—類投稿

#NSS愛情 [GUEST ] 小弟今年F4，話説F1嘅時候鐘意過一個女仔，係好明顯互相都對大家有feel嗰種但係因為冇人出聲，所以過咗一個暑假之後個男仔就鐘意咗個狗公，後尾仲一齊埋。咁我憎嗰個狗公，好自然地就unfriend 埋個女仔。前排佢哋兩個分咗手，跟住個女仔request翻我ig，又喺機緣巧合之下有啲交流，follow 我private ac， 仲add埋我入佢close friend 。我開始懷疑自己有少少鐘意翻佢，但係又唔知係唔係。大家覺得我應該點？應唔應該去馬？定係其實個女仔都對我有feel？！ 求Admin po ig 感謝🙏🏻

#NSS學校 [HSS] 同大家分享一下一個好鍾意show Off，同埋有少少公主病嘅朋友。但係我唔係返上面亦都冇朋友，所以都要忍下佢。 是咁的，首先佢好鍾意show Off嘅係佢嘅音樂天份。喺度吹自己學樂理就好勁，啲同學問一問佢隔離嗰個識唔識音樂嘅功課，佢就即刻搶咗人哋嘅台詞就喺度同人哋講個答案。次次都會加埋句：「係呀我學樂理啊！所以呢啲對我來講好容易姐。」我知道你樂於助人，我亦都知道你想人哋知道你實力有幾勁。得啦得啦， OK啦全班都知道你學樂理，真係好叻叻呀！🤗 另外，佢好鍾意吹自己英文好勁，又話：「我補開英文習㗎！」得啦得啦，知道你補英文。但係補開英文，啲同學唔識嗰個字，佢就會扮到自己識晒咁樣喺度講點讀，但係呢，佢又讀到啲音錯晒。（我係真真正正知道嗰個字點讀）又扮到自己好似知嗰個字點解，成日講講吓嘢都會喺最尾嗰度講「囉」。你可能問我，點解你識得讀嗰隻字嘅音，又唔糾正佢呢？係我唔鍾意俾人知道我實力，總係感覺佢哋就會傳到成班都係，到時我就忙到七彩。 另外有一件事係佢好鍾意以佢嘅可愛性格去暗示人哋…我哋係四人行，咁佢日日放學隔離班都會有個同學等佢，咁明明佢就係同個同學傾緊計，咁自然我哋三個都會喺前面行。咁問題黎啦，明明佢同佢嗰個朋友傾緊計，係好friend嗰種。佢就會喺度話：「做咩唔等埋我呀！你哋唔理我啦！」我真係呢…明明你同人哋傾緊計做咩又話我哋唔理你，咁我哋唔想打搞你哋嘅對話。 佢亦都樂於助人，但係助得有啲過火，前幾日佢生日，佢隔離班啲frd 送咗佢一個迷你釘書機，佢都好鍾意show Off自己有部釘書機，次次啲功課要釘野，佢就會用一把好尖嘅聲：「我有我有，我有釘書機啊！借俾你啊俾你啊！」之後又喺度話：「哎呀搞到我部釘書機冇晒釘添！」其他同學有釘書機佢哋都好低調咁借俾人哋，但係佢呢？得啦得啦，知道你有釘書機啊，知道你人緣好生日會送釘書機俾你，知道知道 我真係忍受夠佢，雖然我哋四人行，我一直好想放棄佢，但係咁樣又好似唔係幾有人性，我真係唔知點算 多謝你睇到呢度 呢篇文唔係想羨慕人哋，同佢相處左就會知道咁嘅煩惱 有錯屌細力啲，小妹第一次投稿

#NSS其他 [Guest] {Admin 唔該Po IG plz&Thinks} 是咁,琴日我啱啱收到公司 本來好開心以為揾到一份工,結果人哋打電話來問我以幾時得閒返工,我就答咗星期二,星期四同星期六。{因為超市一般要求返三日工} 結果佢又問幾點可以返工,我就答咗佢話我8am~2pm. 之後佢就同我講話哩個時間應該唔需要人來返工,佢話佢會幫我塭上其他部門,一個月之後在打電話復我? 唔知會唔會真係打電話返來揾我去返工一係就只係為咗講得冇咁難聽而特登講來打發我走? 希望大家俾小小意見我! Sorry for 講野1919!

#NSS個人 [Guest] 我想問大家生日點過？因為年年人哋生日都有嘢收，而我就乜都冇。我唔知係特登定唔記得，我由細到大都唔知點解會識埋啲衰人，之後運氣一直都差 例如 生日冇禮物 讀咗書唔合格

#NSS個人 [某山頂學校] 感謝admin~~ 小妹有個好困擾嘅問題想請各位幫幫手🙏🏻 小妹發夢每次都會發啲奇怪夢，自己係夢入面總會做一啲平時無可能做嘅嘢，然後嗰啲感覺、痛楚又(應該)超真實，例如被迫跳樓後腦一熱然後失去知覺死咗，左手被整斷痛到爆炸，同人做某羞恥之事莫名有啲爽等，但平時自己又好少臨瞓前接觸啲緊張嘅嘢，所以每次嚇醒嘅我個反應都係:？？？又嚟 小妹好想知道啲夢有咩意思同埋可以點停，因為本身已經係高敏感種族，再加上迷之體驗搞到小妹依家超怕痛，感謝各位🙏🏻🙏🏻 sorry for 1999

#NSS個人 [guest] *有少少長同混亂 先簡單交代一下背景 我阿爸阿媽喺我p1嘅時候已經離咗婚 我一直都係跟阿爸住嘅 雖然佢地一直冇同我講過佢地已經離咗婚 但係我一早已經察覺到 我p3嗰陣已經俾阿爸教到好獨立 可以自己煮飯洗衫洗碗 但我係一個冇乜優點同長處嘅人 我同阿爸係靠阿媽養嘅 我阿爸係無業游民 成日都會抱怨好多嘢 仲好鍾意鬧我 我真係好憎佢 我唔明點解佢有手有腳唔去番工 要靠阿媽養 前排我阿媽同我講佢失咗業 佢唔會再養我同阿爸 我依家真係好驚好驚 我每一日都喺度唸如果我死咗佢地係咪會冇咁辛苦 我已經試過好多次自殺 但係每一次都因為太懦弱而失敗咗 我唔知自己應該點算

#NSS家庭 [GUEST] 想問吓大家意見！ 有冇人自己間房係比屋企人擺咗個cam 喺度，小弟我一直都好困擾，覺得好冇私隱，但係又唔知點同屋企人講，大家可唔可以俾啲意見我？又或者提議一啲可以整壞個cam 但係又唔會比佢哋發現嘅方法！Thx🙇🏻‍♂️

#NSS文化 [GUEST] 其實咁多人都話素質係大陸用詞,但只要了解一下素質嘅意思同用法,就知道質素同素質唔係同一個意思。

#NSS家庭 [想問下點樣對付工人姐姐] 小妹而家F4，雖然大家見到呢個題目可能已經想鬧人，但請你忍住😂😂😂 話說工人姐姐嚟左2-3年左右，頭一年還好，只係成日叫極無反應，同埋24小時都同佢啲屋企人講電話，ok唔緊要，明白佢掛住屋企，或者可能因為佢上一個僱主係9x歲嘅台灣獨居老人，可能佢未習慣，但係如果忍真係會越嚟越衰。 疫情個陣，我阿公腦退化越嚟越嚴重，所以要用尿片，加上佢做野已經hea，咁就更加慢，咁我可以等嘅，始終佢都辛苦，我都明白，但係佢啲行為真係令人崩潰，佢會成日當我同佢講完A要做，佢就唔做，我同我屋企人講，工人就話係我講A唔使做。呢個行為加埋唔理人同講電話已經都有年半。 話說今日考完試，我個朋友B就嚟我屋企食飯，我同b好frd，因為B住得遠，同埋係我F3俾人bully個陣B係唯一願意同我挽，可以形容生死之交，因為後嚟B都俾人bully，但係我同工人講B今日食飯，之後2個鐘都未整，因為工人話B講佢唔食飯，但係我明明話B食，我就好嬲，咁我開始躁底，我係街度同我阿媽一齊，我阿媽知之後就鬧我，話我做乜要因為個外人咁樣，我無語了，佢唔係外人囉，阿媽仲攞B同朋友C比較，C就係品格差，借錢唔還，不過口花花，氹到阿媽好開心，之後踩B份人好靜，又成日上嚟痴餐（其實只係每星期1-2次，同埋當初係阿媽叫佢嚟）我聽完就超唔開心。 我唔明工人嘅錯做乜要怪我，同埋雖然工人表面辛苦，但係我哋屋企仲有講個鐘點，日頭同阿公一齊，夜晚再交返俾工人。 所以希望各位大神出下方法點樣對付工人，同埋唔好鬧我，真係好辛苦，thx sor for1999

#NSS學業 [Guest] 唔識數學 補咗習都冇用亦都溫習咗 都係唔合格💩點算？