—類投稿

#NSS學校 [女校] 我有個frd同我已經識咗2年，一直都好frd，通頂call，成個假期我都去咗佢屋企訓，一齊出街，一齊訓。點知有一日佢突然唔理我，我係咁問佢做乜事，佢口講冇事，冇嬲..但我已經知佢一定唔知嬲乜，完全冇人知搞乜 -而家我講下佢嘅性格先：佢係女仔，不過比較似仔，其實我一定要承認我之前我係有鐘意過佢，但我冇同任何人講過，咁呢啲唔多講啦，其實我一早都知佢唔係當我「純朋友」，佢之前試過嗌我做「BB」。咁我當然有阻止佢。之前我去咗佢屋企訓嘅，嗰晚我同人打機，佢呷醋.佢叫我嗲佢（之前都係咁）咁點知冇用，佢要求我鍚佢，我竟然冇反應仲問佢鍚邊度，佢叫我自己諗，跟住我一直問，佢就直接鍚咗我個嘴。之後訓嗰幾日都有。 – 之後假期就完，佢冷淡左，我問佢做咩，佢話冇事，咁我知一定有事，之後就一直冇再chat + call，佢而家仲block咗我🙃我掛住佢係因為之前一齊玩真係好開心，可惜而家咁😢 嗰排都有其他朋友勸佢，但都係冇用..我而家真係好掛住佢，我唔知係咪鐘意咗..

#NSS個人 [GUEST] 老竇唔信我會溫書🥲 小妹F1 因為上次考試衰咗嘅關係 今次想努力返 就出咗街同朋友溫書 然後溫晏咗 搭緊車嘅時候老竇打嚟 咁我就話：「我出咗去溫書 晏咗返」 老竇：「呢啲花話你都講得出？」 我真係覺得勁委屈🥲🙏🏿 之後啦 咁溫書開勿擾好正常啫 用iphone嘅讀者應該知道iphone勿擾要打兩次 跟住我走嗰陣唔記得開返勿擾 佢打嚟就話因為我開勿擾所以話要斷父女關係？😅我真係唔知點答佢好 係啊 我明白佢關心我啊 但我開勿擾就話要斷關係真係好咩？ 爭啲喺車喊出嚟🥲 sor for 1999

#NSS學校 [GUEST] 由學校升band之後儀容捉得好嚴 每次係我最趕時間嘅時候，都會學校門口見到訓導老師，佢每日都會同人打招呼，我每次都想避開佢，因為佢成日捉頭髮同襪，明明啲陰冇過眉，佢就話已經掂到啦喎，因為佢次次都捉我，所以今次去咗做就用*有啲差*嘅態度同佢講嘢，佢就話如果我唔信就落去下面發鏡睇，但係我想講我剪咗有幾耐啊，有冇可能唱得咁快？？當時真係充滿疑問。我有個朋友同一日都俾佢話，佢絕都講「如果你再唔剪，信唔信我攞把鉸剪幫你剪」咩料啊 高中男仔返學着有牌子嘅白色襪好正常啦，差唔多個個都係咁，但係佢偏偏就係捉過個同學，其他人就唔會捉，當有男仔行過，佢就會話提起條褲，要啲人睇到好高先放過佢，乜真係有必要咁嚴咩。真係好煩囉

#NSS其他 [GUEST] 閑聊✌🏻想問下有養貓嘅各位，你哋隻貓主子叫咩名😹😹同埋係好奇香港有咩易撞嘅貓名囉🤣🥴thxxx

#NSS學校 [HKSC] 好想知道這樣嘅我會唔會被排擠或者會唔會識到朋友(特別係男性朋友)…🙇🏻‍♀️🙇🏻‍♀️ / 小妹下學年應該會入兆基創意書院，但我十分肥(164cm84kg) ，樣都好平庸。 現在正開始減緊肥(已減咗5kg)， 不過影學生相(7-1X)或入學(9-1)之前應該未能可以瘦到其他女仔咁。 加上雖然現在我有唔少同性好朋友，但係完全冇異性朋友， 都唔識點同男孩相處… / 因為現在學校校風比較嚴厲，所以冇什麼人欺負我肥。怕入到書院內會唔會因為肥而比其他人排擠… 想知道會唔會好多人排斥身材同樣好似這樣嘅我…？ / 而且現在學校男同學好少，而且我都唔太同佢哋溝通，所以冇男性朋友，也唔知道男仔會點睇我咁肥 … 唔知道書院入面嘅男或女同學有冇會肯同我這樣嘅我做朋友…？ (因為感覺全部同學都好犀利好恐怖，和睇書院啲相好似全部同學們都好瘦) / 希望可以有人解答我嘅憂慮 🙇🏻‍♀️🙇🏻‍♀️🙇🏻‍♀️

#NSS學校 [Hogwarts School of Witchcraft and Wizardry ] 鄧不利多你條廢老我屌你老母 是咁的，由我year1入霍格華茲嗰日呢條教畜已經好仆街，喺sorting ceremony嗰陣個個分完學院佢都淨係喺度hea9我地，到個死人哈利波特分入Gryffindor嗰時，我頂你個肺，個廢老起勢咁拍手仲要舉杯慶祝 到year1最後嗰日頒獎禮佢扮到好似要頒獎俾我地Slytherin，又臨時加百9幾分比Gryffindor，擺明撚化我地 圖Link: https://static.wikia.nocookie.net/bd09ada4-5156-48e5-92f9-1da988878363

#NSS愛情 [Band1] 小妹今年F2 成績同外表都中規中矩 喺學校人緣都唔錯 想問吓 如果我女追男有冇希望？ 我鍾意嘅男仔今年同我同班 佢成績都幾好 性格好 仲靚仔 雖然冇話靚仔到出名 但係起碼我身邊好多朋友都話佢靚仔 我唔係同佢好熟 最多都係傾一兩句 而且我唔會將愛慕之情表現得好明顯 但係佢之前follow咗我private 仲加咗我入close friend 嗰陣時都幾開心 但係之後清followers唔小心剷咗佢 之後過咗一排佢又follow返我 But今次佢就冇加我入close friend 但係就有主動dm我傾計

#NSS學業 [GUEST] 大家好，我中文唔係太好，請見諒。 我今年中五，讀就話讀 band 1 學校，成績就⋯⋯睇都冇眼睇。 我整體成績嘅慘況就唔好提住啦，我而家最最最煩惱嘅就係數學，底基本上係冇，補嚟補去都係得唔合格三個字，我今年學校 final exam 會派 predicted grades，我阿爸阿媽已經算幾 laidback，不過佢地好似一直都唔係太完全咁理解我數學差到咩程度。 呢個 grade 其實係要攞去報讀外國學校，但係我睇都係 level 1 㗎啦，因為我聽日就考試，又乜都唔悉（係交吉卷嗰種），所以今次真係冇得救；但係我仲要考 dse，亦都唔想數學一直差都連阿媽都唔認得（就係連小學嘅時候數學比我差嘅阿妹都已經拉番到 ok，至少每次都合格嘅程度）。 我只係想請求進步嘅方法。有冇人悉一啲專補底/專攻成績差嘅補習社/補習老師？或者有從超級超級差嘅數學成績爬番上個穩攞合格嘅程度？唔該曬。;-;

#NSS愛情 [Kwun tong ] 6月18號去英國。 有時真係分唔到好感定喜歡， 臨走先知道有女仔鍾意我（本人男）， 之後我都對佢有啲好感或者….喜歡？ 佢都知道我要移民， 大家都知道咩事 跟住佢話拒絕或者接受都OK 雖然我覺得得返咁少時間唔好去害人 但係又唔想自己有遺憾 所以我決定聽日同佢話一齊（我好似好賤格咁樣） 想知道你哋會點睇 。 純分享。 Sorry for 1999 最後一句： 無論走同唔走都好，呢個係每個人自己嘅決定，可能你想走但係走唔到，可能你想留返喺度，點都好，無論係邊個地方都要加油，撐落去。

#NSS個人 [唔知發生咩事] 小妹今年中三，壓力唔細，唔知大唔大(因為唔知壓力大係點樣嘅感覺，淨係知唔細)，但係有時會壓抑到喺夜晚崩潰咁喊，由中二中期就已經係咁，但係唔知發生咩事，喺就嚟崩潰又或者喊緊嘅途中會閃過幾個畫面，嗰啲畫面係閃咗一下就冇咗，唔知係自己幻想能力高定係自己將心理嘅情況形象化出嚟 畫面一(中二中期去到中三開頭)(已經閃過幾次)： 自己會喺一個未乾嘅泥沼度沉緊落去，然後有一個精神支柱拉住我，嘗試用一條繩將我從泥沼救返上嚟，而我自己嘅內心都係想爬返上嚟，隻手都好努力咁拉住精神支柱俾我嘅繩，但係唔知點解，個身就係冇郁過，就咁俾個泥沼吞噬自己，自己除咗隻手之外，其他身體嘅地方完全冇努力，我喺咁沉落去，精神支柱都有努力拉我上去，但係咁樣做除咗緩慢我沉落去嘅速度之外，並冇咩用，直至我feel到有窒息感之後，呢個畫面再到冇出過嚟 畫面二(中三中期)： 個泥沼已經乾咗，自己已經爬唔返上嚟，窒息感仍然喺度，自己覺得自己好冇用，點解可以出返去嘅時候出唔到去，雖然泥沼已經乾咗，但係精神支柱冇諗住放棄我，仍然好努力咁嘗試救起我(然後後面嗰啲好模糊，但係仲有) 畫面三(中三中尾去到而家)： 我喺一個箱入面，個箱好逼，個人要屈埋一舊(雙手抱膝，低頭挨住膝頭，曲腳坐)，好似bb喺媽媽嘅子宮咁，同埋有一個好厚嘅外殼，入面打唔爛，出面都係打唔爛，而個箱係沉緊嘅，我有嘗試喺個箱掙扎出嚟，但係發現自己打唔爛個箱之後就放棄咗，仲覺得留喺個箱幾好，任由個箱沉落去。個箱周圍嘅環境係極深嘅藍色，係冇底㗎，好似喺深海咁 有冇人可以同我講我係咩事？我好好奇自己點解會產生啲咁嘅畫面？希望大家唔好屌得咁勁，呢啲畫面真係唔係特登幻想出嚟，係佢哋自己閃出嚟 sor for 1999