#NSS個人 [Guest] 希望admin可以po ig la，辛苦晒 長文慎入 有錯字或者唔清晰嘅句子希望大家可以體諒 我今年f1，本身自己就有少少唔好嘅回憶，一入到中學就更加大壓力，我開始懷疑自己有情緒病，前一兩個月我已經透過網上輔導員搵咗學校社工，多數同佢哋傾完之後個人都會舒服好多，但冇幾耐，心情又會變翻差，最近d情緒好似越嚟越唔好，所以我想睇心理醫生，但係我唔知應該點開口，我盡量寫少d去講吓我d狀況，我覺得自己又好似有病但又好似唔係，但呢種狀況係好耐之前就有，最近先變得更加差，想大家俾少少意見我應唔應該睇醫生，如果應該的話，可以點開口同社工或者媽咪講（阿媽唔知我搵社工）。 1.我成日都會諗起好多事，個腦會好似播緊片咁不停回憶起之前一d唔好嘅事 例如我爸爸癌症末期嗰陣睇住佢講唔到嘢連隻手都活動唔到嘅畫面（之後call咗白車，冇幾耐就走咗）、我嬤嬤跌親我扶唔到佢嘅畫面（之後佢中風過咗大約一年幾就走咗）、同朋友鬧交嘅回憶，仲有好多好多，有時都覺得某d回憶係好少事，但係我點都忘記唔到 2.成日自己一個或者夜晚嘅時候就好想喊，有時都唔知點解，不過成日都忍住（社工有幾次都話我同佢傾嘅時候唔喊，其實我好想喊，但係當住人哋面前我唔想咁），有時喊會將自己反鎖喺廁所幾個鐘，直到自己冷靜翻為止，不過出嚟仲係好唔開心 3.專注唔到，我欠交咗唔少功課（10份可能有兩三份欠交），有時我都懷疑係唔係電子產品影響、屋企電視太吵、好熱呢d原因，但係後來我試過溫書唔用手機平板、去自修室、冥想令自己平靜d、聽白噪音等等呢d方法，都係冇用，有時下午打開份功課到咗夜晚都未做完，溫書完全專注唔到 4.最近開始成日都好攰，冇動力，我最近一日時間加埋晒瞓咗成十幾個鐘，之前我瞓7-9個鐘就可以全日都咁精神，唔瞓都可以勉強上一日堂，而加我瞓完又攰唔瞓又攰，飲完咖啡係可以唔眼瞓，但係個腦諗嘢好慢，同埋因為我細個食錯嘢病咗一次之後腸胃一直都唔係幾好，飲咖啡我都好容易會肚痛，所以唔係經常飲，洗面飲水個d全部都冇用 5.個腦會浮現一d自殺計劃（冇試過執行），成個自殺畫面喺個腦進行咗一次，d畫面好清晰，同埋我經常諗一d留俾重要嘅人嘅說話，我之前都寫過出嚟，我幾乎晚晚都想自殘，但係我驚太多痕我屋企人會見到，我好多時候都有控制住自己，但有時情緒太差我控制唔到 6.我好多時候都好暴躁，少少事都好想鬧人，有時我屋企人叫我，我都會對住佢勁大聲咁講嘢，我好唔鍾意自己咁樣，好唔孝順，但係我有時真係控制唔到，我覺得好對唔住我屋企人，佢好辛苦咁照顧我但係我成日都咁樣對佢 7.我成日都唔知點解好想大叫，冇原因。心情一唔好個心就好似扯住扯住咁（？sorry啊我唔係幾識形容呢種感受），有時又唔知點解突然出現一種好緊張好擔心嘅感覺。又會覺得大家都好唔鍾意我，一定成日講我壞話，屋企人想唔要我之類嘅嘢。然後呢樣我唔知係唔係正常，我多數都係眼瞓先會瞓，所以我有時9點幾就瞓有時到咗3點幾都唔瞓（翻學日子嘅情況），如果定咗某個時間我就會失眠或者醒咗之後攰過唔瞓。 因為我睇過好多網站都有寫呢d徵狀可能有情緒病，做過好多網上問卷都話我有病，我知道唔可以盡信，所以只係作一個少少參考，但係我覺得而家唔似係本身嘅自己，我開始控制唔到自己情緒，影響咗我好多嘢，學業係最大問題，我知道我學個啲嘢只要用心溫，放時間，就會有唔太差嘅表現，我好想努力一次，但係自己一直打擊自己，我每次見到身邊個個都進步緊，我就原地踏步，我覺得自己好差，我希望我可以做翻好少少，其次係家庭關係，我每次見阿媽都講唔超過10句，我希望之後可以多d同媽咪分享自己遇到嘅開心事。最後希望可以控制好自己情緒，每日都開開心心，好好享受每一日嘅生活。 多謝你哋睇到呢度，我係諗到咩就寫咩，可能有重覆嘅位置、勁多重覆字眼，同埋有少少位唔知講緊咩，我而家個腦好混亂，希望你哋唔好鬧得咁盡，同埋俾少少建議我啦，我真係想自己可以搵到解決辦法，令自己好翻同變得更好。 sor for 1999
#NSS愛情 [Spslt] 是咁的，小妹於數月前遇到一名網友（佢都係女）叫佢A啦。大家都打同一隻Game，鍾意嘅嘢都好似，所以好夾得埋。由於大家係網友，互相都冇見過對方，有一日A約我出去一起買嘢，我好快就答應咗。出到去終於見到佢，佢好高，高我差唔多一個頭，我自己165，我諗佢可能有175（///），果一日我同佢玩得好開心。 之後慢慢我同A有時間就約出嚟，我覺得我對佢嘅心意好似開始有D變化。當佢同其他人一起玩，我會覺得有D呷醋嘅感覺出現，好似鍾意咗佢。 我依家唔知我嘅心態係點，我好亂，好怕比佢知道如果我鍾意佢，佢會唔會唔再揾我玩。 （第一次投稿，如果有咩問題請各位屌得細力D）
#NSS家庭 [GUEST=]] 是咁的 小妺今年F.2，我唔知係我唔正常定點，我一直都好唔鍾意我父母，可能你哋就會話我大啲就識諗，但係真心有原因，我好想知道係咪我有錯定我咁樣係正常。 就係咁嘅，我嘅出世真心有啲複雜，我呀媽係二奶。呀爸本身有一個好完美嘅家庭，有一對仔女，好幸福。呀媽係我細個成日都話我一18歲就即刻同我阿爸離婚，嗰陣時我細我都唔知事實嘅真相，咁我就話一定會啦，但越大嗰陣知道得越多，我就越嚟越唔鍾意佢哋兩個，成日諗其實我唔出世咪唔洗破壞呢個咁美好嘅家庭，我亦都因為咁喊過好多好多好多次，自殘都試過，好彩我本身個人比較樂觀，每次喊完都好快睇得開，所以我就咁慢慢開始好唔鍾意佢哋，對佢哋嘅態度越嚟越差，可能你哋會話我咁，但係我真係好唔鍾意佢哋。 然後問題嚟啦，就係之前我呀爸話要我哋三個（我，爸，媽）一齊傾下計咁啦，然後突然傾到我家姐（已經成年），因為我呀爸講到話我家姐讀書越嚟越差係因為我阿媽啦，然後我呀媽突然爆咗句，唔好乜都賴人啦，佢自己搞到自己咁，然後我心諗wtf????唔關你事關邊個事，做二奶做到覺得自己好啱咁，覺得好威咁，我真係無晒言囉，然後佢係咁駁啦，我都唔打算理佢，繼續態度一直咁差啦，基本上每日都鬧交。 我想知道其實我係咪有錯🙇🏻♀️🙇🏻♀️好想有人可以解答下我😣 Sorry for 1999
#NSS個人 [guest ] 大家好呀，我係一個中二嘅男仔，嚟緊升中三。 我而家嘅身高係167cm，咁話說我中一到而家我只係高左1.幾cm，比起以前高少左好多。 但係喺我中一嗰陣，我啲best frd 同大部份同學都係矮過我嘅，佢地而家嘅身高同我差唔多， 甚至係高過我，搞到我好自卑😢。 我想問點解我先高得嗰少少，之前小學一年高5 – 12 cm，而家連5 cm 都冇。 會唔會係因為少左做運動（升中一之後除左PE 堂都冇咩點做運動）？飲食問題？或是作息唔定時/生活習慣影響等問題？ 所以呢個暑假我想試下習慣做返多啲運動同埋早睡早起睇下會唔會生返高啲。不過我又唔知做咩運動可以幫助增高。 最後，睇緊呢篇文章嘅你地可唔可以比啲意見我–（有咩方法/做咩運動可以幫助增高，或者可以改善下啲咩咁樣。） 希望各位能夠認真比意見我，十分感謝🙏。
#NSS學校 [某學校] 小妹是一名中一生,因為有外來生嘅身份入到中學,所以就冇識得嘅同學。之後識到一位朋友A,互相都係班上面嘅best friend,一開始關係都幾好,但係之後因為上網課假期嘅關係,關係變得冇之前咁好。朋友A就識咗另外兩個friend—朋友B同埋C。一開始四個一齊關係都幾好,算係best friend,但係最近發現佢哋三個嘅關係好似越嚟越好,(感覺到好似俾人排斥同埋孤立咁樣)佢哋一齊出去玩,一齊開IG Account,一齊傾偈丶打機……但係佢哋唔係刻意咁樣做。有陣時佢哋會講咗一啲好hurt我嘅嘢,但係佢哋都唔知道。雖然我仲有另外一個friend,但係感覺一班人一齊玩開心啲,我都唔明點解一開始好好地會搞成咁樣。見到佢哋嗰啲IG Store 見到佢哋嗰啲IG Store 同埋post喺度互相tag+follow對方,就覺得好唔開心😫。我真係好羨慕佢哋,我應該點樣做? 希望各位比下意見!tysm!!!🙇♀️