#NSS個人 [Guest] 在下唔知自己算唔算跨性別者。生理女性嘅，但係個人認同係無性別啦。小弟又唔啱小妹又唔啱所以叫住在下先，雖然後面都唔會用。我真心好唔鐘意自己性徵，個胸沖涼嘅時候見一次核突一次，自己低頭望都冇乜嘢，但係見到鏡裏面同自己成個人（半個上半身啦）就覺得好撚核突，好似一個唔係自己嘅人但係又跟住自己嘅反射喐一樣。自問唔係想做異性，自己好似本來就唔應該有性別一樣，個身同自己嘅認同衝突咗。成日都諗點解自己唔係機械人，又冇任何性徵又冇性別。出街一定會着外套因為想遮住自己盆骨同腰嘅線條，為咗個胸冇咁明顯越嚟越駝背。雖然已經唔係好care自己嘅稱呼，但係聽到妹妹仲唔舒服過畀人叫嗰條友或者仆街。不過呢個都冇乜事，我就係唔知點解釋畀啲人聽，我可以講到自己性取向係女性（需然屋企人冇講），但係好難講得出我唔係女仔，因為我個人、我個身體，真係一個女仔。 成日喺度諗，我真係好L煩，唔係成個世界都要配合你㗎，男就男女就女啦，係咪要專登開個新嘅俾你啊？最後都係冇講到出嚟。 曾經聽過有個比喻話，跨性別就好似喺咖啡同可樂嘅世界裏面，咖啡裝咗入可樂樽一樣，咁我可能係有茶裝喺可樂樽入面啦？如果我同一個va room擺pose用既木公仔一樣就好啦。
#NSS家庭 [[Guest]] [Guest] 想問下有咩辦法可以偷偷地離家出走？ 大家好，我係＃NSS210607E 既post 主， 我真係 受夠我阿媽日日喺度發癲鬧我， 佢成日都會冤枉我同大力推我，仲要我同佢解釋返嘅時候佢會好惡喺度問我咩態度，甚至想打我。 我成日都喺度諗我究竟係咪佢親生？ 點解要生我出嚟？點解佢可以咁樣對我。。。我真係好辛苦，我成日都想殺咗佢， 雖然我呢個諗法真係好不孝，但係我真係控制唔到自己唔去諗呢啲嘢。 其實我曾經有諗過直接跑返去婆婆屋企，但係我驚我阿媽會從此唔再理我，所以我想喺度大家我應該可以點做？ 希望各位可以幫幫手😢 利申:唔想搵社工，我唔想搞大件事 sorry for 1999
#NSS家庭 [GUEST] Admin po ig plss🙇🏼♀️♥️ 講下背景先～ 小妹中一…有個哥哥，家姐，阿妹，細佬 我同阿哥、家姐係同父異母…我由細到大都好鍾意黐住佢哋…不過屋企人多…所以就要我同家姐一間房…一直都係咁…直至中學…好多同學都有自己間房…我都想要一間，不過我知屋企冇可能有6間房… / 點知阿爸阿媽呢排閙交…又話離婚又點點點…我一直都好唔鍾意嘈嘅環境…所以成日喺佢哋鬧交嘅時候都同阿哥家姐出去… / 上個禮拜…阿爸帶埋我、阿哥同家姐一齊出去…去到餐廳無啦啦話5位（當時得我、阿哥、家姐同佢） / 我哋坐低之後幾分鐘…有個女人坐喺阿爸隔離…阿爸叫我哋叫佢做啊媽…我好驚…返到屋企…佢叫我哋唔好話比阿媽聽…前兩日先知佢哋要離婚…阿爸話離婚嘅話…阿哥同家姐就跟佢…我就可以有自己間房… / 我坐喺床度…諗左好耐…好唔開心…雖然我真係想要間房…但係我唔想離開阿哥同家姐…好矛盾 / 多謝各位睇到呢度🤧🙇🏼♀️ Sor for 1999 如果有錯字請包容🙇🏼♀️ Thanks admin🙇🏼♀️