#NSS家庭 [GUEST] 想知有冇咩方法可以擺脫心理陰影 小妺今年中二 細個嗰陣一直畀屋企人打同鬧 佢哋自己唔開心就當我係發洩工具咁鬧我打我.. – 之前細個比佢哋打俾佢哋鬧嗰陣一直都以為係自己問題 以為自己做錯咗覺得係自己激嬲咗佢哋所以先會咁。 去到上年我明明咩都冇做過自己係間房到聽歌睇書，我婆婆就無端端衝入我間房鬧我係畜牲話我係垃圾。鬧完之後仲扯住我啲頭髮冚落牆度。之後我推開佢（我冇用力）佢就喺度大嗌話我打佢又話我不孝，話我賤格。 之後同全部人講話我打佢 之後就一巴一巴咁摑我。咁嗰陣時覺得佢係我阿婆就冇出聲…依家諗返起真係覺得自己好傻點解唔反抗 之後我老竇都係咁，每一次自己飲完酒墜咗又打我。第二朝問返佢點解打我次次都係話自己醉咗唔記得。有時候自己返工比老細鬧返到屋企心情唔好又打我鬧我。有一次試過摙住我條頸話要摙死我。後尾同咗阿媽講之後佢哋都離咗婚 雖然係擺脫老竇 但係仲有我阿婆….同咗媽媽講之後都搬咗出嚟住而家係唔使對住佢哋 但係每晚都會發惡夢諗翻起呢啲嘢.. 想知有冇啲咩方法可以擺脫到啲陰影🙇🏻♀️
#NSS愛情 [GUEST] 想知道大家會唔會特別在意另一半的小僻好？ 是咁的,我其實係個足控。科普下,足控即係特別鐘意腳部,而唔係特別在意胸、樣等其他“正常人”鐘意嘅地方。（當然可能有D人特別變態,會去索人地對鞋等等,但我絕對唔會做呢種事） 而之前我同個ex一路都好好關係（我男嘅,佢女嘅）,但有一次我去佢屋企,我就話想望下佢對腳（因為我係足控,比較注重對腳）但佢唔知我係足控,拒絕左比我睇。 再後來我都有解釋比佢聽,佢冇耐就話唔鐘意足控嘅男仔,同我分咗手。（好彩佢冇周圍同人講） 而冇耐之前有個學妹同我表白,我應承左佢,依家都幾sweet。但我驚我同佢講我係足控佢會好似ex咁同我分手。（但我畢竟係特別鐘意腳,好想睇下/摸下） 所以我特登嚟投稿,想問下你地 -會唔會在意另一半小僻好 -呢種情況要點婉轉D同學妹解釋 -對足控有咩感覺,例如唔太鐘意/覺得都ok 想睇下大家意見 Sorry for 1999 第一次投稿,文筆都唔太好,請大家見諒^_^ thx admin for po ig Btw我都會開個private account 解答大家問題,都多謝大家比意見我 (
#NSS個人 [guest] 有啲嘢唔知點同屋企人講 小妹今年十歲，前兩日係屋企發現條褲有啲咖啡色嘅野，我以為係si 換咗條褲就冇乜在意，但係沖涼嘅時候一除褲發現一大片紅色 我真係好驚，即刻上網research，見到好多網上文章話咁叫月經，但係文章上面都係寫12-15歲先會嚟，仲話嚟完唔會高，我真係好驚，我而家先155如果冇得高點算。仲要呢幾日個人好唔舒服，個肚超痛，條腰又痛，成日好唔精神，唔敢問阿媽攞m巾，只係用紙巾代替住先 最大嘅問題係我真係唔知點同屋企人講，我覺得好尷尬，屋企仲有兩個阿哥，唔知佢哋會點諗。我唔知我講咗之後佢哋會唔會冇以前對我咁好，所以諗緊要唔要繼續隱瞞落去。想問吓大家應唔應該講，同埋點講🙏🏻 sor for 1999
#NSS家庭 [GUEST] 大家同屋企人多唔多溝通？ 其實大家同屋企人會唔會有溝通障礙。😩我今年16，咁多年嚟我啊媽都會成日話我太過被動，完全唔會同長輩溝通，最多都係一句起兩句止，又會話自己好冇用，好後悔生咗我。但係個問題係其實我根本唔識同長輩溝通，講真，有陣時啲長輩打嚟我哋屋企，當屋企人聽緊，就嚟到我聽嘅時候其實我會好緊張，我會驚一陣間要講啲咩、會唔會好尷尬，好驚會冷場。 可能有人會話簡單問候下就得，但係我一向以嚟其實都係問佢食咗飯未、天氣凍著多件衫就冇嘢講，亦都因為已經習慣咗呢種相處模式，無端端講其他嘢我會覺得好奇怪同埋好難講出口，唔知有冇人會咁🥲？ 我平時同朋友傾偈完全唔會咁樣，但係根本無可能將嗰啲嘢同屋企人傾，嗰種語氣根本就唔一樣，同朋友講嘢會串吓佢，講少少粗俗嘢，但係同屋企人可以點啫，又要我講多啲野，又唔可以粗俗少少，仲要代溝真係好大㗎嘛，唔通你同佢講韓劇咩。我覺得夾硬講嘢反而會令我更加尷尬，其實而家嘅我先至真正係做緊自己，但係佢又唔鍾意…😮💨😮💨😮💨 同佢哋溝通很難放得開，所以我自己有壓力嘅時候我都淨係會搵我好熟嘅老師傾偈。 本來冇乜嘢，但係佢一講，我就覺得佢根本唔明，我唔係唔想關心長輩，而係唔識😢，其實我內心係識關心佢哋，仲會為佢哋祈禱，不過佢覺得我嘅問題就只係唔肯出聲😔
#NSS家庭 [GUEST ] 是咁的，小妹移民到英國差唔多十日 咁到左嚟發覺同外國人溝通真係唔係好難，之要俾啲心機聽人講嘢，基本上都係可以溝通嘅。問題就嚟啦，嚟左咁多日呢出去買傢俬電器嗰啲呢全家都會叫我去同人溝通嘅，佢哋係幾乎冇同外國人溝通，可能你會話咁屋企人唔識英文啊嘛，咪叫你囉。如果係咁嘅話，我都覺得冇問題，咪當學多啲囉，反正佢哋唔識係佢哋嘅事。 重點係佢哋識啊嘛，次次去買嘢我好似做翻譯咁，嗰店員講咩，佢哋叫我翻譯俾佢哋，佢哋問嘢又要我去翻譯俾嗰店員聽，全屋啲嘢就係咁買返嚟。單單係呢樣嘢已經好嬲，大佬你識架喎，可唔可以用下個腦？ 我嗰妹細我兩年，嚟到呢度淨係同人講過good morning，買嘢嗰陣又唔知走左去邊，人影都冇個。去餐廳買嘢食嗰陣屋企又理所當然叫我去買，話自己唔識喊嘢食，大佬我都唔識架，我都係第一次嚟英國，我都係第一次見英文ver.嘅M記 KFC Menu架咋，有時會叫嗰妹同我一齊叫嘢食，不過叫佢嚟咪都係得個托，最後咪都係我去買，佢全程企係側邊等食。。 連屋企入面嗰啲寬頻，電視頻道俾錢都係我搞，佢哋就喺度un un 腳等住用，佢哋用緊嗰啲電話卡都係我上網搵點樣申請，到今日屋企終於有寬頻用啦，我可以抖下啦咪返房玩下手機囉，而且咁耐以來幫佢哋做嘢咁耐已經搞到我心情唔好，咪返房靜下囉。佢又叫我陪啊嫲去超市買嘢，因為佢兩公婆要去行商場，我已經講左我好攰要喺屋企抖下，更何況前兩日已經買咗幾日嘅餸，根本就唔使再出去，佢哋就嘈啦話帶下屋企人去買嘢都唔得，明明之前就係得我一個帶啊嫲去買餸，家下想唞吓都唔得，屋企仲有個妹喺度，佢都識路架，你又唔肯叫佢，佢已經乜都冇做過架啦。仲話我態度唔好，大佬啊我已經忍左你哋咁多日，依家仲要鬧返我轉頭，仲想我俾好態度你哋？都癡鳩線 我真係想大個就走，反正基本上喺新屋要處理嘅嘢我都識得七七八八 Sor for 1999 純粹想搵個地方發洩
#NSS學業 [GUEST] 勸世&發泄文：選錯科嘅悲歌 是咁的，小弟今年F5，而家選修ICT+Physics 2科，ICT成績唔算差，至少係DSE都有3嘅水平，但係Physics就差到成舊💩咁，有1都偷笑個隻😅 事源我老豆做Engine，日日係度話Engine前景好出路好收入好待遇好，總之乜都好啦😅，大家都知道Engine=Physics，所以老豆就要我揀Physics，但係我F3選科嗰年Physics得3成，即使我同佢講讀左一定炒老豆唔理照迫我揀，因為佢見我阿哥讀得幾好所以覺得Physics唔難我都可以（食💩啦，Physics咁難），我同佢傾左好耐，我又唔想同佢整僵關係，又見我自己全級80幾名，心諗理科多人揀80幾應該冇我份嘅😅，於是我就聽佢講算🤷 屌你點知又真係中撚咗喎💩💩💩又唔見六合彩咁易中 連個天都想我揀Physics我就認命啦🥲，當然係讀唔掂啦，至今5次考試以同N次Test我認真做都冇一次合格，我仲要有補習+嘗試自習都係咁，真係要坎頭埋牆🧱 之後Apl報名時間到了，簡單講就係可以drop 1科選修去報呢個Apl，但係代價係最高DSE攞4+入唔到三大，即使係咁我都唔理照攞張申請form先，但係老豆唔比我報，死都唔肯簽名，原因係…： 「敢咪入唔到中大Engine囉！」 入你老母！！！！！！！！！！💩💩💩💩💩💩💩💩💩💩 而家唔係中大Engine嘅問題，係我讀唔掂嘅問題，中大Engine姑且唔提，大專Engine入唔入到都係一個問題🥲 好啦而家F5，前幾個月我班主任打電話比我老豆講成績野，大家都知咩事啦🥲 個陣我放學搭車返屋企老豆打電話比我… 「你個班主任同我講話你個Physics好唔掂喎！」老豆咁鬧我 呢句野，我2年前同佢講過，佢唔聽，而家佢講返比我聽…☺️ 我個陣企係月台等車大大聲屌爆佢： 「屌你老母個陣我叫你唔好揀你係唔聽，唔聽咪咁撚樣囉，你而家鬧我轉頭，你咩意思啊？！💩」 成個月台嘅人望曬過嚟，尷到PK，但係佢回我嘅居然係…： 「你而家用咩態度對老豆啊？而家係入唔到大學Engine嘅問題啊！」 我諗我成世都未試過咁嬲： 「En你老母！咁想個仔讀大學Engine下世投胎生個啦！💩」 講完我直接Cut線，心諗：PK今鋪返到屋企實比老豆屌爆🥲 結果可想而知🥲
#NSS個人 [guest] 小妹07，想問下大家一啲關於女仔身體嘅問題。 我大概155cm/40kg，有個問題困擾咗我好耐就係我仲未嚟m。我知道我咁講一定好多人留言羨慕，但係我真係好擔心，而家疫情屋企人又唔比出街，一定唔可以睇醫生。試過問媽咪又話係正常嘅，而同學朋友只會同我講珍惜/羨慕，實質意見從來冇收過，再加上小妹讀女校，未發育都會有啲自卑或者覺得自己奇怪。 另外想問下大家關於駝背嘅野。疫情長期屈住喺屋企搞到我駝背問題越嚟越嚴重，本身已經平，搞到身形更加奇怪。而我仲要矮，駝背搞到我更加矮… 所以想大家比啲意見，唔知大家有冇相關經驗呢？Thxxxxx🤍
#NSS個人 [Guest] 我今年中二，讀緊一間Band 1A中學，不過最近要考一場好緊要嘅音樂試，我唔清楚自己係咪因為呢件事，令到好有壓力，我好似開始出現咗少少問題，我由細到大吞藥丸都好叻，一歲九個月就已經可以吞一粒normal size 嘅藥丸，一直到咗上個月開始，我開始吞咽好困難，尤其係吞藥丸，明明細個可以吞到嘅藥丸，而家我竟然吞唔到，上次我有場大病，醫生開咗好多藥俾我，每次都要食11粒藥丸，由嗰次開始，我就好驚食藥丸，特別係膠囊，我就算係望到藥丸，都會好想嘔，上次直程嘔咗出嚟，然後開始我瞓覺會開始出現一啲好奇怪嘅夢，不斷有人逼我食藥，但係嗰個人我根本唔識佢。 我由細到大都會有神經痛，但係呢個月，我開始控制唔到隻右手，但係作為一個拉大提琴嘅人，我不能夠接受呢件事發生，就係嗰日，我拎住一隻玻璃杯，然後我隻手不自覺地放開左，甚至我開始出現幻覺，同埋幻聽，經常性聽到人喺我隔離講嘢，我而家先意識到問題嘅嚴重性。 請問我應該點解決，我知將來有病我一定要食藥，我知我一定要克服佢，但係我做唔到，有冇人有曾經類似相同嘅經歷，或者有任何解決方法，麻煩請你留言🙏🏻 Sorry for 1999