇鍾意我，想問吓大家有啲咩睇法，同埋真係想知，一個男仔真係可以咁快唔鍾意一個人？我哋不過斷咗一段好短嘅時間，真係唔該晒。
#NSS個人 [GUEST] 小妹今年6年級,就讀一間唔錯既小學,平時係學校成績唔差,可以話係名列前茅,但系同學好似都唔鍾意我咁。 小妹係學校無乜朋友,我自問性格唔算太差,但系啲同學都唔鍾意同我玩。之前有問過佢地點解,佢地就無理我直接無視我,之後既行為甚至從無視去到言語欺淩。由於小妹成績唔錯,老師都會偏心我,同學就會話我啲成績係老師通水比我,或者係老師、面前故意刁難我,當我同老師反映既時候,老師都會草草了事。咁我嘗試融入佢地，玩佢地玩既野，講佢地鍾意既野,但系佢地都會諷刺我,話我成績咁好點會玩埋啲咁既野,話我係書蟲叫我死去讀書。我之前聽到佢地話因為我成績好搞到老師直系偏心我,佢地既家長都只係贊我所以佢地要孤立我,我完全唔明,成績好係我既錯咩,我真系超級委屈,有時係學校默書拿到滿分就會比人話我耍心機,我勁疑惑囉，相信大家都試過結果比預期好然後自己就會好開心,我啲同學就會話我內卷,話我心機女諗住搞到佢地放低警惕,我：？？？ 我已經自我反省過無數次,各位求求比下意見我,我真系想融入佢地係最後一年留個好既回憶 sor for 1999 圖Link: https://ibb.co/80zmY9x
#NSS家庭 [GUEST] 想呻下，同睇下有冇人有解決方法🤦🏻♀️🙏🏻 話說宜家中學停課/之前online，所以我細佬每日都由朝到晚咁打機，打唔係問題但佢真係好嘈，成日突然大叫/勁大聲爆粗/拍牆，有時仲開speaker同佢啲friend一邊打一邊傾，佢講嘢又大聲，對面又大聲，我真係俾佢搞到就黎癲。 有時我同阿爸阿媽好聲好氣叫佢細聲啲，唔夠5分鐘佢又再嘈過，態度仲要勁差，話佢自己已經好細聲(但我已經係同佢隔咗2道門，仲帶埋耳機聽音樂，都仲會聽到佢啲聲)，講多兩句又話要自殺要走出街玩(你唔驚出街中，我都驚你傳染我)，搞到好似全家人蝦佢咁。 我好少打機所以可能唔理解打機時候嘅激動，但我仲有10日就要考dse，我已經好大壓力，透唔到氣，你可唔可以俾少少同理心，忍埋呢個月，俾我可以靜少少溫吓書，衝埋最後呢10日，唔係唔俾你打機，但細聲啲好唔好 我唔知你睇唔睇ig，亦唔知你會唔會睇完發現係講緊你，如果你認到，當我求下你，唔好成日都咁大聲好唔好 如果你同friend打機，你又知道佢有家姐阿哥要考dse ，聽到佢屋企人係咁叫佢細聲啲嘅時候，唔該你喺電話嗰面都細聲少少好唔好？ 我唔知究竟我嘅要求係咪真係咁過份，但我真心就黎癲，唔知點算好，所需要打出黎講，起碼個心會舒服啲，Sor for 1999 Admin po ig plz🙏🏻
#NSS個人 [GUEST] 唔知有冇人同我一樣，唔知點解特別反感講情話，亦都好排斥另一半既情話。 第一就係我聽到之後會覺得好唔自在，自己講完之後睇返都覺得尷尬。第二就係我覺得用嘴去表達愛其實係比較虛偽，當然，每個人對另一半既愛有唔同既方式，我亦都唔係話嘴講既說話唔算愛，只係我個人認為維持一段情感係靠分享，陪伴同傾計。 可能有d人會話：既然係另一半你要接受。我嘗試過去接受同理解，亦明白講情話係完全冇錯既，但我就係唔太接受到，聽到就會渾身唔自在。 同樣，我都唔係太中意長文之類既野（但比情話好）我唔係太理解點解依家d人咁中意曬(show off)朋友或者另一半寫比佢既長文，有d人仲會要求朋友或另一半寫比佢，其實長文離離去去咪都係同樣既說話。 以上純屬個人睇法，純碎就係想問下有冇人同我一樣，同埋分享我既感受，冇任何針對或質疑既成分。每個人都有唔同睇法，如果你認為係我既問題既話我亦都樂意接受 🙂 可唔可以擺main ac thxsm 最後感謝admin們 辛苦晒
#NSS家庭 [Guest] 真係好大壓力T-T（長文慎入） 小妹09我由小學開始已經好大壓力，一個禮拜已經要去補習：2英文補習，2數學補習，彈琴，跳舞，畫畫，游水。其實小學嘅時候英文都ok只係啊媽見到人哋D仔女有9X我只係得85所以覺得我要補習，數學就比較差只係得7X：））嗰陣時太天真以為上堂冇咩大不了同埋好似有得出街好開心，去到一年級學期尾要分精英班所以我啊媽不停同我搵補習，又不停問佢D frd 有咩好介紹⋯⋯考試前不停去做卷（英文Grammar,數學題）最後我都入到精英班。但係因為咁，我啊媽就成日講：你唔補邊有咁多分呀？人吔XYZ日日溫書而你淨係玩，你點同人吔比啊？有一次我數學失手淨係得6X分比佢遲出門口話：得60分你唔好去死？人哋個個都有A，你日補夜補都唔進步？你腦裝屎㗎？夜晚入返屋企比佢用衣架打到PK：））飯都冇得食:)) 去到中學入到一間幾好banding嘅學校但第一次考試成績差咗，我啊媽就幫我搵好多補習中英數補齊總共一個禮拜補足7日，學校又有功課，補習功課種多過學校，又要練琴，日日做到隻狗咁，同佢講唔補佢又話：個個都贏在起跑線，唔補習你咪去死囉！人哋個個出類拔萃你咪去做快餐囉睇吓邊個請你？生叉燒好過生你！我真係好大壓力，好唔鐘意屋企人，有咩方法解決😭🙏雖然應該冇：））
#NSS學校 [作為一個被網絡欺凌嘅過來人] 絕對唔好忍氣吞聲 除非你想帶住依份經歷到你百年歸老 如果你想放低依件事 最好就係去面對佢 直面佢 欺凌者本來就理虧 私下解決係第一處理方式 如果佢地唔肯出面/道歉？ 咁就收集證據po上各大page 佢地理虧無辦法話你錯 但唔係迫不得已唔好行到依一半 小弟係比人圍屌3次+嘗試解決2次先決定用網絡的力量 總之絕對唔好忍氣吞聲 唔好當冇事 有一次就預左有無數次💀
#NSS家庭 [對阿媽有啲意見，大家比啲意見thxx🙏🏻🙏🏻] 係咁嘅，小妹有一個家姐，其實我覺得佢仲曳過我，明明啲衰嘢佢都做晒但係阿媽一定係懷疑我先。 近期鍾意咗睇小說，小說個網就乜嘢都有嘅咁我就用我Gmail Login點知我個Gmail就link住左阿媽個Gmail我每逢login邊度佢都會收到通知。咁我就login咗個小說網啦佢就發現左一撳入去就見到好多18禁嘅嘢咁真心我又唔係睇18禁嘅嘢佢就衝過黎叫我delete晒啲嘢。 鬧人仲要勁野蠻，一開頭講話「討論下」點知有佢講冇我講，不停話我那樣個樣我同我家姐想講，佢就話唔同我debate ？wltf 明明講啲Gramma 講錯曬，阿爸仲問我，你大哥可唔可以好似啊媽咁咁勁？所有野佢都識小小扮代表，明明自己都係聽人講，之後就話其他人聽人講冇腦。 有一次仲勁爆笑，明明間補習社係同學介紹，之後過幾個月，我阿姨問佢我係邊到補習，點解搵到。佢就話，係自己一間間上網搵，睇人地點講先比我補，當時聽到真係忍唔住笑左。 我IG啲嘢佢又管住晒，成日偷睇我電話，有一次直頭睇我Watsapp同同學啲msg。仲要而家比佢只我密碼😃👌🏻平時仲勁熟手開我電話睇我IG 。睇完仲要cap圖send去佢電話😃 其實我追星有一排2019年開始鍾意某香港男團。個排佢地未紅，我阿媽唔係好Care。到而家紅左，佢就開始留意，每次我睇佢哋都會自己過黎睇。 但係到阿爸鬧我追星太上腦嘅時候，我阿媽就會扮冇嘢同佢一齊鬧我。💁🏼♀️之後我家姐問阿媽係咪仲意某男團點解記住曬佢地啲資料等等。佢就話，佢只係記性好😃。 成日收我電腦電話，又限我沖涼時間，食野時間等等。我覺得有啲嚴重，佢就話自己好對我同我家姐寬鬆，如果再講就收我電話多啲時間 想大家比啲意見，係咪的我對阿媽太有偏見定？