#NSS學業 [GUEST] 𝚃𝚑𝚡 𝚏𝚘𝚛 𝚙𝚘𝚜𝚝𝚒𝚗𝚐 𝚒𝚝 我想留級一年，各位可以俾啲意見嗎？ 小弟而家form 4，由於form 3嗰陣考得衰，學校只俾我揀2個選修科（頭70名先可以揀3科，但我得80幾名）。 我而家啲成績都係一般，中文閲讀理解經常唔合格；通識就時好時壞，一係得20幾分，一係有70幾分；其他科都係50-70分左右 教育局話下一年嘅中四取消通識，代替通識嗰科只係分合格同唔合格，中文科仲話取消我最憎嘅綜合同Oral。而我間學校就宣怖下年嘅中四全級人都可以揀3科，我又好想揀埋上年揀唔到嘅Chem，留一年可能對我著數啲? 我喺我嗰班得兩個friend，自己又喺05年12月出世，留級應該冇乜重大影響掛⋯⋯咁我應唔應該揀留級呢？定係應該點樣做？ 𝕄𝕒𝕟𝕪 𝕥𝕙𝕩!
#NSS愛情 [Guest] 大家好，我半個月前同男朋友分咗手，我之後諗返覺得其實我係咪有些少嘅離譜呢？ 我分手嘅原因係因為我發現佢真係好渣。一開頭就係唔覆我message睇完就直接算，我就梗係有啲唔開心啦，不過諗諗吓，我平時都有時係咁樣所以唔怪佢，但係之後佢一唔開心就話我係一個 “Bitch” 但係我明白唔開心嗰陣時有人搞自己真係好煩，所以就忍咗一陣，不過之後發現佢好似有事定冇事都好多會話我係“Bitch” 咁我咪同佢講唔好再咁樣叫我囉，但係佢竟然同我講：「冇啊我邊有呀，你幾時聽過我講啊？」然後就走開咗扮冇嘢⋯ 之後有一排我心情唔好，我同佢講：「你可唔可以唔好同我講嘢住呀，我心情唔好啊。」但係佢嘅回覆就係：「關我鬼事咩，點解我要睇你眼色去做嘢呀？」然後又成日都話 idc… idc…寄野比佢又話「唔想落去收」拖咗成兩個幾月都冇話過俾我聽鍾唔鍾意⋯ 經歷完呢啲嘢之後我就決定同佢分手，分手嗰時佢都係「我唔理」「我唔理」咁，但係到上堂嗰陣時（因為同班見到佢），佢喺度周圍跟住我，我去邊間班房佢就去邊間班房，我去廁所都見到佢喺女廁門口啊，咁我咪問佢：「你想點啊？」我本來就以為佢真係有啲嘢想同我講啦，點知佢同我講：「冇嘢啊，做咩啊。」我以為佢意識到我知道佢跟住我嗰陣時佢就會停啦，點知佢仲變本加厲，癡去我啲friend然後大嗌「幫下我啦！」我心中喺度諗：「what the fuck?佢係腦殘定點啊！」經過呢幾輪事，我開始見到佢就想嘔，但係忽然間今日諗諗吓，其實係咪我嘅問題呢？ 唔知大家嘅諗法係咩呢？ Sorry for 1999
#NSS家庭 [GUEST] 我真係好唔想見到我大舅父 簡單做返個背景先 我係女 而家f1 唔知算唔算多親戚啦 阿媽嗰邊:13個(我最細) 阿爸嗰邊:11個(我排尾二) 我老豆嗰邊啲親戚都好好人 勁錫我嘅 但係我阿媽嗰邊成日鬧交 唔係對我唔好 但係佢哋每次嗌交都因為我大舅父 我以前細細個覺得大舅父好好人 但係大咗之後 發現越嚟越多佢家庭上嘅問題 我知道我唔應該理得太多 但係佢太影響埋我阿媽 係咁嘅我阿婆有七個仔女七個孫 咁正常嘅仔女都會交家用(個人認為係孝順嘅一部分) 但唯獨是我大舅父乜都唔交 又成日借錢 仲想霸埋婆婆間屋 喺婆婆屋企愈擺愈多嘢
#NSS愛情 [Guest] 好希望admin可以揀我，呢個問題真係困擾咗我好耐，我好想講出嚟但係又唔夠膽😥 我係一個中五嘅女仔，性格好內向，乜都鍾意收收埋埋，又唔識拒絕人，又唔識表達自己。我同一個同年嘅男仔識咗七年，佢係我一個超好嘅朋友（下稱A）A為人幽默風趣，又暖男又鍾意9 up, 最重要係佢好了解我。我哋咁多年都keep住呢種關係，由中三開始，好似我同男朋友鬧交，A都一定會每晚call我，一齊打機一齊吹水，但係其實A喺中三至中四都有鍾意唔同嘅女仔，其中有一個喺街站識嘅仲嘴埋，我唔知A係因為溝唔到其他女所以先揾我定一話佢真係同我超熟，中四嘅時候，我同男朋友復合，A係嗰段時間暫時冇搵我，繼續同街站果條女曖昧，半年之後，我同男朋友分咗手，佢要飛美國，分散主因可能係因為我對佢成日都不瞅不睬，有啲咩事又唔肯同佢講，分手之後A依然每晚call我，晚晚都去到四點，有時去到朝早七點，但係佢其實鍾意緊第二個（街站嗰個），我繼續蒙在鼓裏乜都唔知咁同佢傾電話，不過我嗰陣都冇乜嘢因為自己都仲未放低ex. 去到中四下學期，我喺學業上面臨緊一個好大嘅問題，我由細到大讀書都算唔錯，係人哋口中嘅「學霸」，咁當然距離我覺得嘅「好」都仲有好遠距離，我中四嘅時候係讀緊phy chem bio m2, 嗰陣打算drop m2, 我啲friend全部都叫我drop, 叫專攻phy Chem bio 算啦，當年都諗住放棄呢科嘅時候，比我遇到一個高人（下稱B）B係個理科資優生，天才兒童，不過大家都知天資特殊嘅都係俾人歧視嘅嗰堆，佢冇乜朋友，講嘢好直率，得罪人多稱呼人少，成日投訴老師同學校政策，成個人都好理性，不過重點嘅係呢個咁理性嘅資優生，唔計有好感有心動嗰啲感覺，佢又出世到而家只係鍾意過一個女仔，而嗰個就係我。 喺我打算drop m2時佢係唯一一個同我講我一定讀到嘅人，佢肯每日花時間整pdf，出題，拍片，教我phy 數同m2, 我同佢原本係師生關係，而我都只係因為想成績好先接近佢，但係我真係好努力，對住佢每一份嘅習作從來都冇hea，仲好認真寫晒notes, d片翻睇再翻睇，B一開始其實都係純粹因為鍾意教人，見到自己可以教識人所以開心，我又緊緊合格嘅m2去到5**嘅水準，phy仲贏咗個香港比賽，全部都係佢嘅功勞，佢真係好有心。 師生關係維持左半年，去到大家中五，B開始approach 我，上zoom cap下我相整stickers,
#NSS個人 [GUEST] 我呢啲性格係咪真係揾吾到真朋友…？ 我係F2女,係一個好鐘意講粗口嘅人(吾係用嚟鬧人,而係習慣咗,間唔中會加一兩句ponl 啊on9咁,絕冇惡意)係學校又算得係好活躍(but係屋企好靜)再加上我又鍾意惡搞,類似係得閒無聊就會搞住D同學。我吾知係咪我咁嘅情況搞到我冇frd…？ 我曾經有過幾次經歷係我以為遇到真frd,結果現實打醒咗我,就攞最近嘅一次經驗:係我F2頭,我識咗一個新嘅女同學,我哋之間嘅興趣呀性格都好似(佢同我一樣鍾意動漫同埋都係粗口達人)我哋一開始係形影不離,放學都一齊走…但係當我以為我今次終於有個堅frd時,佢開始識其他frd,我冇話咁吾好,但係佢開始疏遠我…例如我哋有時一齊放學,就會有佢嘅frd湊埋一腳,佢哋無話不談,我就變咗個透明人:)我另外同佢都有兩個closefrd(total four)但係佢哋好多時候都係三人行,我加入去,好彩就一齊玩,吾好彩就我盡力去搵話題。我感覺到我同佢哋越行越遠⋯⋯ 講真,我對朋友真係好好,佢哋有咩需要幫手我都會盡量幫,只要佢哋開心就可以。但係我覺得我嘅真心冇得到回報(我就嚟變工具人),我為咗佢哋都盡自己努力去講少啲粗口,即使我谷到好心累…我個人又係遇到信得過嘅人就會爆哂自己心事嘅性格…算得係冇乜安全感,所以遇到被人拋棄嘅時候我就好驚。 我感覺我又開始冇frd,我成日都希望自己可以唔使朋友都過得好,但係我學業同屋企上嗰啲壓力真係大到我喘唔到氣,所以我需要人去傾訴,我指望吾到我屋企人,到頭來我都係需要朋友,但係屢次失敗嘅經歷搞到我好辛苦,亦都唔敢奢望再搵到新朋友,點算好….? 我係咪真係要做雙面人…我好想有人幫下我… Pls po IG, thx admin Btw sorry for 1999