#NSS學校 [某名校] Hi 大家好，唔知大家有冇遇過一啲VA老師係痴線嘅？小弟今年就Form1 咁今日就想分享一下我嘅故事 話說嗰位老師喺下學期完咗，每一份功課嘅comment都話 “incorrect file name” 然之後扣我分，但係佢又冇比俾example. （重點係我已經寫晒班、英文名、班號 + project名，淨係爭中文名） 後來我check返，原來佢喺上學期俾過example 但係大佬呀，你估我哋咁得閒每次交功課之前都去舊嗰度check返咩，你記住你教嗰科係VA嚟嘅咋，唔係中英數啊！ 咁就等大家評評理，覺得個問題係我度定係個老師度 Post IG thx 🙏🏻
#NSS愛情 [沙田某Band 1中學] plz po ig plz 🙇🏻♀️短文慎入😂😂 更 #NSS210429E 首先多謝大家嘅意見先(包括話我篇文“長”果D😂😂),比咗好大勇氣我。咁我就action啦,比我問到師姐佢係雙性戀(鐘意過男同女,但同我一樣冇拍過拖)。咁我梗係去馬啦,成日約佢去食飯又去下迪迪尼咁,追咗佢差唔多成個月之後終於一齊咗啦~ 我爸爸媽媽都好open,同佢哋講我有女朋友之後都冇講D咩,覺得只要我開心又唔好影響學業就冇問題, anyways只係想多謝返大家 🙂
#NSS社會 [Guest(;´༎ຶД༎ຶ`)] 其實呢我唔係好明白，想問吓各位可唔可以去大廈個天台？係咁，想講我哋大廈個天台呢人哋可以晾衫，可以曬海味，但係有次我自己諗住去天台影張相，然後個管理員就出咗嚟之後喺度鬧我，又用普通話喺度鳩噏，話乜嘢唔俾上嚟㗎一定要落去啊，但係佢見到側邊有個阿婆喺度曬緊海味，冇理到佢淨係衝過黎鬧我，而且仲有一次因為有個朋友住喺同大廈，我諗住比野佢之後喺後樓梯等佢，然後個管理員都係照樣沖左上嚟喺度鬧，又用普通話問你住邊一層，唔可以喺後樓梯咁㗎，我哋點知你有冇做啲乜嘢。所以我想問吓係咪唔可以喺大廈天台影相同埋其實唔可以喺後樓梯等人？（我係嗰幢大廈度住而且買咗⋯而且嗰兩次嘅管理員都係同一個人⋯）