#NSS個人 [GUEST] 我發現我個frd(A)對我同另一個frd(B)有差別對待 例如之前有次我畫咗一幅畫(黑白嘅膠樽素描)，之後我send 去有我哋三個嘅whatsapp group，A見到之後第一句就話「你畫到彩色素描先算啦 😌」。當時我覺得冇乜嘢，可能只係朋友之間嘅正常對話 但之後有一日，B都畫咗一幅黑白素描畫並send去group入面。佢畫咗一個蘋果，A見到之後「wow好靚ar😍」 我自問畫畫skills 同B差唔多，而我當時開始覺得佢有少少差別對待，但我知道咁嘅諗法好衰，於是就同自己講諗得太多 呢次之後，每逢B send 佢嘅畫，A都會講正面嘅說話，而每逢我send 我嘅畫，A都會話「…..先算啦😌😌」「哇！咁奇怪嘅🤣🤣」「咁簡單我都畫到啦，你唔掂wor🙃」之類嘅嘢 我有諗過可能係我真係畫得唔好，亦可能係我未夠成熟，咁小事都接受唔到，但A次次咁講我真係唔開心🫤 如果拋開呢樣嘢，我同A都算好frd 想問吓我可以點做，或者可以點樣唔care A嘅說話 同埋想知道我會有咁嘅諗法係咪因為太幼稚🙏 純碎發洩 Sorry for 1999 同sorry for好多廢話
#NSS其他 [GUEST] 我唔知點解之前咁好關係，宜家會變成咁。 小妹form2，小學嗰陣有個好到可以一齊著一條褲嘅frd。 form1嗰陣我哋成日傾計call約出去， 直到前幾個月少咗聯繫，佢好似愈嚟愈敷衍。 我同佢講d咩事一係就已讀一係就hea覆，後面搵佢講嘢都係咁敷衍， 佢有次有唔開心嘅事call我，好似好急。 我無睇手機所以遲咗五分鐘覆佢， 我後尾覆咗一大輪問佢有無事乜事唔開心，佢剩係覆我＂無＂同埋個微笑貼圖 突然發現從來都係我主動搵佢，佢無搵過我， 唯一有嘢搵我就係借錢。 我覺得我好似個小丑，d熱情被佢嘅態度慢慢熄滅咗。 我唔想放棄佢，但又驚佢嘅態度而唔敢搵佢講嘢。 唔係雙向嘅友誼真係維持唔到⋯
#NSS個人 [GUEST] 自幼就已經知道我被我母親所討厭，可能我唔係佢心目中嘅乖女，可能我與父親太過相似。從小到大都聽到佢話我：「早知唔生你、唔解你咁乞人憎、老咗都唔使你養、見到你就嬲⋯」原以為已經習慣，但聽到都真係好心疼。 可能佢心目中家姐先係佢個女，而我只係一個負累。佢冇打我，虐待我，比起其他人而言，我甚至算係幸福。但係佢心目中根本冇我，每次主動搵佢，得到只有無視。每次對視，都見到佢眼中嘅嫌棄。每次係床上聽到佢同家姐傾得有講有笑，似乎冇咗我就係一個完美嘅家庭。 小學唔識嘢，識咗一埋捐友，吸煙,飲酒,界手。加上一直壓力大，有時候想將檯上嘅嘢推晒落地下，然後大喊，所以我開始界手。直至有一次界太深，睇住隻手，只係𢲡膠布紙巾包住，甚至止血消毒都冇。之後就一直著長袖，都冇再傷害自己。 中學之後，疫情擴散。有時佢無端端攞野打我，推哂啲書落嚟地，打爛晒我啲嘢，只係因為佢話我張枱太亂。我知道佢壓力大，但我真係好痛苦，你又有冇睇過我。但諗到我至少有野食，可以買自己鍾意嘅嘢，已經比好多人幸福，就好崩潰，我係咪太小題大造。媽，我沒辦法好憎你，但都沒有喜歡你，我好攰啦。 想問大家可以點，同父母相處同埋我啲界手疤，成日好怕被人發現。可能表達唔太好，希望大家俾啲意見。 求admin放ig,感激 sor for 1999🙏🏻
#NSS個人 [Guest] 我哥哥嘅一句話。 哥哥，對其他人黎講可能只係一個親人，但對我黎講「哥哥」唔單止係一個名，更加係我唯一嘅靠山。 小妹出生於一個少窮嘅家庭，爸爸離開左屋企，而媽媽因為呢件事而都對我同哥哥冇左希望，患有嚴重自閉症。哥哥大我7年，我15佢22。由於家庭唔富裕，所以我真係交唔到書簿費，一開始連校服都買唔起。 每一日返到學校就比老師鬧同學笑，日復一日年復一年。終於，我頂受唔住，做左人生中最錯嘅一件事———偷竊。冇錯，我14歲果年，連續偷左4次錢。果一年，我真係忍夠了。冇校服；冇書；冇面…唔好話學校嫌我廢，果一刻連我都嫌棄自己。我覺得好對唔住屋企，成頭家唔可以淨係靠阿哥養，作為個女我都有責任，但係我冇出色不特止，仲慢慢地成為左累贅。就係咁，我開始逃避現實，逃避家人。 但係作為人類都需要有人支持有人陪伴。有一日，我真係忍唔住打比住係宿舍嘅哥哥。接通左後，我如釋重負地留下了眼淚，而成通電話淨係得佢講嘅一句話。 「我知道，阿哥喺度。」 呢句話，係我聽到戳得我心底最深嘅嘅一句話，我無法忘記。好老土but雖然我阿哥未必可以比到物資上嘅支持，但佢一定係我最大嘅精神後盾。 依家回想起，經歷過家暴，校園霸凌…好啦唔開心嘢唔講，要happy ending✌🏻 冇阿哥嘅果一句話可能我依家都唔會攞起部電話分享我嘅經歷啦haha😉 雖然唔知阿哥你認唔認到係你妹妹我，但係原諒我冇勇氣喺現實中面對面同你講聲多謝🙏🏻 阿哥，冇你就冇今日嘅我，多謝你。