#NSS個人 [GUEST] 是咁的，我後悔了 話說喺兩三年前，我喺一位朋友(A)嘅慫恿下開始咗玩抖陰。嗰時tiktok仲未喺香港停，咁我見tiktok開始悶就去玩抖陰啦。咁玩吓玩吓就開始上癮啦，一日碌成兩三個鐘，加上嗰時有睇陸綜同睇陸劇，咁覺得內容好緊貼就開始咗係咁睇。 之後我推薦咗一個朋友(B)玩，[順帶一提，B係叫我開始睇陸綜同陸劇嘅人]，咁B開始玩。嗰時仲覺得冇乜所謂，咁我同A同B就一齊傾抖陰啲嘢啦。咁去到之後，因為一啲原因，我同A冇再聯絡，而B同A仲有聯絡嘅，不過都係過節講聲聖誕快樂嗰啲感覺啦。隔一排我就冇再玩抖陰，原因係頂唔順嗰啲愛國小粉紅留言同片，亦都唔再對中娛有興趣。 我退嗰陣B仲玩緊，而且佢仲鍾意中娛。咁我自己退冇可能要拉埋人哋陪我，咁同佢講聲就算，佢想退可以一齊退。喺某次偶然，我發現到B同A嘅對話已經進化成用殘體字溝通。嗰一刻我好愕然，我完全冇想像過當初我推佢去玩呢個舉動會令佢今日變成咁。唔知係點，我覺得你一個香港人鍾意大陸嘢冇問題，但係可唔可以寫返繁體字？你用蝗語我都已經忍，但係你可唔可以用返繁體字？我覺得係我令到佢而家咁，好內疚，如果當初我冇令佢玩抖陰佢而家係咪唔會咁？ ＊如果知我係邊個麻煩你唔好講/dm我問詳情，一嚟我唔想多作回應，二嚟我覺得玩過抖陰係我人生一大恥辱🙏🏻
#NSS社會 [guest] 我想問呢，有冇人遇到過一D奇怪嘅外賣員？事源係咁 嘅，咁小弟有晚就嗌咗個fxox pxnxa,但係個外賣員一上 到嚟就話（佢帶大陸口音）：［小朋友（小弟15歲）你 喺咪成日睇平板電腦呀？我見到你塊面紫紫地，我建議你 去（唔記得咗邊度）嘅咩咩派度醫下啦，唔好睇咁多平板 電腦啦］我全程都冇理佢，但我都feel都怪怪地架啦，然 後我阿媽就帶完隻狗返嚟，我隻夠就吠佢，之後，佢冇行 去lift堂，行去走廊嘅凹位，但佢並冇驚我隻狗，然後佢 又行去lift堂另一邊，邊行邊望，我係咁啤佢加揸往把 遮，之後佢走咗，我就有少少驚，驚佢會唔會爆格定其他 （因為佢呢D奇怪動作） sorry for 1999 大家有冇遇過 小弟gang gang now
#NSS個人 [Guest] 「生蛇」依一個詞語可能你我都知係咩嚟(唔識請google)。通常係啲阿叔啲老人家先會有嘅病。好似距離我哋好遠，但原來可以離我哋好近。而幾年前嘅我就被「生蛇」困擾。 話說18年(15歲)嘅聖誕節前夕，我嘅右手手指尾內側就生咗啲粒粒，當時嘅我以為係汗疹(自己本身容易出手汗)就冇乜點理,過多排啲粒粒就又生多啲，連手掌都有少少。跟住我開始搽嘢，但係完全消唔到。過多幾日，當我掂啲疹就好似比針吉咁痛，嗰時仲要係冬天，要著長衫同埋褸，每次著衫除衫隻右手都痛到黐孖筋(之後上網search過原來生蛇嘅痛楚可以媲美生bb)，結果當然去睇醫生啦。 一坐低我指住啲疹喺度講，醫生一睇啲疹就問我有冇生過水痘，我話好細個有，然之後佢就話咁你應該「生蛇」喇。我當堂打個突，因為當時我以為依啲係老人病，點會關我事。醫生就解釋話其實「生蛇」唔分年齡，總之免疫力差同埋生過水痘就有機會中。咁我就諗起自己依排每日放學唔係練波就係補習，每日返到屋企都起碼六點半，加上要溫書做功課，真係攰到趴喺度。成日希望可以病下sick leave嘅我可能就實現咗(事實係患病期間係聖誕假 我頂!) 就咁成個生蛇就陪我度過假期，右手寫字嘅我做功課就要邊痛邊做，真係痛到唔想做，欠哂佢。仲要一月就考試，真係驚痛到唔係好寫到字。好彩佢係考試之前就唔再痛變咗膿。成個病用咗一個月先斷尾(平均都要咁耐) 咁我打依篇嘅目的除左分享生蛇嘅經歷之外，就係想叫睇緊依篇文你多多休息，唔好搞到自己咁殘。人冇事先做到世界冠軍㗎嘛～ Sor for 1999 希望可以po ig 辛苦哂admin們
#NSS愛情 [cls] 大家好呀ww 我係二，三個月前投過稿嘅嗰位留班而且連friend打錯嗰個男仔~ 我喺禮拜五同嗰個女仔表咗白啦 結果成功咗XD 今次想喺度講吓我識嗰個女仔同埋最咪同佢表白嘅過程(極簡短) 至於標點符號…我語音輸入OwO我懶w 篇文有啲長希望大家可以睇晒啦！ 12月嘅時候因為某啲原因我同咗佢同佢班friend去咗行街 係嗰日晏晝嘅時候如果我完本應該同埋佢哋一齊食飯 但係最尾佢班朋友甩哂底所以最尾得返我同佢喺度食譚仔 呢個就係我會同佢相識嘅最初原因(? 咁後來啦佢同一個渣男拍咗拖我亦都同一個女仔拍咗拖再加上又停課所以兩邊都冇點聯絡 所以慢慢咁又淡咗 去到我拍拖一個月之後 我畀個女仔呃咗3000仲整咗頂綠帽 經過坐喺天台幾個禮拜嘅沉澱勉強勉強接受咗呢個事實 然後我喺ig動態見到佢postD動漫嘢於是乎我就回覆左 就係咁打咗兩邊嘅話題 或者佢係求其覆但係對於我呢個社交同學業都有問題嘅人佢咁樣做已經係俾咗希望我 然後就有咗後來出嚟行街睇電影 再上黎問意見 睇到你哋對佢嘅回覆都係想收我做兵 我個心都寒咗一下