#NSS家庭 [Jccss] 講吓背景先，我屋企大約500尸左右。 是咁的，小妹近排想要間房比自己，自問由細到大都係同阿爸阿媽阿妹同一間房，四個人迫埋同一間房，擺到兩鋪大床褥，可能中一啦，我想有自己嘅一間房，我見到大部份同我同齡嘅人都已經自己有一間房，更加有研究話由五歲開始就要有自己一間房🌚 我又唔知點開口好，但係我又好想有自己嘅一間房，但係問題又係阿妹要同阿媽一齊瞓，咁我原本瞓緊嗰間房（即係大嗰間房）又冇得揼多張床鋪，跟住阿爸嗰啲LEGO 又係成間屋都係嘅（已經佔咗成間屋嘅起碼60%）咁我想揀我嗰間房個位就係擺佢嗰啲嘢嘅，咁佢原本嗰啲嘢擺邊度好🌚如果將去擺喺廳嘅話個廳係會冇位坐，btw 我應該點同我老竇老母講 Sorry for 1999
#NSS愛情 [guest] hello 今日係我失戀嘅第四日。當人哋開開心心咁公布新戀情嘅時候，我就喺度喊，喊到冇得再喊。佢女朋友真係幾靚女㗎，又高又瘦又靚女，仲要後生過我。而家我只係嗰個又肥又矮，連女二都冇得做嘅垃圾。 – 喺嗰日之前我哋仲好開心，佢摸下我，我打返佢轉頭咁；仲會拖下手仔，人哋見到都以為我哋係情侶。我見佢都好開心㗎，我哋仲會時不時同對方講：「我真係好冧你，你接受我啦」佢講嘅時候我表面上只係笑笑口咁，但我隻鹿已經撞到流血啦。 – 喺佢公布前一日，我哋仲開開心心咁傾緊計，又讚我靚又讚我可愛咁，真係甜到入心㗎。跟住，佢突然出story話：「@xxx 我老婆⋯⋯」 我feel到自己啲眼淚湧緊出嚟，個心痛到極點。 – 咁你之前嗰啲算係點？我以為係真㗎，至少我講嘅係真嘅。至從佢公布咗，我哋就冇再搵過對方。一嚟我驚佢女朋友呷醋，二嚟我驚我又再失控。 – 所以大家鐘意人就去馬啦。唔好好似我咁垃圾，望住自己鐘意嘅人搶走。而家唯有祝福佢哋，我諗今日係我最後一日鐘意你。最後想講聲我愛你，但以後就冇啦。 – – thankyou and sorry for1999
#NSS社會 [某普通中學嘅中學生] 急！！！ಥ_ಥ 同埋少長唔該大家睇晒佢同埋佢啲意見ಥ_ಥ 係咁嘅 我係一個中五學生曾經留過級 早排就係揾左個某連鎖漢堡包店兼職翻【估到我係邊個嘅勿相認勿報串 如果你係個壞蛋經理嘅子女什至朋友 唔該好好勸下你阿媽】 係好死唔死喺入職前嘅一日 （5月12第一日翻工） 我同friend去咗釘耳窿總共訂咗兩個位 （耳骨同耳珠位） 點知返工第一日應該係經理嘅女人同我講返工唔可以帶耳環 咁我就同佢講係前一日釘嘅同埋我入職嘅時候 （入職要去山長水遠嘅北角填資料煩死) 都冇人話俾我知返工係唔可以帶耳環 我釘咗都冇辦法 我講明唔會掹咗佢 。 咁佢嗰日就直接搵兩張膠布痴住我個耳窿 （咁我都接受到嘅） 點知收工個時點完我洗晒所有嘢，洗晒地，揼完垃圾之後，同我講叫我第二日唔好返工 （嗰個星期佢編咗我兩日 而第二日返工嘅日子係翌日）
#NSS學業 [Guest] po ig pls🙏🏻急！唔該晒🙇🏻♀️ 背景-我同男朋友以家拍左年半拖，拍左半年就開始longd🥺 我以家喺外國讀梗year12 下年就考a level 咁屋企人當初就想我用a level嘅成績入外國嘅大學 但係我開始對自己冇乜信心 驚入唔到 同埋其實我本身係想nonjupas入返香港嘅大學嘅(因為longd真係好辛苦，同埋都係比較鍾意留返喺香港多d) 咁我近日就聽好多fd話佢哋黎緊9月就讀foundation 我就開始諗究竟我應唔應該下年唔讀year13唔考alevel 直接讀foundation入外國大學(上網睇讀完入大學率極高) 但係就要再longd多四年😵定係讀埋下年之後考alevel 博下睇下入唔入到香港嘅大學？ 好糾結🤦🏻♀️如果讀foundation嘅話就高機率入大學但要longd多4年 如果讀year13考alevel就要超級努力咁讀 逼自己一定要考到返香港 不過longd多1年only…真係唔知點揀好 因為我本身其實唔想離開香港 只係成績太差比屋企人逼過去😓😓