—類投稿

#NSS個人 [大埔 band 2 中學] 大家好，我係#NSS210608G個版主，有興趣可以去睇返，上次個post 出咗之後第二日返學已經好多人估到係我，咁都冇咩問題，但係唔知係唔係我個班同學send咗比師姐跟住個師姐(佢哋識Y)send咗俾Y，所以Y見到我都走得好快(定係我諗多咗) 出咗之前嗰篇投稿之後，啲同學有次行埋嚟同我講話 你都幾醒喎，扮gay溝女 我問老師可唔可以去廁所嗰陣又講 老師，佢gay 㗎、respect 丶又講啲投稿嘅內容 甚至今個禮拜四，有個唔知中幾嘅人行埋嚟笑住咁同我講：我想做你男朋友呀 我想講投個稿啫使唔使講咁多嘢有必要講咁多嘢咩？ 有一次因為我想𥄫多Y幾吓，咁佢行嗰條路我都可以返到屋企嘅，咁我就跟佢係後邊行啦(成個癡漢咁)但係因為班女仔都係行呢邊所以我好無奈咁樣同佢哋行(加上佢哋又黐埋嚟)，點知佢哋行到一半邊行邊播我send俾佢哋多啲有關Y嘅錄音，直到Y行左去另外一邊先肯停 最後我想講我只不過係想昅仔啫班女仔使唔使搞咁多嘢，只不過係一個投稿啫，嗰班同學使唔使講咁多嘢 ,仲有如果佢哋見到呢篇投稿聽日應該又嚟搵我「傾偈」㗎啦。 純粹發洩，Sorry for 1999,不喜勿屌 pls🙇‍♂️🙇‍♂️🙇‍♂️

#NSS個人 [GUEST] 想問下大家對jk有冇咩諗法？平時係ig上面都見到有啲人着jk去迪士尼或者當便服咁着 覺得好靚好得意 但係上網搵下之後發現好多人都覺得jk好大浸大陸味 而且大多數人都係睇抖陰識jk呢樣嘢 連香港有一間jk實體店都係有中資公司份 自己係黃想着jk但係唔想俾人話偽黃同埋大陸妹 又唔想幫襯中資或者係淘寶買 買日版又貴 想問下大家對jk嘅印象係咩同埋熟jk嘅話可摸以話我聽jk可以係邊度買平啲？ （唔該admin想po ig thx🙏🏿

#NSS學校 [PLKXXX] Admin pls po ig🙏🏼🙏🏼 咁事源係咁嘅 小弟F4，起學校係讀va 咁我地畫野嗰陣要用Pinterest去save相搵reference 因為我地係用學校ipad登入，而學校ipad係冇密碼 有一日我就唔小心攞錯咗同學A嘅ipad 一禁落去，見到佢啲Pin全部都係韓國男偶像啲肌肉照 講真當時我係有嚇襯，但係冇乜反感，因為我都係bi，有同學對同性有興趣我係冇嘢嘅 然後就開始留意A，原本純粹係因為認識到A嘅另一面 但係問題就黎啦 因為我係運動員，係操得好金嗰啲，所以操得個身體都唔錯 發現到A係成日都痴埋黎，我地上va嗰陣我去邊A又跟住 上其他堂嗰陣又時不時望過黎（本身同班） 我以為係我錯覺吖，但係見A個幾禮拜都係咁 平排行嗰陣每次我得凳行慢啲，A都望過黎，然後又跟住行慢 唔怪得之我之前成日都覺得好似有人望住我咁 咁樣真係搞到我好唔自在，仲有少少反感（其實都唔係少少） 同埋我最近追緊一個女同學（下稱B），A咁樣我真係好難做，事關我追B都追得好明顯 A咁樣係咁望過黎我真係好唔自在，我真係好想A可以收斂下咯，完全同外國嗰啲Eye-Fucking冇乜分別 我唔知A到底係點lum，我都明白A嘅感受（如果真係嗰啲嘅話），因為我都試過咁樣，但係我唔會咁樣望人、痴住人咯

#NSS社會 [Guest ] Admin pls po ig thx 我返緊份餐飲part time, 一開始個老細都正常，但係慢慢，我發覺佢真係好無理。 佢叫我做嘅嘢，我永遠只有做多，冇做少，但係有一次，佢將啲飯撥落地下，之後鬧我冇拖地，我當時呆咗，同佢對望咗一陣，咁我惟有自己拖翻乾淨。 第二次，佢個老母嚟咗鋪頭幫手，我真係唔想佢幫手，佢越幫越忙，間鋪頭得嗰百幾尺，佢老母又唔識落單，又唔識執枱，淨係識講：你去執枱呀！你去落單！1號枱！4號枱！個老細同個佢個老母又成日企喺個出入口，我出餐嗰陣會同佢地講：唔該借借，但係佢地只係會行開少少，其實借咗等於冇借。佢地又唔係唔知自己咩身形，成日阻住哂。 佢個老母連將杯凍檸茶入落個外賣袋都可以倒瀉，老細就揾我嚟發洩，話我淨係識企喺度，乜都唔做。 我收工係收4點，一般都係3點鐘就要開始洗碗，而老細就成日要我喺3點半先開始洗碗，但又唔會俾OT錢。成日喺我收工前嗰幾分鐘先食完嘢，要我洗埋佢啲碗。 Sor for 1999 純粹發洩

#NSS社會 [香城] 今日公佈咗派五千安排。 去年，在2021年3月31日或之前年滿18歲可領取一萬元。 今在，在2021年6月18日或之前年滿18合資格領取5000元電子消費券。 注意，無論舊年定今年都以2021年計算，我冇打錯。換言之，今年3月或之前滿18歲嘅人可以攞兩次錢，4月至6月18日滿18歲嘅人可以攞一次錢。 而我，作為一個6月尾先滿18歲嘅人，差嗰唔夠十日就兩次派錢都唔關我事！（btw，其實我係比預產期遲咗出世，我現在嬲緊胎兒時期嘅我做咩咁懶，正正常常出世咪好囉） 其實，2003年出世無論年頭定年尾生日，大家都係今年讀完中學，都係今年開始開支增加，點解4月份前生日嘅有兩次錢拎，4月至6月18日生日嘅有一次錢拎，而我冇??? 15000蚊，可能過幾年開始做嘢我會覺得冇咩嘢。假如我搵到好工嘅話。但我升中四暑期打過一陣工，升中五暑期又兼職到升中六（即係全年兼職），書費學校雜費車費自己交，食飯有時自己出，現在考完DSE又接補習同兼職，先啱啱儲夠2萬蚊。點解唔係公平地俾同一屆嘅人?點解三月前生日就可以直接有我用兩年幾先儲到嘅錢? 雖然話派錢係額外之財，唔應該盼望，但咁安排真係好唔公平。我可以想像有人用呢5000蚊買電腦、食好嘢，開開心心等大學開學，而我要用差唔多一個月嘅時間去賺5000蚊（唔係講有5000蚊唔使返兼職，只係我就算賺到錢，呢5000蚊賺得咁辛苦我唔會舍得洗)(我估如果我兼職份工見到有人用電子消費券俾錢會想喊）。原來出世早幾個月係可以贏在起跑線。 仲有，之前有個比賽用6月30日生日嚟計高級組，於是我就成為高級組。6月尾生日嘅我點解咁黑仔??? 最後，祝所有6月19日後生日嘅同路人生日快樂。

#NSS個人 [GUEST] 小弟今年F2，覺得壓力好大，係屋企阿爸阿媽又會因為啲小事打我同鬧我，佢地兩個仲要成日因為一啲小事鬧交，仲要莫名其妙鬧鬧我一份，我依家平時放假唔想留係屋企俾佢地煩，之後係學校又覺得個訓導好似針對我咁，基本上精神狀態一直處於崩潰嘅邊緣，覺又訓唔到，食嘢又完全冇食欲，阿爸阿媽對我學業方面嘅要求又好高，但係我溫書根本都溫唔入腦，次次考得冇上次咁好佢地就喪鬧我，我有時真係望住個窗就想跳落去，諗住可以離開呢個世界就可以一了百了，但係最後都係因為驚令身邊嘅人而冇選擇咁做。但係我真係就嚟頂唔順，有冇人可以幫下我……

#NSS個人 [GUEST] 小妹今年F4，唔知我係咪creative，但係因為咁我覺得好辛苦。 我諗過好多計劃，例如： 1. 教導幼兒園生如何處理家暴 2. 設個香港嘅學校嘅mental health獎，等學校顧吓D學生嘅壓力等 3. 等（例如校長）落命令一定要去處理欺凌事件 (我唔敢講所有我諗過嘅original idea，我亦都驚被人取笑所以就收收埋埋，真係好辛苦） 希望大家可以佢同我講吓我D idea直唔直得投資🙏

#NSS學業 [Band1英中] 英文唔好真係千祈唔好揀英中 佢唔會令你英文變好 只會令你中文都炒埋一碟 份卷唔係唔識做 係睇唔明題目 明明自己譯返做中文做可以有70分以上 可以合格都變唔合格 真係好後悔

#NSS其他 [GUEST=]] 純粹想同大家講我對紅蓮之鍊金術師-金布利唧喜愛。 金布利對其他人嚟講可能係世界嘅異端，追求殺戮的瘋子，但我認為佢係成套漫畫最有魅力唧人。 由始至終貫徹住自己原則及美學係佢吸引我唧一點。佢沒有真正幫邊個，只係想盡情釋放鍊金術，嚟一埸美麗嘅爆炸。當係伊修巴爾之戰，士兵諗緊「被逼」及「自願」，佢只認為穿上軍裝就要有殺人的覺悟並去享受工作唧過程。 除咗呢樣野，我鐘意唧係金布利唧頸被獅子合成獸咬穿而死。獅子係食物鏈中頂尖唧捕食者，被佢殺死都可以話死於佢堅信的信念-世界唧選擇。當白色西裝被自己唧鮮血染紅，氣管被咬斷，只係可以發出微弱唧呼吸聲，真係十分美麗，好適合佢唧稱號-紅蓮。 係佢最後一次出現，因對於派拉特不遵守自己當初唧信念而干預對戰表示出對他的蔑視。最後微微頜首，脱帽而去，好似一場表演結束後唧謝幕。 十分抱歉，浪費各位的時間去睇我對動漫角色唧喜愛。同時希望你哋體諒我文筆差。 希望po ig thx!

#NSS個人 [guest ] 我係咪違反左国安法？ 是咁的，我本身就係一個好鐘意交朋友嘅，不過大多數都係網友。我兩年半前識左幾個大陸嘅網友，成日一齊打機傾計。同佢地熟左冇幾耐之後，香港就開始左一啲遊行示威活動啦，某黃衣人嘅犧牲啦，抗議政府個啲。當然我都係yellow嘅，然後佢地係內地就乜spring 都唔知啦，淨係知道香港好亂。 有日同佢地傾傾下計就傾到政治啦，咁啱佢哋又對香港嘅情況有興趣，咁我咪講比佢哋聽囉，後來亦有同佢地講香港嘅警暴問題，同埋依家林X嘅政策有咩問題個啲。佢地冇對我feel到反感，反而仲對此感到惋惜，同埋清晰有條理咁對哩件事進行分析。其實我都幾乎刪晒所有「偉大的中国資產」啲apps㗎啦，但係礙於佢哋用唔到其他Apps，因為嗰個所謂用來「保護」佢地嘅牆壁同法律，我只好將同佢地聯繫嘅apps留底，繼續同佢地傾。有一個同我好friend嘅，佢係領悟到左我所講嘅自由係咩嘢，同埋佢明白到左中國係一個「籠」，佢由原本嘅乜嘢都唔知嘅佢，變清醒左。我間接喚醒左佢嘅意識，我係咪有麻煩啦😅 （補充：好希望香港嘅政治問題同埋其他一堆嘅問題可以盡快解決到，咁樣嘅話我就可以光明正大咁同內地嘅少部分清醒嘅內地人交朋友。等疫情過左之後，就可以飛去其他地方探下我啲網友，希望香港嘅一切問題已解決嘅一日可以快啲來到。）