#NSS學校 [Guest] 麻煩admin po ig ，Sor for 1999 🙏🏻 是咁的，小妹今年F3。F2學期初嘅時候俾咗張好人卡A，本身我哋都仲有朋友做。後來唔知點解A開始避開我。係喺學校條走廊見到我都會擰轉面嗰隻。升上F3冇幾耐我就鍾意咗同班嘅B，A喺隔離班。因為B同A好friend ，有時小息A都會過嚟我哋班房搵B玩。有陣時A見到我係班房佢就唔會入嚟，A見到我返班房佢就會即刻走。我一見到呢個情況我個心就唔舒服。 一直有諗過想同B表白，但係我驚B唔受嘅話可能連朋友都冇得做，B受咗嘅話我又驚有可能因為我而影響B同A嘅關係。因為我同B嘅交流淨係限於喺學校嘅相處，我驚如果我下年冇同B同班嘅話我可能會錯失呢個機會。 所以有冇啲意見俾小妹，話俾小妹聽應該點樣做？😢
#NSS愛情 [大埔某中學] Admin post ig pls ，小弟今年中二 自從升中之後一直有個問題困擾住我，就係我究竟係咪同性/雙性戀，我淨係對男仔先會有類似心動嘅感覺 中一嗰陣，我鍾意左個香港算係有名男團，嗰陣已經開始懷疑自己係咪同性/雙性戀，但係之後都冇懷疑過，因為我發現鍾意佢哋嘅男飯，都唔係同性/雙性戀 ，加上我鍾意佢嘅原因唔係因為佢哋靚仔，只不過係因為其中一個成員嘅做綜藝節目表我睇。 但係直到上個禮拜四，咁我哋社個社長就帶埋啲社職員，落嚟派糖啦，咁其中都有個幾高幾靚仔嘅中四社職員就負責拎住包糖喺度派嘅，咁呢度就簡稱佢叫Y啦，咁我就望咗過去啦，我就見到佢除咗個口罩E起棚牙喺度笑，佢仲要望咗過嚟，嗰日我個心跳得好快，仲要越跳越快，仲有種我從來都冇嘅感覺 咁幾個月之前，有個級入邊嘅校花，好似Y咁除咗口罩，E起栅牙望住我笑啦，咁我之後都有問佢係咪望住我笑，咁佢都答話係，仲當場同左我表白，但係我毫無感覺，仲當場拒絕咗佢 我想知道點解我淨係望住嗰個男仔個心都會跳得好快，即使係我自己望過去佢冇望過嚟，都係跳得好快，我究竟係咪同性/雙性戀，大家可唔可以幫手俾啲意見 Sorry for 1999,不喜勿插pls 🙇♂️🙇♂️🙇♂️
#NSS學業 [Guest] 想問下關於中三揀科嘅嘢。 我將來想讀nursing，諗好要揀bio，成績暫時都算好，跟住phy同chem我就唔太掂，所以我諗緊要讀咩科。(我間學校係2x) 中世史要背好多嘢，我背嘢係ok的，但好似同bio冇咩關係。 ICT我就麻麻，冇咩興趣。 Econ成績ok，但次次測驗考試答嗰啲問題就好唔肯定自己嘅答案啱唔啱。 geog我成績幾好，老師幾nice，但我唔知讀呢科有咩用。 bafs都考得唔錯，但揀呢科嘅人差唔多都係大陸人，聽到啲普通話就好反感，明知自己喺香港讀書就練返好啲香港話啦，英文又講到成pat屎，笑死啲人鬼聽得明，我都唔想歧視架，但我由細到大都係咁諗，冇辦法啦。
#NSS家庭 [GUEST] 小妹今年f2,讀band1學校,屋企係中產,喺各方面都對我好好,幫我揀學校又好,學嘢買嘢都會就我,又細到大可以話喺溫室成長。呢一年身體好多朋友都去外國,一級已經走咗三十幾個。仲有好多因素令到我想去外國讀書, 一嚟覺得喺香港填鴨式讀書好辛苦( 知道喺邊度讀都係好攰,冇得逃避 ,遲啲高form會仲辛苦 )二嚟所有朋友走晒,覺得喺度讀書都冇意義。所以就去咗睇外國嘅學校, 其他人去讀書嘅study vlog ,發現自己真係好嚮往喺外國讀書同生活。 之後有次同我媽講,佢話我係跟風,人走我又走 冇真正了解過而家嘅環境,唔知足感恩。就算佢俾我爸都唔會俾 問題嚟喇,我爸由細到大都好錫我,要咩有咩。但係佢係愛國人士…(希望大家要屌都屌得細力啲🙏🏻)佢好細個嘅時候已經嚟咗香港,佢都會話「我哋」係中國人。所以每次講親政治嘅嘢都會鬧交收場,我媽都叫我唔好同佢再講 (我媽一直都係黃) 有次講話𢲡BNO去英國,佢鬧到cls。我睇Netflix 佢話我崇洋, cut咗個plan。所以要去英國讀書係冇可能。 但係我真係覺得外國嘅讀書方式 環境啱我多啲,我可以點做,用今次final嚟話佢知我真係讀到書,去到嗰邊讀唔會嘥錢同時間？ sorry for 1999><
#NSS愛情 [GUEST] Hi,有d野想問問大家。上個月班裡邊調左位，我四面都係男仔。我同best frd分開左天涯海角，上堂原全傾唔到計，所以我好唔開心。坐左幾日之後，我開始適應。有時會同隔離d男同學搭訕一兩句，佢地有野都會同我講，叫有d計傾下。佢地成日唔做功課，所以通常朝早都係圍住我張台抄。老師上堂問答案，佢地都係向我求助。 宜家我best frd同我講，坐我隔離個男仔有d中意我。 我覺得好驚訝，佢話佢觀察到幾樣野。1.有時老師問問題我唔識答，佢就唱歌或者講d搞笑野，幫我緩解尷尬。2.其他男仔問佢借野，佢都唔借。但我借就可以，佢仲話可以幾日後先還都得。3.有時小息佢會問我使唔使幫手去小食部買野（佢跑得快，一打鐘條隊就好長，慢左買唔切）但佢兄弟叫佢順手買，佢就拒絕兼鬧佢懶。4.佢係同我講野個陣唔會講粗口，細細聲同埋唔會好粗魯。平時小息出去再返課室，係門口就聽到佢問候緊人老母。5.放學佢要趕巴士，如果平時有男仔阻住佢擺locker,佢就會推開人。但如果我係前面，佢就會係後面等6.平時朝早我通常同best frd一齊返學。調位前都冇見過佢係巴士度，但呢排成日見到佢。 我奇怪嘅係，我地冇傾過wts,學校外甚至一句野都冇講過，又冇一齊約過出街。所以我好confused。 因為我未見過佢同其他女仔係點相處，所以唔確定係因為佢中意我定純粹因為我係女仔。所以想問下大家覺得呢d行為係屬於中意or我同我frd諗多左？
#NSS愛情 [大埔某中學] 大家好，小弟今年中二 我發現自從我升咗中學之後我好似發現我係雙性/同性戀 係咁嘅，中一嗰陣我就鍾意左一個而家都叫喺香港出名嘅男團嘅其中一個成員，嗰陣我都未發現我係鍾意男仔，因為我見其他鍾意女仔嘅男仔都鍾意佢哋 但係直到今年，我小息嗰陣我見到一個大我三年嘅靚仔社長，我唔知點解我個心突然間跳得好快，佢除咗口罩望過嚟對住我笑，唔知點解我心裏邊有種從來未有嘅感覺，之前即使係全校入邊嘅校花對住我眨眼都冇呢種感覺，你仲感覺持續左好耐連續四個鐘我個心都係走得好快 我究竟係咪同性/雙性戀，定係我只係咁啱鍾意左佢 希望大家俾啲意見🙏🏻🙏🏻 (利申:絕對唔係因為佢靚仔，個個都話佢唔靚仔)