#NSS愛情 [真光] 我係一個女仔，出年dse，我鐘意咗個男仔差唔多有10年，個男仔大我一年。 我記得自己係小學對佢一見鍾情，隔左一年我哋因為一D事認識左，聽到好多人話佢鐘意我，嗰陣時都幾開心，我上到中學我哋先一齊。差唔多5個月就分左手，當初我真係好小學雞，自己做好多野想比佢知/留意我，重成日煩住佢同佢講我啲嘢，我好想比佢了解多D我，可能因為咁樣令到佢好反感，就分開左。 而家Form5，我仲好鐘意呢個男仔，好想同佢一齊返，我已經一年又一年過要放低佢，我好辛苦，有時佢會主動去搵我，當我fd咁講埋啲冧女說話比我聽，我忍唔住鬧左佢，我覺得自己好衰(>﹏<)，見佢想follow返我IG但我冇比，因為我好驚自己會更加更加鐘意佢令到自己放唔抵，咁多年我都冇拍過拖，我好天真咁覺得同佢仲有機會，我覺得自己咩都冇都唔緊要，只要有佢就好了，為咗佢我拒絕過好多人，但嗰啲男仔個個都好好，肯定靚仔過佢高過佢好過佢，就算係自己D男性好朋友對我有feel，我都會疏遠佢哋。 我真係好鐘意佢，我應該要點做先可以放坻佢，你地可唔可以點醒我😭
#NSS社會 [GUEST] 唔該唔該Admin post ig 🙏🏻❤️ ⚠️非常長文 唔係想掃大家興，但係真係想提返你哋香港而家嘅情況，因為發現依家香港人都對香港嘅狀況麻木咗，大家團火亦都唔見咗 言論自由？口講就話有言論自由，但係其實香港而家已經冇言論自由，你試吓喺條街度嗌文宣口號，睇吓會唔會俾人拉？乜你覺得呢啲仲算係言論自由咩？ 明明嗰條例講咗話五十年不變，個50年呢？去咗邊呀？比狗食咗啊？ 喺不久嘅將來香港唔會再有純純正正嘅香港人，剩低嘅只會係半香港人同埋大陸人 依家我哋見到嘅繁體字以後亦都唔會再見到，留低嘅只會係簡體字，我哋呢一代有機會係繁體字最後一代嘅捍衛者 而家連着衫嘅自由都唔俾，一著黑色衫就即拉，一見到你帶黑色口罩就即拉，總之有黑色同埋黃色嘅野都唔理三七廿一，照拉 唔單止着衫，連國籍嘅自由都冇，啲狗一見到你係香港人，又鬧你一餐，連野都唔俾你講，即刻拉；但係如果見到你係大陸人，即刻同你有講有笑搭着膊頭俾你走 乜大家見到香港咁樣仲想由得香港繼續衰落去咩？你哋唔覺得好荒謬嘅咩？定係其實已經麻木咗？又或者係其實個心好憤怒只係好無助，乜都做唔到？ 大家仲記唔記得兩年前，我哋親眼見證住一位又一位嘅手足被自殺，明明事實擺在眼前佢哋仍然俾人誣蔑，無辜地要坐成世監 大部分都係年青有為嘅年輕人，佢哋原本可以讀間好嘅大學，搵份好嘅工，搵個好老公老婆，成立一個幸福嘅家庭，但係就係因為香港嘅政治環境而犧牲咗自己條咁寶貴嘅前途，甚至佢地條命 乜你覺得而家我哋放棄會對得住佢哋咩？佢哋將自己嘅生命押左喺香港嘅前途上，亦都即係我哋，我哋喺香港唯一嘅希望，如果連我哋自己都唔肯救香港嘅話，冇人可以幫到我哋，咁多位手足嘅犧牲亦都會白費晒 我講咁多出嚟只係想大家記返起兩年前嘅香港，記唔記得嗰陣時心入邊嗰團怒火？記唔記得嗰陣時香港人有幾團結想打低個政府？記唔記得嗰陣時每晚都會見到立場新聞直播香港人喺條街度唱願榮光歸香港？記唔記得嗰陣時我哋發誓過話要煲底見？💛 我並唔係想大家再出嚟戴晒豬嘴戴晒gear去示威，我淨係想大家搵返果團火，搵返嗰個香港人打不死嘅精神，咁其他唔同嘅途徑幫香港 我明白而家香港呢個形勢好多手足都去咗外國，而我亦都知道有啲手足好內疚去咗外國，覺得好似背叛左香港咁 喺外國嘅你哋其實可以幫手宣傳下香港嘅情況，亦都可以參加下加拿大呀，美國啊，英國嗰啲反送中活動集會 但係其實只要你心中仲有團火，只要你心中仲有香港，其實真係冇話背唔背叛 你地純粹係用緊另外一個方式拯救香港🇭🇰 喺香港嘅你哋求吓你哋唔好再分化香港人，唔好再話乜嘢去咗外國就等於唔要香港、對唔住坐緊監嘅手足，無論係外國定係喺香港，只要心目中有同一個信念，其實我哋都係坐緊喺同一條船，只係純粹我哋同外國嘅手足身處喺唔同地方咁解
#NSS個人 [[GUEST]] 我覺得自己真係好差。 我f1爸爸媽媽都好少鬧我，但係就經常鬧阿妹。每一次當佢哋鬧得好勁、好大聲嘅時候自己就會跟住一齊喊。我覺得自己真係好低能，但係我真係忍唔到，好驚。幫爸爸媽媽準備打阿妹嘅時候我會驚到爆喊，同埋縮埋一角。喺學校啲老師鬧同學嘅時候我都會好驚，用手塞住自己個耳仔。我成日都同自己講要控制自己，但係我真係控制唔到。當我好想控制自己啲眼淚、自己啲情緒唔好爆發出嚟嘅時候，就會忍得好辛苦。最後都會好唔爭氣咁樣喊。 我知道自己真係好弱智，但係唔知有冇人可以幫我解答下點解呢？ Sorry for 1999
#NSS個人 [GUEST] 麻煩admin po IG pls(´ε｀ ) 想問下大家點睇手控？ 是咁的，小妹就系一個不折不扣嘅手控(｡ﾉω＼｡)每日最大嘅愛好就觀察唔同人嘅手啦（當然係系網上睇）。我阿爸都知我有呢個癖好，但系都冇鬧我，亦都冇逼我“改正”。 咁話說呢，某日陪Frd行街個陣我就有啲無聊，就按開左Twitter啦。跟住就發現自己一直fol開嘅手模有出新po，所以我就有啲開心咁開始日常觀察（利申當時個Frd掛住睇衫試衫我無聊得制先開始睇）。但我Frd見到我系度督機睇手之後就開始不停咁話我系變態，日日系度J人地隻手；跟住又鬧我話我系大庭廣眾之下系度睇呢啲勁奇怪blablabla之類嘅說話啦。 我個下多少有啲嬲，但系礙於係系公眾場合所以我就冇同佢吵。我只系忍住忍到翻屋企先同我老豆呻呢件事（我個人唔中意嘈交，可以忍就忍），就覺得其實我個Frd唔應該咁講我，因為每個人有每個人嘅自由，我又唔係系大庭廣眾之下睇鹹片，有傷風化，咁請問我咁做有乜唔啱呢？（我老豆都話我唔係系公眾地方做出不雅行為根本就冇錯QWQ） 所以我先想問下大家，手控系觸犯法律定系做人走狗先咁比人憎？我自己J姐，又唔係share比你逼你同我一齊J(´；ω；｀)。同埋你叫我出來行街，最後我就變左空氣比你忽視唔理，覺得無聊再開始睇電話都有錯？唔好話我昅手有錯，你自己都中意昅啲唔著衫嘅肌肉猛男啦｡:ﾟ(;´∩`;)ﾟ:｡我又冇話過你啲乜，甚至有陣仲會陪你一齊昅。你系咁多人面前鬧我ZMJ姐( ；∀；) （最後多謝admin po出來(人 •͈ᴗ•͈)）