#NSS個人 [GUEST] Admin plzz post🙏🏻🙏🏻 或者根本唔屬於呢個世界 又或者我根本唔適合做人 由細到大都成日俾人鬧 但係我又唔想俾人知道我真實嘅情感 所以我成日自己喺屋企對住塊鏡練習點樣笑 久而久之我成為左人哋嘅開心果 但剩係得我自己知自己越嚟越唔開心 小學嘅時候 有一班friend一齊玩 但係因為一個我自以為同我好friend嘅人 我嘅校園生活變得唔再開心 小一嗰陣玩開班friend因為佢一啲惡意嘅言語而疏遠我 我身邊冇晒朋友 只可以做隻跟屁蟲日日跟住佢 小五小六都同佢同班 佢冇因為咁而更加照顧我 反而夾埋其他人一齊bully我 慢慢我有一個身邊有一班朋友嘅人變成一個學校嘅邊緣人 我每日返到屋企都唔敢同屋企人講 驚佢哋因為咁而擔心
#NSS愛情 [GUEST] 某一日同朋友打機識咗你，傾吓傾吓我發覺有啲心動嘅感覺⋯⋯我哋住喺學校附近，有時放學行返屋企我會不自覺咁諗起會唔會同你相遇，其實我覺得我自己好似鐘意咗你😗。我知你係一個好冷漠無情嘅人，而我，係一個活潑開朗嘅女仔，性格唔係好似，但係我可以因為你一句說話而令到我開心全日🤥。你係學校都算好多hi bye friend，我自從打機之後嗰陣時開始，就同你成日傾計，有時已經唔係只係send 一個emoji，你會打多啲字，咁樣其實對一個男仔來講係已經唔算係hea 覆，我唔知你係咪對任何人都係咁，但係我知道你當我係可以日常傾計嘅對象，我真係好開心🤣！你已經係我朋友以上戀人未滿嘅人啦😢，我覺得你係鐘意啲文靜嘅女仔，但係我希望可以成為你嘅例外🤧
#NSS社會 [GUEST] 尋人 六月廿一號迪士尼男男Cp 見到或者佢Followers知道去左請tag佢地出來🤤 事緣今日見到佢地坐低休息, 之後又玩手仔又拖手仔 w 成半個鐘都仲玩手玩手指超級得意 腐女我表示😍🙈 我跟到排Hyperspace mountain, 繼續放閃摸頭仔 可惜佢地好早就走無得繼續睇現場BL😭 迪士尼好多男男cp, 當中佢地唔係男神級數靚仔, 但玩手摸頭愛好純情, 佢地互望笑得好charm, 眼神好曖昧 •w• 知道請tag🙇🏻♀️ 我想知佢地是咪cp同平時會唔會更甜, 最想𥄫佢地ig🤤（姨姨笑•w•) Sorry for
#NSS社會 [GUEST] 「真相，你搵到又點啫？」，張潤衡先生係八仙嶺山火事件過咗好耐，2015年7月3日接受蘋果動新聞嘅節目《壹錘定音》訪問俾人問到想唔想知道八仙嶺山火事件嘅真相咁樣講嘅。 我可以咁樣回應張先生：見到蘋果日報今日即將被滅聲嘅時候，就知道搵到真相有幾咁重要❗️ 有啲人話可以支持其他網媒，「終結蘋果大台」，唔使再留戀喺蘋果日報，因為佢過去有啲報道係受到爭議，但事實唔係咁，因為今日蘋果日報冇得繼續，聽日不論係立場新聞、眾新聞、MyRadio呢啲網媒，一樣都係冇得獨善其身，只會係下一個俾人針對嘅對象。 喺政權眼中，只要擁抱、追求真相嘅人，每一個傳媒、人都係蘋果日報，都係想要消滅嘅對象。 我好記得當時仲係新界西民主派初選候選人嘅黃子悅喺舊年7月3日選舉廣告嘅一句說話：政權能控制人民的言行，但卻無法控制人民的思想。 所以相比「蘋果撐唔撐到落去」、「買唔買《蘋果》」嘅討論之下，更加希望大家係撕破香港仲有新聞自由嘅假象之後，香港人仲可以繼續有一個獨立嘅思想。 香港人真係要珍重。 – – – 以下引述香港蘋果日報： 【2021年6月21日 – 9點半蘋果新聞報道 最終回】 「由舊年10月5號啟播到而家，多謝大家喺過去260個夜晚，每一晚支持我哋。 前路難行，祝願大家平安。亦都希望即使少咗我哋呢個平台，香港新聞工作者，都可以繼續緊守崗位，捍衛真相。 最後感謝咁多位主播、編輯同幕後編導嘅努力，喺蘋果成就一個不可能的任務、一個回應時代的任務。 再次感謝各位觀眾嘅支持。香港人珍重，有緣再會，bye-bye。」 重溫《9點半蘋果新聞報道》最終回：https://youtu.be/BsvcMNoGHqQ 圖Link: https://ibb.co/Zm099S0
#NSS個人 [GUEST] 6月22日，我又午夜夢回。唔知點解呢一年好頻密咁發惡夢，總會諗起小學不堪回首嘅往事，令我決定喺今日投稿。 四年前我仲係小學六年級，嗰陣我有三個女仔朋友A,B同C，我哋鬧過三次交，基本上都唔算鬧交，而係我被單方面疏遠。 我用自己角度了解到嘅係，每次挑起事端嘅都係C，佢可能係前一晚突然諗我做嘅嘢好可疑同做錯啲乜，然後第二日返到學校同AB討論，再達成共識疏遠我。 四年過去，我對細節嘅記憶已經好模糊，所以唔可以好詳細咁描述。我記得頭兩次鬧交我都去搵佢哋解釋，兩次地點都喺女廁令我覺得呢個地方簡直就係審問室，解釋完就會和好。第三次佢哋入咗廁所等我去解釋，C趾高氣揚嘅態度令我懷疑佢係咪好想踢走我，佢哋每次審犯嘅態度令我覺得我好似唔係佢哋嘅朋友，而係一個真正嘅犯人。我坐喺班房開始猶豫應唔應該繼續落去，但係有三次就會有更多次，我冇可能真係次次都去為啲雞毛蒜皮同佢哋解釋，所以最後我冇去到，我哋就咁絕交，我嘅惡夢都算係由呢度開始。 由於AC喺班影響力大，其他同學為咗唔得罪佢哋都疏遠我，ABC同其他熟嘅男同學一齊玩欺凌。舉一啲例子，佢哋用我嘅擦膠搣爛扔我，我嗰陣安慰自己都算係第一次體驗到畀人扔擦膠係咩感覺。有一次佢哋打去我屋企然後講啲唔好聽嘅說話鬧我例如八婆嗰啲，我都幾傻冇cut線繼續聽下佢哋可以講得出啲咩嘅說話，最後聽到佢哋鬧完cut線，第二日佢哋喺學校完全冇提起過，令我都有種佢哋冇打嚟鬧我嘅錯覺。我當然試過向班主任求助，但佢叫我以佢哋嘅角度諗下點解佢哋咁對我，我返到屋企好認真諗過再話畀佢聽，佢話我諗得唔夠並冇幫我制止佢哋。我知道啦，成件事根本就係我嘅錯，我抵死我應該要承受呢啲野，呢個答案是否滿意？ 我都有同屋企人傾訴，我好想講我喺學校過得唔開心但係好難以啟齒，我講到一半佢已經太攰瞓著左，所以最後我選擇埋藏喺自己心底。 但係埋藏喺心底有個壞處，傷口唔會好轉，只會不斷惡化。每日返學壓抑住上堂 ，放學返到屋企情緒就開始翻滾，大喊大叫、自我懷疑「我根本就係一個垃圾，跳樓死左佢哋係咪就會原諒我？」「我唔係人」「我根本唔適合交朋友」，命得一條，我唔捨得死，我驚痛，我驚我屋企人會喊，我根本唔知可以點做。 好彩我迎嚟左一個人生嘅轉捩點，升中派位，我派左一間好好嘅學校，我識到新嘅朋友，原本我嘅人生已經改變唔再痛苦啦。但係呢段黑暗嘅回憶埋藏得耐，已經喺個心生根發芽，我制止唔到呢棵樹生長，我夢到AC突然嚟咗我學校，我嘅朋友成為左佢哋嘅朋友，我對我嘅朋友有信心，但我都係會好驚，我又開始沉溺喺呢片充滿住痛苦黑色嘅海，我每個禮拜都會諗起，究竟我可以點做？喺secret見到其他人受欺凌嘅經歷，我知道我經歷嘅已經比其他人輕，但係我都會覺得唔開心同痛苦，我好討厭佢哋，憑咩要原諒佢哋，到死我都唔想見到佢哋，我好討厭咁負面嘅自己，點解我唔可以日日都開開心心？ 已經四年，而家對任何人傾訢對我都已經冇任何幫助，究竟點先肯放過我？憑乜要得我一個永遠埋藏喺小學呢段往事入面？ 多謝你哋用心睇完 Sor for 1999
#NSS個人 [我鍾意睇BL有罪？] 小妹今年就f1，我從小學五年班開始就睇BL，升咗中學之後（我升咗更唔錯嘅中學）跟唔上個課程，成績就唔係好好，壓力有啲大 我通常唔開心或者有壓力嗰陣時我都會去睇一下BL（我鍾意睇BL，除咗啲我身邊嘅朋友，冇人知嘅包括屋企人） ————————————————— 返到學校，我學校啲人用詭異嘅眼神望住我，我見到啲男仔指住我笑，啲女仔圍埋一班唔知講咩，我好奇佢哋講緊啲咩就問，結果佢哋個個都唔理我（我喺學校同同學相處都係比較和睦嘅，大家都係互相互助）我就覺得唔影響到我，我都冇理 然之後小息嗰陣時，班男仔就圍住我，鬧我：「你係咪變態㗎鍾意睇男仔同男仔嗰啲？你個人都🐶🐶地，係咪只要係兩個男嘅你都會鍾意㗎？你係咪gay？痴線，依家啲女仔真係好嘔心」我覺得好莫名其妙，唔知點解佢哋要咁樣鬧我，我就無理到佢哋 呢件事持續咗好耐，除咗啲知道我鍾意睇BL嘅朋友仲繼續同我玩之外其他都唔理我，後來聽我朋友講，我先知原來我鍾意睇BL呢件事傳到成班都知，然後呢件事都好快傳到去老師嗰度 個老師鬧/開導我，同性戀系唔應該出現系呢個世界上，你唔好再睇埋呢啲咁嘅，然之後佢日日搵我叫我接受佢嘅開導，除此之外，呢件事都傳到成級到知，啲人都成日對我指指點點，啲人成日話我係gay、變態、垃圾 ———————————————— 我只係鍾意睇BL，我唔明點解啲同學要咁樣鬧我（我冇喺佢哋面前講呢啲散播呢啲）我壓力好大，成日要聽住老師對我嘅開導、又要聽住同學鬧我 真係唔開心，我只係鍾意我睇嘅嘢姐，睇BL可以令我減壓有罪咩？😿🙏🏻🌹
#NSS學校 [GUEST] 好後悔點解三年前我咁單純又冇勇氣:000 話說呢果時啱啱轉咗個新男老師入我個班 就叫佢Mr I先,因為佢嘅姓氏讀&寫法完全唔一樣(好似係Ngai定咩 然後呢個Mr I次次都喺佢嘅堂蝦我哋(好教唔教佢係教數學 有次佢揼咗我個friend本workbook落街,仲要係搞到成個年級都知,不過呢個都只係冰山一角🤭 最嚴重果次都係「查人屎忽案」 有次唔知係邊個聰明仔話俾佢聽地上面有舊好似屎嘅不知明物體,然後成班男仔就遭殃了😺 呢個Mr I就叫成班男仔去男廁查佢哋屎忽 有D試過走老,但係都俾佢捉返嚟 呢個Mr I仲勁大力,冚一個鐵月餅盒落抬,然後個月餅盒就凹咗個勁大嘅窿 我一個friend話過俾阿媽知,但係佢阿媽唔care:00 如果當初上學期嘅時候拉咗個Mr I會唔會下學期唔駛咁辛苦 最搞笑係果時嘅我完全係唔知發生咩事,靜係知道成班俾呢個老師蝦😂🤠 三年前係我最刺激嘅一年🤓
#NSS學校 [YWGS] 我讀女校，中一，我同其他3個係四人行(a,c,e)，但係我覺得四個人入邊我呷醋呷得最勁，首先稱佢哋係a, c , e 。我亦都好憎佢哋，但係班上面又冇其他朋友。 A同C其實係一個二人行，佢哋成日陶醉喺呢個二人世界裏邊，原本其實我同A都幾friend，大家都當自己係best friend，但係後來唔知發生咩事A同c突然變得好熟，從此我就呷醋了。全部野唔會考慮到我先，小息一打鐘，又話要我陪佢去廁所但係就一直等埋C。 然後E又成日同第二個朋友一齊，下稱h，但係我同H又唔係好熟嗰隻， A，E， C ，H四個人嘅關係都係好熟。但係平時唔知點解放學，小息，我哋四個A,C,E and me 會喺埋一齊。 問題黎啦！佢哋上次去海洋公園又唔叫我，之後今次我淨係同A E C一齊去，佢又係咁喺度提哎呀我哋上次⋯⋯我哋上次⋯⋯我真係好憎佢哋囉！之後我哋21號考完試，記得前一日，我哋一齊溫習嗰陣時，佢哋三個一齊喺度問H：「你book咗乜嘢乜嘢未啊」我心諗：唔係又來呀嘛？平時又同我一齊，去街又唔叫埋我，想點。 唔怪得知佢哋冇提過考完試嗰日想點，其實我正想約佢哋，但係咁岩又聽到佢哋唔知想做啲乜嘢，到時問佢哋考完試要唔要一齊去邊，佢哋話已經約咗H嗰下就尷尬啦！佢哋又唔會問我要唔要一齊嚟啊？ A同C又二人世界， B同H又二人世界，班上面又冇其他朋友，我好憎佢哋，同時又好珍惜佢哋。諗返起，其實呢個中一生涯裏邊真係冇識到啲乜嘢朋友。希望中二可以識多啲朋友。 我成績又唔係好，又唔係太積極。閣下有冇一啲識朋友嘅秘訣。另外唔介意嘅話喺下面留言話我知你唔介意識我，我想識多啲朋友，網友都好。 小妹第一次投稿，有錯字請見諒。 Sorry