#NSS個人 [BCS school] 來尋求安慰？😭 補一下background：小妹我呢細個嗰陣好中意跟住大我1、2 歲到嘅美港（？表哥 大概喺我4~7 嗰陣、有次去搵表哥、一齊玩煮飯仔… 玩玩佢就話 睇電視父母嘅角色會在床上嘴對嘴kiss … 我嗰陣時就諗 “我同daddy mummy 都會嘴嘴啦、表哥都係屋企人啦” 然後就ok… 好似仲有玩法式… 阿爸之後去接我、我同阿爸講 佢好似話 “哦… 但係嘴嘴淨係可以同我、mummy同妹妹、OK？” （不包括法式啦）不過都唔係好記得、佢實際上講咗啲乜嘢 唔好屌唔該😭 對於呢件事我嘅玻璃心同牆國小粉紅有得比 Thank
#NSS學校 [guest] 話說最近我個班有個人生日，我唔係好鍾意佢，但佢同我最好嘅frd呢排唔知點解熟咗，我個frd因為佢生日放咗我同其他人飛機陪佢去慶祝生日，仲要本身慶祝嗰日已經唔係正日 原本都唔關我事，我個frd過嚟仲要問我佢哋嗰日去邊度好，同埋佢哋去嗰個地方因為我去過，佢仲問我啲門票點買，其實我真係好難受，我生日嗰陣時佢就同我講咗句生日快樂，約佢嗰排咁岩又考試，原本有講之後再補返，但一直冇咗件事 其實都唔係第一次，仲要因為另外幾個同我唔係咁熟嘅，但有認識嘅人移民，佢哋請咗全班同隔離班一共有20幾個人一齊去歡送會，我身邊啲朋友都有被邀請，但就係冇叫我，原本我都冇乜所謂，甚至知都唔知，但又係我嗰個最好嘅frd走過來同我分享佢哋嗰日嘅活動，我唔知佢知唔知我冇份去，但反正我係隔離聽到好難受 我覺得我份人唔係好識經營一段friendship，尤其是係我哋班真係好攰，每個小息佢哋就圍埋一堆，喺度聯誼，但其實我乜都唔想理，就想自己坐住做自己嘢，但試過一排之後就會發現你唔聯誼根本冇朋友，可能會有人話冇朋友咪冇朋友囉，但我又做唔到咁孤獨，之前小學嗰啲又係因為我唔鍾意聯誼，識咗好多年後尾都冇咗聯繫，就只係間唔中喺IG動態見到佢分享生活 我真係想知呢個係我問題定係佢問題？我而家係身邊嗰啲所謂朋友都冇乜幾個可以分享自己嘅事，所有嘢都唔我想比佢哋知，大部份都係喺學校傾偈拖晒手咁，但返到屋企完全冇聯繫，我最後嗰個frd佢又好擅長交際，原本中一同佢friend到而家，但佢越來越多friend，甚至原本一個佢終日淨係同我講嘅秘密，去到鍾意已經好多人都知，雖然係佢嘅嘢，但我覺得佢當時同我講嘅秘密，又係咪真係咁秘密呢？我變到好似有少少可有可無，甚至一直覺得佢係我最好嘅frd，但我覺得我應該唔係佢最好嘅friend，有時候打開IG見到動態入邊嗰啲超級close 既friendship 會好羨慕
#NSS愛情 [[GUEST]] 小弟今年F.4，暗戀緊我嘅frd，但佢係男嘅。先稱呼佢為A。 A係一個脾氣勁好又好溫柔嘅男仔。我情緒上有啲問題，佢會好有耐性咁陪住我、聽我講、安慰我。有一次我差啲做傻事(具體原因就唔講啦)，A即刻衝去我屋企叫我唔好咁做。可能你哋會話純粹係佢驚我真係做傻事先咁急去我屋企stop我，我當初都係咁諗。直到身邊啲同學都話A對住我嘅態度比起對住其他人嘅態度仲好咗勁多。 嗰一刻我呆咗，我諗緊A係咪鐘意我。但係我好快打消咗呢個念頭，正所謂期望越大，失望越大。 有一次試過問A，佢會唔會鍾意男仔，A答我會，之前鍾意過。所以我係咪有機會？定係我諗太多？求各位指教。 返返嚟而家先，我真係好鐘意A。我諗緊要唔要同A表白，但係我驚表白之後佢拒絕咗，連frd都冇得做，我目前得A一個frd。 如果真係要表白，可唔可以比啲建議我？多謝各位。 表達能力有限公司，Sorry for 1999。 麻煩Admin。
#NSS其他 [GUEST] 雖然我同父母立場唔同 但係我好慶幸佢哋係我父母。 小妹有上年開始就出去讀書，所以就鼓起勇氣同佢哋講。 初初以為佢哋會強烈反對，點知佢哋反而仲好支持，仲有主動幫我搵agent。 佢哋話喺政治上面，佢哋的確好唔鍾意歐美國家。但係佢哋都會想帶我過去旅行，俾我見識多啲，絕對唔介意我出去讀書。佢哋仲話如果唔係疫情，就會跟我飛埋過去玩幾個星期先返嚟。 好慶幸佢哋咁開明，唔介意我有自己立場，唔會唔俾我出去開眼界。亦都唔介意比好多錢我出去讀書。就係因為咁我而家喺英國啦🥰🧡多謝daddy and mommy:) 冇咩特別純粹想講吓thanks admin(s)✨
#NSS學校 [Sfcc] 我有個超煩嘅frd 啦，我一曰到黑都睇佢唔順眼🤦🏻♀️。佢係我開學嘅時候識，佢一開學，就黐埋嚟問我同唔同佢做frd，咁因為嗰陣時我都冇乜朋友所以就應承咗。一開始都冇乜嘢，但係佢越嚟越煩，日日都喺度message我。我遲少少覆佢，佢又問我係咪嬲佢又問我係咪要同佢絕交。佢係個超厚面皮同超硬頸嘅人，佢有一次考試差幾分合格，佢對卷嘅時候出去同個老師嘈，每個point都要嗌一論。最後老師頂佢唔順就加咗分俾佢，最後合格咗。我嗰陣時超無語🙄仲有我每次唔小心做錯少少事，佢就話我抵死，仲係都微微嘴笑咁比個👍🏻嘅手勢。近排我同佢冷戰緊，應唔應該趁呢個機會同佢絕交？🤦🏻♀️
#NSS學校 [shcc] 我今年中三 有個同學（之前係朋友 但係發生左d事 佢依家已經唔再同我講野） 我小學已經識佢 由第一年同佢同班 已經察覺到有好多老師都好鍾意/偏心佢 去到依家 佢甚至係同我地嘅中文老師friend到好似已經唔可以再用師生/朋友去形容佢哋兩個嘅關係（甚至有人話佢哋好似母女） 重點係 我好似有少少鐘意左佢 好想同佢做返friend 但係佢成日見到我都好似唔想同我講野咁 其實佢本身個人都幾平易近人 雖然唔笑嘅時候個樣好似好惡/高冷 有冇人可以教下我點同返佢做friend 每次見到佢同我地中文老師咁close 個心都有少少唔開心(?)