#NSS家庭 [GUEST] 小妹今年f1 ，有個大我八年嘅家姐。平時我可能冇表情，我家姐就話我嬲佢，咁佢因為以為我嬲佢，佢就嬲我，我平時亦都有講自己喺冇表情，但佢唔信，我嘅表情應該係：O_O。但我亦唔想喺屋企都要戴住個面具做人（傻笑）。 家姐問我星期一同唔同佢出街，因為佢要返工，所以佢叫我喺兩點搭地鐵到土瓜灣等佢，之後一齊去唔知邊度（佢冇講清楚）。由於小妹冇自己搭地鐵，好驚⋯⋯其實我係幾驚到咗個站搵錯出口。所以我就話唔同我家姐出街，而我亦講咗原因，但佢就話：「我唔明我對你咁好，你就好似成日好憎我咁。」講完之後佢就好大聲BANG門，我哋而家應該冷戰更，其實我唔明點解激嬲咗佢。 Sorry for 1999
#NSS個人 [Guest] 小妹今年中一，讀嘅一間band 1B 女校，由小學直升中學，係一個band 2生，小六個陣個班主任叫我唔好揀返原校，話會好辛苦，不過我死都想入返原校，最後大抽獎個陣抽返原校啦。以為一天都光晒，點知，上學期成績表排全班最尾，自信心即刻冇晒，個陣時我婆婆仲要confirm左有肺癌，而佢個case係較為罕見，有少少影響到我自己，到咗final exam，婆婆情況越嚟越衰，又食過鏢靶藥，又做過化療，兩樣再加埋電療都冇咩幫助，個醫生都話隨時係等死，考試前個幾日不停喺度諗呢件事，到咗考試，之前明明合格嘅三個subject fail咗，之後我最弱嘅maths同上學期一樣fail咗，考maths前一晚個腦不停喺度諗婆婆啲嘢，喊到兩點幾先訓，第二日勁眼瞓，將所有attention放晒落paper 1 long question度，而paper 2我喺係好眼瞓嘅情況下做完佢，最尾兩份卷都fail，我真係好驚我會留班，我應該點算？
#NSS社會 [HKschool] 香港人甚麼時候才肯醒來？香港人甚麼時候才會明白？ 可能我們生活在和平時期太久了，早對社會上的不正常、不公義已經盲目，我們已經忘記如何對待極權政府，正正因為這個和平的世代，我們會誤以為叫口號、上街遊行、砸汽油瓶，是一種反抗的手段，是抗爭。 可是那真的是抗爭嗎？我所看見的，卻是在每場暴動中，人們的冷漠，人們只顧自身的安危，逃離現場，人們只會將相機對準發生的事情，叫一叫”停手”、”人渣”，可能這是一種對受害者的憐憫，可是看到別人被警察毆打，記者、群眾都沒有用行動去阻止暴行，那真的是一埸抗爭應該做的事嗎？ 可悲的是，香港人奴性重，香港人怕事。 在暴動結束後，無論有多少人被捕，甚至失蹤，社會都會回復正常，人們照常上學、上班，唯一不同的，只是在每天早上可能會聽到一兩句對政府的不滿罷了。 香港人太文明，太斯文了，我們抗爭的做法由始至終都是徒勞的，文宣、和理飛，是多麼天真的想法。 極權政府就是一隻狼，這隻狼從出生那刻開始，就已經深知”誰大誰惡誰正確”，知道誰拳頭大就是道理；而香港人就是綿羊，不知世事險惡，認為和任何人也可以講道理。殊不知這隻狼打開了口，已準備咬下去，吃掉綿羊了。 香港人對什麼事情也有不滿，這是我最難理解的，黃營對自己人的公審、批鬧，為的是什麼呢？對新聞平台的做法不滿，對和理飛不滿，對激進示威者不滿。而我們又做過甚麼去改變？沒有，我們都只是在屏幕前打字的”鍵盤俠”。 “口𥚃說不，身體卻很誠實” 這和現時情況非常貼切，打着反抗的旗號，卻在吃中資的食物、玩着中資的遊戲、看着中資的戲劇。這種的虛偽令我感到嘔心。 最重要的是，香港人怕沒有安穩，我們常常認為，有錢、有樓便是一切，自由是當不了飯吃的，沒有決心，又如何捍衛自由呢？ “不自由，毋寧死” 六四學生的決心我們沒有，我們亦沒有勇氣，抱負著赴死的心態到坦克前擋著。 “當獨裁成為事實，革命就是義務”，我們所需要的，並不是一埸場的遊行、暴動，而是一場轟轟烈烈的革命，只有革命，人們團結起來，反抗手段升級、組織性，只有革命才可能令中共重視我們。 我們現在的行為就像過家家，而不將行動升級，就是放棄。同時間我們卻沒法更強烈的反抗，我們缺乏目標、手段，最重要的是，我們缺乏資本去造革命。 香港，國際大都會，我們的家鄉。想保護她的人卻得少。用行動，真正反抗去嘗試保護她的更少。香港人根本沒有要保護她的意志，我們奴性重、怕失去安穩、怕事、怕死。我們又沒資本，沒力量，沒決心。沒有多少人想反抗，想反抗的人又手無寸鐵。 這極權統治是香港人自拿的，是你們的愚蠢導致到這局面的，你們的自私，你們的無知令到這隻狼的口越張越大。 當狼想吃掉綿羊時，一切都已經太遲了。但是現在的我們，已無法改變狼在勒緊綿羊的事實了。
#NSS個人 [GUEST] 唔知大家身邊有冇啲好鬼串嘅朋友？ admin pls po 後備 ac！（因為唔想俾同學見到）辛苦晒！ 是咁的，小妹身邊有個品學兼優，做乜樣樣叻嘅朋友。一開頭識佢，佢嗰人ok嘅，我有時放負佢都會覆，仲會成日鼓勵我咁。慢慢呢，我哋就變得幾friend吓，雖然佢喺學校會搵佢其他更加friend嘅同學玩，但係我哋返到屋企都會dm傾計。 到最近，我發覺依家我喺學校，我講一句佢就窒一句，就好似我上緊堂，想講啲嘢營造吓氣氛，我講完之後佢就即刻拎轉頭「哦」我，一開頭冇為意，應該係隨口up吓講吓笑咁冇惡意嘅。但係依家覺得越黎越犀利，我問佢另一個friend啲嘢，跟住佢就話「關你咩事」，到佢喺課堂入面講嘢營造氣氛嘅時候，我試過「哦」返佢，跟住佢又話「唔係同緊你講嘢」，搞到我已經唔知點樣去對付佢好。我喺班房刨筆，佢就突然走埋黎話「筆唔係應該喺屋企刨嘅咩？」嗰陣時考試時期，咁我見到佢攞書出黎溫我咪話「書唔係應該喺屋企溫嘅咩？」之後佢就話老師俾佢哋依家溫書，之後我都費時同佢拗（我心諗：刨筆又冇人話唔俾依家刨，有老師真係話唔俾嘅話，班房嗰刨筆機唔係應該收埋咗嘅咩）真係好奇怪，唔知點解對我係咁，對其他同學唔係，有時真係俾佢激到eq都低埋。最近呢，我另一個朋友見到佢係咁窒我，搞到嗰個朋友都開始窒埋我一份。我唔知我做錯咗啲咩，喺咁俾佢窒，有時真係好唔開心，但係又諗起佢有時會安慰我，我心情真係好矛盾。佢窒我嘅例子仲有好多黎到唔一一細說。有時會覺得係欺凌？但係好似冇咁嚴重。唔知係咪我玻璃心得濟，定係佢真係過份咗，每次俾佢咁樣窒完，我又繼續搵佢傾計感覺好冇尊嚴。 希望大家可以留個方法俾我，真係好唔舒服，又唔想同其他朋友講佢壞話，所以先喺黎到求助。多謝你哋咁耐心睇完。sor for 1999
#NSS個人 [GUEST] 關於筷子。 話說今日黑雨唔使返學，因為我夜晚淨係瞓咗幾個鐘，所以朝早起身知道唔使返之後就瞓番，一直瞓到好晏。 後來，我二姑媽嚟咗我哋屋企坐。我屋企人見我全日未食過嘢就主動煮左個麵俾我，咁佢哋有佢哋傾，我自己就坐喺張飯枱度手機送麵。 突然間，唔知係咪佢哋講到冇嘢好講，我二姑媽望住我食嘢，跟住就同我阿嫲講，「咦，阿XX（我個名）揸筷子咁得意嘅😂」 喺嗰一瞬間，我知道又奶嘢了😃 由細到大佢哋都好鍾意以我揸筷子嘅方式當笑話咁樣講，佢哋覺得自己揸筷子嘅方法係「正確」嘅，換言之即係我「唔識揸筷子」。我哋全家連埋啲比較近嘅親戚（重點：係我阿爸嗰邊）都係用佢哋嗰套「正確揸筷子嘅方式」，基本上大家坐埋一齊食飯嘅時候，剩係得我阿媽、我同我細佬唔係咁樣揸，然後佢哋甚至可以以呢個為理由話我媽冇教好我哋兩個… 佢哋一直都好鍾意以呢一點詬病我，我每一次都忍唔住開口駁返佢哋。今次，我冇嬲，我繼續食我嘅麵睇我嘅手機，好冷靜咁樣講，「咁其實當初啲祖先發明筷子嘅初衷都係希望啲人可以夾到嘢食姐，咁我只要做到呢一點咪足夠，從來冇人制定過所謂「正確揸筷子方法」，你覺得你啱嘅同時人哋都可以覺得你咁樣揸得唔啱㗎喎，我哋又冇乜嘢筷子真經流傳落嚟，你咁執着只會令你自己唔舒服😂。我完全唔覺得自己有問題，我亦都冇講過我咁樣揸先叫做「正確」，一路以嚟剩係得你哋吹噓緊自己揸得有幾叻，我只係覺得自己咁樣揸筷子夾野夾得好順利，我認為咁樣已經足夠，反正我係唔會改。」 呼，成個人即刻爽晒。 遇着呢啲咁執着嘅人真係好乞人憎😓 Sor呢篇文好似真係好無厘頭哈哈，要費唇舌同佢地拗真係好無謂，或者你哋會覺得我應該直接無視佢哋，但係講完之後見到佢哋出唔到聲鬧翻我轉頭，真係爽晒～～ 點都好啦，Sor for 1999，同埋唔該晒admins❤️