—類投稿

#NSS家庭 [sptss] hello 小妹中一，我好想有個冇人嘅地方比我放學or平日靜下，因為屋企啊媽好煩，但佢唔係普通煩，佢係好撚煩，即係同佢講嘢會好燜想行開嗰啲（我家姐都有蚶嘅feel） 講下背景先， 我比較細個嗰陣(大約k3)，兩夫婦飲酒飲到癡線，大約每星期一兩次咁啦，我都唔係記得太清楚，雖然唔係頻密，但都足以搞亂個家，飲完酒返嚟都癡癡哋，有時會鬧交，有時會做啲迷惑行為，唔知癡咗幾多次之後，到最後一次，攪亂成個屋企之後，終於離咗婚。 離婚後到現今，啊爸醒咗，好比心機咁去做嘢搵錢，此中我係佢個女，雖然家姐唔係佢個女，但佢都會比錢佢生活。而啊媽佢不但冇清醒，仲去搵第二個😐，嗰個男人(稱a)據我所知佢係大排檔嘅老闆，有能力比錢啊媽洗，而a就有其他女，後來啊媽想a只得佢一個，但a唔同意就分咗手，嗰陣啊媽仲要呃我話係因為我唔鍾意a先分手，我都係聽返啊媽個朋友先知道真相(我細個同佢好frd，當正親生啊媽)。 啊媽同a分咗手之後頹咗陣，之後返咗陣工，但因為各種因懶嘅關係而比人炒咗，例如話乜嘢要照顧我同家姐，但其實我地好獨立，乜都可以自己攪掂，就算佢死鳩咗都得。 大約半年前，家姐頂唔順啊媽就搬咗去個frd度，嗰陣佢每星期五就會喺公司攞嘢食返嚟，睇得出佢心情/情緒好咗好多，後來都搬返嚟。 啊媽分手之後不斷飲酒食煙食藥，每日都有，當三餐。飲到個人癡癡哋，冇古錯嘅話嗰隻藥係會令人上癮，因為佢一日食嘅份量係完全超出醫生叫嘅，而唔食嘅話就會唔知幾時會發作，即令人無故大叫後抽搐，有可能會嘔泡，不過都係少量，之後入過唔知幾撚次院，到宜家我已經慣咗，之前打電話call白車有好幾次佢都唔肯入院，搞到我都唔敢再call費時煩到人。食（包刮買酒買煙同其他佢亂鳩買嘅嘢食）到要向銀行借錢…佢又冇錢還，到最後啊爸比咗over50萬，啲錢本來仲要係供我同家姐讀大學嘅。 前陣家姐要考dse，佢唔想心情，即使啊媽煙酒藥當三餐搞到行路唔穩 講嘢勁慢 9唔搭8 成間屋臭曬佢都唔理，盡量唔同佢嘈。考完dse之後家姐終於爆發，啊媽煩到家姐嘅時候佢就好嬲咁鬧爆佢。宜家家姐唔係返工就係出去玩，喺屋企嘅時間少咗，啊媽冇人煩就嚟煩鳩我， 我日日對住佢真係好辛苦，每次佢嚟煩我我都會忍唔住自己嘅情緒。可能因為佢做嘅嘢太黑人憎，導致宜家佢做嘅所有嘢都會令我體內有種不知名嘅壓力谷住谷住，例如同我講嘢或者出現喺我眼範圍內。唔爆出嚟好辛苦，近排我有嘗試過壓住嗰種情緒，但嗰一刻忍到，大約半分鐘後就會不自覺地喊咗出嚟。我屋企係有個家庭社工，但我唔太熟，因為基本上都唔係搵我或者家姐，而係搵grandma嗰邊，因為前幾排啊媽個啊哥跳樓死咗，啊媽個家姐個老公又唔負責個女，導致個女學壞曬，自己生咗1女1仔後自己走去玩，個女比咗grandma照顧，自己又唔俾錢，我哋屋企已經唔係好有錢，grandma1個人養打2女1仔已經好辛苦，宜家仲要一個死咗（啊嗎個哥），1個有抑鬱症（啊媽，我都唔知佢點解會有，明明又唔洗返工比家用，日日就係飲酒食煙藥，有都係grandma有先啦），仲要照顧個女嘅女。 總之啊媽佢煩我，搞到我成日好嬲好燥，前陣我會打牆同塞頭哥，唯有咁樣先可以打死嗰種好辛苦嘅感覺，我都知道咁唔係辦法，所以就想有機會就盡量離開屋企，但我又唔係好多朋友，借住唔到，如果搬去啊爸度，唔單止交通不便，啊爸成日都唔喺屋企，我又要對住我唔係幾鍾意嘅啊嫲同啊爺，佢哋嘅生活方式我更加接受唔到。 因此，我想有個可以比我一個人靜下嘅地方，之前有諗過租間細嘅studio，但諗諗下好似有啲誇張，我又諗過租partyroom，但對於一個f1學生有啲貴，令我唔知點好，所以想問大家有冇啲地方推介。 而就嚟到暑假，我唔想日日喺屋企對住啊媽，去朋友屋企唔係辦法，始終日日阻住人唔係幾好，我想搵啲暑期工做，得閒冇嘢做可以賺下錢都幾好，但McDonald要中五先得，所以又想問下大家有冇一啲暑期工係123歲or f12都返得… 我總結一下，就係有兩個問題想問大家： 1.有冇啲可以自由出入又冇人嘅地方介紹，一個廁所咁大都ok，只要係冇人，幾遠都ok。 2.有冇一啲暑期工係123歲or f12都返得。 我知有啲啲啲長或者離題（有啲純發洩sorrrrr），所以我驚會寫太長有啲嘢冇寫到，但呢啲都係協助我解釋我想有一個平靜地方嘅原因🙏🏻🙏🏻sorr admin

#NSS學校 [天水圍某中學] 小妹今年f2 第一次投稿 係咁嘅 我有個friend識咗應該有一年 最近鍾意咗一個人 想講但係講唔出 驚講出嚟friend都冇得做 我知咁做好淆底 啲人成日話「唔講就錯過㗎啦」但我真係唔夠膽講出嚟 可唔可以俾啲意見🙏🏻

#NSS學校 [中學] 其實係咁嘅，我啱啱先見到另一個post關於自己最好嘅朋友冇同自己講生日快樂而感到失落，我都試過， 有陣時我都諗緊會唔會係自己太港女太做作，一定要人哋同你講生日快樂，但原來其實佢哋想孤立我… 同佢哋識咗都幾耐下，有個仲係我小學同學識咗好耐。 其實原本都覺得大家應該都可以玩得幾開心，但久而久之，佢哋開始唔理我，甚至開始講我壞話話我八婆。 佢哋開始有好多小圈子，識咗好多其他班嘅朋友，我以為係佢哋識咗其他班嘅人所以唔理我，但原來係純粹因為唔想同我玩所以先識隔離班嘅朋友。 然而同隔離班朋友講嘅第一句就係我嘅壞話。 講真其實真係唔明點解已經識咗咁耐，仲要都就嚟高中都仲咁樣去鬧我，去孤立我。 我自己又冇做錯啲咩，咁究竟係因為佢哋唔鍾意我定係冇咗新鮮感? 我真係唔理解。 sorry for 1999.

#NSS學校 [SBC] 我係聖文德書院既學生，我想叫大家要小心明愛某個姓朱既女社工，佢成日持勢凌人、唔俾人地任何一個解釋既機會，仲會同老師做篤背脊既行為。有一次，我同同學做project，點知grp入面有一位同學成日唔肯做野，所以我地就忍唔住罵佢不負責任。點知個同學無啦啦就喺度喊，同社工話係我地係欺凌佢，個社工就同老師講帶頭挽小圈子。

#NSS家庭 [迷路嘅羔羊仔] 話說喺幾日前，全部屋企人都出晒街得返我一個人喺屋企，咁我就無聊搵吓屋企有咩嘢玩，然後我喺廁所搵呀媽啲護膚品嚟玩嘅時候，我睇到一樣令我震驚到唔知可以再點面對呀媽嘅嘢，我見到一盒煙同一支電子煙。我知道食煙係人之常情，好多人都有食煙，連我老豆都有食，但係我唔知我可以俾啲咩反應，我唔知我之後可以點對住呀媽，我對佢好失望，我望住佢好似個陌生人咁，我唔知仲應唔應該信佢，我明佢係我呀媽，即使佢係點都會愛我，但係我唔知點算，我嗰刻嘅感覺好唔舒服，好鬱住鬱住咁，我做唔到好似平時咁對佢 而家我唔知可以點疏導自己嘅情緒，我唔知老豆知唔知，所以我唔敢同佢講家姐太忙亦都冇時間同佢講，呀妹就更加唔講得佢先小學，大家屌我又好，疏導又好，我想要啲意見去改變吓自己嘅諗法

#NSS學業 [煩惱學校] 小妹想請教一下大家 事緣差唔多讀完中4又已經考完試唔知應唔應該drop m1好… 咁我而家讀緊chem bio econ m1 加埋四個electives 而我讀緊嗰間學校係band 1A fyi我哋學校讀四個選修科嘅人都幾多加上上年又覺得自己數學好似幾好所以就揀咗m1 點知發現讀落冇乜興趣 雖然M1又未至於去到唔合格或者好差但係完全冇動力去溫(;´༎ຶД༎ຶ`)相反其他三個electives成績唔錯 全部都全級頭幾 而中文 LS都係精英班 數學同英文都算中上啦 所以覺得可能即使drop 咗M1都應該唔會影響好多 （？同埋我個觀點係如果我drop咗m1我平時會有多啲時間去擺落其他科嗰度咁我其他科嘅成績都應該會更加好（？因為小妹唔係一啲懶嘅人ʕ •ᴥ•ʔ絕對唔會drop咗空堂就去玩 但係問題就嚟啦 我屋企人就覺得成績唔差點解要drop

#NSS愛情 [None] 我想女朋友主動啲… 女朋友因為屋企人嘅事，搞到佢同我傾偈都係我主動搵佢先。我又唔係真係好密搵佢，但係掛住佢就一定講😂 我同佢係同一間SC（Secondary school）所以返學都見到。同埋最近因為一齊返（點解會分開詳細內容就唔講啦）但係佢一齊返後個態度冇之前咁主動，哪怕佢一句“掛住你。”我都會開心都飛起😂 佢話好驚屋企人睇佢電話，我就同佢講咗好多方法啦，甚至我有見面同佢講，但係佢都係冇咩點理我。真係好大壓力… 救巴打/女仔教下我🥲 Sorry for 1999 Also thank admin

#NSS愛情 [Guest] 各位高人，如果男朋友成日係你面前講你其他friend靚女，咁點？你哋男友都係咁？ 唔知點解我呷醋，係咪正常？😂 Sor for19999999

#NSS學校 [SHCC] 因為紅雨停課 所以考試延後 望落都好正常 但係點解要講原本星期五對卷 直接延後到星期六？乜原來中學星期六要返學 心諗本身星期六要翻學考試都好離譜 宜家對卷都係星期六對 係咪真係有咁急😅覺得學生唔使休息定覺得大家星期六都冇嘢做 考完試約好曬 無端端又話星期六要翻學 我真係冇聽過其他學校星期六要翻黎考試/對卷🙏🏻 anyway 淨係想黎呻下

#NSS學業 [GUEST] 小妹係一個中二學生, 讀緊間學校由band 1c跌咗落band 2a, 我知道banding唔代表一切, 但係我見到身邊啲同學唔讀書, 而且學習氣氛好差… 我嗰班啲老師教得好差, 例如上堂95%講廢話吹水. 所以我想轉校 – 我咁在意學習係因為我想將來dse考好啲, 搵份好啲嘅工, 賺多啲錢, 養好個家 (屋企偏窮冇ipad/電腦, 住公屋…) – 我同阿媽都打算轉去一間band 1a嘅學校, 當年小學有三個同我差唔多level嘅同學都入到嗰間. 而且自己比較自律性, 會分配時間。