#NSS學業 [Guest] 小妹由細到大都俾阿媽迫要考課外試，例如樂器考試或者語文考試等等，每一年暑假都唔可以好輕鬆咁放，睇住人哋都過得好開心但自己日日都要被迫喺阿媽監督之下溫書。到咗今年佢逼我要考一個我好唔想考嘅語文試，自己都學咗好多耐但係好似冇乜進步過，有時都會自責自己點解溫咗咁耐但係一啲成績都冇，堂堂就係咁俾個老師串。每次我去問阿媽點解我一定要考呢個試，佢就會話「你食邊個，着邊個，有得你揀咩。」有時我知佢係為咗我嘅未來着想，但我真係好攰，有時都會諗點解做人會咁辛苦。想知道係咪嗰個阿媽都係會成日講呢句，小妹為咗考呢個試喊咗好多次而家好大壓力，好崩潰。
#NSS學校 [Idwts ] 小妹而家有樣嘢好煩腦 是咁的 小妹係三角友誼退出咗 本來以為識到個同我一樣傾偈啱Key嘅女仔 我稱佢為T T佢係一個好貼心好man嘅女仔 T會借褸比我着 T會過馬路嗰陣時答我膊頭 T會好紳士風度 但係我發現T呢份愛好灠 對個個都咁好 同埋T好鍾意動漫 我對T好好 T有時都會同我一齊出街 但係嚟份友誼越嚟越變質 T而家同其他女仔玩少咗同我一齊玩 T寧願瞓覺我唔過嚟同我一齊傾偈 可能我失敗咗好多友情 主動已經變得好攰 被動就冇人理我 而家T身邊嘅朋友越來越多但係我唔想做T隻狗 佢而家啲friend出學校幫T攞書包T仲好開心
#NSS家庭 [GUEST ] admin po ig please 小弟f1.有個藍絲阿媽,黃絲阿哥同政治中立嘅阿爸.而有個問題已經困擾咗我幾個月,尤其係最近我同我老母的矛盾更加升級,我真係冇辦法可以再忍受佢. 第一,我老母無論何時何地都係一個深藍.無論任何新聞只要播到關於手足嘅新聞佢就會係度爆曬粗咁鬧個班人.甚至最近仲想逼我去打伏必泰,話對我身體好咁話喎…… 第二,我老母嘅價值觀係好守舊,例如：我有時食飯會同我老豆分享下個日發生左啲乜趣事,有一次係話我bff係我面前柒咗跟住我笑佢,我老母就即場屌我話好冷血,宜家啲中學生好冇家教之類.但係我始終唔明點解佢連我要點樣同我嘅好朋友講嘢 溝通都要干涉😅講句嘢都得罪佢 宜家食飯都冇人敢講笑 驚死得罪佢 隨著我年紀大咗真係越嚟越覺得佢好過份,有時我食緊飯手機擺凳隔離佢都會攞藉口攞走話我玩手機,有時我沖個涼佢都會每隔30秒催我一次,我應該點樣同佢溝通?真係好撚煩….
#NSS家庭 [GUEST ] 我而家f2 我係一個追星族，平時偶像出周邊我好大機會會買。跟住有一排(大概係兩三個月前)，個偶像實在出得太多野，我嘅零用錢加埋我本身儲嘅錢都買唔起佢哋出嘅嘢。我自問真係太鍾意嗰個偶像，為咗買佢哋嘅周邊 所以就做咗D好錯嘅決定：我偷咗我阿爸啲錢去買周邊。 我阿爸本身都冇發現，但係前幾日佢就成日都神神化化咁樣進出我間房，唔知喺度搵乜嘢。佢一直都知我有追星，我平時都會同佢分享我追星嘅嘢。佢尋日無啦啦喺度講話乜嘢有人為咗追星偷人錢，我感覺佢好似喺度暗示我偷咗佢啲錢。 其實我都心裏有數，我知道佢一定係發現咗我偷佢錢，佢喺度等緊我坦誠講事實。但係唔知點解，我冇勇氣承認真相。講得越來越多大話，同埋做得越來越多對唔住自己良心嘅事(譬如為咗追星偷錢)，我而家真係好唔舒服。 我知道我阿爸好錫我，我係獨生女，我都知道我對佢唔住，咁瘋狂追星，但係我真係控制唔到自己。 我而家已經冇偷錢，但係因為佢發現咗我啲衰嘢嘅關係，搞到我平時同佢好多嘢講，而家都唔敢講嘢。我之前因為追星已經同佢鬧過幾次交，今次又犯咗啲咁嘅大錯，我都對自己好失望。 但係個問題就係 我要同阿爸道歉，但係我又唔敢承認錯誤，咁我應該點算好？ 我應該點樣同佢道歉同埋講返真相？求吓各位俾啲意見我，感激不盡。 感謝各位同埋Admin
#NSS個人 [已退學學生] 話說小妹最近同朋友食飯,發現咗樣野… 咁我因為下個月移民,7月中飛,所以班friend就話約我去食飯啊睇戲行街之類。但係其實我feel到佢哋係當我跟屁蟲(我有次肚痛喱喺個廁格嗰陣聽到佢哋話我又煩又西。我自問係有壞習慣但係其實我哋幾個每個都係咁上下),好想撇甩我咁。但係出到嚟食飯嗰陣又有友情告白(講哂平時唔會講既野出嚟),搞到我好亂唔知佢哋係諗緊咩,所以佢哋送個手機殼俾我嗰陣我好抗拒好唔想收(當然佢哋最尾都塞咗入我個袋度俾我)。問題就係,我返到去之後好想揼咗佢,但係又唔知揼唔揼好,佢哋又係咁追問我鐘唔鐘意,直頭係好似攞嚟曬命趕走咗件麻煩友咁。成件事究竟係我份人太仆街諗得佢哋太衰定係佢哋真係當我係佢哋條𡃁 (Sor for 1999因為我其實仲有好多野想講但係好難開口…
#NSS家庭 [HDC] 想分享下擤下。😮💨((想知)係咪唔可以打粗口) 交代背景先 屋企我媽係大陸人 我老豆係香港人 仲有個妹 然後小妹我極愛香港亦會跟香港文化講返廣東話 嘅 正題👉🏻平時我媽同佢啲朋友傾電話用普通話嗰啲我okay嘅 接受倒。平時我媽同我妹都會用下普通話溝通下咁 唔太影響我 我都淨係有啲唔爽😑但近排我妹講普通話講得越嚟越勁？越嚟越多😀我仲發現佢有挽”豆音” 睇youtube 又睇啲豆音短片。日播夜播。開始日日用普通話同我媽溝通🗣打機日日喺度操你媽操你媽。我D.I.U😶🌫️好0辛苦😓勁想教佢講返啲香港粗口。 點解我唔出聲呢？🥵我就覺得我媽喺大陸嗰邊出世 講普通話正常嘅。我出聲叫佢唔好講普通話好似有啲唔太好。 有次真係忍唔住我妹喺間房用普通話大嗌。我即刻冷靜同佢講好難聽 學下廣東話。佢話知道。但好似就冇左回事 然而之後我媽冇出聲((我勁怕佢出黎D.I.U我。最後都冇^_^ 咁我就真係發現原來有時打得太多機都會改變日常習慣。由其係嗰個豆音😧。 有冇人都有啲咁嘅情況出現😄。
#NSS學校 [GUEST] 我真係好唔開心，小妹一開學嘅時候識到三個朋友。啱啱開學嘅時候我同佢哋好friend，但係唔知點解慢慢就開始冇咁熟。即使我平時見已經好主動WhatsApp佢哋，但係佢哋都已讀不回。 而佢哋而家都唔理我，小息嘅時候望住佢哋同其他人玩我好唔開心，但係我控制唔到自己亂唸嘢，有時候喺小息同佢哋對視，佢哋都會無視我。 我之後識到一個朋友，佢好nice.之前我哋要分組，我無人可以一組，但佢唯一同我一組，見到之前果三個friend同其他人一組，我心情好差，但好彩仲有人同我一組⋯⋯ 不過我個三個朋友就話「你們聊得很開心呢😑」… 咁我應該做啲咩？sorry for 1998+1 n 聽我呻，我都知我好on9，但係我真係好唔開心