#NSS學業 [GUEST] 小妹今年form 1,唔知點解下學期比起上學期大壓力咗好多。 我上學期嘅時候都過得尚算輕鬆同埋愉快,識都班上唔少的同學,小測默書的成績都不算差。唔知係咪因為今年疫情停課嘅關係好多人都懶散咗,令我出乎意料之外地考到全級頭五,所以我就想下學期都keep住。 但係由今年三、四月開始因為有一兩個唔太重要的科目的考試考得唔太好,而且差一兩分就拎到A。（得一次考試無得拉,嗰個Grade 會直接寫落成績表）所以有d唔開心。之後前後發生了幾件不如意的事情,再加上有一次上堂有好多人冇做功課,老師成堂都好嬲,然後抽簽抽中我我唔識答答錯咗,被老師罵了幾句,我覺得勁尷尬勁羞恥 （其實講出來都會被人笑,勁抵死)之後令我無乜自信。明明自己比上學期更加努力,明明無做咩改變,又唔打機,但係覺得自己無進步到仲好似退步咗好多咁,好大壓力。因此就不斷做練習放多d時間擺係讀書到,希望有改善。 我前兩日已經考完final exam,我勁擔心自己的成績,覺得自己考得好差,成日感到老師會好失望。背得好熟嘅範圍,一考緊張到唔記得哂;温咗嘅唔考；一直最有把握的科目,考完同同學傾答案好似好多錯; MC 題目次次都同其他人唔同。其他人考完收卷嗰時好似都好有把握好輕鬆,得我自己係咁數自己唔識做幾多題。覺得自己好煩,經常跟自己講已經過去嘅嘢就唔好唸咁多,但係都係唔得,攪到好唔開心。 最後由於我每次考試比賽都會特別緊張,有時會想嘔、肚痛、朝頭早會食唔到嘢等等,我覺得非常之困擾 。上網搵過好多嘅方法但係都冇乜用,唔知大家有冇辦法? 多謝大家睇到依到🥰我是第一次投稿, 所以希望大家可以體諒下🙇🏻♀️
#NSS家庭 [GUEST] 我想問下各位有冇遇過咁嘅情況？ 小妹f1, 近排考緊試，咁我本身有鼻敏感，最近琴日數學考試嗰陣就鼻敏感發作，係咁流鼻水勁辛苦，完全集中唔到喺考試度 咁我有一半題目都做唔到，之後返到屋企同左阿爸講，跟住佢無啦啦話「日日咁夜瞓梗係鼻敏感啦，返到嚟唔溫書，到夜晚先嚟溫」我成頭問號？？？鼻敏感發作同返到嚟溫唔溫書有咩關係？同埋我返到嚟食完飯就有溫書，溫到夜晚，你返到嚟見到我喺度溫書問都唔問就話我咁夜先溫？？ 鼻敏感發作就話自己諗辦法解決，如果有辦法解決到就唔會咁樣啦，自己冇鼻敏感都體諒下有鼻敏感嘅我啦，明明考試我係鼻敏感發作先做唔哂啲題，但就話我係冇溫書唔識所以冇做哂，呢啲咩思維嚟㗎？ 鼻敏感發作又唔係我控制到，講到好似考試嗰陣發作係死罪咁 本身考試表現成咁已經心情差，同你講係希望講解返個原因同希望得到啲安慰，點知要咁樣比你話一餐 上嚟係為左發洩下
#NSS個人 [guest] 小弟今年13歲，有腸易激綜合症 (應該有人聽過，唔識請google)，呢個病唔發作嘅時候同正常人冇分別，但係一發作就好麻煩。 呢個病冇得根治，只可以靠戒口同發作嗰陣食藥嚟舒緩，我一緊張就會發作，個肚痛到想死，去到廁所屙咗少少又屙唔出，感覺上又未屙完，個肚仲要一樣咁痛，食粒止痛藥會好啲，但係都要等啲藥效發揮先唔痛，同埋我仲細，醫生開嘅藥劑量會輕啲，藥效發揮要啲時間。 我通常係考試/測驗嗰陣發作，冇咁多時間畀我去廁所，通常都係返到學校食粒止痛藥就算，上一段講咗藥效發揮要啲時間，所以我每次都係一路做卷一路痛，真係好辛苦。雖然有唔少同學都會喺考試期間因為緊張而肚痛，但係痛嘅程度係兩回事。 我有呢個病已經兩年，每個月發作3-4次，堅辛苦，但係我每次因為肚痛打波遲到，啲隊友都好體諒我，平時上堂去廁所啲老師都唔介意，真係多謝你哋。 希望大家睇完我篇文會好好珍惜自己健康嘅身體 求admin post ig 辛苦晒, thx 🙂
#NSS個人 [Guest] Admin po IG pls🙇🏻♂️🙇🏻♂️🙇🏻♂️🙇🏻♂️🙇🏻♂️ 小弟中一，鍾意左個女仔，佢份人好直，但係就係呢一點我鍾意佢。我成日另轉頭望佢，覺得佢無論做咩都好得意，但係我又唔知道佢有冇鍾意既男仔，所以一直冇表白，淨係做普通同學（同班） 直到5月1號（冇錯我記得好清楚），嗰日夜晚八點，我搭車返屋企，跟住就同佢表左白，（我都唔記得當時我諗緊咩）大概就係咁（wts 對話）： 我：XXX我鍾意你 可唔可以比我一個機會 你唔鍾意我啲咩我都可以改 我會盡力 佢：你呢個機會係咪一定要而家先 我：唔係（當時驚答係會失敗） 佢：咁可以呀 我：！ 佢：但係要之後先可以 我：…之後即係幾時 佢：中三掛 我：咁而家做朋友都得掛 佢：OK呀 我：……（當時接唔到落去） 跟住之後一個星期我每日都同佢講早晨，儘管佢兩三日先覆我一次。跟住有一次我同阿媽出左街返到屋企七點幾，先發現佢之前搵過我，但係我冇覆佢（冇曬數據）跟住我一返到屋企就即刻搵返佢，問佢做咩。佢話想問我數學（上堂做堂課佢唔識我會過去教佢，當然係我主動搵佢）跟住我問佢搞掂未，佢話搞掂，我就覆返佢咁得啦 跟住過左半個鐘頭我先發覺唔妥