—類投稿

#NSS家庭 [GUEST=]] 你冇養過我 點解要我養返你？ . （篇嘢有啲長） 事原係今日下午，我阿爺問我點樣wechat視訊通話同老竇傾計，咁我就撳俾佢la。 一開始呢，我老豆正常同爺爺講下啲乜屋企人八卦之類嘅啦，之後呢，我阿爺又叫我同老竇傾下計 爺爺：你唔使同你老豆傾下計嘅咩？ 咁我咪過去囉。 . 之後老竇就問成績，我知道父母關心成績係冇錯嘅，但係佢次次打電話嚟，或者我哋打電話過去，佢次次同我講親都係問成績。 . 小女今年f2，讀緊沙田區一間band1A中學。大家都知band1中學大部分都是英文教學。咁我本身個人嘅banding 1C1D咁啦…咁我都係緣份抽到去band1A 。 老豆老母家姐細佬係大陸，我一個同爺爺 係香港，因為covid老豆一家而家出唔到嚟 . 老竇問咗我成績 我答返一般般噉la （其實唔太掂） 之後佢就開始講1大段嘢 老豆：一般般？次次問你都一般般嘎？ 你ABCD成績係咩？

#NSS學校 [觀塘垃圾學校] 教畜 係泳池池附近 唸起教畜就係嬲 我記得中一讀science英文交，之後阿sir英文有口音，聽唔清，我小息問多次佢啱啱果條題目解答方法，佢話我係唔係痴線？ 😰 之後測驗同考試唔洗講，超級差，40/100。之後仲係同學面前鬧我垃圾，話我理解能力有問題？ 之後中二因為成績差去其他班，miss教，又有耐性，又溫柔。之後我打翻好個基礎，science 合格番，中三開始頭幾名。 之後dse考完，化學仲攞5*。我放榜果日，又係果個阿sir係禮堂，呃9我去讀水泡科，咩應用科學，應用物理之類。 尼條友真係痴線，我best5 23分走去讀尼d？有病？ 之後我報中大engineer算。 尼條友真係有病，選科終身大事係到呃9人地，問佢：阿sir，可唔可以講多次你個方法？ 阿sir：你有病？。 我問你野你話我有病？ 真係教育界敗類😡。

#NSS其他 [Guest] (我嘅文筆比較差，希望大家見諒）小妹今年F3,有個識咗好耐嘅friend（下面叫佢做A ）。咁F1嗰陣無乜friend，就經常同A傾電話，傾耐咗之後唔知點解又同佢啲同學一齊傾，咁我當識多個friend冇乜問題…… 但係傾傾吓計之後發現佢哋五個成日傾有關佢哋學校嘅嘢、因為唔係同一間學校所以冇乜嘢共同話題，佢哋溫書嘅嘢同我唔同，又冇乜嘢共同話題（我feel到自己好似被bully咁）但係我知道佢哋係無意嘅！ 到F2嘅時候我開始有自己嘅friend(玩得好埋嗰隻）咁之後A嘅同學就話我唔理佢哋！然之後就越嚟疏就冇乜點玩過、傾過計，但係我依然覺得A係我嘅好朋友、我唔太想同佢散！但係冇同佢班friend玩之後佢都冇乜點搵我（經常係我搵佢佢先搵我），我最後一次見佢已經係幾個月之前。我唔知點樣再同A溝通，因為就算一齊傾偈都feel到有少少僵，好似有咗隔膜咁！（希望大家可以俾啲建議我）

#NSS個人 [補習社] 希望畀admin抽中🙏🙏🙏 大家好,小妹今年F2,接下來我會分享一下我起我上一間補習社嘅經歷 . 講下背景先~ 我小學六年級嗰陣因為頹咗成個月,所以嗰陣阿媽就幫我搵咗間屋企樓下嘅補習社。初嚟報到,嗰度啲補習老師都好好人,畀人感覺就好似你屋企人咁樣,時間耐咗,我漸漸都同啲人熟咗,就係咁就,我喺補習社識咗個朋友(接下來我稱呢位朋友做A),眾所周知,友情會隨著時間嘅前進漸漸更多人加入,呢度都唔例外,因為新嚟補習社嘅女仔都有追星,咁啱A都一樣有追星,所以我同A講嘢嘅機會都少咗 . 講下點解我要離開呢間補習社😉 因為今次嘅特別假期,所以我阿媽決定唔畀我再去嗰間補習社,一開始放呢個特別假期嘅時候,A佢都有叫我入Zoom(嗰陣時補習社冇開,所以轉咗做網上),但因為我冇交學費所以就唔入😗,跟住個補習老師同A講咗我今個月唔嚟,跟住到依家A就冇再同我聯絡loo🤷,但係以前返實體嗰陣我唔去補習社A就係咁問我原因,A唔去補習社嘅時候我問你原因就嫌我煩,當然啦,其實我自己本人都唔想再去 . 接下來我會講下我對A一啲印象深刻嘅事 . 1.60蚊擦膠大小裝飾品 記得嗰陣時,補完習我都會同A去附近啲格仔舖行下,當A見到佢自己想要嘅嘢,佢就會係咁叫我買畀佢(其實我都唔係太想買畀佢,屋企人辛苦賺返嚟嘅錢做乜嘥落佢度) ,成日搵啲藉口叫我買嘢畀佢,例如”咪當係我哋友誼嘅證明囉” “我哋識咗(時間)紀念品” 總之各種奇怪原因都有,如果我唔買嘅話佢就賴死唔走🙂,當然啦佢想要嘅嘢價錢都非常之貴,記得最貴有$60(P.S 我自己本身都好慳,40蚊冇嘢飲嘅餐我都嫌貴) 呢一件60蚊嘅裝飾品非常之細,大小像一舊擦膠,二月嗰陣A同我講’我今日執房嗰陣,係櫃桶嗰度搵到你之前60蚊買畀我嗰個裝飾品呀!’聽完之後其實我自己都有啲嬲😤,我自己最近諗返起都發現,我送畀佢啲嘢都好貴,但係佢送返畀我啲嘢全部都係垃圾冇用 . 2.生日畫 大概12月嘅時候,補習社有個女仔生日,因為我自己本身都比較鍾意畫畫(特別鍾意畫大頭公仔),所以我就幫B畫咗一個q版嘅佢(接下來我哋稱生日嗰個女仔做B),嗰陣時畫完 q版之後就叫咗就叫咗B過嚟睇下,個經過大概係咁樣 我:’B!過嚟呀我哋一齊搞小圈子!!!’

#NSS個人 [band3A學校] 話説小妹想轉校去莫慶堯，因為我宜家嗰間學校其實校風唔係咁好而且d人好mk，所以就想轉校去莫慶堯，但係唔知難唔難入(btw我成績唔好)，所以就想問下大家意見

#NSS個人 [GUEST] 小妹因為有興趣同埋覺得自己chem bio 唔錯，所以想讀醫，但係我爸爸成日想我讀商科然後返佢公司做嘢，佢就可以退休咁(畢竟都係佢一生嘅心血)。佢話讀醫好辛苦+ 要成日OT,話我去佢公司肯定賺得多過醫生，而且輕鬆好多…同埋因為疫情佢可能覺得醫生呢個職業會好高危…我諗諗吓覺得好似都幾有道理，佢話唔會逼我，我真係唔識揀 TT

#NSS社會 [HongKong] 回覆#NSS220509A 本人作為堅決既繁體字用者，我認為自己有義務出黎講幾句。 在中國內戰結束之後，中國當局發現國內文盲率達80%，而開始掃盲，”簡體字”誕生理念確實為減少中國國內的文盲率，但係實則掃盲並非因為”簡體字”既推出，而係因為中國政府既加強教育。 閣下首先需要知道一條簡單既道理，要令人民識字，唔係要研發新既文字，而係加強教育。 以數字為例，羅馬數字同阿拉伯數字，若你冇受過教育，不論兩者寫法既簡單程度，你都係唔會明白數字既意思。 閣下正文提出咗一共兩個論點： 一，點解我地唔淘汰及嘲笑點字 二，點解唔可以係香港寫”簡體字”，但係若一個外地人黎香港寫外語又不反對。 原因其實顯而易見，點字本則上為失明人士使用既文字，並唔會因為呢種文字既出現而導致”繁體字”文化受取替。 外語亦如此，外語既出現係為外地人係外地用，若有人係香港用外語，並不能用作溝通之用，因此，外語係香港既出現並唔會導致”繁體字”被取替。 但係”簡體字”同”繁體字”都能被概括為中文字，而”簡體字”同”繁體字”雖然有唔同既寫法，卻有相同既意思，所以符合咗我上面所提，”簡體字”於香港既出現會導致”繁體字”既取替，則淘汰香港文化保留中國文化，而事實上香港近年來已經出現好多容入中國文化既香港年輕人，侵蝕香港文化。 而閣下所提到既反對”殘體字”卻使用淘寶既朋友，這兩者一樣係經濟層面，另一樣係文化層面，兩者並無交集，不予評論。 之後閣下所提供既反駁要點更為天方夜譚，與閣下所提供既話題並不相關，不予評論。 “繁體字”是中國五千年歷史而演變而來，極具歷史意義和文化價值，當中的一撇一捺都係古人既深思熟慮創造而成，而”簡體字”更是消滅了當中的精髓，淪為一種侵害文化的一種工具。因而，”繁體字”既文化，先有我地捍衛的價值。 平心而論，呢篇文章相當低質，若閣下要發表如此令人反感既言論，希望能三思而後行，並自行上網翻查”繁體字”既意義，先係討論區發表。 “要消滅一個民族，首先瓦解它的文化；要瓦解它的文化，首先先消滅承載它的語言；要消滅這種語言，首先從他們的學校裡下手” — 阿道夫 • 希特勒 #sor41999 #個人感受 #唔鐘意既要屌得大力d

#NSS家庭 [GUEST] 我媽咪係咪有啲唔正常..? (2) 越嚟越嚴重啦,我決定過幾日去搵社工。 我媽咪已經冇一次正常了,佢已經唔認我婆係媽咪了。 5月8日:我媽問我婆借錢(要交保險)。之後我阿婆唔借,我媽咪就開始鬧我阿婆了。之後我阿婆買咗好多零食,我媽又話做乜買呢啲?我哋都唔食呢啲! 搞到我都唔敢食。 5月9日:今日,我媽咪一起身就整爛哂啲零食,之後扔哂佢。佢扔咗勁多食得嘅菜,係人都會心痛吧?(唔心痛嗰啲我唔理la)。之後今晚返到嚟,我阿婆話佢中咗(❌📥)。之後冇打第3針唔返得工,要9月先打得。我婆話申請綜援,我媽又話痴線,真係唔知點算。我婆見到啲零食冇哂,之後我媽係咁講我食哂喎。我媽鬧我婆嗰時嗰個樣,我真係好驚,因為真係好惡。 除咗搵社工之外,我仲可以做乜嘢?🙇🏻‍♀️ Sor for 1999

[Guest] Title:《論移民》 小妹最近心血來潮想share 下自己嘅睇法同埋尋意見💁🏻‍♀️。呢幾年都好多人移民（特別係學生），我有d frd都唔例外。每次有人移民唔知點解好羨慕佢哋😵‍💫可能係喺香港讀書比較chur+壓力大（？） 入正題，我本身都有諗吓將來應唔應該出國讀書，甚少都同屋企人提起我想去邊度邊度讀書，想移民，不過佢哋每次拒絕咗，叫我大個啲先。如果你哋問我點解想移民： 1.而家香港俾我嘅感覺係算好糟蹋，特別係疫情呢段期間… 2.覺得讀書上面好chur,壓力大 3.覺得係外國讀書進修有機會有好將來（比起喺香港讀大學） 4.香港越嚟越大陸化… 至於我移民去邊度，我嘅答案係台灣。小妹之前都有考慮過好唔好去英國澳洲個邊，但係始終洗好大筆錢，而且我生於中產家庭，啲錢唔會多到去邊….我自己本身都好鍾意台灣呢個地方，覺得d 人好友善（大部分），好鍾意當地飲食文化、傳統etc.但係雖然有咗呢個諗法我都唔知佢哋嗰啲入學要求（大學），最主要係當地好多地方都可以讀醫🫣。中學移民應該冇可能㗎啦，但係有諗過去唔去嗰度讀大學。我成績一般，但係始終英文（閱讀、寫作、聆聽、說話）考得最好（全級頭25）咁樣，相反中文全級尾20-30。因為始終當地語言都係中文為主，而我中文底不嬲都差，就算好都唔會好多去邊。 大家覺得點🙇🏻‍♀️定係我留喺香港係最好嘅決定？尋意見，cm 一定會用心睇晒佢🥹 Sor for 1999 Ps.以上純屬個人意見 不喜勿插

#NSS個人 [Guest] 大家好，小弟f4, 阿爸阿媽諗住喺我中學畢業前送我去外國讀書，但係我其實唔係幾想。 我而家讀緊chem phy bafs m2, 呢四科都係我鍾意嘅科，日日都有得上呢啲堂真係好開心，我想完完整整考埋個dse 我學校啲老師大部分都好好人，肯花時間教啲成績唔好嘅同學，尤其係中文老師可以將我呢個之前次次都唔合格嘅蠢材，教到去6字頭。其他老師都付出好多，令到我哋全班啲成績都好好。 我每日返學都好enjoy, enjoy同同學玩，enjoy上自己鍾意嘅堂，如果要走，我真係會好唔捨得。加上我由f1開始已經諗住係考dse, 呢一年仲為咗dse改咗溫多咗書，我仲成日幻想自己放榜嗰刻，如果我f6唔係考dse, 我會覺得好可惜。 再加上我嘅夢想係大學讀science, 之後做科研，做返小小成就，令香港科研界受到重視。聽落不切實際，但係呢個的確係我嘅夢想，由f2開始一直都冇變過，如果冇得實現呢個夢想，我覺得我讀書都係冇意義，佢係我嘅動力。冇錯，喺外國，科學家嘅地位比較受到重視，但係我要嘅係香港科研界受到重視，喺外國受到重視咁又點？根本係兩樣嘢。 仲有好多好多嘅原因，總之我好唔捨得香港嘅好多嘢，叫我轉校我都唔捨得啦，何況係要去外國。我問過阿爸阿媽，佢哋想我喺嗰度讀埋大學，我真係好唔想離開香港咁耐。 我明白我屋企有能力送我去外國，我應該好好珍惜，但係留喺香港我開心，我而家間學校同八大又真心唔差，以我而家嘅成績估計，我應該係穩入八大甚至三大，去到外國我要重新適應，成績仲可能入唔到好大學，咁唔係留低好啲咩？不過我又唔想嘥咗阿爸阿媽一番好意，有冇人可以話我知點同佢哋傾？ sor for 1999