#NSS個人 [某男女校] sor for 1999 小妹S1，最近有個同班嘅男仔whatsapp同我表白 我本身都對佢毫無好感，所以直接拒絕左，而且明確咁講左我地冇可能 本來以為reject佢之後就可以當冇事發生，點知佢開始成日煩我，仲話咩「可唔可以比一次機會我去愛你」，搞到我好唔舒服 因為依家group project被迫同佢做partner所以暫時blk唔到佢。而且咪話已讀不回，不讀不回佢都喺課室截我，blk佢嘅話我唔敢想像佢會煩成點 已經同左佢講好多次佢冇機會，佢仍然成日騷擾我，不過直接鬧佢有好似搞到佢冇曬尊嚴。我第一次比人表白，而且佢係咁纏住我我完全唔知點算 其實我咁困擾會唔會好幼稚？我應該點算？
#NSS社會 [GUEST] 麻煩admin po ig please, thx 🙂 – 我好亂 先講講我係理念上係撐黃嘅，和平示威等等冇任何破壞成份嘅示威我都支持。但我就唔係幾認同破壞商店、揼國旗落海嗰啲行為，因為始終都係比較唔係幾尊重。無論你有幾討厭中國都好，我覺得都需要有尊重，因為尊重他人係人最基本要做到嘅嘢。 雖然我明白呢啲行為都係出於想政府聆聽我哋嘅訴求，但係始終依啲行為無論出發點係點，都係唔啱嘅。我依家好亂，明明係理念上我係撐黃嘅，但我又覺得佢哋做嘅嘢唔係全部都啱。我唔敢同我啲朋友講我嘅睇法，佢哋好似都認為呢啲行為係啱嘅。 依個諗法困擾左我好耐，純粹想抒發出嚟。 sor for 1999
#NSS個人 [guest] 我係嚟炫耀我嘅細佬嘅❣ 其實並唔係親細佬，只不過係我阿媽嘅frd個仔，但係因為由細到大都一齊玩，熟過親兄弟，屋企人咁，而佢又細我三年，所以我就叫佢細佬，佢叫我阿哥咁lo 其他人成日都話細佬點點點嘈，點點點煩，但係我細佬就唔同喇，佢好多方面都好得人鐘意，簡直係小天使arrr 佢係喊包嚟，之前細個嘅時候成日少少嘢就喊住嚟揾我，又要我抱抱安慰佢，超軟冧冧超得意😆跟住佢又乖喎，一有啲咩都想同我分享，我唔開心嘅時候又會陪住我，我記得佢仲講過咩「我大個要保護哥哥，唔會令哥哥喊」之類，你哋話係咪天使 跟住到咗宜家，佢都已經F2 loo，冇以前咁軟冧冧，但係都變成咗一個好識照顧人嘅暖男仔，依家生得高過我半個頭，大概180cm有多，樣又靚仔，追佢嘅女仔可以排幾條街，簡直萬人迷😎👍 係咪我教導有方💩 不過佢個個女仔都諗都唔諗就拒絕，我就問佢原因啦，佢就好認真咁話已經有鐘意嘅人，所以除咗嗰個人之外唔想要其他人。我聽到之後發現自己好似有啲唔開心，嗰時唔知呢個情緒點嚟，不過依家諗返，應該係佢一向痴住我，但係依家竟然有左個重要過我嘅人，所以有啲失落 仲話大個之後要保護我，之後應該都擺曬心機喺個女仔度la sor寫多左，只係有啲情緒所以想分享下🥲 不過都算la，佢遲早都係要成家立室，一定唔會好似家咁痴實我 btw thx 睇完，想知你哋嘅細佬係點🤡 sor for 1999
#NSS學業 [跪求Admin 抽中🥺] 想問吓呢度有冇人喺保良局顏寶鈴書院讀緊中三亦會升中四？因為小妺暑假之後會轉嚟呢間學校讀中四，想了解多啲呢間學校同埋識下人，等返學嗰時都冇咁尷😶🌫️ Sorry for 1999😅
#NSS個人 [Guest] 話說小妹好想隱歸田園，好想好想。我真係覺得前路茫茫，自己可能要做一世搵錢奴隸。最近返office暑期工更加發覺我嘅人生將會好悲哀，每日做到成隻狗咁，又悶又攰，返到屋企食完飯沖個涼就差唔多可以去訓覺，可以講完全係個機械人生活。最弊係小妹唔鐘意social(呢樣應該係我抵死)，其他同事之間好frd，我就自己一個發呆，再加上冇咩共同話題，傾親計都係問我揀咩科，DSE預計考成點，令我嘅機械人生活更顯得沈悶。讀書嘅時候已經好大壓力，出嚟打工又有會其他煩惱，人生真係好辛苦。幾經思考，我覺得歸隱田園好啱，自己種田種菜自給自足，人不犯我，我不犯人，唔需要周圍social同人打好關係，為嘅就係保住份工，保住份糧。每日想早起身晏起身，點安排時間都冇所謂，自由自在，唔洗下下都7:30起身7:30先返到屋企，過住每日如是嘅生活。不過唸真啲就會發現要歸隱田園都幾高要求。首先就係喺邊度歸隱嘅問題，喺香港就冇可能㗎啦，去外國就要搞移民嘅嘢，要錢。買地耕田呢，又要錢。以我屋企嘅家境，哪有錢。仲有，我啲屋企人點算？揼低晒佢哋喺香港自己走？我又唔想做不孝女。再者，我識鬼耕田。去學，要用好多時間加錢，務農呢門學問太大，香港嘅十二年免費教育又冇教過啲咁嘅野，我冇啲基礎知識，好難上手且學成世都未學完。種種因素令我發現歸隱田園其實不切實際。我都係返屋企發我嘅春秋大夢，乖乖哋做一世打工仔。希望我唔好咁長命，早日得到解脫。完。 Sor for 1999 圖Link: https://ibb.co/YQHxkyP