01/07/2021 16:33
#NSS家庭 [Post ig thx(ง •̀_•́)ง] 我好憎我啊媽，由細到大都覺得自己唔係佢親生嘅。 – 對上我有個家姐，佢讀書叻，好勤力，但係唔沖涼唔刷牙，自從一放假，佢就係屋企hea。之前講好咗一齊輪流洗碗、吸塵、買嘢食，佢都冇做過。我啊媽都會就曬佢，但係如果我冇做到佢就會鬧我。 – 好耐之前，我啊媽已經講話瞓覺嘅時候電話唔可以放入房，我有幾次瞓唔著就拎埋入房玩電話。我家姐就會同我啊媽報寸鬧我。我就會講點解家姐又可以我又唔可以？佢就話 你咁樣對比㗎咩？我都冇將你同佢嘅成績對比。但係佢平時都會對比我哋嘅成績。:D – 我最近都唔知點解一放學返到屋企就好眼瞓，咁考完試對卷咪冇功課做，咁我咪瞓覺囉。我唔覺得有咩問題，佢就係咁鬧我日日返到黎淨係識瞓覺。但係瞓晏覺有咩做錯先？我係殺咗人定犯法？佢就會冇嘢揾嘢黎講，又話我唔執枱又話我冇執衫。但係我啲書櫃、我啲櫃好多位都比你哋霸曬，我又放得去邊？ – 其實有好多嘢我唔覺得自己有錯，但係唔想同佢嘈。一同佢嘈佢就話我脾氣差，話我黑佢面，話我態度唔好。到最後次次都係我道歉，我唔道歉就唔比零用錢、唔比飯錢。我之前都有講過話想返part time，但係老竇話有能力養我哋，所以想我先好好讀書。 – 有咩方法可以幫吓我，我好想離家出走，但係屋企又係一個依靠，我可以點….或者我可以點改善我哋之間嘅關係。 – 多謝你哋觀看(•̤̀ᵕ•̤́๑) 唔該曬admin！！！
#NSS社會 [GUEST] 天水連線元朗（瑞華）區議員林進： 每日只喺不停聽有幾多人離開、有幾多組織/專頁關閉、有幾多人退出… 我真係唔想知呀，我只係想知仲有幾多人仲堅持緊、仲未放棄、仲為緊果個遙不可及嘅夢𡚒鬥著 2021/6/30 === 區議員宣誓在即 大規模DQ是必然會出現嘅事 而選區將處於「真空狀態」 甚至個別區議會因人數不過半而無法舉行會議 受影響嘅必然係廣大香港市民 要珍惜今日仲可以叫「林議員」呢個名 更加要珍惜眼前所有勇於發聲嘅人 因為佢哋喺一個唔正常嘅時代 做緊一啲正常人應該做嘅嘢 最後引林進一句說話： 『區議員的終結並不代表 我們就此消失在時代當中 而是另一個全新方向的開始 我相信香港人會千方百計 絞盡腦汁 去堅持自己的信念 就算當刻未見成效 但他日必定有所作為』
#NSS個人 [Guest] 純發洩🙃 我真係就嚟頂唔住la 今年升中五, 有嚴重濕疹超過十年, 搵唔到人同我傾, 喺度發洩下 我阿媽覺得我有濕疹自己攞嚟, 我已經食得好清, gluten egg lactose sugar 都盡量少食, 平時喺屋企負責煮飯, 調味盡量落少啲,煮自己食得嘅嘢, 但係我阿媽覺得我要全家就曬我, 但係我有時都會煮啲自己唔識得嘅嘢畀佢哋, 自問煮嘢食都唔差 因為隻手好痛所以唔可以幫手洗碗, 但係我每日都幫手煮飯摺衫, 佢又選擇性失明 其實我隻手掂到水都好痛,又多功課做,真係冇時間做家務, 但我都盡量盡自己嘅責任,最多夜晚遲啲瞓
#NSS個人 [Guest] 我係一個中四學生 篇文可能有啲長 但呢啲都係我嘅真實感受 好多時候我都處於負面狀態下 最大原因其實係屋企人 佢哋好鍾意話為我好為我好 最鍾意講 俾我食俾我住我仲唔聽話 夠膽反抗就叫我自己出去賺錢養屋企 我直到中一先可以自己搭車返學 中三先可以同friend出街 佢哋成日都話我好唔聽話 其實我自問我雖然算唔上好乖 我都有試過反抗 但已經做齊佢哋嘅要求 冇肺炎嗰陣一兩個月先同friend出一次街 每次都要講好耐先比我去 次次都係去屋企附近 唔准喺出面食嘢 四點前要返屋企 到中三先開始自己學地鐵同埋巴士啲路線點樣搭 (我知都幾蠢)點樣轉車 到咗有肺炎我幾乎成年都喺屋企
#NSS其他 [Guest] 話說我前幾日係一個代做功課group到見到一個message 「高價收中一至中六課本 考完試啲書唔好掉住 揾我放書有錢收 越早放價錢越高 快啲影相俾我報價啦(*≧ω≦)」 咁我咪諗住去賣囉，我仲約咗對方(後稱A)1/7 喺地鐵站等 – 到咗今日，我同A一齊行到去某商場嘅一間舊書買賣舖頭，我攞住16本中二嘅書去賣，舖頭裏面其中一個人攞住我疊書就咁揭兩下，成個過程2分鐘都唔使就同我講「呢到$100」cls我16本書賣得$100，我又唔識得拒絕啦我唯有講「好呀」就係咁我攞住$100自己走咗。(即$6.25一本) – 其實我究竟有冇得追討返，同埋我係咪比人呃🥲🥲🥲
#NSS個人 [Guest] 我有啲迷茫 小妹有一班好好嘅網友，每日都會同佢地打機，我地約左暑假某日約出來見面，但係呢我猶豫緊究竟出唔出好，因為驚出來會比人排擠。 事原係咁嘅，我地平時一齊打機嗰陣，無論我講乜都會比人串，打機打得廢就會比人鬧，可能我真係廢啦，但係有第二個人明明實力同我差唔多，但係佢地從來都唔會鬧佢。 但係少部分時間打機嗰陣佢地又會好似同我好friend咁，有說有笑，依家佢地一同我一隊就會係咁抱怨，一輸左就會唔理我，語氣勁差，講啲野又難聽，話咩你咁廢就咪玩啦，咁X on9嘅人都有嘅，又成日扮聽唔到我講野，無論我講乜都無人應，我一講野就叫我stfu，搵佢地又已讀不回。可能因為我生得樣衰，份人on9（少部分係扮🤫）把聲又男人，講野又直，佢地唔鐘意我，我唔知係我玻璃心定係點，但係聽完之後夜晚都會唔開心，甚至有時候會喊，雖然我平時睇落好樂觀。甚至我有諗過想退出呢個圈子，佢地全部人根本好似唔在乎我，但係間唔中某一兩日就會同我好friend，所以令我好矛盾。我已經因為打機無左好多現實嘅朋友，因為我識佢地嘅時候係覺得我同佢地傾得埋，所以淨係掛住打機。 希望各位可以比啲建議，我真係唔知佢地究竟係咪當我真朋友。 Sor for 1999 Admin po ig thx 辛苦曬admin😭🙌🏻真係好想要啲意見希望可以post😭🙌🏻
#NSS家庭 [我畫嗰阵澀圖 唔小心比我家姐睇到ヾ(◍°∇°◍)ﾉﾞ ] -今年f.3嘅我、腐女(///▽///) -屋企人我家姐知道我會睇bl/gl/bg/av/gv(˶‾᷄ ⁻̫ ‾᷅˵) 我屋企比較開放，佢哋可以接受到，固然都好開心 -前提*我家姐唔係腐女（間中陪我一齊睇bl) -我細個到而家都好鍾意畫畫，畫工都算可以啦！可以接稿嗰種(๑•̀ㅂ•́)و✧ 加上考完試好得閒，我就開始畫澀圖/短bl漫. -我畫緊澀圖嗰陣時我冇意識到我家姐喺我後邊，我就繼續畫，一邊笑一邊畫，畫完成張圖我身下懶腰，我好似打到舊嘢，嗰個就係我家姐(`･∀･)b我望住佢佢望住我，然後佢笑咗 -果次之後我唔知佢開啟咗咩機關，只要我一攞部iPad畫畫，佢一定衝過嚟望住或者叫我俾佢睇(⁎⁍̴̛ᴗ⁍̴̛⁎) 佢都慢慢開始睇bl、睇得越嚟越猖狂，甚至叫我畫bl漫畫 成日捉住我同我討論！救命！點算！ 多謝大家睇完w 希望大家唔好覺得我係變態ヾ(≧▽≦*)o