#NSS家庭 [GUEST] 我有個小一嘅細妹，哩個年紀嘅細路都係見到小動物就話好鍾意要養。咁話說有一日佢地去類似金魚街咁嘅地方見到隻烏龜就話要買，而啲大人又真係買咗俾佢。 但問題係我屋企好細 根本俾唔到應有嘅生活環境龜龜 其實之前佢話要養嗰陣我已經同佢講過晒養小動物要為佢地負責等等blablablabla仲要唔止一次 雖然我都唔旨意佢真係會記得，但係啲大人明明聽著我同佢講哩啲，最後都仲俾佢買返嚟，我放學返到屋企見到隻龜真係diu出聲。 你話佢真係會用心照顧都算 但問題係無論係班大人定個細路根本就好似唔重視咁，完全就係貪得意。我喺佢地買返嚟嗰日已經係咁同個細嘅講我擔心嘅嘢同埋唔想佢買嘅原因。結果班大人就話咩我講到好似好識照顧咁，仲話只係一隻龜使乜咁著緊。雖然屋企細，其實佢地唔係唔可以俾更好嘅環境龜龜，只係佢地懶。佢地仲要話自己咩有做過資料搜集，但其實佢都只不過係問啲咩同學媽咪就算，方法完全錯L晒。明明人地係隻水龜佢竟然話水隻龜會浸死。 我好想救佢，但係我咩都做唔到，真係好無力。其他屋企人都唔認同佢地嘅做法，但係佢地唔係一齊住，都幫唔到啲咩。佢地話大個都會見到更多，要學識唔好在意。我已經試過唔好在意，但係見到隻龜龜日日都好抑鬱咁真係好想喊。可能會有人話我懶偉大咁，但係有養開寵物嘅人應該明嗰種感覺。我真係好想幫隻龜龜，少少都好，但係我連少少都幫唔到，我真係唔知要點做，好無力。 sorry for 1999
#NSS個人 [GUEST] 小妹今年F3。最近有個煩惱，唔知點算，想聽下大家嘅意見。篇文有啲長，唔好意思。 我有一個關係都幾好嘅朋友。佢係一個同我同班嘅女仔。我地翻學放學，係學校裡面都會一齊。基本上除咗同我講野之外，佢好少同其他同學傾計。有時我地放學翻咗屋企之後仲會傾好耐電話添！而且佢睇落成日都好開心，好樂觀。(例如：有一次佢好努力溫書，即使最後考得好差都唔會有任何唔開心嘅表情。)作為佢個frd，雖然有小小擔心，但都無太在意，因為有諗過可能佢真係完全唔care 嗰科嘅成績，同埋我覺得如果去問佢「點解你唔會唔開心嘅？」好似有小小奇怪。 但係最近，有一次同佢一齊去廁所洗手嘅時候我發現佢隻左手嘅前臂有好多條痕。好明顯係傷痕嚟，有深色有淺色。(=有新嘅傷口同舊嘅傷口)。我好驚佢有自殘傾向。但係我未見過自殘嘅傷口，所以唔敢肯定。嗰時佢好似發現咗我一直望住佢隻手，所以拉咗件冷衫個袖落嚟。 嗰日翻到屋企，我去Google 開無痕搵咗啲同自殘有關嘅野。其他人嘅傷口同佢嗰個真係好似。然後我又大概了解咗點解人會自殘，又嘗試學咗要點先可以係佢地有需要嘅時候幫助佢地(例如有咩講得，有咩唔講得)。其中一樣係，我無權去詢問，評論自殘者嘅傷口。我都好同意，因為我相信佢應該唔想比人知，亦都唔想無端端提起呢件事。但係如果佢真係一直都唔同我講嘅話我應該點做先幫到佢。我好驚如果我主動問佢嘅話會令佢覺得唔舒服。 之後過咗幾日無論幾熱都好佢都一直著住件冷衫，直到上PE堂嗰日。我諗應該係因為實在太熱所以佢除咗件冷衫。但係佢左手嘅前臂同膞頭下面小小嗰個位都有膠布，我真係好擔心佢。我唔知佢身體上仲有邊啲地方有傷口。我有嘗試搵機會問下佢最近有無發生啲咩唔開心嘅事，定係翻學壓力好大。但係佢無時無刻都表現得好開心，成日笑，我完全搵唔到機會去問佢。我有諗過要唔要同社工或者學校老師講。但係根據我自己嘅經歷，同社工講完嘅野第二日就會唔知點解傳到周圍都係。同老師講嘅話最後都係會連翻去社工度。我好驚我講咗嘅話到時佢仲大壓力，同埋會覺得我背叛咗佢。所以我唔夠膽講。但係我暫時又真係無能力處理到呢件事😭。 宜家諗翻，其實佢平時同我傾計嘅內容多數都係同學校或者我有關，佢好少講自己啲野。佢亦都有講過自己除咗signal 之外無用其他社交媒體，所以唔存在「係IG post 私人野，有關自己近況/情緒」呢件事。 佢經歷過嘅野，佢遇到嘅困難，佢嘅感受，我一樣都唔知。有一刻我甚至係度諗到底我同佢係咩關係，點解我對佢嘅了解得咁少。 但係無論點都好，我真係好想幫佢，但係又唔想傷害到佢嘅感受/我地嘅感情。請問大家可唔可以比少少意見我？或者話比我聽我係唔係有邊一步做錯咗。 多謝你睇完佢，Sorry for 1999.
#NSS愛情 [GUEST] 我知道你上周向我表白，我也知道我毫不猶豫地拒絕了你。我拒絕不是因為我不喜歡你，而是我太喜歡你了，所以才拒絕了你。我知道你的朋友告訴我你哭了，你很傷心，我知道。我很喜歡你，但我不能做出承諾。我無法想像你會在我身上浪費多少時間，或者你會有多少痛苦，因為我無法給你應得的愛。我知道我沒有能力喜歡你，在你難過時安慰你，甚至和你在一起。因為那些是關係的定義，我沒有資格。這就是為什麼我很抱歉我不能和你或任何人在一起。所以你必須知道，如果我說“我也喜歡你”。那麼，那是謊言。而我，寧願你活在真理中。 圖Link: https://www.google.com/search?q=anime+boy+smile+sad&safe=active&rlz=1C5CHFA_enHK914HK914&tbm=isch&source=iu&ictx=1&fir=YSx63P9qvDZZrM%252CFWK5dRiaCmu_5M%252C_&vet=1&usg=AI4_-kTy_c3-8kUGFQFSh7b-XcKNu_WKQA&sa=X&ved=2ahUKEwi7sqmK-vDwAhUBBZQKHSCZDhYQ9QF6BAgMEAE&biw=1440&bih=698#imgrc=YSx63P9qvDZZrM
#NSS個人 [GUEST] [長文］我女，而家f2。佢都係女仔，而家佢p6，我同佢同一間小學。我喺五年班嘅時候因為報咗同一個課外活動，所以先識佢。後尾我地熟左，我一直就唔係好成熟+貪玩，我成日同佢一齊呃老師話想去廁所，之後去廁所玩搓手液整泡泡😂，仲有用鉛筆放落墨水度，我哋真係玩到勁開心，我都有送過一次紀念品俾佢，因為我去左旅行。 / 兩年前(我六年級)我都約過佢幾次同我+同我同班ge frd出街玩，有陣時就得我同佢，佢都有上過我屋企玩，我簡直就覺得猶魚得水。 / 幾個月之後，我就畢業，我最尾嗰日唔知咩原因居然冇搵到佢。中一嗰陣基本上冇同過佢聯絡，後尾我就主動聯絡佢，咁我哋喺2020年九月開始keep住用手機聯絡。之後我發現原來我鍾意咗佢，咁我就用藏頭詩方法表白，佢居然接受左+佢話佢都鍾意我，9月嗰陣基本上日日都聯絡。因為都差唔多成一年都冇見，咁我之後就諗住約佢出嚟慶祝我下一個ge生日la，佢就話可以。 / 到咗我生日嗰日，我由朝頭早到夜晚都聯絡唔到佢，咁我就得佢可能有啲急事做，唔記得咗姐。但係，一日又一日過去咗，佢都仲未聯絡我。我都覺得不知所措，因為之前佢出街都未試過放飛機。 / 2020年11月，事隔1個月，佢終於聯絡返我，就係話佢部手機俾佢阿媽收咗，咁我都覺得六年班因為呈分試重要，收手機都好正常。咁我哋就傾咗一日la。到咗第二日，我就繼續搵佢傾偈，之後佢冇覆啦，再過多幾個鐘，佢都係冇覆我。咁我又覺得可能有急事做啫。 / 2020年12月，事隔1個月，佢仍然冇覆我。咁我就覺得佢阿媽又收佢手機la，所以我繼續等。 / 2021年2月，事隔2個月，佢仍然冇覆我。咁我就覺得考試完左應該會搵我ga la🤔之後我手殘delete+block左佢聯絡人，咁我就搵唔番佢🤦🏻♀️ / 2021年4月，我就嚟掛住佢掛到癲左，我個frd有佢電話號碼，之後我個frd就add佢同埋問佢點解消失左咁耐，之後佢話有一排冇用wts，同埋唔知搵唔番我，佢話佢一直都喺度搵我電話號碼，但係都唔得，之後佢同有問我個frd攞我電話號碼，之後contact番我，咁我地又甜蜜地傾左半日，之後佢要補習。佢返到屋企之後，我哋就繼續傾，佢有問我係咪幾多X月X號生日同埋佢承諾話6月8號考完試就一齊出街，但係之後佢又消失… / 而家，佢又繼續消失。我真係好掛住佢……我諗我真係太愛佢 / 我自己ge諗法:因為其實小六真係好忙，我嗰陣時都俾人收咗幾個月手機……我生日佢唔嚟，我都冇乜所謂la，但係我真係好想見到佢。其實我已經心累啦……. / 請問我應該點做好？等佢到6月8號？