#NSS個人 [GUEST] 喺前幾個IG post見到有個人話唔鍾意人哋過度放負，我真係笑咗出嚟… 作為一個曾經有自X傾向嘅f3女，我有幾句說話想同嗰個人講，你哋呢啲人真係冇可能會體會到我哋嘅心情(亦都希望你唔好向社工方面發展，唔係嘅話會害死人)，因為你哋冇經歷過，你哋唔知道我哋發生咩事去搞到好唔開心，我哋po出一啲你哋認為 ”放負”嘅嘢係想抒發自己感受，比自己個心舒服啲，而唔係扮嘢去呃like呃人同情，你唔好將自己睇到咁重…ok? 如果你唔想睇嘅話你咪 skip咗佢囉！冇人攞住把槍指住你個頭要你睇㗎嘛，你想正能量咁你咪儘管去po 正能量嘅野囉，人哋放負關你咩事? 其實我覺得放負呢個稱號都唔係咁好，講到我哋好似特登想透過放負能量去吸引人注意🙄 我可以講吓我嘅經歷，仲記得前一排我因為一啲誤會俾人校園欺凌，我嗰陣時真係好想去X，去擺脫痛苦。我記得我每隔一兩日就喺IG story度po我有幾sad 有幾沮喪，有幾想死… 去抒發自己嘅情緒(我記得有時候我po 完會係間房喊)。嗰陣時就有一兩個同學喺度話我扮喪 扮放負，亦都有好多人安慰我 support 我，最後我自己放棄咗自X。雖然呢件事好似同我哋講嘅嘢冇乜關聯，但係我想講嘅係，唔係人人都想放負，只有真係你內心走投無路嘅時候，情緒就嚟崩潰嘅時候先至會咁。 作為一個過來人，當我見到我一啲朋友或者同學喺網上講出佢哋嘅心聲時，我好佩服佢哋，因為佢哋願意講出嚟，至少冇獨自一個人咁樣承受晒所有壓力，最後無力負擔而走上不歸路。所以其實放負都算係一件好嘢，我唔覺得會有過唔過量嘅差別。過量就代表佢個事情真係好嚴重，一定要快啲密切留意啦！ 喺度我想講多樣嘢，如果你見到你朋友向你傾訴心事嘅話，唔好唔理佢，嘗試了解佢幫助佢，唔好等事情去到一個不可收拾的地步先嚟後悔😉我喺度呼籲大家唔好去做傷害自己嘅事，我依家諗返起都覺得自己以前好傻😂 Admin pls po IG:) thx
#NSS愛情 [Guest] 即係咁嘅,小弟有個女朋友。咁佢就有追韓國男韓團,咁我本身就覺得追星係完全無問題。但係而家就越嚟越唔想俾佢追。 事原就係佢成日都叫佢哋做BB,然後佢ig story, post呀十有八九都係佢哋。雖然話ig係佢嘅,追星係自由,但係佢成日喺我面前提起佢哋。話咩好靚仔好可愛好得意好型,仲成日笑到見牙唔見眼。同佢出街,佢就係咁望住部電話狂笑。講真好嫉妒。 手機wallpaper又係佢哋。有次問佢可唔可以轉做我哋嘅合照佢話遲啲先算。手機密碼又係佢哋啲咩出道日期/生日嗰啲,完全冇啲關於我嘅嘢,有啲唔開心。覺得好似佢哋搶咗我女朋友咁樣。搞到我對所有男團都好反感。 之後因為佢鍾意嘅關係,我有嘗試了解,諗住同佢傾下呢類啦。點知唔掂,我完全唔明有咩好睇,所以就放棄咗。但係佢又有成班追星嘅朋友,搞到我好似格格不入咁。 講到呢度,大家係咪覺得我佔有欲好強？連男團嘅醋都呷~小弟唔知點同佢講,定係我直接追女團學返佢。 各位朋友理智追星吧
#NSS個人 [[GUEST]] 長！文！慎！入！😖🙏🏻 是咁的，小妹係一個數學好差好差好差嘅人，真係差到可能會令到教我數嗰個人爆血管嘅程度。 由細到大幾乎冇補過習，所以都冇乜補習嘅習慣同埋經驗，咁因為我成績真係太差，所以之前first term家長日嘅時候，班主任（數學老師）就建議我搵一搵補習，其實我一直都物色緊，不過就仲未搵到。 好快去到final exam，咁即係而家啦，我哋學校分開好多日嚟考，前幾日就考咗數學，其實我都知我衰，本身數底已經係近乎零，然後考試前又幾乎冇操過數咁滯，淨係不停喺度背formula。（我都知數學根本唔可以咁樣溫，但係講起都一匹布咁長…我成日都冇精神溫書，尤其是面對自己差嘅科目嘅時候，會特別有挫敗感然後唔想溫） 吖唔好意思扯遠左，入返正題先，我考數嗰日，做緊卷嘅時候簡直係不停標冷汗，坐喺個hall度又焦慮又緊張，望住啲題目眼甘甘咁，揸住支筆卻完全無從下手。差唔多題題都唔識咁滯，第一題唔識就走去睇第二題，睇咗好耐都唔識又skip咗佢去睇第三題，如此類推…嗰種完全唔識做、寫唔到半粒字出嚟嘅感覺真係好煎熬…做到中段我甚至想喊出嚟，不停好緊張咁腳震震，成個人連神色都變埋，我哋考足一個半鐘，我嘅狀態幾乎崩潰，我真係唔知點好，好想大嗌，情緒好抑壓，同時亦好嬲前幾日完全冇的起心肝溫書嘅自己… 我哋考數學MC同long q係分開考嘅，但係test就係放埋一齊。之前有一次test，我長題目改到完全0咗，僅有嘅分數全部都係嚟自撞返嚟嘅MC。 去到我而家寫緊呢段文字嘅呢一刻為止，數學考試已經過咗好幾日，但係我每次一諗起我做緊卷嗰陣嘅情景，都會覺得好後悔好想喊，我唔知點好，我好驚自己到時份卷會寫住0，我好清楚明白就算到時真係0咗都係我自己攞嚟，根本係咎由自取自食其果，但係我好後悔，我真係好想喊，而家呢一刻我唔知應該點樣面對到時收返份卷嘅自己。我完全面對唔到老師，更加面對唔到屋企人… 我覺得好抱歉…我好想打死自己，我好想可以時光倒流俾我考多次…
#NSS個人 [guest] hi我係上次炫耀細佬嗰個 想問點解會諗左去bl度💩💩💩 唔會la，我對佢應該淨係父母對仔女咁嘅感情，唔會去到做情侶 況且佢係直ga，佢同我講過佢鐘意溫柔可愛嘅人，應該少男仔溫柔可愛，咁咪即係女仔lo？btw我都想知點解咁多人覺得佢鐘意嘅係我 不過gay味重係真。話說我睇完comment之後，問左一個鐘意bl嘅frd，問佢gay味係咪真係咁重。佢超級肯定咁話係，仲話係竹馬經典劇情。我聽完之後心情有啲微妙 原來我同我細佬係bl經典劇情？？ 咁gay ga meh 可能以後注意下？唔好咁親密 同埋我見到有個comment問我細佬有冇話大個要同我結婚，想講真係有wor，大概佢3、4歲嘅時候。不過我本身已經唔記得左，係我阿媽之前錄低左，又試過拎返之前啲片出嚟睇我先至會知道 just童言童語，佢依家都冇講la👻 仲有想講你哋錯曬重點rrrrrr，我目的係炫耀佢有幾好 另外嗰d想要我細佬嘅，算把la佢咁嘅天使我唔要分比人👻雖然除咗佢未來嘅家庭🥲🥲btw呢啲之後先算啦 係ar我就係咁衰，sell緊一個非賣品hhhhhh😝💖純粹真係覺得佢好好 係咁先la sor for 1999