#NSS個人 [GUEST] Admin po ig thx （純粹嚟呢度匿名放負吓，唔想又俾人話小氣同埋博同情） 首先睇之前先了解吓咩係鞭屍，鞭屍係將自己失敗咗嘅嘢，俾其他人用呢樣嘢笑（好似係咁） 小弟而家f3，係一個人緣好好嘅人，不過人緣太好其實唔係好事。小弟嘅皮膚好差，之前成面暗瘡，而且我f1嗰陣好賤，所以就變咗做又樣衰又唔信得過嘅人，咁自然就冇女朋友啦🥲。 點解我會話人緣好好唔係好事，就因為每日都會有人嚟鞭屍。我就有一班兄弟喺f2識嘅，咁我哋就會等埋一齊返學放學。之前冇咩事嘅，不過我其中一個兄弟有咗一個f2嘅女朋友(簡稱A)同埋就嚟可以同一個f2出pool嘅兄弟(簡稱B)呢兩個兄弟嘅感情生活越來越好嘅時候，佢就會開始鞭我話點解我仲未有女朋友，同埋唔係好直接咁話我係個失敗者。我曾經有諗過追B嘅曖昧對象，不過A同埋A嘅女朋友開解過，最後選擇放棄（A嘅女朋友同B嘅曖昧對象好fd)。不過到而家都仲係鞭緊 我嚟呢度放負就唔會咁簡單啦，（講到呢度我講返我嘅感情歷史先。我就曾經鐘意過一個同form嘅女仔，不過呢就叫做好後悔嘅感情，我哋鐘意對方嘅時間就係另一方放低咗嘅時候。）咁我返到學校，全班就會開始鞭我俾form2 reject 咗，不過我表白都冇，係有少少好感諗吓點，根住望吓塊鏡知道自己一定唔得所以放棄。 佢哋就唔會上堂講呢個，不過上緊堂就會好大聲咁大叫我俾同一個人reject咗兩次（我上面有講係邊個）差唔多每個科嘅老師都知而且嗰個女仔同我同一班咁就鞭足成日 未完架，我放學做完功課就會同班兄弟打幾，有時候就會叫埋A嘅女朋友同埋B嘅曖昧對象玩。呢啲時候我就純放鬆嘅心態玩啦，點知又鞭我屍。玩一個鐘就應該有30分鐘鞭我屍（睇清況），最慘就係全部人都會係咁笑，關於我嘅嘢我係唔會知，佢哋就喺度笑。簡單啲嚟講我咩都唔知就係好大聲咁笑我，得我係到扮晒嘢咁笑吓或者唔出聲。 睇到呢度就應該會有人問我點解唔同佢哋傾吓。你估我冇咩，我記得我有兩日唔忍就爆咗出嚟我嘅不滿。點知成班人同我鬥慘，咁我聽完就算啦，不過我想表達嘅嘢就表達唔到。最慘就係佢哋話好小事咋喎，你使唔使咁啊。我聽完我呆咗，根住就去瞓覺，不過瞓唔到… 我知道有人問點解唔絕交，你估我冇諗過咩…不過認真講句，佢哋之前唔鞭屍嘅時候都幾好人，不過而家每一刻我都俾人鞭緊，我都好攰。 （唔好comment 閱或者 noted with thanks，我用咗好大嘅勇氣同埋寫咗一個鐘㗎🥲）
#NSS個人 [［guest］] admin po ig thxxxxxx 淨係想問下有冇方法可以婉轉啲同阿媽表達自己想睇心理醫生？ 幾個禮拜前屋企發生咗幾件事,令以前我仲可以自己控製到嘅些少抑鬱,開始變得越嚟越嚴重(連續幾日開始失眠,本來淨係溫三日就可以搞掂百幾頁嘅中史,一日淨係可以溫到兩頁紙…)我開始感受唔到快樂,開始幻想畀車撞死定係跳樓死會更加痛… 前幾日因為va堂需要所以買咗把界刀,輕輕咁界落隻手嗰下我覺得有少少舒爽,我覺得我開始控制唔到我嘅行為,我想喺死之前再掙扎下… (要寫曬所有嘢會好長,所以淨係簡單咁講下) sor for 1999
#NSS家庭 [GUEST] 我今年13歲 單親家庭 讀名校嘅 但係成績好差，咁話說我有個好煩嘅老母，由中一開始我已經覺得佢好煩好難頂，因為家境問題我同佢同房，我一起身佢喺隔離不停問我野，跟住佢放工返黎又係咁嘈我。 我平時有打機嘅，咁正常打排位都暫停唔到架啦，更加唔會因為佢少少事而掛機架嘛，次次我打機嘅時候佢就沖入黎話你又打咩機呀，跟住又叫我做呢樣做果樣，我同佢講我打完做啦唔好煩我佢又喺度講話 點解你變左咁多 學壞哂，你識左啲咩人呀咁。講真打機有咩問題？ 次次佢為左要我做一件事佢可以喺我隔離嘈到我肯做為止，我叫佢唔好嘈又話我態度差 咁當刻我真係有野忙緊吖嘛，到週末就基本上全日喺我耳邊嘈，佢平時9點幾訓我又要跟埋佢一齊訓，真心好辛苦。 尋晚佢就幫我拎啲野返屋企，咁返到屋企嘅時候咁岩我喺度打緊機，佢就話我打機重要過佢，但係我係帶緊朋友同埋我玩打野如果掛機之後會好難搞，佢返到黎我幫佢搞野我已經掛左陣機，之後佢又鬧我完全唔關心佢咁辛苦，仲係度自己打自己，話做我老母好淒涼，我當然有同情佢啦 但係望到佢扮可憐真係乖唔落，之後佢仲跪喺度叩頭，打舖機姐，洗唔洗咁誇張呀。。。 咁到今日起身嘅時候我發覺我枕頭底有隻手摸黎摸去，原來我阿媽想搶走我部電話，跟住我咪推開佢囉，佢叫我10點開始溫書 但係佢喺我隔離鬧我態度差鬧到10點 我野都未食。好啦咁我食完都差唔多11點半 佢就叫我溫書（佢坐喺我隔離溫果隻）我真係好唔鍾意溫書嘅時候有人喺隔離嘈，所以我咪話得啦我自己搞你唔好煩我，跟住我想放低部手機差電佢跟埋我入房一直重複同一句”坽啲書出黎“ 我咪好大聲咁講 得啦你可唔可以唔好再嘈呀唔好沖出黎啦 跟住放低部手機打算差然後溫書，點知佢一野搶走左仲用其他人要脅我。我咪話囉 你佔有慾唔好咁強得唔得我鍾意用咪用囉關你咩事姐 我自己有自己嘅野要做，佢就話我都唔想養你架 但係我生你出黎冇辦法，點解講到好似係我逼佢咁？跟住就話唔肯比返部手機我。到底我應該要點做，對住佢啲脾氣真係好辛苦，我自己都有朋友要搵，我依家都係用電腦去投稿。
#NSS家庭 [GUEST] 我而家form1，讀女校🧏🏻♀️ 一直都有去補習 但係最近唔知點解我老母不停提學費 因為最近補習功課冇做哂 佢就話：其實miss/阿sir比你D功課真係要做囉，佢哋比心機教你，如果你咁懶佢哋都唔想教你啦。仲有我都畀咗錢㗎嘛… 唔係話錢嘅問題，係你有冇心去補 我聽完真係O哂嘴，其實兜兜轉轉咪即係想暗示：比咗錢，冇做哂功課就蝕lor 點解唔直接D呢？？？ 仲有一次幾煩躁就係因為我唔係太想去補就遲出門幾分鐘，佢又話：如果你覺得冇用咪唔補囉？！ 我最唔鍾意就係你明明想我做但又係都要講反話😶 仲有可唔可以唔好開口埋口都係錢呢？ ————————————————————————– 小妹單純想講出嚟😹知道自己文化好唔流暢同埋ho多錯字 sorry
#NSS個人 [GUEST] 想發洩一下 admin po IG thx hello 我係一個f3嘅女仔 講小小背景同say個sorry先 (因為遍野完全係靠我當下嘅感受打出嚟所以會好亂) 屋企係一個好普通嘅中層家庭 雖然有老豆老母 但係我感覺我自己好似活於一個單親家庭 由小到大父母關係唔算太好 細個嗰陣父母己經成日鬧交但係都唔會話冷戰 都算快就和好 但當我越嚟越大父母不但成日鬧交仲要成日冷戰 令到我成日都要做和事佬 一開始都係冷戰一兩日 到而家 己經係月計 我本來係一個好樂觀成日笑嘅女仔 但到而家朋友同學老師對我嘅cm就淨番 “好cool”