#NSS個人 [GUEST] 小弟想講返自己既背景先（長文慎入 我係一位2022DSEr，gay，自細被屋企既某啲兄弟姊妹bully，因為全部90後，得我一個係00後，全部人都覺得我洗咗屋企好多錢，一嚟我既身型比較高大會食好啲嘢，二嚟吾似吖哥家姐當年物價咁平，所以喺屋企人心入面有好多吾好既印象同標籤例如敗家、冇用等。 升上嚟小學係惡夢既開始，小四開始長期被排擠，同屋企人講都覺得無嘢，甚至去公園挽都係同樣情況。升上嚟初中，基本上我情緒已經變得好吾穩定，啲人因為咁覺得我好挽所以成日笑我，班上可能得幾個Fd（大多係女仔），我比較重視佢哋，但係只有一個我先肯放低自己對佢既不信任，同佢講自己啲事，比佢鼓勵底下同我班上其中一個男同學表白，因為佢曾經成日幫我同願意肯同我挽，但係比人拒絕之如，甚至比其他人知道後bully我。然而，我好似魔化甘係咁搵其他Hi-bye Fd一齊挽，但係下場都係唔啱傾、被佢哋挽或者冇再挽埋一齊，加上係屋企長期吾食夜晚而且返房匿埋，甚至自己一個着住校服遊蕩到好夜先返，直至武肺，就為咗減少自己係屋企既時間，我就覺得自己當時好似行屍走肉嗰種感覺。 可能有人睇到呢個覺得背景點解甘多，因為我吾想啲人吾明我跟住落嚟我想講既嘢。 高中我就讀理科班，想有更好既資源上大學（大機會去台灣），為咗讀好啲書，好多Fd都冇再挽，留返啲平時挽開既人，但係直接近呢幾個月，其中一個挽咗多年既男仔Fd就同某一個女性Fd挽，咁啱大家識咪一齊挽，但係成日吾太理我得佢哋兩個掛住噯味，因為我重視Fd關係，後嚟我直接頂吾順，吾再同佢哋聯絡。無幾耐，又有一個Best Fd因為吾中意啲老師錫我（中意冇乜自信嗰啲但係有潛力既人），就開始背後孤立我，份人變得更串，有時甚至笑我成績吾夠佢，但我吾係好理佢，所以佢就放低手，想同我修補返關係，但係我因為呢兩件事令到自己既心理屏障更堅硬，我已經吾太相信身邊既人，認為身邊一切都係假到想嘔，我得一個Les既Fd同一啲ACG同好。 自此，我就想開始諗開少少，當係提升下自己心理素質，唯一就係我少咗同人講嘢，慢慢收埋自己情緒，甚至好冷靜甘話人或者面對眼前一切，為咗自己過得更安落。 呢排，屋企人對我態度越嚟越差，因為長期累積既沉默同不滿開始爆發，開始鬧交，屋企幾乎冇乜人我係肯願意相信，所以長期吾理佢哋，最盡向二家姐（大家都被吖媽長期bully）抱怨下二哥對我態度惡劣，但屋企多人，所以長期同二哥訓喺同一張床，所以我更加冇安全感，只有我自己一個人係密封環境先覺得安全，中意就睇BL漫 or 睇YouTube，平時出嚟就溫書，太多人就返房自摺。 因為呢排壓力開始浮現，加上考試，大家都唔得閒，吾想煩到人，冇人比我吐苦水，我心情開始噪底，其實之前都有長年累積壓力，一有落雨或者心情吾好，自己返房，自己一個人自言自語，當有人明白我心情比自己舒服啲，最嚴重直接匿埋一角諗返晒之前所經歷嘅野而喊成幾日而且冇動力，我吾知自己有冇情緒病，亦吾會亂甘判斷，最多講吓自己可能有，但係呢排真係頂唔順，開始幻想自己未來生活比自己作為生存既動力（之前都有），覺得自己最終有歸屬（其實好虛偽），好似冇發生過咁，但係只係為咗自己（都吾知講咗n次🥲）。 最後，其實以上呢啲我自己一路以嚟好少同人哋講（可能一兩個），甚至用好零碎片段當喺了解下我，呢啲喺我眼中算喺好表面，咁多年收埋咁多事都真係覺得自己面對好過同人講，但呢排覺得自己吾可以再承受更多既壓力，至高中開始不間斷偏頭痛一段時間，先想試吓喺度講吓當舒發自己嘅情緒。 如果睇到嚟呢度就多謝你願意肯睇我喺度講廢話 Sorry for 1999 如有錯字或者語意唔通順真係唔好意思，check咗幾次🙇🏻♂️ 麻煩admin放去IG，唔該晒🙇🏻♂️
#NSS學業 [[GUEST]] 小妹今年中二，讀band one，想問咁多位嘅學校嘅留級制度係點？又或者有冇乜嘢留級嘅經驗可以分享？ 我今次考試有預感自己會考得好差😢（雖然未派卷），勁驚，本身自己數學係最差個科，已經預咗肥，但係其他科都好似唔好得去邊…，感覺今次應該好多都剩係得合格邊緣或者唔合格… 而家個人好淆底，雖然上到中學之後啲成績一直都係中間嗰啲位，但係我硬係覺得今次會考得勁差😕 我first term平均分得5x/100，而且冇show級名次（我都唔知點解），班名次啱啱好卡喺全班最中間嘅位置（非精英班）。 唉我而家唔知點，一諗起留級就好焦慮，只要中途留過一年就已經冇得同班frd再讀上去，好sad…，而且驚屋企人會勁失望，自己亦接受唔到如果真係留級咁點算，希望大家可以俾啲意見🙏🏻 辛苦晒admins 💗
#NSS愛情 [Guest] 我想分享一個經歷 本人F3，第一次拍拖出街，個女朋友就住得遠，喺屯門，而我就係鰂魚涌住，我搭車過去都要一個半鐘啦。 本來約咗下午4:00等，我下午兩點嘅時候特登打電話俾佢，都估到佢會想瞓多一陣，我就改咗做4:30，然之後我到咗屯門，並坐咗喺的屯門公園度等30分鐘。等到4:30，我估佢會嚟啦😇😇然而垃圾tvb劇嘅都係等咗三個幾鐘，DLLM，我成個on9仔咁坐喺個屯門公園等咗四粒鐘，八點，係下午八點，佢人先聽電話（btw我打咗成20個電話俾佢），我好聲好氣咁問佢：「諗唔諗住落嚟啊？？」點知佢就同我講：「啱啱瞓咗四個鐘頭，個身體好攰呀」，然後我再問佢咁我俾你休息15分鐘，8:45再出嚟好冇？本來佢就應承嘅，之後估下佢講咩？佢話三姨姨婆突然嚟咗，佢驚俾人阻住出唔到去，我真係呆L咗， 最後尾我夜晚10點先返到屋企。午餐都係食咗個死人餐蛋麵咋😀，估吓搭車途中我做緊啲咩，條女話自責，最後尾我要氹番佢😁😁，咁就冇撚咗一個星期日。我係咪應該要分手（？ Sor1999 ，祝大家父親節快樂😊
#NSS愛情 [Guest] 有啲長，慎入‼️ 話說係f.1一開始開學個陣我就同一個男仔（下稱𝗔）傾傾下就熟咗，之後𝗔係上年11月到就同我表白，咁我都接受咗嘅。不過2個月之後就分咗(𝗔話分）咁我覺得呢啲小學雞愛情係咁架啦😂，所以我之後都無點唔開心。 再過多排，我哋就完全無傾過計，都無搵大家。咁原本諗住就咁可以無咗件事，大家都唔會再有交談㗎啦。 點知𝗔大概係今年4月頭個陣，𝗔係wts dm我問功課，我當佢係同學就教咗佢做。佢講完thx之後，就繼續開話題，最後傾咗成個鐘。 個日之後，我哋係wts就keep住有傾計，傾得都幾開心。 直到5月中（同𝗔 keep住有傾），我因為𝚏𝚛𝚍識咗另一個男仔（下稱𝘽）。因為自己嘅𝚏𝚛𝚍同B玩開，搞到我同𝘽都熟咗。咁我原本追星嘅，(𝗔唔追.𝘽追）咁因此我同𝘽就有更多嘅共同話題啦。𝗔知道咗我同𝘽嘅關係。之後近排𝗔就同我講佢開始追星😵💫同埋性格有少少似𝘽。 亦都因此我重新對𝗔開始產生咗好感，因為佢好似為我改變咗。不過我好驚嘅係A攞我嚟試水溫，𝗔真係鐘意嘅係我𝚏𝚛𝚍 ，因為好多人話我同我𝚏𝚛𝚍性格好似，而且都有追開星。重點係𝗔同我𝚏𝚛𝚍嘅互動都多，而且𝗔有時上堂會望住佢所以我就諗會唔會係𝗔呷我𝚏𝚛𝚍醋，所以想將自己變到𝘽咁。 大家覺得𝗔會唔會真係攞我試水溫🙇🏻♀️ Sorry for 1999同埋di_細力啲 And thx admin 🙏🏻
#NSS愛情 [guest] 我係比阿哥炫耀嗰個細佬 因為連續兩篇睇到笑，忍唔住po返篇出嚟，比個交代你哋，同埋向阿哥坦白啲野 我確認我就係嗰個細佬嘅原因，係因為阿哥個frd同我報串，send左嗰兩個post比我，想八卦下我哋兩個咩情況 老實講你哋都估得幾準，我的確鐘意阿哥 阿哥真係乜都好，平時好好，發脾氣嘅時候都好好，文字形容唔到嘅好 阿哥你咪話唔想我去同人哋成家立室嘅？咁我唔去同人哋成家立室 我嚟同你成家立室。 我唔想再淨係做你細佬 阿哥，雖然我係男仔，但係你比次機會？好冇？ 我鐘意你ar阿哥 我要追你，反駁無效 sor for 1999