#NSS愛情 [GUEST] 講真 我由出身到而家，我從來冇試過禁撚鐘意一個人 鐘意左佢四年幾 鐘意到係可以每晚都會諗到佢 鐘意到每次一同佢傾偈就會覺得好撚開心 鐘意到每次都會比佢嘅情緒而影響我嘅心情 我覺得呢種感覺真係好撚煩… 我有嘗試去令自已唔去鐘意你，不過真係好難… 我去左同你表白，諗住你會拒絕我，之後我就可以徹底放棄呢段單戀 但係之後你同我講你會去考慮下 呢幾日你都冇講你考慮成點 搞到我個心好撚煩，日日諗住呢樣野 呢幾日真係好攰 其實我係咪應該唔好再諗呢樣嘢 因為呢件事真係困擾左我好耐 Sorry for 1999 Admin po ig thx
#NSS學校 [屯門區某1c2a中學] 麻煩post ig 唔該admin 第一次投稿，請多指教，小妹今年中一，話說我兩個月前成個人突然好灰，甚至傷害自己，好彩我身邊有一個對我好好既朋友，雖然我同係喺中學既時候先認識，但我感覺到佢係真心對我好，我一有唔開心同佢講，佢唔單止秒回，仲比咗好多意見我，可惜好景不長，我上星期六一如既往同佢一齊傾計，佢將我啲醜照po咗上story，於是我就同佢講你星期一死緊，但係佢就出咗個story話「由於我唔想死，所以我決定遠離⋯ 『⋯喺我』 （本人十分認真）」我起初都以為佢講笑，直到我發現佢己讀不回我，我先知佢係講真，我而家唔知可以點，我唔想呢段友誼咁就完咗，希望各位可以俾啲意見我 Sor for 1999 圖Link: https://ibb.co/VHvzfy5
#NSS愛情 [GUEST] 唔知算唔算鐘意？ 我有一個一直由小學三年級玩到f2嘅男仔 咁啱每年都係坐我隔離所以就成日傾偈/玩 我成日上堂覺得悶就趴喺張枱度望住佢 然後佢見到我咁佢又趴喺度望住我 小息嗰陣佢同左佢啲frd玩，唔係同我，自己就會好失落 然後我最近聽其他同學講話佢有個鐘意嘅人 我唔知係咪啲同學成日講佢地兩個有野嗰個女仔（稱Y） 我就好在意啦 我不停咁追問佢‘你係咪鐘意Y呀’就係咁問 佢應該覺得我好煩就比左隻中指我，然後講左句‘我鍾意你’ 我個刻係好開心嘅 但係之後我又覺得佢係講笑，補左句‘吓，冇可能lo’ 佢就即刻唔講嘢 第一次投稿，講到199唔好意思，唔該屌細力啲🙏🏻
#NSS個人 [無業遊民] Hi~大家好，小妹我想同大家分享最近發嘅一個夢 · 喺個夢入面，我跟一個老師上緊樂器班(好似係小提 琴)，因為唔係我玩開嗰樣同埋本身睇音比較差，所以 我一時拉下一時望下份譜。 · 拉拉下唔知點解阿媽出現咗，佢走埋嚟企喺隔離望，咁啱我嗰陣又停咗望緊咩音，跟住佢就話：「唔好發夢啦(係白日夢唔係真係發夢)！」 ·之後個老師冇眼睇執嘢走咗，全部人都以為我真係發緊夢冇認真咁拉。跟住我即刻醒咗彈咗起身。 · 起咗身之後我諗返，由我好細個開始到而家，無論我做功課定係溫書，只要我望住本書諗緊點做或者點解，佢就話我發緊夢／發吽豆。 · 細個覺得俾佢咁講冇乜嘢，但係大個開始覺得好委屈，因為大個之後佢就冇望住我做功課&溫書，覺得佢就咁行過見到又知我發緊夢？有時仲要話：「又發夢？陣間又做到xx點啦」我心諗：what？又？(因為我對上一次俾佢話都係咁嘅情況） · 然後我忍唔住喊咗出嚟(我平時好少喊)，我唔知可以點解決呢個問題，成日咁樣俾佢誤會真係好唔開心…佢平時都對我好好，我都好鍾意同佢相處，但係唯一唔鍾意成日俾佢咁樣誤會，我又唔想「反駁」佢，可以點做… · 多謝你哋睇到呢度，篇嘢咁長同埋咁悶冇emoji又冇顏文字…最後希望大家、咁多位admin仲有你哋身邊嘅人都唔會中招，暴政之下平平安安。Bye bye (尷… · Sorly for 1999 and
#NSS愛情 [[男女校]] 先拜托唔好估我係邊個 ; ; 件事係咁嘅 小弟讀男女校，今年中四，然後最近同咗鍾意咗都幾耐又幾close嘅好兄弟表白（之後會稱佢為A) 然，然後A就一野攬住我條腰嘴落我到（伸脷嗰種////) 話佢等咗好耐然後佢都鍾意我（？？) A高我成半個頭又大隻過我加上我又腳軟，然後又係我鍾意嘅人，所以我冇反抗，然後呃佢嘴完我之後（咳）我見到佢喊緊；；，所以就攬住佢安慰（我唔係幾識點講嘢），我哋最後襯小息完之前又講咗啲嘢，然後我就有咗佢呢個男朋友喇（冇諗過咁順利好驚喜⋯⋯) 好。問題嚟喇🥲我就知個天唔會咁好。 我哋諗住走返課室然後啱啱好同我家姐對上眼。。。因為我哋喺後樓梯冇乜人，我完全冇諗過成個過程俾我家姐見到曬。。。 尷尬嘅10秒。最怕空氣突然安靜。。。 家姐好似忍笑咁講：「恭、恭喜」再跑走 我喺原地羞恥到想搵窿捐。。。我面都紅晒，A都係。。佢捂住面咁搭住我博頭慢慢行返去課室。 然後今日成日家姐一見到我哋就傻笑（？？？）我返屋企要點同佢解釋；；佢唔會搶走我男朋友㗎QQ 好多謝大家睇到呢到TT請救救我 Sorr for 1999
#NSS愛情 [GUEST] 我錯過咗一個鍾意咗我好耐嘅女仔 以下A=嗰個女仔 我同A係中學同學，本身我哋係唔識嘅，直至到F2暑假去補習，A遲到左求其揀個位坐就坐咗喺我隔離，我先留意到A原來係同校隔離班同學。喺補習社個個都唔識，見到同校嘅比較有親切感，就令到我更加想認識佢。奈何我真係好怯，補左三四堂都唔夠膽同佢講野，其實我每次見到佢都會有啲緊張，驚自己隨時做錯野喺佢面前出醜，所以就令到我更加唔夠膽同佢講嘢。 諗返其實都覺得自己幾冇用… A係屬於比較活潑嘅女仔，見到佢同補習社入邊同其他同學傾偈都會傾得好開心。有一次A冇帶計數機，而佢其他frd又未返，個阿Sir就叫我哋坐埋一齊，呢次係第二次A坐喺我隔離，我同佢好近 好近。平時好憎去補習嘅我，係嗰刻真係唔想咁快落堂。A好有禮貌，每次問我借計數機機都會講唔該，就算借十幾次都照講。可能因為我識嘅女仔少啦，但係A成個人真係好有教養。臨走佢仲笑住同我好彩今日我肯借計數機如果唔係佢都唔知可以點算，講完就話拜拜，轉身走咗我依然覺得佢好甜。A每個行為都令到我好心動。 之後我哋一齊補習，有陣時有唔識嘅數都會請教對方，久而久之我哋就熟咗，時不時我會ig覆下佢嘅story，兩個人都傾得幾開心。有次我去問我啲frd知唔知A係邊個，諗住同佢地講我鍾意佢，睇吓佢哋有冇啲咩方法可以幫我更加了解A。但係得到嘅結果係發現咗A有鍾意嘅人，而且都有好多人鍾意佢，鍾意佢嘅人高又高過我靚仔又靚仔過我成績又好過我，我真係乜都冇，點配得上A… 咁又係嘅好似A咁靚女又溫柔大方 點會冇人鍾意 由嗰刻開始，我就覺得自己同佢冇可能，見到佢ig story都盡量控制自己唔好去搵佢，嗰排真係好辛苦。明明同佢日見夜見，但係又要疏離佢，A有陣時都會主動黎搵我，但係我真係覺得自己配唔上佢所以就會hea覆，其實佢講嘅每一句我都有好多嘢想答佢。 後來我諗A知道我故意疏離佢，走嚟問我發生咩事，我又同唔到佢解釋，同佢講咗唔關你事就冇再理佢。A自此之後好少再同我講嘢，我哋兩個好似從此變成陌生人。 前幾日我先知A就嚟要移民，我諗我以後都見唔到佢，呢一刻我真係忍唔住，諗住最少同佢講聲再見都好。於是我就去搵A傾偈，傾到差唔多尾聲佢同我講 「多謝呢三年有你咁好嘅朋友，但係我要走啦我真係想同你講，其實我鍾意咗你好耐，由F2認識到而家，三年啦。雖然當中我唔知發生咗咩事我哋好似變成陌生人，但係每次去補習可以見到你我都好開心，多謝你。」 見到佢講呢段嘢，我真係喊咗出嚟好後悔嗰陣時點解唔放膽去追佢… 你地覺得如果我而家去追佢會唔會太遲？我絕對接受到同佢異地戀，但係咁樣會唔會好阻住佢嘅人生… 好多謝肯睇到呢度嘅你，如果你呢一刻都有鍾意嘅人就去追啦，趁住佢仲喺你身旁，唔試過真係唔知結果。雖然我自己都做唔出勇敢去追，但係我而家真係好後悔，唔想你哋會有同我相同嘅經歷。加油！
#NSS愛情 [Guest] 尋人 六月二號下晝兩點半到三點搭輕鐵去元朗嗰陣見到個細細粒嘅女仔,揸住部好細部嘅數碼相機喺到影相,個袋上面仲要扣住啲動漫人物嘅襟章,一望就覺得好cute好啱feel.話咁快我就到左站,但係為左企多陣就冇落車,之後就到左總站.落左車之後我都準備走過去問人攞ig架啦,點知咁啱喺地鐵站到有啲香薰嘅promotion,又咁啱我地兩個都被人扯左過去sell野.咁樣本來應該係件好事嚟,點知我嗰邊都未講到一半,個女仔嗰邊就已經講完走左,我當下真係_出聲,同時都焗住聽埋個sales講野,一講就講左幾個世紀,而我都再揾唔返個女仔.而家真係越諗越後悔點解唔一早走過去問佢攞左ig先.如果你見到呢個po唔該喺下面講聲,想睇下你影啲相. Sor for 1999 Btw Admin po ig plz