#NSS愛情 [大埔某中學] 大家好，小弟今年中二 我發現自從我升咗中學之後我好似發現我係雙性/同性戀 係咁嘅，中一嗰陣我就鍾意左一個而家都叫喺香港出名嘅男團嘅其中一個成員，嗰陣我都未發現我係鍾意男仔，因為我見其他鍾意女仔嘅男仔都鍾意佢哋 但係直到今年，我小息嗰陣我見到一個大我三年嘅靚仔社長，我唔知點解我個心突然間跳得好快，佢除咗口罩望過嚟對住我笑，唔知點解我心裏邊有種從來未有嘅感覺，之前即使係全校入邊嘅校花對住我眨眼都冇呢種感覺，你仲感覺持續左好耐連續四個鐘我個心都係走得好快 我究竟係咪同性/雙性戀，定係我只係咁啱鍾意左佢 希望大家俾啲意見🙏🏻🙏🏻 (利申:絕對唔係因為佢靚仔，個個都話佢唔靚仔)
#NSS愛情 [GUEST ] 🏳️🌈千字文 請注意🏳️🌈 小妹讀緊女校 F4，幾個月前鍾意咗一個隔離班嘅女仔。 A = 嗰個女仔 我同A喺同一間小學嘅，同班左三年但係唔係好熟。升到上嚟中學 我成日都過去隔離班搵我個frd，我個frd同A就坐得好近，所以佢哋好快就熟咗，咁我透過我個frd都同A熟咗，成班frd裏面得佢聽我講嘢，慢慢就覺得佢好溫柔好善良，就沉咗船 (雖然我真係冇諗過我第一個鍾意嘅人竟能會係女) 有一次我哋傾偈，我個frd話 原來隔離班有一個人鍾意A，A就拒絕咗佢，之後仲成日避開佢(雖然鍾意佢嗰條友有啲變態)，同埋A成日都喺度J男團，所以我覺得佢應該冇乜機會係彎。 因為我驚我表現得太明顯，所以我都唔會點主動去搵佢同埋傾偈(我仲特登扮唔記得佢生日，其實佢嘅生日、星座、血型我都記得一清二楚），但佢又成日無啦啦攬住我又話我好可愛(我知女校有呢種身體接觸好正常)，真係好鬼心動，但係表白fail就會連frd都冇得做，係咪應該用朋友嘅身份留喺佢身邊就算，反正愛一個人唔係一定要得到😢😢(我過多幾個月就移民，我仲想同佢繼續有聯絡)
#NSS家庭 [[Guest]] [Guest] 想問下有冇人阿媽都係咁？ 如果有少少亂嘅話真係唔好意思因為我都係喊住嚟寫😢😓， 篇文好長， 希望各位可以體諒一下，sorry for 1999, admin pls po ig thx 先講一講個背景，小妹今年F.1，我來自一個單親家庭， 好細個嘅時候阿爸阿媽已經離咗婚，因為阿爸本身係大陸人所以我好自然就跟阿媽，之後我同阿爸亦都冇再見過面， 就算有得揀我都唔想跟佢。 好，廢話講完入返正題先。 本身我細個嘅時候喺婆婆度住，到咗五年班我就跟番阿媽，但唔知點解阿媽唔鍾意我大姨二姨， 佢哋都係住喺婆婆屋企所以之後我都好少機會可以返去， 從嗰一刻開始我再冇點樣食過住家飯。 我屋企冇工人，阿媽放工返到嚟已經好夜所以我哋日日都係出街食飯，但有啲時候 阿媽唔畀我食嘢，佢會自己一個出去食嘢唔帶我，而當我話想食嘅時候就會鬧我話:「 食乜嘢啫？你唔係唔使食嘅咩？」， 跟住就會開始發曬癲鬧我，咩都攞出嚟講。
#NSS愛情 [港島區某Band 2中學] 本人數學不嬲都好差， 今年有個新嘅阿Sir嚟教數學兼做我班主任， 之前我都麻麻哋佢， 覺得佢好煩，好囉嗦。 到幾個月前，為咗下年讀到自己想讀嘅科， 我開始認真比心機讀書，佢都好好人 ， 間唔中開啲額外嘅溫習班同我地溫書， 唔係淨係我仲有其他同學。 結果個次數學考試考得好好， 由不嬲唔合格變成全班第一， 唔係講笑真係多得有佢， 我都有咁樣同佢講， 不過佢話其實我都係醒目女， 之前只係唔肯比心機讀書。 佢除咗關心我讀書嗰啲之外 可能因為佢係我班主任， 佢仲關心埋我其他嘢， 可能又因為佢係班主任， 佢對個個都係咁， 但係又好似對我特別親近。 係我眼中佢係一個好叻嘅人，
#NSS社會 [Guest] 我喺香港讀緊初中。平時班入面好多人會笑維尼淋病啲meme，但背後又有幾多個停咗玩緊絕地求生、明日之後、第五人格、王者、傳說、極速領域、微訊呢？口口聲聲笑抖音嘅人，自己第二日就去咗課金比騰訊。有人話我太介懷，但而家個景象真係唔係太嘔心咩？對唔住我唔想麻木。 今日六四有人討論，有人繼續當係meme咁笑。我覺得唔洗講下一代，我哋呢一代大約十個自稱為黃嘅得一個真係去了解過六四發生咗啲乜。立場蘋果啲post係有人like，但呢場革命一路走過嚟犧牲幾多野幾多人根本就落到呢一代無人問津。喺呢個癡線嘅社會已經令香港歷史已經逐漸咁變成一個笑話。佢哋唔係資訊被封殺都唔係被滅聲，只係自己封閉外界資訊。 呢啲係我所睇到嘅，我唔敢講全部屬於呢個年齡層都係咁，但發生喺我面前嘅實在係太荒謬。毋忘六四。曾經所發生嘅一切至今仍然都係歷歷在目，希望大家唔好再無視外界資訊。香港人加油。 第一次投稿，要屌慢慢，sorry for 1999。