#NSS社會 [(某男校)] 我再也沉不着氣了. 每年有超過2千萬隻狗因為玉林狗肉節而死.那些貪婪而沒人性的賤人甚至會將自己養緊嘅狗賣出去讓人煮狗肉. 這個節日是無數隻無辜的狗的惡夢,數以千計的狗和貓從街上被抓起來,塞進鐵絲籠子裡,然後堆在卡車上待幾天或幾週的時間.他們來自中國中部的安徽、湖北和河南,最遠可達 1,500 英里.由於沒有食物,水和舒適的環境,堆在卡車底部的那些狗會被尿液和糞便浸透,而中間的那些狗可能會窒息而死. 他們生前承受了很多次折磨.班仆街會先毆打那些狗隻,令牠們先去意識,然後再剝狗嘅皮.而狗狗在剝皮這個過程中是還有知覺及意識的!相信大家都難以想像到狗仔在生前所承受的痛苦是有多大! 看着堆滿了狗的屍體的櫃檯,看着被塞進籠子裡的狗狗,我也不襟流下眼淚了.這個沒有人性的節日應該並不存在在這個世界上,狗是人類的好朋友,他們也是生命,並不應該是我們的生財工具. 希望大家能夠關注一下這件事件,為那些狗仔爭取牠們生存的權利!!! 圖Link: https://ibb.co/0VZh5bv
#NSS個人 [[GUEST]] 第一次投稿，Sorry for 1999。 請問有冇人同我一樣，溫書嘅時候會自殘？咁樣嘅行為應唔應該去睇醫生。（微血腥警告， 請各位小心。） 我今年F.4，小四開始有自殘傾向。但係我只會喺溫書溫到好L煩先咁樣做，其他時候都唔會自殘。 上個禮拜有Chem test，我喺課室溫書溫到好忟。啱啱好我坐嘅位喺課室角落頭，同埋我係班上嘅透明人，冇咩人會留意到我。於是我偷偷地自殘，可能我嗰時太燥，唔小心太大力用把鉸剪鎅傷咗隻手，血流得有啲多。見到啲血流曬出嚟，我覺得有啲解壓，於是打算攞張紙巾止下血，繼續溫書。 好死唔死，呢個時候有幾個同學走過嚟問我Chem嘅問題。真心嬲到呆咗，平時都唔見佢哋嚟搵我。班同學見到我隻右手流緊血，嚇到當場喊咗出嚟。 佢哋想叫老師過嚟嘅時候，我stop咗佢哋。因為唔想再比其他人知道我有自殘傾向，同埋班上嘅人勁八掛，佢哋知道咗我有自殘傾向之後，一定會厚顏無恥咁樣問我“你係咪自殘呀？自殘完之後有咩感覺？”真心覺得佢哋勁煩。 話題返去班同學見到我自殘之後嚇到喊咗出嚟不但只，仲諗住同老師講。於是我一邊止血一邊安慰佢哋話“我冇事，唔使搵老師，亦都唔好同其他人講，唔好喊。”好彩嘅係班同學的確冇同老師講 ，亦都冇同其他人講。但係佢哋日日都勸我去睇醫生，仲同我講有咩唔開心可以同佢哋講，我只係同佢哋表示咗我會考慮去睇醫生。 我之前都唔覺得溫書自殘呢個行為有問題，因為我咁樣做之後會覺得壓力冇咁大，反而會有番啲動力去繼續溫書。但係之前我都可以控制到自殘力度，最多會流少少血，今次完全失曬控，仲要畀人見到，嚇喊咗佢哋。 我覺得我好對唔住班同學，我都唔知道呢件事會唔會令到佢哋發惡夢。我真係有考慮過去睇醫生，我驚有一日我又會失控，然後又嚇到人哋喊咗。 但係我一直都係咁樣溫書，之前試過因為手臂太多傷，件衫開始遮唔住啲傷口，而停止自殘。結果溫書期間成個人勁辛苦，好似比好多好重嘅嘢壓住咁，完全溫唔到書。雖然我最後成功撐住溫書期間唔好自殘，但係考出嚟嘅成績好L垃圾。於是我又開始返自殘，之後我嘅成績去返同平時一樣嘅水準。 加上老豆老母知道咗我自殘之後，肯定會發曬癲鬧我有病，佢哋嘅壓力本身就好大，唔想佢哋因為我而煩多一件事。 可能我真係有病，定係我抖M？其他時候我真係唔會自殘，自殘完之後我唔會出現任何嘅負面情緒。但係我又唔想嚇親人哋，我驚佢哋畀我嚇到冇病變有病。 我係咪應該要去睇醫生？如果要嘅話，可唔可以同我講埋應該要點樣同屋企人講？麻煩曬咁多位。 我表達能力好差，同埋寫呢篇嘢嘅時候我諗嘢有啲混亂。如果你哋有睇唔明嘅地方，喺度誠心誠意講聲“對唔住。” 唔該曬Admin。
#NSS個人 [大埔某間中學] Admin post ig pls,，小弟今年中一，長文慎入 （注意‼️：以下涉及大量小學雞行為） 就係今個月嘅1號，我小息我照常好似平時咁已可以紅足一個鐘嘅力度，已玩吓嘅名義比人打/踢/勒住條頸/掌摑(由五月中開始，平均每兩個小息就用其中一個方式整兩次) 但係呢一日嘅最後一個小息，由於某位同學講咗句：佢想溝你啊，結果俾人拍個頭四五下拍到我跌咗落地下先肯收手，(跟住嗰一個應該係我抵死) 因為俾人拍到跌咗落地下，搞到我條腰好痛，所以就好自然咁樣坐左起，張最近我嘅枱上面，結果比一個男同學好大力咁樣推左落地下，由於因為已經接觸到我嘅陰影 我呢度講一講返我個陰影係咩先：咁喺小學四年級嗰陣，因為我當選咗班長，老師仲話每逢邊個比班長摘低咗個名放學嗰陣就要對住全班講對唔住，我嗰陣覺得超級好笑，所以就邊個做錯少少野我就宅低個名，結果唔使三個月，就比人改花名叫做ter狗/忠心嘅狗，俾人排斥，唔知俾人打/推/收埋我啲嘢。 由於當時老師太蠢係同佢講都冇 佢嘅做法：捉你出去問你，你有冇收埋佢啲嘢，只要你答冇你嘅嫌疑就會俾消除，老師就會同返你講係咪你自己整唔見呀！)自此叫人做返相同嘅行為，我就會爆喊 (我知我抵死) 回歸正傳，我被人推左落地下，我就沖咗出去去男廁爆喊，因為我唔想俾人知同學喊，所以我就算打咗鐘都唔出去，加上出邊班人搵緊我當我以為出邊啲人走晒嘅時候我就出咗去，點知原來佢哋仲喺出邊， 仲俾推我嗰個攔住，因為我嗰陣個情緒真係好激動，所以就爆咗句，你唔好理我呀死開啦，自此成為左同學嘅笑柄，咁我之後就衝咗落去班房啦，點知俾經光嘅班主任發現咗，我仲爆曬佢哋平時對我嘅所作所為比老師聽，但係我暫時見唔到佢哋有俾人記缺點 咁我返到屋企之後，同阿媽商量過，又話請一日假(可能呢日佢哋俾人記咗缺點？)咁我上個星期四嗰日都要返學嘅，咁嗰日小息嗰陣有幾個八婆同學特登行埋黎激我，咁我就鬧翻佢啦，佢就一句彈埋嚟唔好喊啦(完全冇喊嘅意思囉嗰陣) 直到今日都係咁樣笑我［正一死八婆］咁當日我就返屋企自言自語發洩吓啦，點知啱啱都聽到仲答我，俾人笑咗正常啦，咁我咁鬧翻佢啦，之後鬧得好激烈嗰陣，佢一句 死乸型，成日同女仔傾電話，搞到我開始失控， 咁因為嗰陣我細佬都好喺我隔離啦，我老竇就同佢講，出嚟啦明知你阿哥神經病成日喺度發神經，我真係超級sad ，乜成日同女仔傾電話就有罪，我俾人笑你竟然同我講話正常 去到今日，嗰班八婆同學都係要笑我，特登過嚟然之後同我講：唔好喊啦，跟住嗰個拍我個頭嘅同學，成日一句彈埋嚟：唔好理我呀，今日仲同我講一個女仔都未喊，你喊乜嘢啊，乜原來男仔唔喊得㗎？😁 最後如果佢哋睇到呢篇文，我可以肯定佢第二日一定攞嚟笑我😊 我知道好多嘢都係我抵死 純粹發洩，sorry