—類投稿

#NSS愛情 [GUEST] ［個男仔大我五年］ 平時同frd傾偈都會傾得好癲，偏偏一對住你就完全唔識講嘢，擔心你會覺得我煩 畀你知道我鍾意你/對你明示暗示又驚嚇親你，好驚搞到以後你避咗我冇得再見你 好想知多啲你嘅嘢留意多啲你嘅動態，又擔心畀你發現我stalk你啲嘢覺得我係痴線 仲記得啱啱識你嘅時候，你講嘢好flirty，覺得你對我有好感，原來只係自己一廂情願，之前日日call，而家慢慢變到兩個星期先至call得一次，online都唔覆msg｛ 八個鐘～兩日先至覆我一次msg ｝唔知你係咪已經搵到新一個Target 日日都好掛住你一諗起你就成日胡思亂想，我都知道咁樣落去係好有問題唔想再係咁，但係自己又控制唔到，唔知點樣先可以正確咁接近你而又唔會令到你驚，真係好驚自己做錯嘢、畀signal會令你覺得不安，如果最後可以開花結果嘅話就算要用四五年時間嚟培養感情我都唔介意 只不過慢啲手又擔心有其他人會approach你 你同我推介嘅每一套電影、音樂，我都有去研究過 由細到大都冇試過咁鍾意一個人對人咁上心，我都唔知可以點 又要主動同我講嘢，但又唔覆我msg，咁不如唔好再同我傾落去啦好冇，每日嘅情緒都係俾你牽動住，真係好攰呀 唉冇乜事我都係自己摺埋繼續慢慢亂咁諗，盡量唔會打攪你 呢篇文純粹係發洩吓 希望大家唔好屌得咁大力🙏

#NSS學業 [band2] 小妹下年就f4，英文同數學嘅基礎都好差，想趁呢個暑假補下習打返好啲基礎，想知道元朗，天水圍有咩補習社係有用嘅，會俾功課，啲老師會用心講解🙌🏻

#NSS愛情 [GUEST] （本文可能會好長 同埋有唔少負面情緒，請斟酌觀看，唔好對號入座🙏） 今年三月份我同左我同班嘅女仔(以下簡稱A)表白，佢亦係一個星期之後就應承左我。本來都好開心，我哋更加有唸過未來，跟住係六月初，有另一個同班同學(以下簡稱B)開始同佢傾偈，但係一兩日之後，B同A表白，話佢鐘意左A好耐，又話B自己係因為A靚女，所以先讀書。 咁A都問我可以點，我叫佢早啲解決件事，佢又話唔想B太傷心(A性格本來都係咁)，咁我有少少擔心佢會猶豫不決，拿捏唔到。我亦同A講如果佢做唔到，咁我可以幫佢。 但係事情變得越來越不可控，我以為A真係可以解決，結果係A同B越來越接近，我好似邊緣人一樣，A成日寧願覆B，都唔理我😭，我有同A講過叫佢快啲解決，佢應承左我。接下來接近兩星期都係咁，(我已經覺得A開始遠離我，可能我煩住A太多)，佢係個段時間都有應承我好多野，但係A全部都冇做。令我有少少仇視B 嗰幾禮拜都係考試之間，搞到我成日唸呢個問題，好耐先可以專心溫習，我唔想面對問題，我嗰陣時真係被件事同A搞到情緒接近崩潰⋯⋯，有時試過見到A同B一齊就想自殘，A同B講佢跟本唔鍾意我，又想同我分手之後就係一段時間後同B一齊，但係佢又係我面前話唔係好想分，我覺得A好似雙面人，同我一齊都已經咁唸，好似我唔應該出現係世上⋯⋯但係我依然鐘意佢，相信佢會改 你哋可能話我係弱智／白痴，但係A係我最鍾意嘅人，我放唔低佢，即使佢不停挑戰我底線，我都係相信佢自己會處理到，我唔想同A咁快結束 T-T 可以留言鬧醒我或者比意見都得，大力啲都冇所謂🙏 就算知道我係邊個白痴都唔好@我！ Sor for 1999 Admin po IG pls🙏 Thx Admin🙏

#NSS個人 [GUEST] BMI 30 嚴重肥胖 如題所見 我係肥婆 小妹初中 身高正常 但係體重就好唔正常 我身邊啲frd冇一個好似我咁肥 所以成日覺得好自卑 成日都抱怨點解得我係咁肥 阿媽話我出世個陣時都唔係好重 細個個陣時都唔係話肥 但係唔知點解突然間係4年級個陣時開始越黎越肥 搞到依家咁 本身阿爸阿媽都係唔肥 不過阿爸個邊啲親戚就骨架大 我咁唔好彩又遺傳左 骨架大加上肥再加上胸大 搞到我完全唔似初中 成日都會埋怨點解我咁唔好彩 今次鼓起勇氣上黎投稿 希望大家睇下我有啲咩問題

#NSS個人 [GUEST] 點解明明乜都冇做過，啲friends會慢慢疏遠（唔係畢業後，仲係返緊學） 本來幾乎晚晚都會一齊打機，間唔中打吓波，出吓街，但係而家佢哋就算出街，食飯，打機都係成班行埋一齊傾得好開心（我就自己一個），行埋去又走開，好似磁石咁，同佢哋一齊有存在感，又好似冇咁 但係我唔想中學淨低嗰兩年都係咁，想同佢哋friend返，有冇人有推薦方法或者有冇啲有相同經歷嘅人知唔知點解會咁😭😭😭

#NSS個人 [JCCSSKC] [可唔可以po IG] 是咁的，我係咪已經對佢冇感覺 介紹一下我自己先，我係F.2，男仔 咁我就係自己private account 嗰度睇到一個人DM啦，然後佢就搭訕啦，咁我哋兩個就互相加咗signal，佢就話鍾意我，咁嗰陣時我渴望愛情呢樣野，咁我就受溝，然後傾咗幾日計之後就開始對佢冇感覺，過咗成廿零日都冇去搵佢，究竟我應唔應該分手 sorry for 1999 不喜勿屌 多謝admin

#NSS家庭 [Guest] 而家仲係阿爸車上面，好驚 啱啱上車嗰陣時個位好窄，我已經好小心咁上去，之後手賤扶一扶對面之後即刻bang一聲 撞到個欄杆😃 㗎車啱啱新買，雖然唔貴正常車價錢20萬左右，但係我超驚會凹左/花左，而家仲未知車門生死🥲 我覺得實比人鬧死了😃

#NSS家庭 [LKM] IG plz 估唔到第一次投稿係因為抖音 我今年中三，父母宜家越黎越鍾意睇抖音，一開始只係YouTube短片。之後download左抖音，宜家無時無刻都係睇，睇到要人叫、幫佢息電話先肯食飯。有一晚，食飯嘅時候我想叫佢唔好睇咁多抖音，唔好信哂入面啲野，點知佢就話我知好似隻蜜蜂咁係到wewewungwung，嘈住佢睇片，問我係咪有好多不滿，叫我唔好嘈。之後我成餐飯都冇講過野。我想知究竟可以點做？唔該哂

#NSS個人 [Guest] 依篇文少長，如果有啲位睇唔明嘅話唔好咁執着，小弟文筆唔好 小弟因為近排嘅事過得好迷惘。我15歲，成日同阿爸嘈交，嘈交嘅原因都幾廣泛，有陣時因為成績，有陣時就係因為個人嘅問題 我本來英文唔好，有陣時考試都唔合格，跟住我阿爸就對依件事好執着，我知佢執着喺對我好，但係我覺得有陣時真係over咗，好似只要我一唔合格，佢就話我成日掛住打機唔溫書，係咪唔想讀書，如果我啱啱好合格，佢都係咁講，我知道英文成績係對我好重要，但係我其他科考得好佢都冇讚過我，例如我數學科學嗰啲科比較好，考到高分，佢唔理，我已經同佢講我有努力過，唔係嘅話我依幾科唔會咁高分，跟住佢就話依啲係應份，冇咩嘢好值得讚，成日聽佢講我都覺得好灰，好似自己真係冇努力過，就算有努力都白費，我好唔認同佢講法，但係我又駁唔到佢。跟住佢就話我如果任何一科唔合格嘅話就扣我嘅飯錢，本身我嘅飯錢都唔多，每一餐得$40。 因為個人問題我同佢嘅關係越嚟越差，好似近排佢係我間房用完啲嘢，我放學返嚟見到佢就咁劈晒喺度，我叫佢入嚟執返，可能我當時啱啱放學返嚟，天氣熱所以有啲燥，所以大聲咗啲，佢聽到之後就話我咩態度，跟住我同佢講係我大聲咗對唔住，但係你可唔可以嚟執返，聽完呢句佢就反問番我話你執有咩問題，跟住我話返佢「你成日叫我有手尾，但係你自己又唔做」，跟住佢聽到就撻着咗佢，話「我成日幫你執手尾，而家幫我執少少有咩問題，你幫我整返好啲嘢係你嘅責任，依家係我養緊你，唔係你養我，我叫你做乜就做乜，你冇得唔做，再唔係你就走唔使我養」。聽完呢句之後嗰一刻我真係有衝動想打佢然之後走咗去唔返嚟，但係我阿媽就喺度叫我哋兩個唔好嘈，成日搞到家嘈屋閉，之後我阿爸仲加多兩句話「你讀書又唔成，嘢又唔幫手做，你係咪想喺度做寄生蟲，讀唔成書就快啲出去做嘅，唔係喺度嘥我啲錢同埋時間」聽完呢句我真係想爆喊出嚟，之後我就返咗房鎖埋門，去到夜晚先出返嚟。 我想問其實係我有問題定係佢有問題，佢成日都用錢來衡量所有嘅，令到我自己都覺得我嘅價值觀有少少俾佢改變左，好似咩都同錢關事，有幾次夜晚都匿埋喺度喊，有諗過自X。有冇同路人可以答下我究竟係我有問題定係佢有問題。睇到依度嘅各位好感謝你，肯聽我吐苦水😉 Admin可唔可以post IG，萬分感激

#NSS學校 [GTEYC] [gteyc]係咁嘅,我係一個G11嘅同學,依家學校要我哋體育堂做瑜珈,件事情就源於我嘅同學性慾好強,揚言要視奸女同學,好唔好彩佢比人發現咗,女同學條仔就話要打死佢,佢個人好瘦弱份人仲要好鬼寸,我唔知可以點幫佢 Sor for 1999